الطير مريض ... ياهل الخبره ادخلوا

[نبهان الشمري]

السلام عليكم ورحمة الله وبركاته


مساكم / صبحكم الله بالخير


كيف حالكم ان شاء الله بخير


انا قبل امس علفت الطير لحم وز ولحم الوز قوي وتقطيعه صعب


واللحم الوز احمر وفيه دم... بعدها بيوم لقيت الطير ( الله يكرمكم ) مرجع اللي اكله كله وريحته اعوذ بالله قتاله ...

قلت يمكن الطير رجع اللحم اللي اكله ( لحم الوز ) امس اعلفتها سمان .. واليوم الصباح جيتها لقيته مطلعه نفس قطع الدم الحمراء وريحتها اعوذ بالله قتاااله

والطيره جايها شويت صيااح مع انها ما كاانت تصيح مرره

بانتظراكم ياهل الخبره

اخوكم نبهان الشمري

[مشبر البران]

شف طير فيه قلاع ولا لا
والأخوان ما يقصرون

[نبهان الشمري]

وشلون اشوف القلاع ؟؟

[مشبر البران]

افتح افم الطير شف فيه شي ابيض ولا لا
ويفيدونك الأخوان

[مجهم]

السلام عليكم ورحمه الله وبركاته
الله يشفي طيرك


شف هالرابط
http://www.mekshat.com/vb/showthread.php?t=388746&highlight=%C7%E3%D1%C7%D6+%C7%E1%D5%DE%E6%D1

و

http://www.mekshat.com/vb/showthread.php?t=360931&highlight=%C7%E3%D1%C7%D6+%C7%E1%D5%DE%E6%D1


ويفيدونك الاخوان
وعسى الله يشفي طيرك

[مازن الصعب]

رح للمستشفى بالرياض ولا تهمل او تطبب بالطير

وترى كل يوم محسوب عليك

الله يشفي طيرك

[نبهان الشمري]

جزاكم الله خير يالربع


وفيه واحد يقولي التهاب بالدم

[خيال الهيلا]

طير وانا اخوك فيه تسمم خطير رح للمستشفى
في اسرع وقت

[نبهان الشمري]

ان شاء الله راح ازور المستشفى باقرب وقت

[صاحب الجبل]

الله يشفيه بس أكيد تاخذو على بيطري

[لي نظرة]

اخوي عط الطير مضاد حيوي . نشالله بيكون طيب .لان الطير مو متعود تغيره العلف عليه وغيرالعلف عطه حمام طازج

[قرناس حائل]

اخوي خذ العلم الوكاد وبسرعة رجاء

سقط بحلق الطير عدد 2 سكرة نبات وبعده رشه ماء أو ( تطحن السكرة وتذوبها في ماء وتحطها في انبوب حق الابرة ورش بحلق الطير وانتبه ترى الطريقة هذي يبيلها واحد متمرس )

شف الطريقة الاولى يمكن اسهل

لكن الكلام بعد السكرة انتبه ثم انتبه يعلف الطير لمدة يوم واحد بعد السكرة ولازم تحط ماء عن الطير لأنه راح

يشرب وبكميات كثيرة . بعد 24 ساعة علف الطير
وان شاء الله ماراح يشوف شر

تقبل تحياتي

[صقار مبتدئ]

اسمع طيرك يا طويل الروح و السلامه فيه قلاع ( تجبن) علامة مرض القلاع
1- الطير ينتف العلف
2- الطير يرجع الغلف (يطرش، يستفرغ) اعزك الله
وهذا اكثر مرض يصيب الطيور في الربطه و خاصه الشياهيين وهو مرض علاجه سهل بس انه خطير
عطه حبه كل يوم لمدة ثلاث ايام تجدة عند الصبدليه البيطريه

http://www.mekshat.com/pix/upload03/images143/mk121334_ssaaaa.jpg

[ربع نت]

الطير فيه تسمم اخوي نبيهان عليك بالمضاد الحيوي او حبوب السبارتكس حبتين قبل العلف لان السبار تكس نيه مضاد حيوي تقبل مروري
بس مايمنع توديه للمستشفي يمكن تسمم بالدم والله اعلم

[ساحل ينبع]

اشوف ياخوي ان طيرك مايقبل تغيير العلف وانصحك انك تخلي عشاه وفطوره حمام طازج وسمان (وطيرك اعزكم الله لون مرشه اخضر ولا عايدي) اذا ان مرش الطير اخضر عليك بحبوب القلاع ستبارتكس واذا انه عايدي لالاتنوع بالعلف خليك على الحمام والسمان ووديه عند بيطري
اتمنى اني ساعدتك

اخوك "ساحل ينبع

[عابر الموج]

اسمع طيرك يا طويل الروح و السلامه فيه قلاع ( تجبن) علامة مرض القلاع
1- الطير ينتف العلف
2- الطير يرجع الغلف (يطرش، يستفرغ) اعزك الله
وهذا اكثر مرض يصيب الطيور في الربطه و خاصه الشياهيين وهو مرض علاجه سهل بس انه خطير
عطه حبه كل يوم لمدة ثلاث ايام تجدة عند الصبدليه البيطريه

http://www.mekshat.com/pix/upload03/images143/mk121334_ssaaaa.jpg


كلام صحيح اضافة ان طيرك فية ضعف وزودت العلف علية عطه العلاج ووزن العلف حتى يرتفع بالصنعه والله اعلم

[الرقعي]

الله يشفيه الطير احتمال كبير انه زود العلف واصاب الطير تخمه مع حرارة الجو لذا يتوجب عليك اعطائه مضاد حيوي مع تقليل العلف حتى تتحسن حالته

[الجراح11]

الله يشفيه وعلى فكره الحاله هذي مرت علي كم مره ؟؟؟؟
وهي عباره عن بقاء كثير من العلف في زوحنة الطير وعدم تصريفه وبالتالي تعفن العلف وتطريشه .
هذا بالتالي يصيب الطير بالتسمم والقلاع .
العلاج.... العلاج عند الله سبحانه ونحنو نفعل الاسباب :
1 _ اذا كان الطير صنيع فهو بيعدي بامر الله المرض مع تقليل العلف شوي واعطاء الطير سكر نبات و كورس قلاع ثلاث ايام
2_ اذا كان الطير ضعيف وليس له شهيه للاكل ( المستشفى ) لا هنت

[عبدالله 3]

وده ياخوي للمستشفى وهم بيعلمونك علة طيرك .. الناس ماتقدر تحكم على طيرك الا لين تشوفه
والله يشفيه ويطرح فيه البركه

[ذراع الذيب]

الله يشفيه وعلى فكره الحاله هذي مرت علي كم مره ؟؟؟؟
وهي عباره عن بقاء كثير من العلف في زوحنة الطير وعدم تصريفه وبالتالي تعفن العلف وتطريشه .
هذا بالتالي يصيب الطير بالتسمم والقلاع .
العلاج.... العلاج عند الله سبحانه ونحنو نفعل الاسباب :
1 _ اذا كان الطير صنيع فهو بيعدي بامر الله المرض مع تقليل العلف شوي واعطاء الطير سكر نبات و كورس قلاع ثلاث ايام
2_ اذا كان الطير ضعيف وليس له شهيه للاكل ( المستشفى ) لا هنت

السلام عليكم ورحمة الله وبركاته,,
صبحتم بالخير جميعا,,

كلام اخوي الجراح صحيح وزيادة العلف هي المصيبه وبعد مارجع العلف صابه تسمم,,
كان بالامكان تسقيه ماء دافي بعد مارجع العلف لتحاشي التسمم والله يشفي طيرك ويعيينه,,
تحياتي لك,,

[راعي ثواني]

صبحك الله بالخير الغالي طيرك فيه قلاااااااع وانصحك بانك توديه للمستشفى باسرع وقت ترا القلاع خطير ولا استعمل له علاج الشب والله يشفي طير وطيور الجميع من كل عووووق والله يوفقك وتحياتي لك

[سطام ابو سعود]

اخ نبهان اذ كان مروش الطير خضر فاتح وترجع العلف ممكن يكون تسمم واذاء كان مثل ما اقولك فيها الاعراض ربما تسمم وعلاجها عندي ان شاء لله مهو المستشفي الفاشل رد علي اذكان هو التسمم ارسلك العلاج وبتوفيق

[جـرح الشمـال]

امراض الطيور كثيره
وكلن يصف لك اعلاج
بس انا افضل ان تذهب الى اقرب مستشفى لصقور
وسوف يحد د لك مرض الطير ويعطيه اعلاج مناسب
تقبل مروري

[ركن برزان]

اخوي نبهان

المستشفى ولا غير المستشفى

او اذ انت مو قريب عند مستشفى وده واحد خبير ممارس في الطيور من الصقارين يشوف الطير ويفتح افمه

ويعلمك في العلم والله يشفيه انشالله


تحياتوووو