ريموت لجميع المكيفات السبيلت رخيص [الأرشيف]

مشاهدة النسخة كاملة : ريموت لجميع المكيفات السبيلت رخيص

أبو مسفر

21/06/2011, 12:18 AM

السلام عليكم
كنت قبل اسبوعين اتجول في محلات العليان لزينة السيارات اللي على طريق خريص
ووجدت عندهم ريموتات كنت قد رأيت مثله في النت واسمه نيوستار مثل هذا :

http://www.mekshat.com/pix/upload05/images220/mk9305_20110620199_800x600.jpg

ولكن بعدما رأيته عندهم على الرفوف شدني سعره الرخيص فقط 22 ريال :

http://www.mekshat.com/pix/upload05/images220/mk9305_20110620197_800x600.jpg

وأخذت حبة قلت أبا أجربها وفيه بوسط التغليفة كتيب فيه دليل لمعظم أنواع المكيفات وكود خاص لكل نوع
وجربته على عدة مكيفات مثل الماندو والهام ( صينيات ) ودايو ( كوري ) واشتغل من أحسن ما يكون رقم الدايو 333 .
وطريقة برمجته بسيطة جداً حتى لو ما معك دليل أنواع المكيفات
فقط تضغط عل زر سيت وعندما يومض الرقم اللي فوقه تضغط أحد الارار الزرق إما فوق أو تحت وانت موجه الريموت للمكيف وتبدأ الارقام بالتغير حتى تسمع صوت نغمة في المكيف معناته أنك وصلت رقم كود مكيفك ثم تتوقف وتضغط الزر اللي جنب سيت وبهذا تكون قد برمجت الريموت على مكيفك .
من مزايا هذا الريموت : شاشته الواضحة جداً .
رموزه في الشاشة واضحة وتشغل المكيف بسهولة .
رموزه على الأزرار أيضاً واضحة .

اللي خلاني أنزل عنه موضوع هو أني لما بحثت عن ريموت لمكيف الدايو ما وجدت نفس النوع وأيضاً غالي جداً مقارنة باللي شريت .
ويوم شريت حقي وجربته صراحة تمنيت أني اشتريت اربعة زيادة لسهولة برمجته وتشغيله .

والعذر على رداءة الصور .

talak511

21/06/2011, 12:29 AM

بيض الله وجهك يا ذيبان

للزمن ثمن

21/06/2011, 12:38 AM

السلام عليكم
ما شاء الله تستهل كل خير اتمنا لك التوفيق

جيبي جايزلي

21/06/2011, 02:00 AM

الله يعطيك العافيه

أبوعلي 503

21/06/2011, 05:27 AM

يعطيك العافية على الإفادة والمساعدة والتسويق والسلام

تقبل مروري

كوكب منير

21/06/2011, 07:16 AM

:s
السلام عليكم ورحمة الله وبركاته
أخي ابو مسفر إيرادك للخبر بوجود مثل هذه الأجهزه دليل على حبك الخير لأخوانك بارك الله فيك ونفع بك واعانك وسدد على الخير خطاك وجعل ما تقوم به في ميزان حسناتك.
نتطلع لما هو جديد وكل مفيد منك:good2:
:sيشرفني قبول التحية منك وممن شارك وسوف يشارك أو شاهد وسوف يشاهد:s

NOYEB

21/06/2011, 07:43 AM

شكرا لبو مسفر

أبو مسفر

21/06/2011, 07:58 AM

السلام عليكم
أخواني /
talak511
للزمن ثمن
جيبي جايز لي
أبو علي
NOYEB

أشكركم جميعاً على دعواتكم الطيبة وبارك الله فيكم

أخي العزيز كوكب منير :
أسأل الله أن أكون عند حسن ظنك وظن كل مسلم يحب الخير وجزاك الله خير على هالدعوات الطيبة في هالصباح المبارك .
وياليتنا نسوق عن الحاجة المفيدة والرخيصة وتعتبر بديل لاشياء غالية بدون مبرر .

لكن الله يستر من العليان لا يغير التسعيرة .

شاص

21/06/2011, 11:21 AM

ماشاء الله .. أبي لي واحد لمكيف فوجي إذا بيمشي معه

west

21/06/2011, 11:24 AM

اخوي ابومسفر

السلام عليكم ورحمة الله

عندي سؤال خارج الموضوع لو سمحت لي

ابي استفسر عن المكان الي ضبطت فيه مسجل اليوكن لان مع موديل 2007 امريكي وابي ابرمج الراديوا

ياليت تقولي مكانه بالرياض الله يجزاك الجنه ويرحم والديك

ما اقدر ارسل لك على الخاص لان لازم مشاركات فوق ال 50

ياليت تفيدني ولك الشكر

mr.muhmmed

21/06/2011, 11:35 AM

جزاك الله خيرا اخي

والله هالريموت ذاا مفيد ويحتاج له الواحد

لاكن وين هوبه محل العليان ذا

عندنا مكيف ظبطناه على اعلى درجه او بدايه الحر الخفيف وظاع الريموت حقه اللحين ما نقعد بالغرفه هذي من الحر والظاهر الريموت راح يحل المشكله

أبو مسفر

21/06/2011, 12:35 PM

الاخوة /
شاص
west
mr.muhmmed

مشكورين وبارك الله فيكم

أخي / west
بالنسبة لمسجل اليوكن 2007 استعمال امريكي كان الاف ام في الرياض ما يشتغل وفي القصيم شغال وفي الدوادمي ما كانت تشتغل الاف ام اساساً يوم اشتريه .
وغيرت المسجل بشاشة صينية فيها جي بي اس وكميرة خلفية وتلفزيون ودي في دي وبلوتوث وقاريء ذاكرة وغيره من المواصفات .
زمن احسن ما يكون هالشاشة لكنني يوم اركبها كانت غالية كلفت 2500 ريال والآن تركبها كاملة المواصفات مثل اللي عندي بـ 1500 الى 1800 ريال تقريباً والكمرة الآن موجود في الغرابي تقليد شد بلد لليوكن والتاهو .

أخي / mr.muhmmed
العليان في الرياض على طريق خريص بعد مخرج 13 شرقاً على يمناك تاخذ الخدمة وتوقع امش على هونك وبتشوف لوحته وش كبرها .
بس الله يستر لا يغلي السعر .

west

21/06/2011, 01:44 PM

الله يجزاك خير ما قصرت

برنكو

21/06/2011, 11:28 PM

بما ان الموضوع عن المكيفات وش افضل مكيف اسبيلت ناوي اركبه ها الاسبوع ومشكورين

واحد حساس

21/06/2011, 11:54 PM

الله يجزاك خير والله انك تفيد الكثير

عندي مكيف ال جي سألت عن الريموت بالوكالة ب ١٥٠ ريال
اجرااام

بس وينا ووين العليان
نقول ان شاء الله نحصله عندنا

أبو مسفر

22/06/2011, 12:12 AM

برنكو
انا جربت عدة أنواع
وأسماء الماركات القديمة صار اكثرها تجميع صيني أو سعودي والسعر نفس الاسعار السابقة .

لكن عن تجربة أنا جربت نوعين صينيات واحد اسمه ماندو والثاني اسمه هام وعن تجربة لهاذين النوعين صراحة تبريد ممتاز وأصوات أخف من صوت الدايو .
والاسعار للـ18 من 1700 الى 1850 ريال والـ24 من 2000 الى 2200 ريال تقريباً .

أبو مسفر

22/06/2011, 12:47 AM

واحد حساس
لا تيأس ياخي العليان عندهم خدمة الشراء عن طريق النت ويمكن شحن بضاعتك الى تبوك اعتقد بثلاثين أو عشرين ريال فقط .
وهذا موقعهم وشف صورة للريموت لكن تختلف عن اللي أنا شريت وبنفس السعر 22 ريال تقدر تتسوق منهم وإذا تجاوزت مشترياتك 300 ريال يشحنون بضاعتك مجاناً .

http://www.nxway.com/catalogsearch/result/index/?limit=30&p=3&q=%D8%B1%D9%8A%D9%85%D9%88%D8%AA

وهذا تقرير للاخ باترول 94 عنهم
http://www.mekshat.com/vb/showthread.php?t=267545

الهاوي..

22/06/2011, 06:10 AM

الله يعطيك العافيه وماقصرت

شكرآ لك

سرهيد

22/06/2011, 01:19 PM

السلام عليكم

مرحبا باخي الكريم ابومسفر

ما اقول الا بيض الله وجهك ورحم الله والديك ، وعز الله دليتنا على ريموت يحتاجه الجميع ...

لم اكتب مشاركتي هذي الا بعد الشراء والبرمجة بنفسي ، ففعلا تمت البرمجة بناء على كلامك اصبح الآن يعمل ...

رائع جدا جدا جدا

الله لا يحرمك الأجر قل آمين

شكرا لك

تقبل احترامي

ابوقاسم

22/06/2011, 01:40 PM

الله يعطيك العافية
خبر ممتاز ومفيد جدا ويحد من غلاء الريموتات
اجل ريموت يقول لي المحل 250ريال
تحياتي لك اخوي ابو مسفر

بداية رحال

22/06/2011, 02:08 PM

موضوع جميل يعطيك العافية

منتعش

22/06/2011, 07:55 PM

عافاك الله أخوي المحب : ابومسفر
على هذا الخبر والمعلومة عن الريموت
وأسأل الله أن لا يحرمك الأجر والثواب
ولا تحرمنا من جديدك وإبدعاتك .

mjd

23/06/2011, 04:59 AM

مشكور والله يعطيك الف عافية

رسيس نجد

23/06/2011, 05:10 PM

مشكور على النصح الطيب 0

أبو مسفر

23/06/2011, 05:13 PM

اخوي الهاوي
بارك الله فيك
اخوي سرهيد شمعة خيمة الرحلات وأدواتها :
اعجز عن الرد عليك عقب الكلام اللي قلته وان كنت استفدت مني هالمرة فانا قد استفدت منك مرات كثيرة.
وعساني اوفق لخدمة منتداي العزيز وأعضاؤه الكرام اللي ما عطيته ربع ما اخذت منه .

أخي : بداية رحال
ويعافيك ربي ونشوف ابداعاتك الى تمرست في الرحلات .

مشرفنا الغالي منتعش :
الله يعافيك ويقبل دعاءك ان شاء الله .

مجد ورسيس نجد :
بارك الله فيكم وجزاكم الله خير

الحصان 1

23/06/2011, 10:00 PM

بيض الله وجهك

ibrahim_20

24/06/2011, 01:17 AM

يعطيك العافيه

me 6210

24/06/2011, 01:41 AM