يوسف الخليفة1
19/06/2011, 10:16 PM
بسم الله الرحمن الرحيم
السلام عليكم ورحمة الله وبركاته
كم باقي لموس اشقر الريش يالذيب=والعمد من بين الكلا جبها باحساب
الفي قاصر والصحاري مشاهيب=وملاسب نسوج الذواري بالاجواب
القيظ يزفر من سموم اللواهيب=مثل حميم النار من عرن الاحطاب
نعد دورات الليالي مراقيب=وانقول وين سهيل باين بالاقطاب
يظهر جنوب بساعة الفجر لا ريب=مثل التريك اللي به النور ما عاب
ذاك الزمان اللي يسافر به الجيب=تلوذ فيه العقرب السودا والداب
هذاك وقتن يبدا للطير تجريب=تدهيله بمفساحتن ما بها عقاب
لاجل تزول الكوشه وصرفة العيب=بالمدعا الاقصا يدهله كل الاحباب
حول المعابر يشبكون الجلاليب=من الوحوش الوافيه عقب الاتعاب
وافروخها يبغالها زين تربيب=يشهد لها الكف المحصن بمخلاب
يرجون رزق اللي سقا شمخ النيب=مبذر نبوت البيد من عقب الاجداب
اللي يسوق مهاجرات الدواريب=يدلها بالليل لاطارت اسراب
واليا بدا نجم الوسم جوه يطيب=تبدا مساويق المزن كنها ركاب
تلقا النشاما للمساري مزاهيب=على وسيع الدو عكفان الاشناب
طيورهم فوق المراتب محاريب=الفرخ والقرناس والوافي ما غاب
بين النفايد والرضم والغرابيب=واسحوق وديان الخلا خضر الاعشاب
اليا درج خرب السهل جاه ترحيب=والحر يكفخ بالجناحين ما هاب
ينزل عليه سواة نار المشاهيب=اليا هفت بالكون يتلاها شباب
يطقه الوافي بعكف المخاليب=والوالم الصياد بالحلق نشاب
من حين يقصي داير القرص ويغيب=يبدون بالاذان من فوق مرقاب
تراهم يصفون قبله بترتيب=وامامهم قدامه الحذع محراب
واليا قظوا شبوا شلايخ محاطيب=والدلة الصفرا لها البيز مقضاب
صاروا لنقوات السوالف مجاذيب=ما فيهم اللي في نبا القول مرتاب
يوسف الخليفة ( أبو عبد الله )
السلام عليكم ورحمة الله وبركاته
كم باقي لموس اشقر الريش يالذيب=والعمد من بين الكلا جبها باحساب
الفي قاصر والصحاري مشاهيب=وملاسب نسوج الذواري بالاجواب
القيظ يزفر من سموم اللواهيب=مثل حميم النار من عرن الاحطاب
نعد دورات الليالي مراقيب=وانقول وين سهيل باين بالاقطاب
يظهر جنوب بساعة الفجر لا ريب=مثل التريك اللي به النور ما عاب
ذاك الزمان اللي يسافر به الجيب=تلوذ فيه العقرب السودا والداب
هذاك وقتن يبدا للطير تجريب=تدهيله بمفساحتن ما بها عقاب
لاجل تزول الكوشه وصرفة العيب=بالمدعا الاقصا يدهله كل الاحباب
حول المعابر يشبكون الجلاليب=من الوحوش الوافيه عقب الاتعاب
وافروخها يبغالها زين تربيب=يشهد لها الكف المحصن بمخلاب
يرجون رزق اللي سقا شمخ النيب=مبذر نبوت البيد من عقب الاجداب
اللي يسوق مهاجرات الدواريب=يدلها بالليل لاطارت اسراب
واليا بدا نجم الوسم جوه يطيب=تبدا مساويق المزن كنها ركاب
تلقا النشاما للمساري مزاهيب=على وسيع الدو عكفان الاشناب
طيورهم فوق المراتب محاريب=الفرخ والقرناس والوافي ما غاب
بين النفايد والرضم والغرابيب=واسحوق وديان الخلا خضر الاعشاب
اليا درج خرب السهل جاه ترحيب=والحر يكفخ بالجناحين ما هاب
ينزل عليه سواة نار المشاهيب=اليا هفت بالكون يتلاها شباب
يطقه الوافي بعكف المخاليب=والوالم الصياد بالحلق نشاب
من حين يقصي داير القرص ويغيب=يبدون بالاذان من فوق مرقاب
تراهم يصفون قبله بترتيب=وامامهم قدامه الحذع محراب
واليا قظوا شبوا شلايخ محاطيب=والدلة الصفرا لها البيز مقضاب
صاروا لنقوات السوالف مجاذيب=ما فيهم اللي في نبا القول مرتاب
يوسف الخليفة ( أبو عبد الله )