شوف المساوم على دبة PRIMUS

[hlail]

السلام عليكم ورحمة الله وبركاته

هذي دبة بريمس شعللت نار بالمساوم والزيادات

في موقع ebay


http://farm6.static.flickr.com/5308/5845475647_cb16428aa4_z.jpg



http://farm4.static.flickr.com/3462/5846010206_0329eeb27f_b.jpg


http://farm6.static.flickr.com/5029/5846010240_962a5e690d_b.jpg

[عاشق السيل]

415 دولار ؟؟؟؟؟

على إيش ؟؟؟؟؟؟

[hlail]

انا مثلك مستغرب على ايش
دخلت المساوم واثر الشغلة مو لعب مشعللة

ومن دون الشحن 17,15 دولار

[رامي ع الموت]

وعليكم السلام ورحمة الله


اغلب مزايدات الايباي فيها تلاعب يعني لو تزود دولار خلال ثانية يزاود عليك واحد بـ3 دولار يستخدمون برنامج للتلاعب وبعضهم باتفاق مع بعض الاعضاء في الموقع امسك لي واقطع لك


وقليل فيهم الصادق والافضل انك تزايد في آخر 5 دقايق اذا كان السعر بالنسبة لك مقبول


تحياتي

[Desert Boy]

المشكلة الدبة ذي حقت لوكس أضاءة
ليست مصممه للمواصفات الموجوده عندنا

شوفوا محبسها وتعرفون

[أبوعابد 22]

يابن الحلال دبه أيطاليه له عندي 10سنوات ولا احلا منها
ولافي أي مكان وألا وأخذه معي ولا ازين منها
على أيش السعر المرتفع وشكلها يا الربع حقة نور مهي دفور
الزبده تصميمه غير الي عندنا

[سناعيس]

يا دافع البلا وش ذا الهبال :D هههههههههههههههههههههه

يا ناس تراه بريموس لا راح ولا جا ;)

بس اخذها راعي النصب ربي يوفقه :good2: :good2: :good2:

[ابو الجمان]

يا دافع البلا وش ذا الهبال :D هههههههههههههههههههههه



يا ناس تراه بريموس لا راح ولا جا ;)



بس اخذها راعي النصب ربي يوفقه :good2: :good2: :good2:


:D:D:D:D:D:good2::good2::good2:

[فهدالغيهب]

ياخي صراحة هبال بس مدري على ايش .

بس تدري كلما طلعت من موضوعك قمت ودخلته مرة ثانية أعاين المزيونة ، وبعدين اقول تراها دبة لاجت ولا راحت ، ثم اقوم احك صابري واهون وارجع ادخل اكحل عيني بها .

اقول ما يمكن الواحد يسوي منها استنساخ ههههه

[بن.حسن]

صراحة ياهي دبه


بس اقول ....... ولا بلاش


الله يعطي من شراها خيرها ويبعد عنه شرها


----------

[قناص خلاوي]

اثر المهابيل واجد
ماهم ربعنا بس :)
اجل دبة لوكس توصل 1600 ريال ؟؟
الحمدلله على العافية
واهل العقول براحة

[storm way]

سعر فوق الخيال

اشوى ان واحد من الاعضاء مسوي توقيعه نفس الصوره وببلاش :good2:

الله والعالم لو يدرون عنه ممكن يحاكمونه :D

[hot_line]

الله يرزق من اخذها لكن 1600 ريال معصي اخذها :D

[اصيل نجد]

الله يرزقهم بس شي فيه فوق المبالغه يعني هالمبلغ وشو عليه

[wafi4sa]

لا تعليق ...........................!!!

[ابو سيـف]

مرض لا يوجد له علاج
المزيونه حلوه حلوه بالحيل ولكن سعرها (( يمصع التسلوه ))
الله يبارك لصاحبها
تحياتي

[الناب]

صراحة ياهي دبه



بس اقول ....... ولا بلاش


الله يعطي من شراها خيرها ويبعد عنه شرها



----------




إي والله يا هي دبه
ههههههههههههههههه
الله يعطي من شراها خيرها ويبعد عنه شرها


موفقين خير
أخوك
بن فهد

[الرحال2222]

كثير مرات انا اشتري من الاي باي وحبيت اقول شغلة للي يقول هذولا نصابين وما ادري ايش
والله اني اثق فيهم اكثر بكثير من اي موقع مزايدات عربي اصلا ما فية مقارنة هذا يظمن لك السلعة الى ان توصل ليدك
الزيادات الوهمية هذي بالحراج عندنا تلقى السيارة 5 الاف يدبسونها بظهر مسكين 20 الف
حلاوة الاي بي اذا لك نفس بشغلة وبتشتريها مافية فكة تحط سعر عالي والبرنامج يزاود عنك فيها
لاحظ اللي شراها اخذها بمزايدة واحدة ممكن حط مثلا 500 دولار ولاحظ اللي تحتة حط ثلاث مزايدات طبعا كل ما حط واحدة طلع علية البرنامج اوتوماتك بامر من البائع الاخير يزيد على كل مزايدة دولار الى ان يتعداء حدك اللي حطيتة ويتوقف البرنامج

على العموم للمعلومية اذا دفعت عن طريق الاي بي يكون على السلعة ظمان يعني اذا ما وصلتك يرجع لك الموقع السعر عصبا عن اطلق شنب وحصلت معي مرتين قبل كذا

[no fear 78]

على قولة اخوانه المصرين الي عند مال امحيرو يشتري حمام وطيرو

[حبران والمسمى]

على قولة اخوانه المصرين الي عند مال امحيرو يشتري حمام وطيرو

هذا الكلام
والله يرزق كل مسلم بالطاعة
والرزق الحلال الطيب

[الخولاني]

يا ما دخلت في مزايدات كثيرة في الآي بي ولكن بأسعار معقولة وودي استخدم والكثير منها تم شرائها من أعضاء من المنتدى وبعد فترة يتم عرضها هنا وتوصل لمربح مجزي الله يبارك للجميع

بس يعلم الله ما قد فزت في مزايدة

بالنسبة لهذه الدبة اصبروا كم اسبوع وبتوشوفوها معروضه هنا

[AxR979]

مكتوب باول شيء VTG اختصار لكلمة Vintage و معناه قديم او اثري و مصنوعة سنة 1968 يعني اللي بيشري غالبا مهب مستعمل ..

الشيء الثاني سعره معقول اذا قارناه مع البغداديات اللي تباع بضعف سعره ..

[دل البحار]

لو فلوسي تعدي سقف البيت اما 1600 ريال وبعدين باين هي حقت اضأه مولموقد ولاتنفع تحط عليه راس
بصراحه شكل البريموس اخذ له وجه فوق اللازم

[سرهيد]

السلام عليكم

الحقيقة انني كنت من المتابعين لها وقد دخلت فيها بسقف 80 دولار .

لكن انها تصل هذا السعر فهذا اشوفه مبالغ فيه ... بس ترى الهاوي ما يرده شيء .

واجزم انه جاء عليها تحدي والا سعره لو لم يأت فيها تحدي لن تتجاوز 150 دولار او 200

لانها قديمة وجديدة في نفس الوقت ...

اما من ناحية التعامل مع هذا الموقع اللي هو الأيبي اشوفه يحمي الشاري اصلا ولا يحمي البائع ... حيث انه لا يعرض السعر اللي يدخله به على طول بل يزيد مبلغ بسيط الا اذا كان فيه احد داخل بحول سعره او اعلى ...

وعلى فكرة يا اخوان ترى الاثري يختلف ان كانت اثرية وبامكانك تراجعون سوق الزل لتعرفون الاثري كم يرتفع سعره ...

ومبارك للبائع والله يخلف على الشاري ويهنية بما اشترى ..

الا على طاري الاثري احد بيشتري الدبة اللي في التوقيع ما دام الدعوى مثل هالاسعار :) امزح

تقبلوا احترامي

اخوكم

ابو عبدالله

[ابو عزيززز]

اخوي

اعتقد المبلغ عادي او اقل من عادي اذا كانت القطعه نادره

وفي المنتدى من وقت قريب انباع دافور ثلاثه رطل ب1400 وزعل بعض الاعضاء لانهم يبون يزيدون فيه

واذا بغيت تستغرب فلاتستغرب من قطعه بيعت ب1600 ريال بينما عندك العجايب و ناس تبيع المعزا والتيوس بميات الالاف وتبيع البعارين بعشرات الملايين ولعلكم تتذكرون بيع ثلاثة بعارين باكثر من خمسين مليون في العام الماضي في احد تجمعات المزايين

[أبوصالح9]

ياحلالات من فتح سنة براسه وركب عليها الماصورة اللي مع الدبه وقاله ( انت ؟؟؟ )

[a1s1am]

عسى الي أخذه مهوب سعودي بس ترى ربعنى ميقصرون في هذا اشي

[شنطة عده]

كثير مرات انا اشتري من الاي باي وحبيت اقول شغلة للي يقول هذولا نصابين وما ادري ايش
والله اني اثق فيهم اكثر بكثير من اي موقع مزايدات عربي اصلا ما فية مقارنة هذا يظمن لك السلعة الى ان توصل ليدك
الزيادات الوهمية هذي بالحراج عندنا تلقى السيارة 5 الاف يدبسونها بظهر مسكين 20 الف
حلاوة الاي بي اذا لك نفس بشغلة وبتشتريها مافية فكة تحط سعر عالي والبرنامج يزاود عنك فيها
لاحظ اللي شراها اخذها بمزايدة واحدة ممكن حط مثلا 500 دولار ولاحظ اللي تحتة حط ثلاث مزايدات طبعا كل ما حط واحدة طلع علية البرنامج اوتوماتك بامر من البائع الاخير يزيد على كل مزايدة دولار الى ان يتعداء حدك اللي حطيتة ويتوقف البرنامج

على العموم للمعلومية اذا دفعت عن طريق الاي بي يكون على السلعة ظمان يعني اذا ما وصلتك يرجع لك الموقع السعر عصبا عن اطلق شنب وحصلت معي مرتين قبل كذا


الذمه والامانه والصدق والموثوقية صارت شعار لغير المسلمين للاسف
انا مشتري سلعه من شخص وارسلها لي من المجمعه الى الرياض على شركة زاجل لا بارك الله فيها
ولي ثلاثة اشهر ما استلمتها ورفضو يعوضوني بمبلغ التعويض الى هم حاطينه شرط
اذا فقدت السلعه او تلفت وهو مبلغ 50 ريال
وعندي تقرير كامل موثق بالصور عن هذه الشركة
ابنزله عنهم بعد نهاية الاختبارات
يكشف لكم امور خطيره عن هذه الشركة
التي اضاعت واتلفت اغلب السلع المرسله عن طريقهم

[ابوصالح77]

الزين يستاهل
والمولع بحب العذارى ما يلام

[الرحال2222]

الذمه والامانه والصدق والموثوقية صارت شعار لغير المسلمين للاسف
انا مشتري سلعه من شخص وارسلها لي من المجمعه الى الرياض على شركة زاجل لا بارك الله فيها
ولي ثلاثة اشهر ما استلمتها ورفضو يعوضوني بمبلغ التعويض الى هم حاطينه شرط
اذا فقدت السلعه او تلفت وهو مبلغ 50 ريال
وعندي تقرير كامل موثق بالصور عن هذه الشركة
ابنزله عنهم بعد نهاية الاختبارات
يكشف لكم امور خطيره عن هذه الشركة
التي اضاعت واتلفت اغلب السلع المرسله عن طريقهم


اخوي اذا لديك الاوراق اشتكيهم بوزارة التجارة واطلب تعويض اكبر نتيجة لمماطلتهم
المصيبة هنا اذا سكت عن حقك اكلوك الشركات والبنوك سلام سلام بدون اي ذمة

[عزيز 3333]

اخوي مهاوشني عشاني ماخذ دبة بريموس الطويلة 1 ........... 180 ريال

[شاهد عيان]

وعليكم السلام ورحمة الله



اغلب مزايدات الايباي فيها تلاعب يعني لو تزود دولار خلال ثانية يزاود عليك واحد بـ3 دولار يستخدمون برنامج للتلاعب وبعضهم باتفاق مع بعض الاعضاء في الموقع امسك لي واقطع لك


وقليل فيهم الصادق والافضل انك تزايد في آخر 5 دقايق اذا كان السعر بالنسبة لك مقبول



تحياتي

لا يالغالي مافيه لعب ولا أي شيء
الطريقة التي ذكرتها هذه تعرف بالمزايدة الآلية ..

مثال :
وجدت سلعة بالايباي عليها مزايدة .. مثلا وصلت المزايدة إلى 100 دولار ..
أقوم أنا بوضع لها سعر تقديري يبدأ مثلا من 100 دولار وحدي الأقصى فيها 150 دولار .
تجي أنت وتزاود عليها تبدأ من 105 دولار ثم يقوم الموقع آليا بالمزاودة عليك ويخليها 110 دولار ثم أنت تزود إلى 115 ثم هو يزود عليك ويخليها 120 وهكذا ... حتى تصل إلى 150 دولار بعدها إذا زاودت أنت عن 150 دولار تكون المزايدة من نصيبك ! ولا يقوم الموقع بالمزايدة عليك ..

[mr.muhmmed]

اعتقد يستخدمون النجش او اكيد

لاكن المزايده ذي شكله لعبه

يعني مهب معقوله واحد يبي يشري دافور ب 1600