قطعت بنزين والا فصلت كهرب؟؟ يا اهل الباثفندر

[عابد-]

ياجماعه والله اني مستحي منكم مشاركتي قليله في الخيمه وكل ما شاركت ابحث عن حل مشكله لكن السموحه منكم لاني جديد على الباثفندر واذا صرنا خبره ابشروا بالخير
اليوم ماشي ومعين من الله خير والسياره قبل يومين جاي بها من سفر370كم ولا فيها الا العافيه بدون سابق انذار طفت وهي ماشيه وقفت على جنب وشغلت ولا اشتغلت جلست شوي وشغلت واشتغلت ومشيت عليها وبعد5كم طفت وهي ماشيه المهم انها آخر مره طفت وانا واقف في الاشاره ويالله اشتغلت ورجعتها البيت وانا محتار هالمشكله وشهي منه ؟؟كأنها قطعت بنزين؟؟انا جا في بالي انها الصفايه حقت البنزين لكن انا مغيرها قبل 3شهور فزعتكم يالربع انا اذا عرفت المشكله انحلت بحول الله لكن اكيد لوو بروح للورش بيبدون معاي مشروع التغيير غير وغير؟؟
ملاحظه: وانا جاي من السفر مشيت فيها190 كتجربه لمسافة 5كم تقريبا انا اقول يمكن يكون فيه طين والا تراب في غير ذا الوجيه طلع مع الضغط في الفلتر والبخاخات؟ لكن انا ما لاحظت شي وقتها


(http://www.mekshat.com/vb/editpost.php?do=editpost&p=6889468)

[عابد-]

يا خبراء وينكم؟؟

[صقر ولد صقار]

طيب ولعت لمبه بالطبلون

[عابد-]

طيب ولعت لمبه بالطبلون

اي نعم ولعت لمبة المحرك وفصلت البطاريه ولا طفت

[محترف]

السلام عليكم بإختصار شديد
إذا السيارة تطفي وقت الحر او والبنزين فيه الربع وأقل تكون المشكلة من الطرمبة ...
إذا طفت معك عب بنزين وتأكد .. إذا سلكت السيارة تكون المشكلة من الطرمبة بسبب الحرارة .....(صارت معي)
وتقبل التحية وبالتوفيق

[صقر ولد صقار]

الشغلة سهله ان شاء الله
اشتر بخاخ منظف الكتروني افصل البطارية فيه حساس على قربة الهوا افصله ونظفة بالهوا فقط
ثم فك قربة الهوا من لم المكينة ورش على الفتحة حقت المكينة وامسحة ونظفة ثم ركبة واشبك البطارية وسم بالله وشغل .
واذا كان فلتر الهوا خربان غيره باصلي .وبشرنا

[عابد-]

الله يعطيكم العافية ومشكورين على تجاوبكم لكن اليوم الصباح كلمت ابو ابراهيم متخصص بالباث وسألني اذا المبه حقت المكينه ولعت قلت نعم قال هذا حساس وانا متوقع من الطرمبه والله اني اخترت لكن ابجرب التنظيف مثل ما قال اخونا ولد صقار

[عابد-]

السلام عليكم بإختصار شديد
إذا السيارة تطفي وقت الحر او والبنزين فيه الربع وأقل تكون المشكلة من الطرمبة ...
إذا طفت معك عب بنزين وتأكد .. إذا سلكت السيارة تكون المشكلة من الطرمبة بسبب الحرارة .....(صارت معي)
وتقبل التحية وبالتوفيق


السياره مره تسلك ومره ترجع نفس الحاله خصوصا اذا دعست على مطبات او اذا طلعت الحراره شوي والبنزين فل

[Dr.drb]

هلا اخوي عابد .. اخبارك ... مشكلة بسيطه بإذن الله

صارت لي ذا المشكله قبل اسبوع .. والسبب من حساس الهوا الي بعد قربة الهوا .. الي سويته اني وقفت عند البيت و فصلت حساس الهوا .. و نفخته بقووه و رجعت ركبته.. و زانت الامور ولله الحمد

و بخصوص لمبة المكينه اذا جيت بترقد افصل البطاريه (السالب) و خلها مفصوله لمدة 4 ساعات او اكثر بعدين اشبكها و توكل على الله

اتمنى اني افدتك
جرب ذا الطريقه .. واي شي ثاني انا في الخدمه ولا يهمك :D

[Dr.drb]

الشغلة سهله ان شاء الله
اشتر بخاخ منظف الكتروني افصل البطارية فيه حساس على قربة الهوا افصله ونظفة بالهوا فقط
ثم فك قربة الهوا من لم المكينة ورش على الفتحة حقت المكينة وامسحة ونظفة ثم ركبة واشبك البطارية وسم بالله وشغل .
واذا كان فلتر الهوا خربان غيره باصلي .وبشرنا

لا هنت اخوي صقر .. من وين اشتري ذا البخاخ ... و بخاخ اسي ديلكو ينفع ؟؟؟؟

[صقر ولد صقار]

البخاخ انا شريته من ساكو لونه احمر مكتوب عليه الكترونك بالانقليزي وفيه صورة فيش

[الليث الذهبي]

اذكر ان احد مشاكل الباث فندر الحساس بسبب اهمال الفلتر من التنضيف قد يكون حساس الثروتيل ما اعرف اسمه بالضبط لكن حول هالاسم الي يعرفه من الشبا ب يفيدنا به
ومن اعراضه السياره تبدا تنتفض ثمن تطفي احيان واحيان تسلك وتولع لنبت المكينه فالطبلون
انت جرب نضفه بالبخاخ زي ما قالو الشباب
وانصحك توديها لبو براهيم فاهم فالشغلات تبع الباثفندر

[عابد-]

اذكر ان احد مشاكل الباث فندر الحساس بسبب اهمال الفلتر من التنضيف قد يكون حساس الثروتيل ما اعرف اسمه بالضبط لكن حول هالاسم الي يعرفه من الشبا ب يفيدنا به
ومن اعراضه السياره تبدا تنتفض ثمن تطفي احيان واحيان تسلك وتولع لنبت المكينه فالطبلون
انت جرب نضفه بالبخاخ زي ما قالو الشباب
وانصحك توديها لبو براهيم فاهم فالشغلات تبع الباثفندر

شوف انه تنتفض لا ما تنتفض لكن تطفي بالضبط كانك انت اللي مطفيها هذا اللي صار معي؟؟

[عابد-]

اكبر على الحــــساس &&& من بعده الحال معفوسه
من امس وانا معه محتاس &&& واليوم خلعت انا ظروسه

ابشركم انحلت مشكلتي يالربع وطلعت المشكله من الحساس ولكن ليس حساس الهواء كما توقع بعض الشاب الله يعطيهم العافيه انما حساس الكرنك الخلفي اللي يجي ورى الكرتير حتى مكانه معفوس ومنزوي ولهو مبين نفسه مثل الرجاجيل؟؟
وشكرا للجميع والله لا يوريكم مكروه في حساساتكم ولا تواخذوني ترى صاحبكم تعقد من الحساسات
حساس طول نص الاصبع يكلفك 410 ريال حسبي الله ونعم الوكيل

[الباثفندر 3.5]

اكبر على الحــــساس &&& من بعده الحال معفوسه
من امس وانا معه محتاس &&& واليوم خلعت انا ظروسه

ابشركم انحلت مشكلتي يالربع وطلعت المشكله من الحساس ولكن ليس حساس الهواء كما توقع بعض الشاب الله يعطيهم العافيه انما حساس الكرنك الخلفي اللي يجي ورى الكرتير حتى مكانه معفوس ومنزوي ولهو مبين نفسه مثل الرجاجيل؟؟
وشكرا للجميع والله لا يوريكم مكروه في حساساتكم ولا تواخذوني ترى صاحبكم تعقد من الحساسات
حساس طول نص الاصبع يكلفك 410 ريال حسبي الله ونعم الوكيل

الحمد لله انه نحلت المشكله
410 ليه قاعدين على بنك!!!
حسبنا الله و نعم الوكيل

[ابوانس20111]

الحمد الله ان المشكله انح لت