هاوي عبث
21/06/2011, 10:07 PM
السلام عليكم ورحمة الله وبركاته
هذي سالفه من كتاب الراوي / سليمان الطامي .. يقول
روى له هذه السالفه أحد الشيوخ قال فيها :
كان في قريتنا مزارع وكان من ضمن مزرعته شجرة عنب مسبلها سبيل
فكان الناس والماره يأكلون منها ويدعون له بالآجر والثواب . وفي يوم قال له أحد اصدقائه : لو أهديت ثمارك من العنبه للامير عله يقبلها ويهديك هو اكثر من قيمة ثمرتها
وأخذ يلح عليه بفكرته حتى اقتنع المزارع .
ضرب المزارع حول العنبه سلك لئلا يأكل منها احد وحتى أهله حرمهم منها .
وبعد ما نضجت قطفها وحطها في اقفاص وراح فيها للامير
يوم وصل لبيت الامير طق الباب فتحت له احد العاملات في القصر وقال لها سبب الزياره
خذت منه الاقفاص وقالت له رح لمجلس الامير وعلمة بالهديه عله يكافئك
راح المزارع وربط جمله فريب من باب الامير ودخل للمجلس وشاف ناس جالسين عند البوابه وجلس معهم يوم حضر الامير قربوا الرجال اللي جلس معهم ورفعوهم وجلدوهم
والمزارع معهم وضربوه وهو يقول ماسويت شي حتى انقطع صوته .
صار اللي جالسين جايين من السجن محكوم عليهم .
اغمى على المزارع من الطق يوم قام صار يتحسب على خويه اللي شار عليه
بقطع العنب سمعه الامير وطلب تقريبه منه وسأله وش تهمتك انت
وعلمة السالفه كلها وقال له جملي مربوط برا عند الباب واسألو فلان وخادمتكم اللي خذت العنب مني وقالت لي رح للامير في مجلسه وبيرضيك .. وارضيتني
ضحك الامير ضحك من قلب وجلسه جنبه واعتذر منه وقال له ليه ما علمت الشرطة بجيتك
قال ماعطوني فرصه للكلام واعتذر منه الامير مرتن ثانية
وقال : هديتك وقبلناها وانت اليوم ضيفنا واطلب ماتبي
قال ابي فاس ؟؟ قاله ليه ؟؟ قال ابقطع شجرة العنب اللي تسببت فيني
قال له الامير : لا خل العنبه زي ماكانت وسبلها وتصدق بها للناس زي اول
وهذي نيتك ونية صديقك هي اللي جارت عليك . ودع الامير وطلع
راح وما لقى الجمل ورجع للامير وعلمة وصار الجمل داخل مع جمال الجيش ضنا منهم انه منطلق من جمال الجيش وصرخ المزارع هذي مصيبتن ثانية
ضحك الامير وقال لاتخاف نجيبه لك في الحال
ورجع خوينا وطول الطريق وهو يدعي للامير ويدعي على خويه
وقعد له ايام منقع رجوله في الماء من الورام
القاكم في القادم
هذي سالفه من كتاب الراوي / سليمان الطامي .. يقول
روى له هذه السالفه أحد الشيوخ قال فيها :
كان في قريتنا مزارع وكان من ضمن مزرعته شجرة عنب مسبلها سبيل
فكان الناس والماره يأكلون منها ويدعون له بالآجر والثواب . وفي يوم قال له أحد اصدقائه : لو أهديت ثمارك من العنبه للامير عله يقبلها ويهديك هو اكثر من قيمة ثمرتها
وأخذ يلح عليه بفكرته حتى اقتنع المزارع .
ضرب المزارع حول العنبه سلك لئلا يأكل منها احد وحتى أهله حرمهم منها .
وبعد ما نضجت قطفها وحطها في اقفاص وراح فيها للامير
يوم وصل لبيت الامير طق الباب فتحت له احد العاملات في القصر وقال لها سبب الزياره
خذت منه الاقفاص وقالت له رح لمجلس الامير وعلمة بالهديه عله يكافئك
راح المزارع وربط جمله فريب من باب الامير ودخل للمجلس وشاف ناس جالسين عند البوابه وجلس معهم يوم حضر الامير قربوا الرجال اللي جلس معهم ورفعوهم وجلدوهم
والمزارع معهم وضربوه وهو يقول ماسويت شي حتى انقطع صوته .
صار اللي جالسين جايين من السجن محكوم عليهم .
اغمى على المزارع من الطق يوم قام صار يتحسب على خويه اللي شار عليه
بقطع العنب سمعه الامير وطلب تقريبه منه وسأله وش تهمتك انت
وعلمة السالفه كلها وقال له جملي مربوط برا عند الباب واسألو فلان وخادمتكم اللي خذت العنب مني وقالت لي رح للامير في مجلسه وبيرضيك .. وارضيتني
ضحك الامير ضحك من قلب وجلسه جنبه واعتذر منه وقال له ليه ما علمت الشرطة بجيتك
قال ماعطوني فرصه للكلام واعتذر منه الامير مرتن ثانية
وقال : هديتك وقبلناها وانت اليوم ضيفنا واطلب ماتبي
قال ابي فاس ؟؟ قاله ليه ؟؟ قال ابقطع شجرة العنب اللي تسببت فيني
قال له الامير : لا خل العنبه زي ماكانت وسبلها وتصدق بها للناس زي اول
وهذي نيتك ونية صديقك هي اللي جارت عليك . ودع الامير وطلع
راح وما لقى الجمل ورجع للامير وعلمة وصار الجمل داخل مع جمال الجيش ضنا منهم انه منطلق من جمال الجيش وصرخ المزارع هذي مصيبتن ثانية
ضحك الامير وقال لاتخاف نجيبه لك في الحال
ورجع خوينا وطول الطريق وهو يدعي للامير ويدعي على خويه
وقعد له ايام منقع رجوله في الماء من الورام
القاكم في القادم