ياخبير الشيروكي ( ادخل وحلها !! )

[موبايلي]

السلام عليكم ورحمة الله وبركاته
بعد التحية .. شريت جراند شروكي 97 ( 6 سلندر ) حالته ممتازة ولله الحمد ما أطول عليكم قرأت في كثير من المواضيع عن حلول حرارة الجراند شيروكي ولقيتها متنوعة وغريبة ! المهم قرأت عن بلف الحرارة اللي يقولون حق كابرس بس فيه مواضيع تشجع البلف اللي يفتح عند الـ 165
وناس تشجع على اللي يفتح عند الـ 180
وناس تشجع على اللي يفتح عند الـ 195

فأيها افضل ؟
وما نوعه ؟
والمهم اذا تكرمتم ابي رقم القطعة !

وجزاكم الله كل خير
اخوكم الصغير :d موبايلي

[المهنـدس]

نصيحتي لك اذا بلف الوكاله خربان غير بواحد اصلي من الوكاله وريح راسك
حط في بالك ان اللي صمم الماكينه حقت سيارتك ابخص مني ومن غيري فيها ! اذا بتاخذ نصيحه اخوك ركب بلف الوكاله وريح راسك لان غيره على المدى الطويل بيتعبك.
والسلام ختام..

[مهراس]

السلام عليكم ورحمة الله وبركاته:

نعم البلوف الأقل من 195 ( البلف الأصلي لـ 6 سلندر ) تركب وتعطيك تأخير في وصول المحرك الى الحراره المطلوبه (210) فقط ولا تزيد في تبريد المحرك تحت التحميل العالي. واذا عندك مشكله في الحراره فلها عدة حلول على حسب مايظهر عندك في السياره. شكرا على اتاحتك الفرصه لي للرد.

أبو فهد

[رهف2006]

حط بلف كابرس وجرب ترى كله مايجي يمكم عشرين ريال .

انا مركبه من 4 سنوات والحراره ماشيه معي زي الحلاوة

الصيف وفي اسؤ الحالات ومع المكيف الحراره توصل النص

وفي الشتاء الربع . وللمعلوميه ايام بلف الوكاله الحراره

في الشتاء توصل النص فما بالك بالحراره بالصيف..

[dejjo]

نصيحتي لك اذا بلف الوكاله خربان غير بواحد اصلي من الوكاله وريح راسك
حط في بالك ان اللي صمم الماكينه حقت سيارتك ابخص مني ومن غيري فيها ! اذا بتاخذ نصيحه اخوك ركب بلف الوكاله وريح راسك لان غيره على المدى الطويل بيتعبك.
والسلام ختام..
كلام المهندس صحيح
ركب حق الوكالة هذي نصيحتي .

[مسافر1]

الوكالة أخوي وليته يمشي .. والله من الخربات بالشيروكي والعلعلة ..

[موبايلي]

ياشباب ولا يهون اللي افادني ،،، ابي اجابة صرييييييييييييييييييييييييييييييحة تكفون :( :( :( :( :( :( :(

[جيب ربع]

أخوي بلف الوكالة أفضل من غيره لأكثر من سبب

منها إحراق البنزين بصورة صحيحة يعني لما تركب بلف كابرس أو لما تشيل البلف مايحرق البنزين ويصير يصرف بنزين

ايضاً البلف شد البلد يثبت الحرارة تقربياً يعني بلف الكابرس تكون الحرارة على الربع لكن لما تسرع على السيارة تزيد الحرارة وتوصل إلى النص يعني ما تثبت وهذا كله من خلال تجربة شخصية

الزبدة إذا كان الموتر سليم فالحرارة الطبيعية على النص شتاء وصيف

[مهراس]

السلام عليكم ورحمة الله وبركاته:

الجيب الربع: :good:

[أنتيكه]

ياخوي أفضل طريقه بحيث أنك تستفيد من نظام البلف وتفتك من الحراره خذ البلف وأفتح فيه خمس أو اربع حسب فتحات بالدريل على نفس قاعدة البلف

[موبايلي]

ياعم انتيكه ...

تكفى ابي توضيح اكثر من ناحية الفتحات اللي تقول عليها !

[أنتيكه]

ياعم موبايلي...
الجيب القراندشيروكي والسبورت أكثر مشاكل الحراره تكون بسبب مروحة التبريد الكهربائيه التي تكون بين الماكينه والرديتر وبالذات إذا كانت السياره أستعمال أمريكي فلابد أن تكشف على المروحه الكهربائيه أولاً إذاكانت المروحه سليمه فربما تكون الخرطوش السفلى تعبان فإذا زادت سرعة السياره فإن الخرطوش ينصفط والماء توقف عن الماكينه وترتفع الحراره وربما يكون البلف:
وعلاج البلف ويجب على كل صاحب سياره أمريكي أن يعمل هذه الطريقه التي سوف أشرحها .
وهذه الطريقه تستفيد منها بفائدتين :
1- عدم أرتفاع حرارة السياره وتكون الحراره دائماً أقل من النصف .
2- يساعد على حماية الثلاجه التي في الماكينه إذا كانت الثلاجه بلاستك لأن الثلاجه كثيراً ماتنفجر بالصيف بسبب زيادة الحراره ثم يفتح البلف فياتى الماء البارد فيفجر الثلاجه .
وطريقة تخريم البلف:
1-قم بفك البلف من السياره.
2- قم بتخريم قاعدة البلف لأن البلف شكله هرم بقاعده دائريهفخرم هذه القاعده.
3-يكون فتحات الدريل بين خمس إلى أربع فتحات ويكون مقاس الفتحات مابين 1-2 ملم .
4-قم بتركيب البلف وأنتبه لوجه البلف لابد أن يكون سليم وإذاكان تالف فإن غراء الوجيه يقوم باللازم.
5-إفتح غطاء الرديتر ثم شغل السياره ثم عب الرديتر ماء ولاكن تكون التعبئه بهدوءلكي لايخزين الريتر هواء.
6- أقفل غطاء الرديتر ودور أطول نفود ولاتاقف إلى براس النفود.
وأسأل الله أن أكون قد وفقت بهذه النصيحه ولاتنسونا بالدعاء للي يستفيد من هذه الطريقه.

[موبايلي]

بيض الله وجهك ياعم :d انتيكه
وكل عام وانت وجميع الاعضاء والمشرفبن بـ 1000 خير ;)

[أنتيكه]

أخي الكريم هذي صورة توضيحيه للبلف بعد اجراء التخريم

http://www.up2up.com/uploads/99152fa976.jpg

http://www.up2up.com/uploads/2172e967d5.jpg





والسلام عليكم ورحمة الله وبركاته