المساعد الشخصي الرقمي

مشاهدة النسخة كاملة : سؤال بخصوص شهادة السايتس ؟


falcon 1
23/06/2011, 09:14 AM
السلام عليكم ورحمة الله وبركاته
صبحكم الله بالخير اخواني الاعزاء
ان شاء الله انكم بخير وبصحه وسلامه

انا اليوم رحت للهيئة حتى اطلع رخصه لدخول الطير ..قالي الدكتور لازم تجيب شهادة السايتس .
طيب الي بيشتري طير من الخارج ( جير من المزارع ) كيف تتم العمليه ؟ هل يرسل راعي المزرعه صورة الشهادة ولا انت بنفسك لازم تروحله ؟

ارجو من الاخوان الي قد جربو دخول الطير الى البلد يساعدونه
جزاكم الله خير

والسلام عليكم ورحمة الله وبركاته

اخوكم
فالكن 1
سطام ابو سعود
23/06/2011, 10:38 AM
ما عندي خلفيه بس اقولك لله يوفقك وان شاء لله الاخوان مايقصرون بس خلهم يصحصحون ههههه
راكان1000
23/06/2011, 11:06 AM
تطلب من صاحب المزرعهEXPORT CITES وبعدين تذهب للهيئه لاستخراجIMPORT CITES وبعدين ترسلها له وصاحب المزرعه يستخرج من عنده شهاده صحيه للطير ويشحن الطير هذي كل العمليه سوف تصادف مشكله اذا طلب منك صاحب المزرعه شهاده صحيه من السعوديه لاكن قول له يشحن الطير بالاوراق الثلاث اللي فوق وامورك طيبه لان في كل الحالات سوف يتم فحص الطير في المطار
ملاحظه: حاول ان الرحله توصل للخليج بالليل لان ما فيه طيران مباشر للسعوديه لان الخطوط السعويه لا تسمح بالطيور على خطوطها الحل الوحيد هو دبي وحاول تقول لراعي المزرعه ان الفرق في الوقت بين نزول الطيار في مطار دبي والاقلاع للسعوديه يكون بسيط لحمايه الطير من الحر
واذا فيه اي استفسار انا حاضر
راكان1000
23/06/2011, 11:08 AM
يرسل لك صوره فقط من EXPORT CITES
ابوهمام5
23/06/2011, 12:02 PM
افادوك الاخوان
the_wolfq8
23/06/2011, 12:13 PM
ارحب ياخوي فالكون الخطوات اللى يجب انك تعملها

1- لازم يكون عندك صوره عن ال سايتس من بلد الطير وشهادة صحيه وهذا الاجراء تقوم فيه المزرعه اللى انت مشتري الطير منها ويكون السايتس المرسل بأسمك الشخصي

2 - بعد توفر الطلب الاول تذهب للهيئه اللى بالري وموقعهم خلف البشر وتطلب منهم اذن استيراد بعدد الطيور اللي تبي وقيمت اذن الاستيراد10 دنانير وتكون مدة اذن الاستيراد شهر احرص على المده لان اذا انتها اذن الاستيراد كأنك ماعملت شي

3- بعد وصول الطير تذهب ل حديقة الحيوان اللى بالرابيه وتقدم لهم اذن الاستيراد مع الشهادة الصحيه مع كشف المحجر الصحي بالكويت لدى وصول الطير اذا كان انه وصل عن طريق المطار وبعده راح يقول لك هات الطير يتأكدون انه هو الطير اللى مذكور في السايتس اللى جاي من بلد المنشاء

4- وانت عندهم بالحديقه اطلب منهم جواز سفر للطير

واي شي تبي تستفسر عنه انا حاظر وبالشوفه طال عمرك

تحياتي لك
أبو فيصل
23/06/2011, 02:14 PM
حاول يكون مشتراك في الشتاء علشان ما تموت الطيور أو يجيها ألتهاب حاد
أبوفرحان
23/06/2011, 07:45 PM
ما قصروا الشباب معاك
راعي مرعوب
23/06/2011, 08:06 PM
ماقصرو الاخوان
والله يرزقك بالطير الطيب ويسر امورك
falcon 1
23/06/2011, 08:06 PM
السلام عليكم ورحمة الله وبركاته
اي بالله ما قصرو الربع
الله يجزاكم خير جميعا وبيض الله وجيهكم يالنشاما
تحياتي لكم
أخوكم
فالكن ١