المساعد الشخصي الرقمي

مشاهدة النسخة كاملة : تكفووووون ياشباب الي يفهم للباثفندر يدخل


لوعة الماضي
20/06/2011, 08:15 PM
بسسم الله الرحمن الرحيم


يا اخوان انا معي باثفندر موديل 2003 مشلكة الموتر بالدعسه يعني اذا شغلت السياره تجيها حالات ادعس على البنص الضغط مايتحرك يبقى مكانه
وموتري تماتيك واذا عشقت تمشي السياره بس تمشي على التعشيقه لكن اعطيها بنص ماتقبل حتى صوت الدعسه وشخلت الموتر مافيه

رحت فحصت كمبيوتر قالي الدعسه الخارجيه وقالي قيمتها بـ2000 ريال حسيت ماعنده سسالفه وواحد سوري قالي تنظيف الحساس ورحت لم هندي قالي افصل البطاريه يوم كامل
فعلا فصلت البطاريه يوم كامل راحت المشكله بعد اسبوعين رجعت الحاله
تكفون الي قد صادفته المشكله او له معرفه مايبخل علي قسسم بالله اني طفششت
العـابر
20/06/2011, 08:22 PM
عندك مشكلة في حساس الهواء
اذا تعرف احد ممتاز ينظفه واذا ماصلح مالك الا تغيره ولا تدور شي ثاني غيره لا احد يلعب عليك
وبالتوفيق اخي الكريم
لوعة الماضي
21/06/2011, 12:43 AM
هلا اخوي العابر

طيــب قد جتك نفس حالتي او تعرف احد صارله ماصارلي ياليت تفهمني اكثر
وعلى العموم ان شاءلله بكرى راح اجرب واسوي تنظيف لحساس الهواء
بيض الله وجهك وماقصرت
الباثفندر 3.5
21/06/2011, 12:58 AM
بسييييطه مشكلتك و اغلب ملاك الباثفندر صارت لهم نفس المشكله
السبب:اهمال تغيير فلتر هوا المكينه فتتجمع الاوساخ على حساس الدعسه الثروث.
الحل:عندك حلين الاول انك تنظف الحساس ببخاخ اي سي دلكو و بعدها يتبرمج او انك تبدل الحساس بجديد من الوكاله و سعره حول ال ٥٥٠ ريال طبعا هذا سعره عندنا بالكويت اما عندكم فما ادري بالضبط كم سعره
و نصيحتي لك تغيره بجديد و تبرمجه و راح يرجع الموتر وكاله باذن الله
العـابر
21/06/2011, 01:31 AM
مرحبا اخي
صارت لي يوم كانت السيارة على الضمان زي ماوصفت بالضبط وبدلوه لي الوكالة بالطقاق وكلام اخوي باثفندر3.5 صحيح فقد تكرر هذا العطل مع كثير من اصحاب الباث لكن بعد التغيير لايعود العطل وضني انه عيب مصنعي تداركوه في قطع الغيار
اعانك الله
الباثفايندر3
21/06/2011, 03:01 AM
انا كان معي باثفايندر 2003 جته الحالة
ارسلي رقمك على الخاص وابشر بالخير
ديوان العرب
21/06/2011, 03:09 AM
اخوي نفس المشكله صارت معي وده الوكاله هم الي عندهم كمبيوتر ممتاز يطلع المشكله في اي حساس لان الحساسات في الباث فندر كثيرانا غيرو الحساس الي عند فلتر الهواء قيمته تقريبأ150ريال والحمدلله افتكيت من خساير كثيره لان الورش نصابين بيخلونك تغير اكثر الحساسات وشف عاد كم بكلفك
الباثفايندر3
22/06/2011, 09:20 AM
بشرنا وش صار على الموتر
عبدالرحمن السالم
22/06/2011, 12:12 PM
انا كان معي باثفايندر 2003 جته الحالة
ارسلي رقمك على الخاص وابشر بالخير


لو ماعليك امر قل لنا وش سويت عشان تفيده وتفيد غيره ولك الاجر بأذن الله

انا والله ماصارت معي بس ودي اعرف عشان اتدارك هالشى
لوعة الماضي
25/06/2011, 01:39 AM
هلا ياخوان
اولا لكل من مر هنا وفادني الله يحرم وجهه عن النار

ولله نفس الي قلتلولي عليه ونفس ماقال اخوي باثفندر3 نظفت الفلتر وحساس الهواء بـ اي سي دلكو
جلســت ثلاث ايام ورجعت الحاله نفسها

طيب تنصحوني اغير حساس الهواء .؟
سوبر VTC
25/06/2011, 02:00 AM
اخوي صارت علينا بالصمان
بالشتاء باثفندر م2005
طبعا يدعس راعيه كل الابنص و لا يتعدا سرعة 10
سحبناه بموتر ثاني من الصمان 70كيلو حتى محطة ام رقيبة
و من المحطة بسطحة الى القصيم بريدة
طلع الخلل من حساس الدعسه و دايم تصير بالباثفندر
طبعا اصلاحه
يوزن نفس حساس الدعسه مع وزن حساس اللهاة
كلف الشغل 200ريال
الان الموتر له سنة تمام
لوعة الماضي
25/06/2011, 02:45 PM
مشكور سوبر على ردك