المساعد الشخصي الرقمي

مشاهدة النسخة كاملة : هل المشكلة من البطارية أم شي آخر؟


Abo-KhaLeeL
21/06/2011, 03:19 PM
السلام عليكم

حقيقة اواجه مشكلة ازعجتني كثير

من فترة واجهت مشكلة في تشغيل السيارة بعد إطفائها

بحيث لو مشيت فيها لمسافة معينه ثم اطفئت السيارة واعدت تشغيلها فأنها ماتشتغل أو من الصعب تشتغل وتبين لي ان المشكلة من البطارية لأن السلك المشبوك في الـ (-) كان مرخي وشديته عند أحد المحلات بعد ما أكد لي إن البطارية سليمة 100%

المشكلة الآن عادتلي .. خصوصا عندما تصل حرارة السيارة الى المنتصف (بمعنى مشيت لمسافة) صعب جدا أنها تشتغل مرة ثانية إلا بعد جهد محاولات لدق السلف وأحيانا يصل الأمر إلى أني أسوي اشتراك للسيارة!

فأريد أعرف المشكلة لمن لديه العلم وتكون لدي فكرة بسيطة في حال ذهبت إلى أحد المختصين بهذا الشي ..

خصوصا إنه لو دقيت سلف للسيارة وهي باردة تشتغل بسرعه .. ولكن بعد المشي لمسافة وارتفاع الحرارة (بمعدل طبيعي) ثم اطفاء السيارة .. ما تشتغل مرة ثانية!!

هل المشكلة بالبطارية فعلا؟ أم من شي آخر؟ مع التوضيح

شكرا
Abo-KhaLeeL
21/06/2011, 05:49 PM
up
up
up
up
up
up
up
تؤبر تسبدى
21/06/2011, 05:58 PM
اخوي يبدو المشكلة عندك من اصابع البطارية غيرها وراح تضبط ان شاء الله
العمده 0ون0
21/06/2011, 06:19 PM
وعليكم السلام وورحمة الله وبركاته
اخوي ابو خليل شييك على الاتي:
1-شييك على اصابع البطارية واسلاكها ابتدااا من الدينمو عودة الى البطارية0
2-شييك على سلك البطارية الموجب اللي رايح للسلف0
3-شييك على السلف احتمال تكون المشكلة من دقمة السلف او السلف نفسة خربان يحتاج تصليح0
ماون ماركز
22/06/2011, 12:03 AM
وعليكم السلام وورحمة الله وبركاته
اخوي ابو خليل شييك على الاتي:
1-شييك على اصابع البطارية واسلاكها ابتدااا من الدينمو عودة الى البطارية0
2-شييك على سلك البطارية الموجب اللي رايح للسلف0
3-شييك على السلف احتمال تكون المشكلة من دقمة السلف او السلف نفسة خربان يحتاج تصليح0

1 و 2
يقول السيارة تشتغل اذا هي باردة .. هذا يعني أن الأسلاك سليمة . لوفيها مشكلة ما تشتغل وهي باردة ولا حارة

3
لو في الدقمة او السلف مشكلة ما تشتغل بالأشتراك .. ولا تشتغل وهي باردة ولا حارة


عموما ..
عادة البطارية اذا سخنت أكثر من اللازم تسوي ها الحركة ..

البطارية معزولة عن الحرارة ؟

برضه الديلكو يسويها اذا كان يسخن .. لكن أنت تقول أنها تشتغل بأشتراك اذا السيارة ساخنة
لذلك أستبعد فرضية الديلكو ..
عزالصديق
22/06/2011, 12:45 AM
مع احترامي ل كل من شارك با الرد عليك المشكله عندك هو في سلك الارث خل الكهربائي يعملك سلك عشره ملي وراح تدعيلي لاتسوي في سيارتك شي مشكلتك بسيطه وهذ حلها
almada
22/06/2011, 01:47 AM
شيك على سلك الايرث حق السلف والسلف
ماون ماركز
22/06/2011, 10:56 AM
مع احترامي ل كل من شارك با الرد عليك المشكله عندك هو في سلك الارث خل الكهربائي يعملك سلك عشره ملي وراح تدعيلي لاتسوي في سيارتك شي مشكلتك بسيطه وهذ حلها


شيك على سلك الايرث حق السلف والسلف


تصحيح للمعلومة

الأيرث معناها الأرضي Ground وهذا ما يجي الأ بكهرباء المنازل
اللي نعلمه للحماية من صعق الكهرباء او الصواعق وحماية الأجهزة

فيه فرق بين
كهرباء المنازل Alternating current ويرمز لها AC تيار متناوب
وكهرباء السيارات Direct current يرمز لها DC تيار مستمر

السيارة تيارها مستمر .. يكون فيها موجب وسالب Positive وNegative
ولايوجد في التيار المستمر شيء أسمه أيرث (Ground)
يالبى الهلا
22/06/2011, 03:43 PM
شكله من السلف لم يكون بارد تشتغل السياره غير الفحمات وتاكد من الايرث السالب يكون مشبوك بالبدي
آ’بوخالد
22/06/2011, 05:10 PM
اخوي تآكد من البطاريه رح اقرب محل ويفحصلك بالكهرب وتعرف كم تعطي صعبه تحدد اذا هي ولالا ..وجرب شغل السيارهـ وفصل سلك السالب الي رايح للدينمو اذا طفت السيارهـ معناه الدينمو تعبان وذا ماصار شي معناه احتمال بطاريه جرب وردلنا
عزالصديق
23/06/2011, 03:12 PM
ماون ماركز حبيبي سلك الارث يجي من البطاريه ويربط في الشاص او في حديد في السياره من واقع تجربه مرت علي ونا اذا ماكنت مجرب ما اشارك في اي رد وراح يكون كلامي صحيح
ساهر1911
24/06/2011, 02:06 AM
حبيبي متى اخر مره استبدلت البطاريه واذا البطاريه عادي شغل السياره وفك غطاء ماء البطاريه وانضر بداخلها اذا لاحظة وجود فورا وفقاقيع بماء اسيد البطاريه اعلم ان اعين البطاريه محروقه وتحتاج تغيير البطاريه ولو كانت الكترونيه انضر للفتحه الصغيره الشفافه اذا لونها مائل للسواد اعلم انها عطلانه والله يعينك على استبدال بطاريه جديده وهذي الحركه تصير دايم بسبب البطاريه ، ولا تنسى تشيك على الاسلاك لان من المحتمل تكون مكربنه وهي بتضعف البطاريه لانها ما توادي عملها بالوجه المطلوب والله اعلم وبـ التوفيق
سوبر VTC
25/06/2011, 01:12 AM
ابو خليل
وشلون تبي الافادة و موضوعك ناقص
اذكر نوع و موديل الموتر !

اقرا في شروط القسم موضوع مثبت

قبل أن تكتب موضوعك في خيمة أعطال السيارات وإصلاحها (http://www.mekshat.com/vb/showthread.php?t=355126)
Abo-KhaLeeL
26/06/2011, 05:52 AM
يعطيكم العافية اخوان

تبين لي من خلال احد الورش ان المشكلة من السلف

وبإذن الله قريبا سأقوم بتغييره

شكرا لكم ع المساعدة



ابو خليل
وشلون تبي الافادة و موضوعك ناقص
اذكر نوع و موديل الموتر !

اقرا في شروط القسم موضوع مثبت

قبل أن تكتب موضوعك في خيمة أعطال السيارات وإصلاحها (http://www.mekshat.com/vb/showthread.php?t=355126)

اخوي سوبـر فتك:

هالحين انا قاعد أتكلم عن البطارية وشدخل الموتر وموديله!

أنا ما جاي اشتري جزاك الله خير ولا ابيع