موضوع مستعجل ( استخراج جواز سفر الطيور)

[hawwamT]

الله يسعد صباح الجميع بكل خير..وأسأل الله العظيم أن تصفي طيوركم وهي بصحة وعافية ...سؤالي يا اخوان حول استخراج جواز سفر للطيور من الهيئة الوطنية لحماية الحياة الفطرية..هل بعد الكشف في المستشفى يحتاج اننا ناخذ معنا الطيور الى الهيئة الوطنية والا ما يحتاج وفقط تكفي الاوراق..وهل يعطون جواز السفر في نفس اليوم والا لا؟ وكم الرسوم ؟ وهل يحتاج حضور صاحب الطير؟..ارجو التكرم بالمساعدة بالاجابة لأني سارسل شخص الى الرياض بالطيور واريد ان اعرف؟؟..وان امكن اعطائي عنوان الهيئة الوطنية لحماية الحياة الفطرية اكون من الشاكرين؟..

[صقار مبتدى]

يفيدونك الاخوان

[ابوهمام5]

والله ما عندنا علم بس تفضل رقم الهيئه واتصل عليهم يفيدونك وبعدين خبرنا
رقم الهيئة :0096614418700
تحويلة :122
رقم الفاكس :2121716

[راعي طلاع]

اللي اعرفه وانا اخوك الربع راحو وبموجب الكشف قدمو اوراقهم بدون وجود الطير على

الهيئه واعطوهم موعد اسبوعين ان ماخاب ظني او حولها ومروا اصحاب الجوازت ايضا

من غير وجود الطيور معهم وخذو جوازاتهم بعد الكشف على الطير الظاهر ماعاد لهم صلاح بالطير.........

[راعي دهام]

.


ما يحتاج تاخذ الطيور معك

الرسوم 50 ريال للطير

وخذ معك صوره لجوازك

المده : اذا جيتهم بدري يمكن تخلص بنفس اليوم والا اليوم الثاني بتلقاها جاهزه ان شاء الله.

اعتقد والله اعلم مو ضروري يحضر صاحب الطير لكن ضروري وجود صوره من جواز سفر راعي الطير

وللاحتياط خذ الهويه الوطنيه وصوره منها ..

مكان الهيئه وانت رايح لسوق الطيور متجه جنوب على الخط السريع افرق على المحلي اللي قبل لفة سوق الطيور و مع مطعم هرفي خذ يمين تجيك اشاره ، تعدها تشوف الهيئه على يمينك ..


اتمنى اني افدتك ..



تحيتي وتقديري ..








.