((((( بيع وطلب السيارات بهذه الخيمة هل هو بيع وطلب او استهبال ؟؟؟؟ ))))) [الأرشيف]

مشاهدة النسخة كاملة : ((((( بيع وطلب السيارات بهذه الخيمة هل هو بيع وطلب او استهبال ؟؟؟؟ )))))

عزيز الشمري

19/06/2011, 11:53 PM

بسم الرحمن الرحيم

السلام عليكم ورحمة الله وبركاته

يا اخواني الاعزاء

اشوف الان في الاونة الاخيرة اعلانات بيع او طلب عقيمة

** كيف عقيمة ؟؟؟

يجيك واحد يقولك عندي لاندكروزر موديل 2007 للبيع للاستفسار 055555555

طيب الان بالله عليكم هذا اعلان والا وش نسميه؟؟؟

ولا ، ومن القهر يجيك يقولك ولا تبخسوا الناس اشيائهم

يا اخي وضح اللي انت تبي تبيعة فيه مكينة والا لا فيه بس ميت داخله والا مشبوب فيه والا علمنا وش السالفة

يا أخي الكريم اذا انت معتمد على جوالك فحط في بالك انه ماراح يطفي من كثر الاستفسارات المتشابهة على جوالك

يعني كلهم بيدقون ويقولون وش لون الموتر وكم ماشي وكم سيم وكم حدك ووين موقع السيارة وهل جايه صدوم والا لا ويسألونك عن المميزات اللي كل سيارة تتميز فيها

ويعدين انت مالك ومال وجع الراس حط كل معلومات السيارة ولا نتب ميت حرك اصيبعاتك شوي

يعني بالله وش استفيد اذا جيتك مقلع واضيع وقتي وادخل واقعد اكتب لك اسئلة واحتريك الى بكرة عشان حضرتك ترد ويمكن ما عاد ترد واذا رديت ترد رد بايخ

والا اللي يجيك نفسه في خشمة ما يمديك تسوم الا وهو طاير في وجهك كنك ساب امه والا ابوه وكأنه ما يعرف الحراج وشيء اسمه فتح باب

يا اخواني انا والله اني بديت اكره ذا المنتدى الغالي على قلوبنا بسبب بعض الاعضاء الله يهديهم ويصلحهم

واللي يجيك معه ددسن موديل 90 ومنقلب ومرشوش كامل وماشي 700 الف كم ويقولك مسيوم برا المنتدى بـ 40 الف
ولا احد يسوم بأقل من كذا يأخي هذا استهبال ما هوب اعلان او عرض

والا يجيك واحد كأنه داخل منتدى مجانين ويقولك ابي باترول بـ 25 الف ريال موديل 2009 لون لؤلؤي وفتحة ونظيف
يا اخي منقلب ما تلقاه بذا السعر

من الاشياء اللي تقهر بيجيك اعلان يقول باثفندر 2005 مخزن

وبعدين تجي طاير وتصدم بالموضوع وتدخله بالقوة وتلقاه كاتب في الاعلان باثفندر 2005 اسود مخزن ماشي 350 الف كم
بالله عليكم وش بقى للي ماشي واجد ؟؟؟؟

بس خلاص خلونا ساكتين

أتمنى منكم النقاش بالهدوء وبدون تعصب والادلاء بأرائكم لإدارتنا الموقرة لعلهم يستفيدون..

الوكر2888

19/06/2011, 11:57 PM

هههههههههه

ولله انك صدقت بكل كلمه كتبتبها احسها من قلب

هذا مشكلت الشعب السعودي والشبكه العنكبتوتيه

للاسف مافي امل نتطور

تقبل مروري

عزيز الشمري

20/06/2011, 12:05 AM

هههههههههه

ولله انك صدقت بكل كلمه كتبتبها احسها من قلب

هذا مشكلت الشعب السعودي والشبكه العنكبتوتيه

للاسف مافي امل نتطور

تقبل مروري

اية والله..هذي مشكلة..الله يهديهم..
وياكثرهم الي كذا..

alfaiz

20/06/2011, 12:07 AM

صدقت اخي الكريم
مافيه تطور ولا ذا الي يقول لاندكروزر نضيف جدا جدا جدا
واذا دخلت تلقاه ماشي 300 وعليها وتلقاه مصدوم
وتلقاه راش الصدامات ويقولك راشهن علشان الغبار ؟؟؟؟؟؟؟
يعطيك العافية على فتحتك لهالموضوع

عزيز الشمري

20/06/2011, 12:12 AM

عزيز الشمري

20/06/2011, 12:26 AM

لااله الاالله محمد رسول الله

abo_saleh

20/06/2011, 12:32 AM

انا اشهد انك جبتها

صرت اكره كلمه مخزن والسبب هالاشكال

عزيز الشمري

20/06/2011, 12:34 AM

انا اشهد انك جبتها

صرت اكره كلمه مخزن والسبب هالاشكال

اية والله..واحد يقولك مخزن وهي ماشية 300الف..وين التخزين؟؟؟الله اعلم

عطيب ومايغيب

20/06/2011, 12:35 AM

يا شمري با ختصر لك الموضوع اتفقنآ

انت با الشرقيه با الخبر اوكيه

رح يامل الغنيمه لساحة السيارات في الدمام تلقا ناس في اخر الساحه يمسحون السيارات بخرق حمر ويلبسون بنطلون ويحلقون روسهم نص حلاقه تسأله عن السياره يقول مسيومه 40الف موهوكذاب ارجع بعد فتره يقول مسيومه اربعين ونا قريب

بختصار اقول

الله يعين على ها الدنيا وبس

عزيز الشمري

20/06/2011, 12:39 AM

abo_saleh

20/06/2011, 12:39 AM

يا أخوان والله ان جلس الوضع على ما هو عليه من ارتفاع بيجي يوم ما تشري سياره جديده دفع رباعي باقل من 200 الف

والسبب الكذب والاجانب (الزيود والفلسطينين) بالذات لانهم مستولين على اغلب المعارض وخصوصا جده والرياض اللي اكبر المعارض فيها

عزيز الشمري

20/06/2011, 12:41 AM

رحّال 9

20/06/2011, 12:42 AM

جيب شراع

20/06/2011, 12:45 AM

واللي يجيك معه ددسن موديل 90 ومنقلب ومرشوش كامل وماشي 700 الف كم ويقولك مسيوم برا المنتدى بـ 40 الف
ولا احد يسوم بأقل من كذا يأخي هذا استهبال ما هوب اعلان او عرض

ههههههههههههههههههههههههههه

abo_saleh

20/06/2011, 12:49 AM

المخزن اللي له اكثر من 10 سنين ماتعدى ال100 الف واقل

بن سويلم

20/06/2011, 12:53 AM

صدقت ياعزيز
ولاتنسى استخدام شايب بعد
الله يهديهم

رهيب الرهيب

20/06/2011, 01:16 AM

ياخي والله انك صدقت الاسعار مرتفعه بالمنتدا ويزعلون اذا سمت بقيمة الموتر الحقيقيه وفيه شي ثاني لاحضته ان في اعضاء يزاودن على انفسهم يعني له اكثر من نك يعرض السياره والنك الثاني يسومها والنك الثالث يزاود به بس الرجال الصامل بالشرى يبي يعرف الشريطي من الرجال يبي يبيع سيارته ويعرف قيمة الموتر بالمعارض ويعرف الموتر النضيف

راعي-gx97

20/06/2011, 01:19 AM

أخـــــــي عزيز :
والله كلامك عين الصواب وكلنا نعاني من هذه الحالة !!!!!
لا والايام هذي السيارات صابها جنون ((البقــــر)) وسمعنا أنها على وشك الانقراض مجرد كذبه حتى نوصلها سطح القمر والله قهررررر .....
طيب لو فرضنا أن فية مشكلة في أحدى الدول المنتجة لسيارات طيب وش دخل السيارات اللي عمرها فوق عشر سنوات أو عشرين سنة طيب بيقول واحد النظيف يستاهل !!!!
وأنا معة الطيب يفرض نفسة لكن الكارثة أنك تحصل سيارة أقرب مالها التشليح والسعر المطلوب أكثر من نص سعرها وكالة ؟؟؟
واذكر قصة صارت على اليوم وهي:
كنت ابحث عن سيارة بالنت وحصلت عرض حسب طلبي والله وأخطف جوالي واتصل طوطوطو ..
الو أبو فلان ؟؟
نعم معك !!
حصلت لك أعلان عن بيع سيارة ؟؟
نعم والسيارة موجودة !!!
طيب كيف السيارة ؟؟
السيارة أخت الوكالة !!
طيب ودي أشوف السيارة ؟؟
حياك أي وقت !!
اليوم والا أقول بعد ساعة بس أصرف الدوام وجايك ؟
ومرت الساعة كلها أتخيل السيارة أخت الوكالة !!
وبعد توصيف المكان ويمين ويسار وصلنا المزيونة المزعومة !!
بسم الله ماشاء الله .
السيارة ماهي أخت الوكالة ولاهم يحزنون فيها سمكرة وتهاريب زيوت وبلاويها واجد بالعربي ماكولة أكل !!
طيب نجي ألى مربط الفرس (( القيمة )) ؟؟
أنا كم مسيومة ؟؟
صاحبنا مسيومة من رجال صامل بـــ 95000 الف ومابعنا !!!
أنا أضلمت الارض قدامي من الصدمة ودي أرد عليه برد دبلوماسي طيب والبيع كم ؟؟
صاحبنا علمناك بالسوم وأنتة قل اللي عندك !!
أنا في صدري والله أنك نصاب أو اللي سام السيارة ماهو صاحي - قلي بعيد أو قريب ؟؟
صاحبنا تبيني أريحك- وأنا أستعد لصدمة القادمة شكل صاحبنا متخصص صدمات- قال فوق 100000الف مائة الف ريال يعني صاحبنا حتى بــ المئه ماهو بائع ؟؟
أنا طيب ماتشوف أن السعر مبالغ فية ؟؟
صاحبنا أخوي أنت ماتدري السيارات طارت !!
أنا وين طارت الى سطح القمر ؟؟ أمزح !!
طيب لو سلمنا أن فية طلب أكثر من العرض المفروض يفرق بالسعر حول المعقول يعني بحدود 5000 أو حسب السيارة ونظافتها..
نتكلم عن السيارات المستعملة والا الجديدة لها مشكلة آخرى .

مثل سيارة صاحبنا سعرها المعقول 75000 للمستخدم ومستحيل تعداها .
طيب شف الفرق السعر المطلوب بنقول 100000 والسعر المعقول 75000 الفرق أو النصبة 25000 ولو انها في سيارة نظيفة كان تمبلع لكن في سيارة جرباء !!!!
تحياتي ..

ابو راكانm

20/06/2011, 01:42 AM

ولا تنسى مسيومه اليوم من شريطي ... ..

بواردي ساحوق

20/06/2011, 02:12 AM

كلام جميل ياعزيز ,, وفيه مسأله ثانيه اللي هي ارتفاع السيارات والسبب احنا لو تترك السيارات فتره ماتنسام رجعت لاسعارها الطبيعيه يعني لقيت سياره يقول صاحبها انها مسيومه بالقيمه الفلانيه وهي ماتسوى القيمه هذي لو تترك مااحد يسومه كان نزلت اسعار السيارات .. الغالب من الشباب اللي يسومون السيارات معه سياره خلك على سيارتك لفتره لين تنزل السيارات واشتري اللي انت تبيها .. لاننا حنا اللي نزود اسعارها ؟؟ وشكرا على الموضوع . وللمعلوميه ليس حسد لاصحاب السيارات لكن ارى انها وصلت اسعار خياليه .

قناص خلاوي

20/06/2011, 02:32 AM

بيض الله وجيهكم جميع
المفروض يكون فيه كليشة عامة لعرض السيارات
يكتبها المشرفين وتثبت في أعلى الصفحة
واي واحد ما يلتزم فيها يحذف موضوعه على طول
كذا اريح للبايع والشاري والمنتدى بعد
أما شغل الشريطية ومخزن ومسيوم من شريطي فحدث ولا حرج
واللي ماعنده ذمه بتحصله بالمعارض والمنتديات وفوق سطح القمر بعد :)
بالتوفيق

.أبوعبدالرحمن

20/06/2011, 08:58 AM

http://www.mekshat.com/vb/showthread.php?t=274307

والله شيء عجيب لم تذكر اسم الكاتب ولكم تكتب المصدر ولا حتى كلمة منقول على الاقل !!!

عزيز الشمري

20/06/2011, 09:46 AM

كلام سليم .

يجب انه توضح في اعلانك المميزات والسومات ومواصفات السياره .

والمشرفين ما قصرو بعد بس يبي لهم شوي اجتهاد بعد .

وبالنسبه لسالفه مخزن .

فانا في نظري ان الموتر اللي له 3 سنين وفوق وما شي اقل من 100 الف مخزن مع ان الجميع يعارضني في هالكلام .

والسبب الخطوط عندنا لا تكلمنا اقل من 500 كيلو رايح و500 جاي .

فعمليه حساب بسيطه تلقى الواحد الطبيعي يمشي في السنه تقريبا 80 الف

وقس على ذلك .

على العموم مشكور على موضوعك التنبيهي .

رحّال 9

كلامك صحيح اخوي رحال..بس التخزين الي لة 10 سنوات ..وماشي 100الف..هذا يسمى تخزين..اما الي يجيك لاندكروزر موديلة 2006..وماشية ..300الف ويقول تخزين..
والله يعطيك العافية..على المرور

واللي يجيك معه ددسن موديل 90 ومنقلب ومرشوش كامل وماشي 700 الف كم ويقولك مسيوم برا المنتدى بـ 40 الف
ولا احد يسوم بأقل من كذا يأخي هذا استهبال ما هوب اعلان او عرض

ههههههههههههههههههههههههههه
هههههههههههههههه...بس ترا..الددسن موجودة بالمنتدى..ههههههههههه
ومشكوووور..على المرور

المخزن اللي له اكثر من 10 سنين ماتعدى ال100 الف واقل

صحيح كلامك 100% والله يعطيك العافية على المرور

عزيز الشمري

20/06/2011, 10:06 AM

صدقت ياعزيز
ولاتنسى استخدام شايب بعد
الله يهديهم
..اي شايب الحين الشيبان..تلقاهم بعويرض:D
مشكووووور على المرور

ياخي والله انك صدقت الاسعار مرتفعه بالمنتدا ويزعلون اذا سمت بقيمة الموتر الحقيقيه وفيه شي ثاني لاحضته ان في اعضاء يزاودن على انفسهم يعني له اكثر من نك يعرض السياره والنك الثاني يسومها والنك الثالث يزاود به بس الرجال الصامل بالشرى يبي يعرف الشريطي من الرجال يبي يبيع سيارته ويعرف قيمة الموتر بالمعارض ويعرف الموتر النضيف

الاعضاء الي لهم كم عضوية..موجودين بكثرة..
مشكووووور على المرور..

أخـــــــي عزيز :
والله كلامك عين الصواب وكلنا نعاني من هذه الحالة !!!!!
لا والايام هذي السيارات صابها جنون ((البقــــر)) وسمعنا أنها على وشك الانقراض مجرد كذبه حتى نوصلها سطح القمر والله قهررررر .....
طيب لو فرضنا أن فية مشكلة في أحدى الدول المنتجة لسيارات طيب وش دخل السيارات اللي عمرها فوق عشر سنوات أو عشرين سنة طيب بيقول واحد النظيف يستاهل !!!!
وأنا معة الطيب يفرض نفسة لكن الكارثة أنك تحصل سيارة أقرب مالها التشليح والسعر المطلوب أكثر من نص سعرها وكالة ؟؟؟
واذكر قصة صارت على اليوم وهي:
كنت ابحث عن سيارة بالنت وحصلت عرض حسب طلبي والله وأخطف جوالي واتصل طوطوطو ..
الو أبو فلان ؟؟
نعم معك !!
حصلت لك أعلان عن بيع سيارة ؟؟
نعم والسيارة موجودة !!!
طيب كيف السيارة ؟؟
السيارة أخت الوكالة !!
طيب ودي أشوف السيارة ؟؟
حياك أي وقت !!
اليوم والا أقول بعد ساعة بس أصرف الدوام وجايك ؟
ومرت الساعة كلها أتخيل السيارة أخت الوكالة !!
وبعد توصيف المكان ويمين ويسار وصلنا المزيونة المزعومة !!
بسم الله ماشاء الله .
السيارة ماهي أخت الوكالة ولاهم يحزنون فيها سمكرة وتهاريب زيوت وبلاويها واجد بالعربي ماكولة أكل !!
طيب نجي ألى مربط الفرس (( القيمة )) ؟؟
أنا كم مسيومة ؟؟
صاحبنا مسيومة من رجال صامل بـــ 95000 الف ومابعنا !!!
أنا أضلمت الارض قدامي من الصدمة ودي أرد عليه برد دبلوماسي طيب والبيع كم ؟؟
صاحبنا علمناك بالسوم وأنتة قل اللي عندك !!
أنا في صدري والله أنك نصاب أو اللي سام السيارة ماهو صاحي - قلي بعيد أو قريب ؟؟
صاحبنا تبيني أريحك- وأنا أستعد لصدمة القادمة شكل صاحبنا متخصص صدمات- قال فوق 100000الف مائة الف ريال يعني صاحبنا حتى بــ المئه ماهو بائع ؟؟
أنا طيب ماتشوف أن السعر مبالغ فية ؟؟
صاحبنا أخوي أنت ماتدري السيارات طارت !!
أنا وين طارت الى سطح القمر ؟؟ أمزح !!
طيب لو سلمنا أن فية طلب أكثر من العرض المفروض يفرق بالسعر حول المعقول يعني بحدود 5000 أو حسب السيارة ونظافتها..
نتكلم عن السيارات المستعملة والا الجديدة لها مشكلة آخرى .

مثل سيارة صاحبنا سعرها المعقول 75000 للمستخدم ومستحيل تعداها .
طيب شف الفرق السعر المطلوب بنقول 100000 والسعر المعقول 75000 الفرق أو النصبة 25000 ولو انها في سيارة نظيفة كان تمبلع لكن في سيارة جرباء !!!!
تحياتي ..

...كلامك صحيح..والناس هذولا موجودين..بالمنتدى..
مشكووووور على المرور

ولا تنسى مسيومه اليوم من شريطي ... ..

اية والشريطي يطلع خوية...مشكووووور على المرور

كلام جميل ياعزيز ,, وفيه مسأله ثانيه اللي هي ارتفاع السيارات والسبب احنا لو تترك السيارات فتره ماتنسام رجعت لاسعارها الطبيعيه يعني لقيت سياره يقول صاحبها انها مسيومه بالقيمه الفلانيه وهي ماتسوى القيمه هذي لو تترك مااحد يسومه كان نزلت اسعار السيارات .. الغالب من الشباب اللي يسومون السيارات معه سياره خلك على سيارتك لفتره لين تنزل السيارات واشتري اللي انت تبيها .. لاننا حنا اللي نزود اسعارها ؟؟ وشكرا على الموضوع . وللمعلوميه ليس حسد لاصحاب السيارات لكن ارى انها وصلت اسعار خياليه .
والله ياليت ياسمعون منك..الشباب..لكن,,؟\
مشكووووور على المرور

بيض الله وجيهكم جميع
المفروض يكون فيه كليشة عامة لعرض السيارات
يكتبها المشرفين وتثبت في أعلى الصفحة
واي واحد ما يلتزم فيها يحذف موضوعه على طول
كذا اريح للبايع والشاري والمنتدى بعد
أما شغل الشريطية ومخزن ومسيوم من شريطي فحدث ولا حرج
واللي ماعنده ذمه بتحصله بالمعارض والمنتديات وفوق سطح القمر بعد :)
بالتوفيق

المفروض..يكثرون المشرفين هنا..مشكووووور على المرور

http://www.mekshat.com/vb/showthread.php?t=274307

والله شيء عجيب لم تذكر اسم الكاتب ولكم تكتب المصدر ولا حتى كلمة منقول على الاقل !!!

المعذرة يابو عبدالرحمن..امس نسخت الموضوع على عجلة..ونسيت اكتب منقوووووول...الحين اعدلة...

عزيز الشمري

20/06/2011, 10:12 AM

ياشباب ....ملاحظة..مهمة..

الموضوع منقووووووول..من نفس المنتدى..

واسم كاتب الموضوع: ابوعبدالرحمن الصفيّان ...
وكان تاريخ الكتابة: 26/02/2010,

سلفاريو

20/06/2011, 10:36 AM

كلام جميل لالالالالالالالالالالالالالاغبار عليه

عزيز الشمري

20/06/2011, 10:44 AM

كلام جميل لالالالالالالالالالالالالالاغبار عليه
..:D الموضوع مغبر..بس قلت ابي اجددة

ابو محمد السهلي

20/06/2011, 11:19 AM

عزالله ان الشمري صادق فيه زود بعد ...(وانا للحين ماوديتها المعارض) وهو وجهه احرقه الكربون من الوقفه......يعني الحقو علي قبل اروح....تحياتي ياعزيز ولاخوان الكرام×

سنجار 1

20/06/2011, 11:49 AM

كلام سليم وعين العقل
أعتقد والعلم عند الله أن الاستهبال وارد لا محاله
الا اذا ان الشخص المعلن يسمع باسعار السيارات بس ماعندهـ خلفيه عنها
أشكر أخي عزيز الشمري علي موضوعك الرائع كل الشكر مع فائق أحترامي لك

ابوليله

20/06/2011, 11:56 AM

صدقت يالغالي والله اني ادخل هذا الخيمة علشان ادور سياره لي
ولكن اتفاجاء من الاسعار المبالغ بها جدا جدا لا ويجيك بالأخير ويقول
الله الله بالسومات الطيبه ولاتبخسون الناس اشيائهم ومن الكلام هذا وهو بالاساس سيارته ماتستاهل من يسومه
صراحه انا اطالب ادارة المنتدى بالتشديد على المعلن وان يكون موضح كل شيء في اعلانه ويتقبل السوم من الغير
الا السوم الواضح انه يريد كسر السلعه فيبلغ الادارة بذلك وهي تتخذ الاجراء اللازم مع الاشخاص الي تحاول الاسأة للأخرين

طحنون

20/06/2011, 12:07 PM

الموضوع هاذا كثير تكلمت فيه
وتصادمت فيه مع بعض الاعضاء اللي فيه او يعاني من مرض اسمه جنون العظمه ووصلت الى التشابك بالايدي
لانك تتناقش مع عقليات عقيمه جدا توصل الى حد السخافه اذا صح التعبير
مااضيف على موضوعك الا بعض الكلمات اللي اذكره
يجيك واحد عارض سياره ويوقل استخدام شايب ( الا استخدام شايب هو الدمار لان عقليه قديمه على قدم عقله يحسبه كابرس 79 يحمي فيه اذا جاء يشغله يجلس ساعه وسيارته الحاليه متطوره تلاقيها vxrموديل 2008 وش جاب ذي لذي
وتنقهر
ويكتب جيب ماعمره دخل البر وشغل الدبل وماشي فوق الميه

اوالسياره مخزنه وماشيه مليون كيلو متر
المشكله ان بعض الناس اذا جاء يعلن كأنه يعلن على ناس ماتفهم شي وهو ابو العريف ماتلومه تو ه منفقش من البيضه وجاي يترزز
علينا مع وراسه كنه حصاله
وجاي يبي يشتري سياره تسوى مائه الف ويبي يشتريها بــ 5000الاف لانه رصيده بالبنك هو 10 الاف والباقي يزعطبه عند ربعه
يوقف عندالصراف

اقول اذا بتتكلم بالموضوع ماراح ينتهي حتى تنقرض بعض الفئات اللي عندنا

بدوي جنوبي

20/06/2011, 02:18 PM

موضوع مخالف

الموضوع هذا موجود بالقسم
وكاتبه ابو عبدالرحمن الصفيان

ارجوا عدم تكرار المخالفه
يغلق الموضوع