كمبريسن الباترول [الأرشيف]

مكشات12

20/06/2011, 08:13 AM

اخواني خبراء الباترول
الفريون تسرب (ماسوره انشقت)
ولحمناها وعبيت فريون
شغلت المكيف وبرد ولم اشغله كثيرا (10) دقائق ولكن بعد يومين ماصار يبرد
رجعت للكهربائي وقال (كمبريسن) خربان وكهربائي اخر اكد ذلك وزاد ان علي تنظيف ريديتر الماء
وصديق خبير قال ليه ماعبوا الفريون (زيت) قبل الفريون واستغربت كلامه واضاف ان علي تنظيف (رديتر المكيف ) واستغربت كلامه
اشيروا علي مالحل ؟
اغير الكمبريسن ؟او تنظيف رديتر الماء ورديتر (المكيف !)؟

وكم يسوى الكمبريسن جديد اومستخدم؟
واشكركم

راعي الرجم

20/06/2011, 08:24 AM

أخوي
مادام ان المكيف مابرد مرة ثانية
سو قياس لضغط الغاز " الفريون"
ومر على صناعية العويضة فيه محلات كثيرة مختصة للمكيفات
مر لك كم محل تشوف عنده الناس كثير
واكشف وتبين من أمرك
الكمبرسر ما اعتقد ان فيه شي
الامر هو ان هناك تهريب اتوقع ذلك ويبين من قياس ضغط الغاز
والتهريب مع الكشف يبين
يمكن وجه يمكن حساس
لكن اهم شي مر عشر محلات ثم قرر
والله يعينك

K.S.A.A

20/06/2011, 09:49 AM

أخوي الغالي راديتر الماء ماله أي دخل بالمكيف
ومن الطبيعي إلا من اللازم أنك لما تجي تركب كمبروسر جديد أو مستعمل يجب تنظيف الراديتر والمواصير والفلتر تنظيف جيد , بس انت مشكلتك ممكن الفريون نقص أو عندك تنسيم في الواصير
رح لأقرب كهربائي وسو تشييك كامل على المواصير وخله يقيس الفريون ممكن يكون ناقص
وممكن إن الكمبروسر عندك تعبااان ويجب تغييره في هذه الحاله لازم لازم تنظيف الراديتر والمواصير.

مكشات12

20/06/2011, 11:20 AM

حبران والمسمى

20/06/2011, 11:53 AM

الاخوه الاعزاء
جزاكم الله خيرا
الفريون الان فل لم ينقص كان اول ماسوره تهرب ولحمناها وعبيناه واشتغل وبعده بيوم اويومين يشتغل (تسمع صوت تشغيله بس مايبرد ورجعت وقست الفريون وكان مليان بنسبة 80

انا من اللي مايشغل مكيف السياره الا قليل (نادر جدا)
والسياره ماشيه 20000كم (يجوز شغلته 10000كم بس وقت السفر بالصيف

قالوا (3) ورش الكمبريسن خربان
الوكاله تقول ب 3000 !!
اومستخدم ب 800
وانا محتار
وش خربه مادام استخدامه نادر
اما التهريب طلعت للبر وحجر شق الماسوره تحت باب السايق

وشكرا لكم
اخوي حصل معي ان الفريون مليان والكمبورسر تسمعه يشتغل
ورحت لإكثر من واحد واخرته طلع ثرموستات تجي فوق الثلاجه قدام الراكب بس لازم عند التركيب يفضي الفريون وتعبيه من جديد وسعره عند بالخير وكيل معتمد اصلي بعد الخصم 320 ريال والتركيب من وميتين وفيها
وسمعت ان تقدر تركب ثرموستات غير حقت الباترول لكن ما ادري اسال كهربائي يعلمك وفيه كهربائي اسمه ابراهيم فلسطيني شفه بالصناعية القديمه قبل ميزان المجد ووجهك شرق يجيك على اليمين لعله يساعدك لكن تأكد واشرط عليه قبل الشغل
ولا تروح من عند الكربائي الا وموترك معك نصيحه ببلاش

مكشات12

20/06/2011, 12:43 PM

ماقصرتوا يا اخوان
وجزاكم الله خير الجزاء
ان شاء الله تتضح الامور واهل الخبره مايقصرون ولانستغني من تجابهم ونصائحهم لكي يستفيد الجميع
مره ثانيه ومرات عديده
اشكر من تفضل بابداء الرأي
وننتظر المزيد

مكشات12

20/06/2011, 06:22 PM

الزملاء
كم يسوى الكمبريسن جديد اومستخدم ؟ وهل يركب عليه (الباترول) اي سيارة اخرى؟
واشكر الجميع

K.S.A.A

20/06/2011, 07:48 PM

الجديد غاااااالي في الوكاله
مستعمل يتراوح سعره من 600 إلى 1000
وتحصل هنا بالمنتدى كمبرسرات للبيع.
أفتح الرابط وأكتب طلبك وبتحصل كل ماتريد بإذن الله :
http://www.mekshat.com/vb/showthread.php?t=384477

مكشات12

20/06/2011, 08:12 PM

ksaa
انت نعم العضو
ولايهون بقية الاخوان

اشكرك ع تفاعلك
ياراعي الخرج

ميكا مكشات

21/06/2011, 09:13 AM

اخوي إذا تم اللحام في مواسير التكييف لازم تنظف جميع مواسير المكيف عن طريق الفاكيوم وتشيك على الغاز التاتج من الخط الخارج من بعد البلف اذا كان الغاز يخرج بشكل طبيعي . وأما الكميرسور فتستطيع اختبار ضغط الكمبرسور اذا كان ضعيف او قوي قبل ما تغيره اذا قوي خلاص مايحتاج تغيير وأم الثرموستات اذا كان كلتشات الكمبرسور تشبك معناها الثرموستات مظبوط ولازم تكون نوعية غاز الفريون 134 امريكي

مكشات12

22/06/2011, 12:03 AM

الزميل
ميكا مكشات
شرحك يبرد القلب
ولك دعوه بظهر الغيب
واشكر الزملاء وياليت يكون بالموضوع فائده للجميع

راعي الصنف

22/06/2011, 01:13 AM

اخوي السلام عليكم ... كانك في الرياض فية كهربائي امين وممتاز للمكيفات ومشاكلها ....

almada

22/06/2011, 01:52 AM

يمكن يكون عندك بلف قفل بس

مكشات12

22/06/2011, 01:12 PM

راعي الصنف
ياليت اني قريب من الورش بالرياض
الف شكر

مكشات12

22/06/2011, 01:14 PM

المادا
صدقني المكيف ماشغلته من اخذت السياره وكاله الا بمقدار 2%
وممكن مثل ماتفضلت به
الف شكر ع تفضلك بالرد

ابو99

22/06/2011, 01:45 PM

الاخوان ما قصرو بس صارت معي قبل ولقيت السبب زياده فى تعبئة الفريون وشف هالمو ضوع يمكن يفيدك بس لا تستعجل تغير الكمبرسن

السلام عليكم
انا ادور كمبرسر لجيب باترول 99
ولقيته عند وكيل لنيسان بـ2800
وعند مؤسسة اسمها ليان بالشرقية بسعر 750
الفروع
الاحساء
فرع اول :- الشارع الملكي بعد سفاري للمسجلات
فرع ثاني :- مقابل مكتب العمل ( مجمع الجعفري )
فرع ثالث :- مقابل مكتب العمل مركز الصيانه الشاملة ( صيانه فقط )
فرع رابع :- المنطقة الصناعيه الشارع العام التقاطع الرئيسي
العيون
فرع خامس :- شارع العقير
الرياض
فرع سادس :- الصناعيه القديمه ( مستودع رئيسي)

سؤالي للي جرب هذه المؤسسة وش وقعها
المشكلة ان المؤسسة يقولون ان المكيفات اللي عندهم نفس اللي عند الوكالة لكن الفرق بالاسعار واضح

مكشات12

23/06/2011, 11:50 AM

ابو 99
ماقصرت
ودواك يم الحسا وابطا عليا
اشكرك
ونتمنى نجد الحل
المشكله ماخرب الا مع الحر

أحمد محمد1429

25/06/2011, 10:39 AM

الفريون عندك زايد وياليت تنقص منه إلى 40أو 45 وبعد ذلك أفحص جميع أجزاء المكيف

مكشات12

25/06/2011, 06:08 PM

احمد محمد 1429
اشكرك
وهذه ملاحظة لعلنا نستفيد منها
جزاك الله خيرا

You Like Me

26/06/2011, 03:49 PM

السلام عليكم
اخوي مكشات 12
السيارة ماشية 20,000
يعني مازالت داخل الضمان
وش لك بالورش رح للوكاله وانشب بحلوقهم
والله يعينك على ذا الاجواء الاوربية اللي إحنا فيها ههههههه
بالتوفيق لك يالغالي

راعي النيسان1

27/06/2011, 07:13 AM

الفريون اللي حطه لك العامل فريون غير اصلي و هو سبب المشكلة عندك لا الكمبريسر خربان و لا حاجة
رح لأي واحد ثقة وخبره يحط لك فريون اصلي و لو كان غالي وبتروح عنك المشكلة

أنا صارتلي هذي بعد مانظفت الراديتر مال المكيف وعبالي العامل فريون غير اصلي ... وبعد تخمينات من مختلف الورش وخبروني اغير حاجات غريبة ماكنت مقتنع فيها(بس ماغيرتها) بعد بحث استنتجت بنفسي انه الفريون مب اصلي رحت للعامل وقلت حطلي فريون اصلي وتأكدت انه اصلي و راحت المشكلة

مكشات12

27/06/2011, 12:46 PM

اخوي (نحن بنحبك)
احبك الله
السياره ماشيه 200 الف
ماقصرت (وفكنا الله من الطلايب) !
الف شكر

مكشات12

27/06/2011, 12:48 PM

راعي النيسان
الف شكر
حل معقول
وبعدين
كيف نميز بين الاصلي والفريون المضروب ؟

خالد الزومان

27/06/2011, 12:51 PM

يمكن يكون عندك بلف قفل بس

مكشات12

27/06/2011, 12:56 PM

الاخ خالد
يمكن ويجوز واحتمال
كلها وارده
بارك الله فيك
السؤال
وين الكهربائي (الناصح) اللي يشخص الخلل !؟
ماقصرت

طال الانتظار

27/06/2011, 01:03 PM

السلام عليكم
اخواني انا عندي مشكله تقريبا نفس مشكله الاخ مكشات 12
وهو اول شي صار المكيف الخلفي حار واللي قدام بارد بعد كم يوم او بعد اسبوع صار كلها حاره اللي قدام واللي وراء ارجو من يعرف المشكله او يخبر كهربائي بالرياض لا يبخل علينا ولكم جزيل الشكر والعرفان

مكشات12

27/06/2011, 01:24 PM

قبل (الخربة الكبرى) !
من اشهر الصيف الماضي
احيانا يبرد واحيانا لا (بس مايطول بالخراب )