الهواويه
23/06/2011, 11:24 PM
بسم الله الرحمن الرحيم
اخواني واخواتي اعضاء ومشرفين وزوار الخيمه الشعبيه
السلااااام عليكم ورحمة الله وبركاته
هذه القصه كثيراً ما تقولها لنا جدتي واخر مره قالتها لنا اليوم :D
وحبيت اشارككم فيها
رجل كان يعاني من الفقر ما تحمل فقره وقرر انه يدور على شغل يسترزق من وراااه
طلع من ديرته طالب لرزق وبعد جهد جهيد جاه الفرج
لقى عجوز عندها غنم فوق الخمسين راس طلبها يشتغل
عندها راعي العجوز ما صدقت خبر قالت بس بشرط
قال الرجال وش الشرط قالت تاخذ اجرتك بعد سنه
تحوش الغنم هنا عند بيت الشعر والي تشيلها وتحذفها
من فوق البيت تصير لك وانت وقوتك
فرح الرجال وااثق من قوته :D قال موافق
وبدا يسرح ويروح في الغنم
واذا جا من المسراح لينها مجهزه له الغداء واذا جا في الليل
العشاء جاهز وعلى هالحال ويمر الاسبوع الاول والشهر الاول
استغرب الرجال من العجوز كل مالها تنقص الملح في الاكل
لين صارت تسويه بدون ملح استحى لا يقولها شي وحمد ربه
انها تذكره بالاكل بدا ينزل وزنه ما استغرب قال يمكن من الشقا
والا من هم البعد عن اهلي ومرت السنه بسلاااام
يوم جا من المسراح وهي تنادي عليه يافلان يافلاااان
حش الغنم هنا عند البيت وتعال طار عقله من الفرح اخيرً
بيفتك من العجوز ويرجع لاهله
قالت يالله الغنم قدامك الي تقدر تحذفه احذفه والي ما تقدره خله
كان اقرب شي له عنز عجوز ذابحها (السمال):D شالها ورماها من فوق البيت ضحك من الفرح وقرب لثانيه
وحاول يشيلها ما قدر والثالثه ماقدر والرابعه والخامسه
انهد حيله من كثر ما يحاول قالت العجوز خلاااص خذ عنزتك
والله يستر عليك ويرزقك انقهر الرجال يكرف سنه واخرتها عنز وعوده بعد:(
جلس يفكر ويفكر تنبه ان سبب نزول وزنه من قلت الملح في الاكل
وان العجوز ضاحكه عليه :D
رجع لها وقال تكفين ياعمه ابي اشتغل عندك سنه ثانيه
اذن الله يرزقني وهو ناويها هالمره ما صدقت العجيز قالت
بس شرطي هو هو قال موافق وبدا يسرح ويروح واذا جا
لين اكله جاهز بس ماعليه ملح
اشترا خيشة ملح وحطها عنده وصار كل ما جابت الاكل اخذ
من الملح وحطه على الاكل واكله يوم دارت السنه لينه معين خير وصحته تمااااام
نادت عليه يافلااااان هات الغنم عند البيت حاشها عند البيت
قالت يالله وهي واثقه بدا الرجال بالسمينه وحذفها ووحده
ورا الثانيه لين اخذ غنمها كلها وهي تناظر عرفت انه كشف
خطتها قال الحين بروح لهلي وانا كسبان يوم جا
يمشي لهله قام ورد العنز العوده وقال للعجوز هذي عطيه مني لك
:p:p:p
ارجو ان تنااااال اعجابكم
تحياتي لكم
الهواويه
اخواني واخواتي اعضاء ومشرفين وزوار الخيمه الشعبيه
السلااااام عليكم ورحمة الله وبركاته
هذه القصه كثيراً ما تقولها لنا جدتي واخر مره قالتها لنا اليوم :D
وحبيت اشارككم فيها
رجل كان يعاني من الفقر ما تحمل فقره وقرر انه يدور على شغل يسترزق من وراااه
طلع من ديرته طالب لرزق وبعد جهد جهيد جاه الفرج
لقى عجوز عندها غنم فوق الخمسين راس طلبها يشتغل
عندها راعي العجوز ما صدقت خبر قالت بس بشرط
قال الرجال وش الشرط قالت تاخذ اجرتك بعد سنه
تحوش الغنم هنا عند بيت الشعر والي تشيلها وتحذفها
من فوق البيت تصير لك وانت وقوتك
فرح الرجال وااثق من قوته :D قال موافق
وبدا يسرح ويروح في الغنم
واذا جا من المسراح لينها مجهزه له الغداء واذا جا في الليل
العشاء جاهز وعلى هالحال ويمر الاسبوع الاول والشهر الاول
استغرب الرجال من العجوز كل مالها تنقص الملح في الاكل
لين صارت تسويه بدون ملح استحى لا يقولها شي وحمد ربه
انها تذكره بالاكل بدا ينزل وزنه ما استغرب قال يمكن من الشقا
والا من هم البعد عن اهلي ومرت السنه بسلاااام
يوم جا من المسراح وهي تنادي عليه يافلان يافلاااان
حش الغنم هنا عند البيت وتعال طار عقله من الفرح اخيرً
بيفتك من العجوز ويرجع لاهله
قالت يالله الغنم قدامك الي تقدر تحذفه احذفه والي ما تقدره خله
كان اقرب شي له عنز عجوز ذابحها (السمال):D شالها ورماها من فوق البيت ضحك من الفرح وقرب لثانيه
وحاول يشيلها ما قدر والثالثه ماقدر والرابعه والخامسه
انهد حيله من كثر ما يحاول قالت العجوز خلاااص خذ عنزتك
والله يستر عليك ويرزقك انقهر الرجال يكرف سنه واخرتها عنز وعوده بعد:(
جلس يفكر ويفكر تنبه ان سبب نزول وزنه من قلت الملح في الاكل
وان العجوز ضاحكه عليه :D
رجع لها وقال تكفين ياعمه ابي اشتغل عندك سنه ثانيه
اذن الله يرزقني وهو ناويها هالمره ما صدقت العجيز قالت
بس شرطي هو هو قال موافق وبدا يسرح ويروح واذا جا
لين اكله جاهز بس ماعليه ملح
اشترا خيشة ملح وحطها عنده وصار كل ما جابت الاكل اخذ
من الملح وحطه على الاكل واكله يوم دارت السنه لينه معين خير وصحته تمااااام
نادت عليه يافلااااان هات الغنم عند البيت حاشها عند البيت
قالت يالله وهي واثقه بدا الرجال بالسمينه وحذفها ووحده
ورا الثانيه لين اخذ غنمها كلها وهي تناظر عرفت انه كشف
خطتها قال الحين بروح لهلي وانا كسبان يوم جا
يمشي لهله قام ورد العنز العوده وقال للعجوز هذي عطيه مني لك
:p:p:p
ارجو ان تنااااال اعجابكم
تحياتي لكم
الهواويه