» فورد اكسبديشن 2003

[3zyiz]

السلام عليكم
فورد اكسبديشن 2003 امريكي فل كامل ( إيدي باور )
عداد 257000 كيلو متر ( يمكن تحويل العداد من الميل الى الكيلو والعكس )
...
المواصفات :
مراتب جلد + تسحين وتبريد للمراتب
فتحة سقف + دبـــــــــــــــــــل
مراتب خلفية متحركة ( كهرب )
مراتب أمامية متحركة ( كهرب )
مراتب الوسط متصله وليست منفصلة ( 3 مراتب )
حساسات خلفية
دواسة الفرامل يمكن التحكم في ارتفاعها ونزولها


الاظافات :
شمعات + أنوار زينون للعالي
جنوط نيكل + كفرات جديدة تاريخها اقل من 3 اسابيع
شاشة سقف نوع tft مقاس 8 انش مع ريموت كونترول مواصفات عالية جدا
شاشة طبلون من نوع ( رود ماستر 9002 ) مع ريموت كونترول مواصفات عالية ومرتبطة بشاشة السقف عند تشغيل افلام كرتون للأطفال مثلا ,,
+ شاشة ملاحة فيها 3 برامج ملاحة وممكن اضيف اكثر مع التحكم فيها وتغيير الشكل الى شاشة بنظام ويندوز 7 او استعادتها كما كانت ..
+ كاميرا خلفية

العيوب :
الفيبر الذهبي من اطراف السيارة فيه بعض الحكات ويحتاج بوية كامل الربل ( مطلوب عليها 600 ريال بصناعية مخرج 17 )
دينمو المرتبة الخلفية اليسرى يحتاج تغيير او تصليح :
في حالة التغيير يكلف 504 ريال في توكيلات الجزيرة .
في حالة الاصلاح راح يكلف 150 ريال قيمة بكرة داخلية .
الدايش الخلفية الي بشنطة السيارة او المقابلة للمرتبة الثالثة لا تعمل ( من شريته اشتغلت معي مرتين او ثلاث مرات وبعد اغلاقها لم تعمل معي .. لا أعلم مالسبب ولست بحاجة استخدامها ) ولم افكر في اصلاحها

ارجو عدم بخس السعر او التحطيم لأني ماني مضطر على بيعته بتراب الفلوس والسوق الأن مرتفعة اسعاره الى أقصى حد .. هذا تذكير للشريطية بالتحديد والله يرزق الجميع لكن بالمعقول لا تأكل من ظهر غيرك

http://store2.up-00.com/Jun11/t6326457.jpg



http://store2.up-00.com/Jun11/0M526457.jpg



http://store2.up-00.com/Jun11/bqJ26457.jpg

[ابوشجاع911]

كم السوم؟؟
وكيف حالة المحركات والدبل وهل يوجد تهريبات زيت او المكينة تنقص الزيت؟؟
واين الموقع؟؟

[3zyiz]

يعني بتشتري مثلا ؟

هههههه

اسعد الله اوقاتك يا بو شجاع
ياخي كل من سألني نفس اسالتك احسه ماراح يشتري لأنها متكرره هههههه
اعذرني ياغالي بس من كثر ما شفت .. وبنفس الاسئلة والطريقة

لكن رح ارد مو مشكلة :)
اولا :
اتمنى المعلومات كافية ووافية الي انا كاتبها فوق مع الصور !
ثانيا :
لا يوجد اكثر من المعلومات اعلاه

يعني لا تهريب ولا مشاكل مكينة ولا مشاكل دبل ولا مشاكل قير وما غلى ذلك من الاسئلة الشائعة ..
السيارة باستخدامي الشخصي يعني مظافة في بطاقة العائلة ثاني اسم بعد مباشرة المره :) وبعدها الأولاد والبنات
اخر سومه ( 47000 ) على الجوال
الموقع بالرياض - حي الروضة
وهذا رقمي اذا حبيت تجي تشوفه 0505236767
وان ما شريت .. سير علي ونتقهوى وربك يكتب الي فيه الخير

[ابوشجاع911]

اشوفك زعلت من الاسئلة

الله يبارك لك في حديدك ولانبي قهوتك والله يستر علينا وعليك

[غريااف]

يستاهل الزين الف ماشاء الله تبارك الرحـــمن ,,,,

[3zyiz]

اشوفك زعلت من الاسئلة

الله يبارك لك في حديدك ولانبي قهوتك والله يستر علينا وعليك

لا والله ما زعلت وانا اخوك :) مافيه شي يستاهل الزعل شدعوه !!

بس انا اقصد نفس الاسئلة ولا شفنا صاملين هذا الي اقصده
وانا ماصورت السيارة وقعدت اهذر واقول فيها وما فيها الا ناوي ابيع موب اكشخ بها في الموقع ومثلك عارف لو تحط نفسك مكاني وتبي تبيع ودك بانسان شراي مافيه وقت للاسئلة وطول الانتضار
فهمت قصدي ابو شجاع ؟
يعني الصامل والي يدور السيارة يبي يطلب مقابلتي وفحص السيارة على طول سريع سريع .. صلحت ؟ يدفع فلوسه .. ما صلحت ؟ الوجه من الوجه ابيض

هذا ما قصدته انا ابي ابيع لكن مانيب مضطر ابيع بخسارة ..

[3zyiz]

يستاهل الزين الف ماشاء الله تبارك الرحـــمن ,,,,
تستاهل كل خير اخو قلبي بارك الله فيك

:)