استفسار ياهل الخبره ؟؟

[صقار مبتدى]

السلام عليكم ورحمه الله وبركاته
[ CENTER]يالربع وشلون ادرب الطير اخليه ينقز على يدي؟؟[/CENTER]

[ربع خالي]

وعليك السلام ورحمة الله وبركاته

شوف الرابط هذا وإن شاء الله يفيدك ::
http://www.mekshat.com/vb/showthread.php?s=&threadid=10780

[صقار مبتدى]

الله لا يهينك

[احمدالصالح]

افادك مشرفنا الفاضل

[العاتق]

حياك الله اخوي انا بحاول اشرحها لك... طبعا اول شي بعد ما تعلف الطير وتشبعه وتشربه مويه ببرقعه خذه على يدك وارخي برقعه وشيله بهدوء عشان لا تفزع الطير ودهل عليه بالبرقع بهدوء وشوي شوي حتى يالف عليك ويصير الطير هادئ اذا شلت البرقع... بعد كذا اقصر عليها في العلف ( جوعها ) وكأول خطوه خلها تعلف مكانها بدون برقع طبعا وخلها تشوفك.. خلها تعلف شوي ومن ثم رح لها بهدوء وبرقعها... بعد كذا بتشوف الطير ينزل راسه يبحث عن العلف في هذه اللحظه ارخي البرقع بهدوء وشيله وابتعد عنه كرر المحاوله كذا مره وفي كل مره قصر المسافه بينك وبين الطير حتى تحس ان الطير صار يعلف عادي بدون البرقع وانت قريب منه... هذي المحاولات كلها خلال ثلاثة ايام انت واجتهادك ومدى جلوسك على الطير.... بعد كذا في اليوم الرابع حط العلف جنب الطير وارخي برقعه وشيله وابتعد نوعا ما عن الطير بمعنى خله يذوق العلف شوي وبرقعه واذا نزل راسه يبحث عن العلف شيل برقعه ولا تبتعد حرك العلف بهدوء بيدك وحك ارضيته لين ينزل راسه ويعلف ( لازم تقصر عليه في العلف ) حتى يتعود الطير يعلف وانت عنده بعد كذا علف الطير على يدك كذا مره... في الخطوة الجايه ستصل الى مبتغاك وهي تنقيز الطير خله يذوق العلف شوي ومن ثم برقعه و خذه على يدك ودهل عليه وهو مبرقع عشان تسحب العلف من تحته بطريقه لطيفه ومن ثم رجعه مكانه خلك قريب منه... ارخي برقعه وخذ العلف على يدك بالدس وشيل برقعه وخلي يدك قريبه منه مستواها تحت الطير بتشوف الطير يطالع فيك ويطالع في يدك حرك العلف اللي في يدك بهدوء بيصير الطير يمد راسه عشان يسحب العلف تحته في المره الأولى اعطيه ولا تحرمه وخله يعلف شوي وبرقعه كرر الخطوه هذه بس لا تعطيه المرات الجايه لين ينقز من مكانه على يدك... في كل مره حاول تبعد المسافه بس بشكل معقول حتى يتعود يطير من مكانه ويجيك... لا تقول صعب من طول الكلام هذي كلها في اربعه او خمس ايام...
اوصيك بتدهيل الطير وملاعبته ( طبعا بدون برقعه ) حط اي شي قريب من بوزه وخله يعضعض فيها اي شي بلاستيكي كالقلم والعب معه وهو على يدك لين تصل لدرجة انك اذا حطيت اصبعك عند بوزه يعضعضك بس بشويش... حتى يالف عليك وما يخاف... كثر الاصوات حوله والحركه... شرب الطير مويه... علف طيرك بس لا تشبعه عشان تسهل عليك المرحله اللي بعدها... تعامل مع الطير بلطف وهدوء وقت التعليف اما وقت الراحه والتدهيل ازعجه بالحركه والتفزيون والأصوات حتى تصير الامور عاديه بالنسبه له.... عند العلف عوده على صوت ( والله ما عرفت كيف اكتبه هههههههه ... لكن قول اشششششش )... انا بتلك المحاولات انقز الشواهين البحريه قبل المدعى (التلواح) في اربعة ايام تقريبا ومع مرور الوقت ستكتسب الخبره والسؤال والمشوره دايما تغنيك بالإجابه... أي شي يصعب عليك اسال ونا خوك... آسف على الإطاله و الله يوفقك يارب

[الهاوي5]

افادوك الاخوان

[صقار مبتدى]

بيض الله وجيهكم وماتقصرون

[النااااااادر]

افادوك الاخوان

[صقار مبتدئ]

حياك الله يا سمي

[أبوفرحان]

افادوك الاخوان

[جفنان ينبع]

فادوك الاخوان ماقصروا

[اسلي نفسي]

افادوك الاخوان وما قصروا

[صقار مبتدى]

بيض الله وجيهكم

[صقار مبتدى]

حياك الله يا سمي


يشرفني أني سميك:good2:
بالتوفيق