الدينالي وطرمبة الزيت تكفون لا تخلوني

[جنني الدينالي]

السلام عليكم ورحمة الله
انا من جد جنني الدينالي واراد الله وشريت 2009 سعودي قبل شهر ماشي 70 الف وبعدين لاحضت وانا انزلة من القراش لان القراش مرتفع شوي (نزلة) مكتوب ضغط الزيت منخفض وعداد الزيت تحت الربع بشوي وكل ما انزلة يسير معي كذا وبعد ايام شغلته الصباح وبعد 3 دقايق طلع صوت تك تك تك تك قوي من الماكينة عل طول طفيته وشغلتة المهم مشيت علية شوي وراح الصوت ووديتة الوكالة (التوكيلات) على طول وقالو لي طرمبة الزيت لازم تتغير قلت بكم قالو ب3600 قلت غيرها شامل القطع كاملة من صوف ووجية وطرمبة وشغل يد ويوم طلعتة كان عداد الزيت تحت النص ومرات بين النص والربع فوق الربع بشوي وقالو لي عادي هذا طبيعي واذا مشيت 160 على النص او فوقه بشعرة .
وش رايكم بالي قلت لاني ما ني مطمن وكم لازم يكون الضغط الطبيعي واذا خليتة بياثر على المكينة لاني بسافر علية بالصيف ولكم كل الاحترام

[سلطان افندي]

مرحبا

انا اعرف ان اهل الترهيم
لركبوا ماكينة ls1 اللي هي مكينة الكابرس

يغيرون الطرنبة ويحطون حقت bmw

كل المرهمات هذي طريقتهم

اعرف واحد شرى سفاري معدل وقاله غير الطرنبة وحط BMW

ولا زين قول الرجال قعد قرابة الشهرين وطقت معه الماكينة بسبت ان الطربة توقفت عن ضخ الزيت

اسأل عن هذا الموضوع ان شاء الله يفيدك

وهو ماشي عليه

[سلطان افندي]

هذا واحد يسال عن مشكلة تقريبا نفس مشكلتك

السلاام عليكم ..

كيف حالكم .. وش اخبااركم ..!؟

اليوم فكرت بموضوع طرمبه الزيت .. وخراباتهاا ..

كان معي جمس غماره ونص موديله 2004 ..

شغلته يوم من الاياام وكان الوالد الله يحفظه توه جاي من مشوار به للرياض خميس وجمعه ..

شغلته واسمع صوت طقطقه قووويه بالحيل صوت كنها ضرب حديد .. وعلى طوول طفيته ..

شوي وشغلته ..

ويطلع نفس الصوت .. وادق ريووس بقووه .. ثمن امشي على قدام ويروح الصوت ..

خليته .. وجاء من بكره الصبح .. وشغلته وطلع الصوت .. خليته شوي في محله وراح ..

وكل يوم على هالحال .. وكل يوم يطول الصوت اكثر من اللي قبله ويرتفع قوته ..

لين جاء يوم ماراح الصوت ابد ..

ووديته الورشه ..

وصار من طرمبه الزيت ..

كلفت تقريباا من 1300 إلى 2000 .. " تقريباا " .. ولا اتذكر يالضبط .. يمكن اكثر او اقل ..

المهم .. ان صبري على الخراب جاب خراب ثاني .. وكل الشغله كلفت اتوقع 3000 ..

طبعاا الصوت من اول ماطلع وهو قوووي بالحيل .. يعني اسمعه من اخر البيت ..


المهم اني صلحتهاا ..

وقبل كم شهر .. طلعت على السوبربان اللي معي .. لكن بطريقه ثانيه ..

اول ما اشغل ماتطلع .. تطلع خفيفه وتروح في ثواني ..

تطلع اذا شغلت وحركت السياره شووي ثمن وقفت .. يطيح على شويش امبير الزيت .. وتبداا الطقطقه .. لكن بصوت اخف من موتري الاول بواااجد .. تك تك تك تك

وتشتغل لمبه الطبلون عن امبير الزيت .. المهم اني اذا عطيته لمسه دعسه او لمستين يرجع يرتفع
واذا مشيت وارتفعت الحراره والزيت .. صار الوضع طبيعي لو اوقف ساعتين ..!

وش علته .. هو نفس خراب موتري الاول ..!؟

ولا ضعف .. ولا خراب حساسات ولا شي ولا خرابيط اخرى ..!؟

اتمنى انكم تفيدوني قبل لأادخله الورشه .. علشان اكون على بينه ..

ويعطييك العافيه وشكراا مقدماا ..





وكان الرد


شوف يالغالي دام الطرمبة تعبانه وفحصتها بيصير تفتفه وتولع اللمبة
غير الصفاية قبل الطرمبة وفحص ضغط الطرمبة لاتخسر بالطرمبة على طول احيانا تكون كتمة من الصفاية
يعني غير الصفاية وقيس ضغط الطرمبة اذا تمام ارتحت من خسارة 1000 ريال
لانك ماذكرت قبل طفت السيارة ولاتفتفت معناه الطرمبة سليمة

بالنسبة لعداد الزيت يوم وصل 60 رجع ولا باقي على الربع
اذا وصل 60 ممتاز بس لاينزل عن النص
المشكلة هذي كانت معي بدينالي مانتهت لين غيرت صوفة الطرمبة
صار فوق النص بشرطه وهو واقف ماشاء الله :cool:

ياليت تطلعنا اش صار معك
وموقعك وين يمكن احد من الشباب يدلك على ورشة معروفة
ياليت تطلعنا اش صار معك


الصورة الطبيعية للعدادات يوكون دينالي سليم
http://www.totalwebmanager.com/TWM/Images/1006/581/full/19200921817119946.jpg

[سلطان افندي]

وهذا رد اخر


حياك محيسن هذي المشكلة من الطرمبة طال عمرك فيها ضعف ولما يكون فيها ضعف تأثر على تكايات البلوف ويطلع الصوت والصوت هذا صوت طقة البلوف في التكايات, الحل انك تاخذ طرمبة زيت رياضية slp هذي طبعاً دفعها اقوى من الجي ام الاصلية وسعرها 1500 ريال طبعاً هي أمريكية ومواصفاتها اعلى من مواصفات حقت الوكالة, ويبيلك تغير التكايات, اذا تبي حل سريع رح غير له زيت موبيل ون اللي تجي علبته بـ 45 ريال وبيروح الصوت عندك لكن لابد من تغيير طرمبة الزيت ..


هذا رابط الطرمبة ..

http://store.summitracing.com/partdetail.asp?autofilter=1&part=SLE%2D55001&N=700+400404+317933+115&autoview=sku


وهذا رد اخر

مشكلة طرمبات الزيت والطقطقة مع بداية التشغيل ونزول عداد ضغط الزيت

بسبب صوفة الطرمبة نفسها

حلها بسيط جداً ولكن أغلب المهندسين يقولك طرمبة وبعضهم يأخذها له ويغير لك الصوفة فقط ويقول ركبنا لك الطرمبة

وهاتك زرررررف دراهم بالكذب وبالباطل أنتبهوا يا أخوان

يقك كارتير زيت المكينة وتتغير الصوفة الي تربط بين الطرمبة وحوض الزيت قيمتها 15 ريال فقط

وطبعاً لازم تغير وجه كارتير الزيت جديد بعد الفك قيمة الشغل يد من 60 إلى 80 ريال حسب المهندس والزبون

[AxR979]

سلطان افندي طرمبة الـ BMW اللي يركبونه بالمرهمات هي طرمبة البنزين مهب الزيت لان حقت الزيت ما تركب الا على المكينة المصنعة له ..

--------------

بالنسبة لصاحب الموضوع ..

مدامك غيرت الطرمبة و الصوفة لا تشيل هم بس احرص على زيت 10-30 و باذن الله بتعيش معك ..

[جنني الدينالي]

الله يعطيكم العافية على الردود لكن وش اسوي انا بخميس مشيط تعرفون مهندس ممتاز
الوكالة يقولون السيارة مافيها اي شي والضغط حق الزيت طبيعي وانا من جد احترت والله