سرقة الايطارات ( الكفرات ) من السارق وكيف يتم بيعها

[ابو درع]

حيكم الله

نعم كيف يتم بيعهم ومن المستفيد الاول ,,!!! وهل يعتبر متستراً ..

سوى كان تاجر او مستفيد ،

تحياتي ،،

[عبادل المالكي]

انت اخوي شكل انسرق عليك كفر واحترت ليش يسرقون الكفر وش يبون به اولا اللي يسرقون عادة شباب وحقين خراب يبون اي شي بس يمديهم يبيعونه باسرع وقت اما بالنسبه من يشتري فهم اصحاب البناشر خصوصا الجنسيه اليمنيه والافغانيه وهم يعرفون سلفا ان الكفر مسروق ولو رحت للبناشر بتلاقي كفر بجنوط او كفر بدون جنوط شبه جديد ولو قلتله من وين جايبه بيقول واحد غير كفرات بتقوله ليش غيرها وهي جديده بيقول غير الجنوط وصارت الكفرات صغيره ما تركب على الجنط او العكس انا قريب لي كان معه فياغرا وتوه شاريها وحاطها جنب البيت يوم صحي اليوم الثاني والا الكفرات الاربع بالجنوط مشيوله ومعمدين السياره على طوب ..............................

[gomr-15]

واضحه سبب السرقه اذا الكفرات والجنوط تسوى يبيعونها

واحيانا يسرقون عشان يفحطون عليها

مافيه غير هالطريقتين يسونها

[ابو درع]

الحمدلله لم يسرق مني شى .. ولكن اتسأل الاستهتار بصغير قد يكبر ويعغم امرها .
والمشتري لا يجهل !!

[غلطه ثمنهاروح]

الله يهديهم ويفتح على قلوبهم

[سليمان الربيعان]

لو يطبق حد السرقه كان ما شفت احد يسرق ... لكن ما نقول الا حسبنا الله ونعم الوكيل

[احمد صالح 1]

الله يصلح الحال
مايخشون الاثم
ومايخشون دعاء الناس عليهم
لو فرضنا انهم سرقوا كفرات واحد ظروفة صعبة
ويدعي عليهم بانصاف الليالي وش يستفيديون
لو نظر الانسان بعواقب فعلتة لندم وتحسر
الله يصلح الحال والاحوال

[راعي الدويمع]

الله المستعان

[ا ب و نايف]

الله يهديهم

[أبوعابد 22]

لو يطبق حد السرقه كان ما شفت احد يسرق ... لكن ما نقول الا حسبنا الله ونعم الوكيل
صح لسانك أخوي هذا الكلام الصح

[ابوالهيام]

يسرقونها الي هممهم رديه والله يهديهم ذاك اليوم صايد تكروني سارق من واحد كفرات يوم حجرت له مسوي ولد عز يقول باشتري نظارت شمسه ولا بعد تكون طبية يعني بالله هذا وش اسوي فيه ؟؟؟؟؟؟

[أبوياسر74]

ولد أخوي سرقوا سيارته كيا موديل 2009

والغريب وين حصلها في مغسلة سيارات في الشفا

دخلها اللص في المغسلة وتركها وراعين المغسلة يوم ما جاء ياخذ السيارة اتصلوا على الشرطة وجاؤوا وحصلوا سليمة وطبعا كان عليها بلاغ

المهم السيارة سليمة ولله الحمد فقط سرقوا الكفرات الأربعة بجنوطها الألمونيوم

والغريب حصل الجنوط والكفرات الأربعة عند بنشري في الغرابي والغشيم (ولد اخوي)اشتراها من البنشري ب 2900 ريال ولا اشتكى على الشرطة مع ان البنشري اعترف انه شراها ب 900 ريال من شاب اكيد هو اللص!!!

[ارفع مقامك]

لو ماحصلو فيها عيشة ماسرقوها
والمستفيد الاول والاخير البنشري اللي يشتريها