يالربع فزععتكم !!!!! الباترول مايشتغل

[الجيب]

السلام عليكم ورحمة الله وبركاته

مشكلتي يا أخوان ان موتري عيا يشتغل أجي أدق سلف مرة ومرتين وثلاث ورافض انه يشتغل

البنزين فل وكل شي تمام لكن ما طرت عليه انه يشتغل

بس أحيانا إذا مسكت معه وشاف دموعك نزلت اشتغل !!!! أنواع الهسترة :mad::mad:

وش الحل تكفووووووووووووووون ؟؟؟؟؟؟؟؟؟؟

السيارة باترول فتك 2008 توي شاريه مستعمل

ترا اذا مالقيت له حل ابولع فيه فشلني!!!!!!!!!

أنتظر ردودكم بفارغ الصبرررررررررررر

[جال النفود]

الله يبارك لك بموتر أنششهد إنه موتر يبرد القلب , لكن بعض الإحيان يكون في الكهرب مشاكل بسيطة جدا
لا تضق صدرك ولا شيء ,,
لكن سؤال ؟
الموتر يدق سلف ما يشتغل وإلا ما يدق أبد كأن ما فيه بطارية ؟

[الجيب]

يدق سللللف وفيه كهرب لكن ما يشتغل

لكن تروح تشرب لك شاهي وتريح شوي وتجي تدق سلف ويشتغل !!!!!!

والله هبل بي

[منصور المشاري]

اخوي عندك كتاوت طرنبة البنزين .. وعشان نتأكد اكثراذا اشتغلن عدادات الطبلون ما تسمع صوت الطرنبه ((( اللي هو بالعاده زززززززززز ))) والكتاوت مكانه فوق علبة الفيوزات اللي تحت الدركسون ..
وعشان ما تخسر قيمة الكتاوت (( فيه خمس كتاوتات اللي للطرنبه يمين فوق .. بدله مع حق المكيف (الوسطي) واذا اشتغل الموتر بدله بواحد جدييد

[الجيب]

اخوي عندك كتاوت طرنبة البنزين .. وعشان نتأكد اكثراذا اشتغلن عدادات الطبلون ما تسمع صوت الطرنبه ((( اللي هو بالعاده زززززززززز ))) والكتاوت مكانه فوق علبة الفيوزات اللي تحت الدركسون ..
وعشان ما تخسر قيمة الكتاوت (( فيه خمس كتاوتات اللي للطرنبه يمين فوق .. بدله مع حق المكيف (الوسطي) واذا اشتغل الموتر بدله بواحد جدييد





مشكور أخوي

نجرب ونشوف

[محرين باالخير]

شوف اخوي اكيد المشكله قطعة بنزين لو هي كهرب كان لا دقيت سلف تسمع موترك يفقع ولو حاب تتأكد جيبلك رشاش حق الماء وعبه بنزين وافتحه من عند الفلتر حق الهوا وبعد الفلتر ورش فيه بنزين وشغل إذا اشتغل شوي وطفا معناتها ما يوصله ينزين دور العله هي طرمبه او اكتاوت والله يعينك

[شاص نيسان 93]

قبل لا تولع فيه .. تراي احتاجه ولو ما يشتغل

[comابوسليمانwww]

اخوي مر ابوصالح التركي بالصناعية القديمة( ورشة باترول) وباذن الله بتدري وش السبب ويبي يعلمك الحل

[الجيب]

شوف اخوي اكيد المشكله قطعة بنزين لو هي كهرب كان لا دقيت سلف تسمع موترك يفقع ولو حاب تتأكد جيبلك رشاش حق الماء وعبه بنزين وافتحه من عند الفلتر حق الهوا وبعد الفلتر ورش فيه بنزين وشغل إذا اشتغل شوي وطفا معناتها ما يوصله ينزين دور العله هي طرمبه او اكتاوت والله يعينك

ماقصرت اخوي بارك الله فيك

[الجيب]

قبل لا تولع فيه .. تراي احتاجه ولو ما يشتغل

ههههههههه

ابشر

شكرا لمرورك

[الجيب]

اخوي مر ابوصالح التركي بالصناعية القديمة( ورشة باترول) وباذن الله بتدري وش السبب ويبي يعلمك الحل

جزاك الله خير اخوي

لكني بالقصيم

[آ’بوخالد]

المشكله معروفه بالفتك غير كتاوت الطرمبة ويظبط معك

[الهاجر 7002]

ششف آلكتآوت ..

آلظآهر له بآلكبوت يسسآر .. كتآوت بعد ..


ششيك ع آلفيوزآت وآلكتآوت ..


آبد بآلششي آلسسهل ..



آلله يسسهل عليك

[_دربيل_999]

اخوي شف لامن فتحت غطاء الفيوز بيجيك 6 قطع مربعة لونها أزرق
هاذي تسمى الكتاوت..
شف كتاوت الطرمبة أعلى واحد من جهة اليمين بدله بكتاوت من اللي بجنبه واذا اشتغل غيره..


اجمل تحية

[الجيب]

شاكر ومقدر للجميع مرورهم وتعاونهم

لاحرمكم الله الأجر

عز الله ان مكشات مايضم الا رجال راعين فزعه

لكم من القلب خالص الدعوات

[دل البحار]

لاحووووووول كل يوم ضحيه من ضحايا النيسان
تقلي 2008 وذا شغله
دردفه دردفه الين المعارض
وأول لفه بالمعارض جنبه وطق له بشماسيه وورقه بيضاء تسر الناظرين(A4) أكتب عليها رقمك وأكتب الجمله التاليه للبيع لدواعي السفر
ورحله سعيده
ولاتنسى تقلي بأي مكان بالمعارض
الله يبصرك فيه

[الجيب]

جبت لي الاحباط بردك هذا

يا اخي على الاقل ارفع معنوياتي شوي ولو بدعوة ان الله ييسر لي

لكن شكلك قد سويت حركة الشماسة من قبل !!!!!

[hook]

اخوي الجيب الله يمسيك بالخير


اللي صاير عندك صار معي اليوم مالحقة من صلاة الجمعه الاركعه الله يعفي والسبب من الساعه 11 وانا ادق سلف يلعلع ولا يشتغل ويجيني ريحة بنزين داخل السياره وصوت الطرمبه ضعف ماهو عادي موتري فتك 2003 اتماتيك ان لقيت حل اسدحه جزاك الله خير وشباب مكشات مايقصرون تحياتي للجميع

[دل البحار]

جبت لي الاحباط بردك هذا

يا اخي على الاقل ارفع معنوياتي شوي ولو بدعوة ان الله ييسر لي

لكن شكلك قد سويت حركة الشماسة من قبل !!!!!
ولا يهمك يا الطيب الغالي
شف لكهربة طرمبة البانزين هذا النيسان من الطرمبه

[aooa]

اذا ما طلع من كتاوت الطرمبه ... شيك على حساس الكرنك ...
واهم شيء يشيك عليه مهندس فاهم ... وان شاء الله تنتهي هذه المشكله ...


وبالمناسبه كان عندي 2004 ربع ماشي 100 الف فقط ووالله انه عذبني علشان هذه المشكله اوقفه من مشوار وما عنده مشلكه ولا يتحرك من مكانه الا بسطحه .. وودي لكم ورشه وياخذون فلوس ولا اطلع بنتيجه .. بعدها قررت ابيعه واللي شراه من المعارض يدفه مع عيال عمه للمعرض ما يشتغل ...

[الجيب]

اخوي الجيب الله يمسيك بالخير


اللي صاير عندك صار معي اليوم مالحقة من صلاة الجمعه الاركعه الله يعفي والسبب من الساعه 11 وانا ادق سلف يلعلع ولا يشتغل ويجيني ريحة بنزين داخل السياره وصوت الطرمبه ضعف ماهو عادي موتري فتك 2003 اتماتيك ان لقيت حل اسدحه جزاك الله خير وشباب مكشات مايقصرون تحياتي للجميع

ابشر

الله ييسر لنا ولك

[الجيب]

ولا يهمك يا الطيب الغالي
شف لكهربة طرمبة البانزين هذا النيسان من الطرمبه

نشيك على الكتاوت اول وان ماحصلنا حل شفنا الطرمبة

تسلم ياغالي

[الجيب]

اذا ما طلع من كتاوت الطرمبه ... شيك على حساس الكرنك ...
واهم شيء يشيك عليه مهندس فاهم ... وان شاء الله تنتهي هذه المشكله ...


وبالمناسبه كان عندي 2004 ربع ماشي 100 الف فقط ووالله انه عذبني علشان هذه المشكله اوقفه من مشوار وما عنده مشلكه ولا يتحرك من مكانه الا بسطحه .. وودي لكم ورشه وياخذون فلوس ولا اطلع بنتيجه .. بعدها قررت ابيعه واللي شراه من المعارض يدفه مع عيال عمه للمعرض ما يشتغل ...

الله يعوضك ياخوي بابرك منه

شكرا لمرورك ومساعدتك

[سوبر VTC]

طيب اذا فتحت السويتش
هل الطرمبة له صوت ام لا ؟
مر على الكهربائي العثيم صناعية الرواف خبرة باترول

[الجيب]

طيب اذا فتحت السويتش
هل الطرمبة له صوت ام لا ؟
مر على الكهربائي العثيم صناعية الرواف خبرة باترول

والله ماادري
بصراحة مادققت بصوت الطرمبة!!!!
لكن وش الفرق بصوت او بدون صوت ؟؟؟؟