يالربع ابي رايكم بدربيل سايز الالماني

[الشلاعي]

السلام عليكم ورحمه الله وبركاته



اخواني الموضوع من عنوانه انا بشتري دربيل واسمع ان دربيل سايز هو افضل دربيل وصراحه حصلت اشكال منه ومقاسات ومادري وين الزين منها ياليت اللي له خبره ويعرف يفيدني خاصه بالمقاس لاهنتم



بأنتضار ردودكم

[نسري بالليل]

يفيدونك الشباب
عندهم خبره في هالمجال..........
موفقين..

[الشلاعي]

نسري بالليل مشكور على المرور

[الشلاعي]

وين اهل الخبره يالربع طلبت رايكم وش بلا العالم

[ابو عزيززز]

اخوي

قبل جاوب على الاتي:

وش الغرض من شراء الدربيل؟

كم عمرك؟

كيف شوفك ....وهل تلبس نظارات اثناء القياده او نظارات للقراءه؟

جاوب بعدين نحكم وش يصلح لك

[أبوراشد]

من رأيي الزايس اللي قيمته 6000 هو عبارة عن 2000 للدربيل و4000 لإسم الشركة (العريق)!
فيه درابيل لا تقل جوده وعليها ضمان 30 سنة وأسعارها مناسبة
سيّر على الهدف وجرب الزايس ودربيل آخر بربع قيمته وهو minox صناعه ألمانية تجميع ياباني وأحكم بنفسك
مثلا / هذا مشتريه قبل سنتين ممتاز صافي وبارد على العين ودايم بالدرج
http://www.minox.com/index.php?id=3384&L=1

الخيارات كثيرة والتجربة خير برهان
ونصيحة أخرى إذا جيت تشري أي دربيل من الغاليات ترى جدعة الـ500 أو الـ1000 ريال مهيب شي
,,,,

[الشلاعي]

ابو عزيزززز ههههههههههههه شوفي تمام التمام شكلك دكتور عيون هههههههههه انا بشتريه عشان الطيور ( الصقور) ابي اللي يقز قز يميز الطير من 5 كيلو عالاقل *_^

[الشلاعي]

ابو راشد بيض الله وجهك على توضيحك ...... وبالنسبه للفلوس والله مامن ميزانيه للغالي انا ودي باللي قيمته معقوله لو مستعمل ويكون نظيف بس مادري الminox هذا وشو من لحيه هل هو بارد على العين لاني اذا دربلت ما افك الدربيل لين يشتكي اخاف يعميني

[ابو عزيززز]

:D


اخوي


بما ان شوفك ممتاز وتبغى الدربيل لمسافات طويله فحذ دربيل يقرب اكثر ووزنه يكون خفيف نوعا ما


واعتقد ان المقاس 10 في 40 او 42 مناسب لانه خفيف او 10 الى 12 في 50 وان كان اكثر وزنا ولكنه سيكون اوضح صوره .... او في هالحدود من المقاسات المشابهه


هذا من ناحية المقاس اما من ناحية النوعيه فهي تعتمد على الكاش اللي بالمخباة


والزايس الالماني والشفارسكي النمساوي من افضل الدرابيل بالسوق
مع العلم ان صفاء الدربيل يعتمد من شخص لشخص وممكن ترتاح لدربيل ماهو من ماركه مشهوره ورخيص ولاترتاح لدربيل ماركه مشهوره وغالي وان كان ذالك ليس قاعده او نادر الحدوث


على كل فيه شفارسكي مشهور وله سمعه طيبه وفايز بجوائز عالميه اول ماطلع


وهالدربيل هو


Swarovski 10x42 EL نمساوي الصناعه

وقيمة هالدربيل من 8 الى 9 الاف ريال عند الرمايه على ما اظن


ربما يكون هذا الدربيل هو الدربيل لامثل لك وللغرض اللي انت تبيه علشانه


وبالتوفيق

[الشلاعي]

ابو عزووووز شكرا على رأيك وماقصرت عالاقل عرفتني اسم الشركه لكن قيمته غاليه بالحيل وانا اخوك انا من ناحيه القيمه ابي من 2500 وانت نازل لو مستعمل واللي عنده دربيل طيب بهالقيمه لا يبخل علينا

[هواوي.]

ابو عزووووز شكرا على رأيك وماقصرت عالاقل عرفتني اسم الشركه لكن قيمته غاليه بالحيل وانا اخوك انا من ناحيه القيمه ابي من 2500 وانت نازل لو مستعمل واللي عنده دربيل طيب بهالقيمه لا يبخل علينا

هلا الشلاعي مساك الله بالخير
فيه دربيل سوار فسكى الاسطوره جربه تكره كل الدرابيل 10x40http://www.cliftoncameras.co.uk/uploads/products/swarovski_habicht_10x42_w_ga.gif (http://www.albreah.com/vb/redirect-to/?redirect=http%3A%2F%2Fwww.cliftoncameras.co.uk%2F uploads%2Fproducts%2Fswarovski_habicht_10x42_w_ga. gif)

[ذيب الشفا]

السوارفسكي النمساوي ودرجه اولى وافضلهم 8 /30 اللي كل عين توزن لحالها ربل اخضر طبعا وكيله الهدف فقط...

السعر في حدود 4000 ريال وبالنسبه للسايز الالماني غير موجود بالسوق الموجود صناعه هنقاري ولا يوجد

الماني الا مقاس 7/ 50 وتلقاه في سوق الزل وسعره في حدود 5000 ريال .... دور سايز الماني مستعمل

احسن لك في حدود 2000 الي 3000 ريال والا خذ السوارفسكي النوع اللي قلتك خذ العلم اللي يجمد على الشارب..............

[الشلاعي]

بيض الله وجيهكم يااالاأخوان وبأنتضار باقي اراء الاخوه خلونا نشوف وش نرسي عليه

[الاشقر النادر]

يا اخوان يوجد عندي للبيع دربيل كارل سايز 10*50 الالماني الاصلي
سومه وصل 1700 ريال ويستاهل اكثر الي عنده زود
يراسلني واتس اب 0595979130 بعد اذن الادارة

[ابو حااتم]

يا اخوان يوجد عندي للبيع دربيل كارل سايز 10*50 الالماني الاصلي

سومه وصل 1700 ريال ويستاهل اكثر الي عنده زود
يراسلني واتس اب 0595979130 بعد اذن الادارة

هل الدربيل موجود

[ترحال الويلان]

السلام عليكم
اخوي الشلاعي تبغى تعرف افضل مقاس اذا انت بلرياض تعال تقهوة بمخيمنا واعرض لك كل المقاسات
وانا استخدم السايز من زمان وافضل مقاس فيه 7*50 واذا حبيت تجرب عندي كل المقاسات

[سمير الغامدي]

انا ضاع دربيلي وخرب سلاحي وجاني احباط من القنص.

[الاكسجين]

السلام عليكم ورحمة الله وبركاته
اخواني الموضوع من عام 2011 وتقبلوا مروري

[ابو حااتم]

السلام عليكم
اخوي الشلاعي تبغى تعرف افضل مقاس اذا انت بلرياض تعال تقهوة بمخيمنا واعرض لك كل المقاسات
وانا استخدم السايز من زمان وافضل مقاس فيه 7*50 واذا حبيت تجرب عندي كل المقاسات

اخوي افضل دربيل للمسفات البعيده من مانحيت الصفاوه وركود وتقريب

[مخاوي دابذريع]

اخوي ترحال ولايهونون الجميع والاستفسار للجميع /

س: دربيل اوميقا 7 × 50 وش هو من لحيه ؟!!

[ababoodlh]

معلومات مفيده