بخصوص صوت في الباترول

[وحش القفار]

لمن اشغل الباترول ويكون بارد يظهر صوت صرقعة مثل صرقعة البلوف
ياليت اللي مر عليه هذا الامر لايبخل علينا وله جزيل الدعاء
علما ان السيارة موديل 2000 بخاخ

[جيبي جايزلي]

غير الزيت سوبر شل وسيفون جديد من الوكاله والظاهر موترك ياخذ 8 علب مع السيفون

[ALBDRANE]

بحكم تجاربي للباترول الصوت الي عندك في وصلات الشكمان وعلاقات الشكمان بالشاص وخصوصاً الي تحت السواق وهذي دوخت واحد من الربع وفي الأخير أكتشفناها وحصلنا الجلد حقت الشيال متقطعه وأول ما يشغل السيارة وهي بارده مع انتفاض المكينه يطلع الصوت . وممكن يكون ماهو منها بس شيك وقلي وتحياتي

[ابو99]

اخي اذا مغير السيفون من غير الوكاله والصوت جديد الحق موترك وغير سيفون اصلي والا ترا موتري خبط بسببه

[_دربيل_999]

اخوي الأمر طبيعي جدً..
فالصرقعة للي تسمعها صوت البلوف او الجزء العلوي للمكينة قبل ما يصل لها الزيت..
أو تكون باردة ومنكمشة قليلاً وبعد التشغيل والحرارة يتمدد المعدن ويعود لحالته الطبيعية..


لاتسوي في سيارتك ولا شيء أن هذا طبيعي وخاصة في السيارات القديمة..


وفقك الله

[راعي الخضرا]

السلام عليكم

انا عندي سفاري ربع 2008 وفيه صوت في البلوف واضاهر نفس مشكلة اخوي والموتر جديد وانا رحت لمكنيكي يقولي غير زيتك وحط شل سوبر.

[وحش القفار]

لمن اشغل الباترول ويكون بارد يظهر صوت صرقعة مثل صرقعة البلوف
ياليت اللي مر عليه هذا الامر لايبخل علينا وله جزيل الدعاء
علما ان السيارة موديل 2000 بخاخ

طعبا الصوت يستمر ولايقطع المهم وديناه الورشة وسمع الصوت وقال البلوف تحتاج وزن والسيارات القديمه مش زي الجديدة لأن الجديدة وزن البلوف تلقائي من نفسها يعني الشغلة اتومتك والقديم كل 50 الف او عندما يظهر الصوت توزن البلوف قلنا توكل على الله بشرط تكون مسؤل عن شغلك مانبي تخمين ووزنا البلوف بـ 100 ريال وكانت النتيجه ممتازة ولكم مني خالص الدعاء

[ال-رايق]

لمن اشغل الباترول ويكون بارد يظهر صوت صرقعة مثل صرقعة البلوف
ياليت اللي مر عليه هذا الامر لايبخل علينا وله جزيل الدعاء
علما ان السيارة موديل 2000 بخاخ

اسمع يا وحش::-
الامور هذي صارت معي بالسفاري 91 بعد استخدام 9سنوات وارتفع الصوت اللي وصفته((تك تك ويجي من المكينة مع الجنب وخصوصا السيارة اذا هي باردة وضغط الهوا منخفض بعض الاحيان))
وكنت مواضب على وزن البلوف ، الحاصل ولا اتفاول عليك الا بخير اهملت الدنيا وزاد الصوت
وطنشت وعلى الخط السريع قربعت الدنيا بالمكينة ووقفته وشلته للورشه وللاسف احد البلوف كسر
السرندل وشريت مكينة ثانية والميكانيكي انهبل من نظافة المكينة الاولة وقال اول مرة يجينا سفاري
بهالشكل مع ندرة تخبيط مكاين نيسان حسب كلامه.
وعلى العموم نوع الزيت خصوصا20/50 فوكس وغيره يسبب هالطقطقه- سيارتي ارمادا2010 ومن لقافتي غيرت بهالنوعية عشان الحر وسمعت نفس الصوت
لاول مرة عالخفيف و قلت عوذاالاني تذكرت السفاري ما ادري يمكن ثقيل وما يطلع بسرعة والطرمبة تتكاسل في سحبه نسبة للزوجة المهم ان خاطري رايب منه-
كذلك الزيت المغشوش والفلتر الردي يسبب هالاصوات.
والله اعلم.