هــذا جــزاي يا ؟؟؟؟؟؟؟؟؟؟؟؟؟؟؟؟؟؟؟

[_دربيل_999]

http://www.mekshat.com/pix/upload04/images191/mk67496_df.jpg
مساكم الله بالخير
اليوم يا اخواني عندي لكم قصة حصلت لي شخصياً قبل عدة سنوات..
كنا نسكن في أحد القرى القريبة من الرياض وهذه القرية أصبحت مدينة كبيرة الآن ..
كانوا الناس يبنون مراح الغنم أو الشبوك بالقرب من القرية ومعظم هذه الشبوك تكون في الجهة الغربية من القرية وكانت الشبوك شبه متباعدة وموقعها على جانب أحد الأودية الكبيرة اللي يمر بجنب القرية وكان كله تغاريز ..


كنت ماشي بسيارتي الصغيرة مع أحد الردميات اللي تباري للوادي ولكن بمسافة عنه وأنا ماشي على مهلي لفت إنتباهي (حمار) أعزكم الله كان متمدد على جنبه في وسط الوادي وكان يحاول الوقوف ولكنه لايقدر دققت النظر فيه ولاحظت أنه مقيد فيه شيء يعيقه..
أشفقت على هذا الحيوان المسكين وقلت بروح اشوف وش في ذالحمار..
سيارتي صغيرة ومستحيل تطلع من الردمية لو شبر..
وقفتها على الردمية ومشيت على رجولي تقريبا حوالى 100 الى 150متر مع المنطقة الرملية المحيطة بالوادي لين وصلت الحمار..
يوم شفت حالته قلت حسبنا الله ونعم الوكيل كان في رجوله دم لأنه مربوط بأسيام كثيرة..


رجعت لسيارتي وجبت الزرادية وقصقصت الأسيام كلها وخبطت الحمار عشان يقوم ابي احتفل بإنتصاري وبشوف الحمار وهو واقف على رجوله عشان أخلي مسؤليتي أمام الله..


المهم بعد الخبطة الثالثة على فخذه براحة يدي فز الحمار بشكل غريب فنهض بسرعة ووقف على رجوله (ففرحت)..


هو بس قام الله لايوريك وهو يعطيني رأسة ينقز فوق ويخبط على يديه ويلوي رأسه ويفغر فمه بيعضني كني أشوف سنونه الآن..
حاولت فيه لاوالله مافيه طب فسفان ومصمل يعضني..
حطيت رجلى لم سيارتي ياجماعة الخير ويصير يحدني عنها حد يبيني..
حسيت بكم عضة وأنا أركض وكانت كل عضة تزود من سرعتي ولكنه ماتمكن زين مني..
المهم ويقعد يرددني لين خلاص إنقطع نفسي والحمار ولا همه خلاص أنا وصلت حدي بطيح سيارتي منا حوله طردني عنها..
وربي يجيب لي راعي ذيك السيارة هايلوكس أثره يشوفني وهو عند غنمه يوم شاف الدعوى طولت وهو يجي..
كأنه نازل علي من السماء(بغيت أروح طعام جحوش) وهو يحول بيني وبينه بالسيارة والحمار تنجن جنونه يبيني تقول بيني وبينه ثأر..


المهم قرب الرجال مني ونقزت معه في الحوض وتركت الحمار النذل ومشي بي لين وصل عند سيارتي وكا ميت من الضحك..


قال خلك أنت وش تبيبه هذا الحمار كان وش حليله وكان عند غنمنا ولكنه من مدة صار يعض الناس والغنم والحالة اللي فيه ماهي سعار وانما هي حالة تصيب الحمير وترى اللي رابطه في الشعيب أنا وأبوي كنا نخطط نشيله ونقلعه عنا بعيد بس أنت قلبك حنين ووداك في داهية..


أنا ماقلت ولا حرف مقدر منقطع نفسي طاردني مسافة ماهي بسيطة النذل هذا وأنا جالس أفكه بشويش عشان معوره..


وهذا جزاي منك يالحمار صدق إنك حمار..


ولكم أجمل تحية..

[دكتور بر]

الحمد لله على سلامتك اخوي دربيل


قصة غريبة فعلا



الحمار ماله أمان




تسلم

[ff34d]

ههههههههههههههههههههههههههههههههههههه
الله يسعدك ويعطيك العافيه وهذي اعتبرها من الطرائف
عز الله انك بغيت تروح طعام جحوش
زين والله مارفسك بلاك ما جربت الرفسه ترفعك متر مع ارتطام عنيف وغثيان ولوعة كبد وحمى اخر الليل .

[تركي444]

الله يجزاك ألف خير على فعلك وعلى
. والله إني ضحكت ضحك ......
الحمد لله على السلامة
زين أنه ما رفسك .

[المسك الابيض]

أخوي دربيل999 الحمد لله على السلامه والله لو مسكك ماأحد يقدر يفكك منه حتى يكسر عظامك ويقطع لحمك الحمار إذا استعر أشد فتك من السبع وإذا عض يتحول الى همجي يعض في أي مكان وين مالقى لا وينهق للتخويف والله كأني أشوفه يحاول يعضك أو يضربك بأيديه وهو واقف على رجليه
أرجوك لو شفت حمار بيموت لاتتدخل ترى الحمير مالها أمان((الحمار يضل حمار))ماعنده تقدير للمعروف....

[خوي مخباته]

هههههههههههههههههههههههههههههههههههههههه


اخوى ..... دربيل 999
الله لا يمسيك اللا بالخير وطاعه ومحبة الرحمن
انت,,,, صحيح انك عملت,,,واحب واهنيك انت مسلم وتخاف الله
اجرك ماضاع عند ربك ,,, لاكن الحمار,,, حمار ,,, وش تقول ;);)
على كل حال الحمد لله على السلامة ,
قصة,,جميله,, وسرد ,,, اجمل ,, وامتعتنا :D:D:D

[نقطه]

ياســـاااااااااتر

من جد بغيت تروح طعام جحوووش

بعض الجمايل مالهااااا دااااعــــي

[قوافي ( أم نهار )]

حياك الله اخوي
نحمد الله على سلامتك
مشكور انك علمتنا علشان ما نفك مربوط الاوحاسبين حسابنا موب جاينا شي<ليش ما طخيته>
تحياتي.اختك
..قوافي..

[النبهاني]

وعليكم السلام ورحمة الله وبركاته
الحمد لله على سلامك
لاتجعل المعروف بغير أهله حتى لو حيوان
الله يعطيك العافيه

[أدب العيون]

انا اشهد ان بعض الجمايل مالها داعي

الحمدلله علي السلامه

[talak511]

الحمد لله علي السلامه

[محمد الظاهري]

لاحول هاذي والله العقوبه
الحمير وش حليله في الشعيب
وغزيت يمه وفكيت اسره
هههههههه
الظاهر الحمار هاذا يشوش حلال القوم

كروائعك
وكاابدعاتك
وكاسردك الجميل اي دربيل
اشكرك جزيل الشكر
ونطمع في المزيد من ابدعاتك
تحيااااااااتي لك
اخوك

[منتعش]

الحمد لله على سلامتك أخوي الغالي
قصة مفيدة ونستفيد منها في حياتنا
حفظك الله ورعاك وبارك فيك .

[حطب سمر]

هههههههههههه
الحمدالله على سلامتك
وياليتك يوم هدت أعصابك
ربطته

[مهاجر1]

هههههههههههههههههههههههههههههههههههههههههههه
الحمد لله علي السلامه اي والله الي بغيت تروووح طعم جحش ما يقدر
لا بارك الله فيك من حمار
صدق خيراً تعمل شراًً تلقي

[البرًي]

هههههههههههههه الله يقلعك يالحمار ابو صابر نذل انتبه ثاني مرة ؟؟؟؟؟؟؟ ياخي من نذالته لاركبته وهو مارغب نحربك الاثل ههههه

[بواسامه]

ههههههههههههههههههههههههه
الراحمون يرحمهم الله

اما هو حمار ماعليه شرهه
وانت مالك الا الأجر وطير نفسك هالحمير

[فهد الهلالي]

هلا بك يااخي الغالي دربيل
والحمد لله على السلامه
وقصتك تطابق على المثل القائل
(اتق شر من احسنت اليه)
قصه رائعه , سرد اجمل , موقف لاتحسد عليه ,قصه ليست منقوله
تستاهل النجوميه
تحياتي

[عبدالله44]

الحمدلله على السلامة

[أطلال نجد]

الحمد لله على سلامتك
فكك الله من سنونه :p
وبالفعل بعض الجمالة في غير أهلها مهانة
الغريب أن هذا الحمار مصمم على إيذائك بالرغم من مساعدتك له وهروبك المستميت عنه
صدق أنه حمار ولد حمار هههههه

[ارتاح بالبر]

الله يديك العافية على هاذي القصة الرائعة
ابعد عن الحمير مالك ومالها
الي زيه اتخلصو منة

[شيخ السوالف]

حياك الله اخي دربيل
الله يعطيك العافيه
قصه رائعه او فيها بعض الغرابه
والحمد لله على سلامتك
تحياتي اخوك عبدالله العجاجي

[صقار مبتدئ]

اسعد الله ايامك
و الله ياخوي ينطبق عليك المثل (خيراً تعمل شراً تلقى) ههههههههههههه

[حسن الشمالي]

الحمدلله على السلامة
وان شاء الله انك على اجرك

ولو انا محلك كان اركب الموتر واتنحره واتوطى في بطنة
يا انا ياهو....

تحياتي:::

[شيخ البادية]

ههههههههههههههههههههههههه
والله البلشه خير تعمل شر تلقى

[هاوي عبث]

هاهاها فكك الله منه


هذا اللي يصنع المعروف في غير اهله بس انت وش دراك


اي واحد مكانك بيسوي اللي سويته يالله الحمد لله انها جت على كذا


مرتن ثانيه لو تشوف فيل يطحس خله مكانه وعض شليلك والنحشه

لا وقاعد تدعي على اللي ربطه الا العود بيدعي على من فكه


ياخوك من قرصته الحيه خاف من الحبل

[ابن حلاسه]

هههههههههههههههههه الحمد لله ع السلامه والله اني تصورت وتخيلت الموقف وضحكت بكل ما اوتييت من قوووه هههههههههه

طهور ان شاء الله :)

دمت بخير

[سليمان الربيعان]

بغيت أروح طعام جحوش ههههههههههههههههههههه
الحمد لله على السلامه صدق من قال الحمار دايم حمار
اسلوب رائع وجميل واصل ابداعاتك

[سما وماء]

ههههههههههههههههههههههههههههههههههههههه

الحمد لله على السلامه

والله صدق بغيت تروح طعام جحوش

ههههههههههههههههههههههههههههههههههههه

يعطيك العافيه والله يوسع صدرك

[صقر البحيرات]

الحمد على السلامه ..

وربي فكاك من الحمار الهايج ..

أذكر مره جبت حمار الله يعزكم .. وكان من يحليله هدي .. ومسيكين على نياته

حط خالي عليه الوثاره و الخرج . وفيه خبز يابس ..

المهم الحمار ما يتحرك ..

حنا الحين أخذنا الامان ويصلح الله يكرمكم حمار للغنم ( ما يصقل .. ولا يفتش الأغراض ولا يعض ..) ونجح في الإختبار اللي سويناه له

يوم الحمير النذل على قولتك ..

وهو يوجه له مجوز لبطن خالي .. ومامن وقت وعطاه خالي ظهره

يا اقرطه قرط .. يوم صفقه طيره فوق وطاح خالي .. وانا واقف اتفرج ( مندهش ) منظر خيالي هههههه
واجي خالي .. واناديه ( مامن نفس ) .. ياولد سولف هو انت حي ولا ميت

ويجي الراعي .. ونشيله وقال عاد نزلوني ... رجع النفس ( بياطره .. حنا ما حنا دكاتره ههههههههه)

الرجال تعافى وصحصح .. وانا اشوف ظهره ..الا طبعت رجلين الحمير على ظهر خالي لليوم والليله

... ( عاد السالفه هذي جاب طاريها الحمير الله يكرمكم .. ))

واذكر مره نعزل بالغنم وانا ماسك الشبك .. وكنا نطلع راس راس .. هو يجيني الكبش طايرن يمشي 10 الاف

وهم يصيحون الشيبان .. ابعد ابعد ( قلت بنفسي اذا بعدت انحاشت الغنم ) ونعود العزل من جديد .
واقفله ظنيته عاد يوقف وهو يصفق الشبك والشبك يصفقني .. الا انا على القاع .. وقرونه عندي وامسك قرونه

وهو يجرني جر يا دافع البلا .. واحيانا يوطاني برجلينه مع بطني .. الوكاد فريت قرونه طاح الا الشباب ليا ..

وانا اتركه حسبت انهم ما سكينه وهو ينحاش بعد هالمعركه الشرسه .. هو الرابح فيها

وانا حصلت الجروح .. وكدمات بس والحمد على سلامتي ههههههه

الحمد على السلامه .. اخي دربيل

قصتك رائعه .. واسلوب جميل في الطرح . بارك الله فيك

[راعي الخضرا]

هههههههههههههههههههههههههههههههههههههههههههههههههه ههههههههههه


والله مادري وش اقول بس الحمدلله على السلامه

هههههههههههههههههههههههههههههههههههههههههههههههههه ههههههههه

[الصارم1]

احمد ربك لو صايدك ان يسوي فيك عمليه

[حسـام]

أستبشر خيرا عزيزي دربيل
فـ إِنَّمَا يَرْحَمُ اللَّهُ مِنْ عِبَادِهِ الرُّحَمَاءَ
واحيي فيك رحمتك وشفقتك على هذا الحمار وعلى كل من يحتاج الى مساعده
وحتى العظات التي لحقتك من هذا الحمار فانها محسوبه لك ان شاء الله
...... حتى الشوكة يشاكها إلا كَفَّرَ الله بها خطاياه

[ذيب الفقارة]

الحمد لله على السلامة أخوي دربيل

قصة جميلة أمتعتنا بها أخي الكريم

وكما ذكر أخونا صقر البحيرات هذا الفعل ليس بمستغرب من الحيوان

وقد حصل معي قصة مشابهة

فقد ربيت خروف وكنت أهتم به وأعتني به لأنه الوحيد عندي ولذلك حظي بكل التدليع

حتى أصبح هو شغلنا الشاغل وكبر حتى أصبح قليل الحركة بسبب الشحوم فيه وفي يوم من الأيام

كنت أقف على مسافة منه فهجم علي وكان بالقرب مني ( عود جاوي مثبت في الأرض )

فاحتميت به فوالله لقد جعله نصفين .......... فحمدت الله على سلامتي ولم يمسي المساء إلا وهو

في القدر

[سامرنجد]

نعنبو ذالحمار والله البلشه ههههههه حمار ومتعافي ودك انك اخذن سنونه بالزراديه واحد واحد هههههه ولا فكيت كراعينه .....

يعطيك العافيه

[زن من وزنك]

هههههههههههههههههههههههههههههههههههههههههه
اضحك الله سنك

[وحيد قلاسكو]

هههههههههههههههههههههه والله النشبة

[حسـام]

أشفقت على هذا الحيوان المسكين وقلت بروح اشوف وش في ذالحمار
رجعت لسيارتي وجبت الزرادية وقصقصت الأسيام كلها وخبطت الحمار
عشان يقوم ابي احتفل بإنتصاري
وأنا جالس أفكه بشويش عشان معوره..


نعم ياعزيزي احتفل بانتصارك فكل هذه الشفقه والرحمة
فلا تكون غير من شخص شامخ شموخ الجبال تستحق حبة خشم ..
فانما يرحم الله من عباده الرحما
فكم من قلوب متحجرة تستمتع بتعذيب الحيونات والعيااااذ بالله



:(
انظر الى هذ المقطع وانا سف جدا لعرضه

dMG-IMe51zI
.

[Al3rands]

ههههههههه فكك الله