من ينصفني من ساكو....!!!!

[محرين باالخير]

تحياتي لكل الأخوان الأفاضل مريت علي معرض ساكو طريق خريص قبل سنتين وكان عندهم عرض علي مناشير بنزين قلت فرصه ناخذواحد حق الحطب اريح من الفاس وخذيت واحد من عندهم المهم طلعنا فيه للبر واول ماشغلناه وجهزنا البنزين الخاص حقه الي مخلوط مع الزيت اشتغل له 20دقيقه وطلع فيه صوت طقطقه وطفي حاولنا فيه موراضي رجعناه لكرتونه وعلي الشركه قالو وده مركز الصيانه وديناه قالو هذا ماله تصليح لازم تعوض ببديل طبعا الرد جا بعد شهر ونص وقالو بنرسل ايميل للمعرض عشان التعويض والحين لي سنتين والأيميل ما ارسل كل ماراجعتهم اخذو صوره من البطاقه ومن الفاتوره ورقم الجوال ونتصل فيك بعد ما نراجع الأداره ولا يحصل شي حتي كلهم عرفوني وصارو يتهربون طيب وش الحل معهم يعني ندور العوض من الله

[اصيل نجد]

اخوي محرين بالخير رح لساكو اللي بطريق الملك عبدالعزيز فيه واحد اعتقد سوري او لبناني والله مادري المهم الرجال اخلاق لاانه مره صارلي مشكله في ورشتهم ماامنو قطع غيار لمنشار اركت الصغير وجلست اتردد عليهم اخر شي رحت هالرجال اعتقد هو مسئول عندهم وانشاء الله تيسر الامور بس اترك الصيانه يمشورنك بالشمس واخر شي يقولك ماوصل قطع غيار اختصر المسافه وسو اللي اقولك عليه اهم شي الايصال والفاتوره لاتضيعهن ربي يوفقك

[محرين باالخير]

مشكور اخوي اصيل نجد وشرفني مرورك انا رحت للسوري وهو مسئول الصيانه لأكثر من مره مره يكون مجاز ومره يقول طالع جوله واخر مره قالو رايح عشان سيارته مصدومه وتعرف انا وقتي مايسمح وربك يعين بس ياليت لو كان عندك رقم تلفونه اكون شاكر

[اصيل نجد]

مشكور اخوي اصيل نجد وشرفني مرورك انا رحت للسوري وهو مسئول الصيانه لأكثر من مره مره يكون مجاز ومره يقول طالع جوله واخر مره قالو رايح عشان سيارته مصدومه وتعرف انا وقتي مايسمح وربك يعين بس ياليت لو كان عندك رقم تلفونه اكون شاكر

فديتك اخوي والله لو عندي رقم تلفونه كان قبل ماتطلبه اعطيك اياه ربي يعينك

[محرين باالخير]

اصيل نجد يعلك سالم واسمك علي مسمي انا اشهد انك منت مقصر لك ودي واحترامي

[ابو صقر 111]

هذا ضمان السعوديه يأخذ القطعه الخربانه وتردد ثلاث شهور حتى تمل وتتركها 00انا واضع عندهم براده مضمونه وقالوا اسبوع وترجع ولها شهر ونصف ولم ترجع 000هذه اساليب التحايل على الضمان00وشكرا

[wafi4sa]

اخي الكريم انا من وجهه نظري رح للغرفة التجارية وإن شاء الله تجد حل لك ويمكن لغيرك
حتى توقف هذا التلاعب والتاحايل
وارجوا ان تحتسب الأجر في هذا العمل لأنك تعمل خير للناس
ولا تسكت عن حقك ابدا اطلب المعاقبة ولا تطلب التعويض
مع تمنياتي لك بالسداد

[راعي الpath]

السلام عليكم اخي محرين بالخير

تقدر تكلم الرقم هذا و تقولهم المشكله وهم راح يساعدونك 8001241616

هذا الرقم لاي مشكله تجاريه واذا ساكو ما حل مشكلتك راح يوقفون كل تعاملاته التجاريه

الله يعينك و يعيننا على هذي الشركات

[أطلال نجد]

أخي الحبيب / محرين بالخير

خل تعاملك مع أي شركة تجارية يكون بشكل رسمي عن طريق المراسلات - الايميل ، الفاكس ، فواتير

أبحث عن ايميلاتهم والفاكس الخاص بالإدارة وقسم الصيانة وخدمات العملاء وراسلهم بالأسماء وأرقام التلفونات

وإذا ما شفت أي تجاوب أجمع مراسلاتك وأوراقك الثبوتيه وأذهب إلى مدير مجموعة ساكو ولا ترضى بمقابلة دونه وإذا لم تجد تعاون أيضاً

خذ أوراقك إلى وزارة التجارة أو حماية المستهلك - قسم الشكاوي - وقدم أوراقك عليهم بعدها ستأخذ حقك كامل بإذن الله تعالى وفي أقرب وقت .

موفق للخير ،،،

[كوكب منير]

:s
السلام عليكم ورحمة الله وبركاته
أخي استعن بالله عليهم وقدم شكوى لوزارة التجارة وصورة من هذه الشكوى
إلى مجلس الوزراء ووضح في أصل الخطاب أن صورة منه مرفوعه إلى مقام مجلس الوزراء وذلك بالبنط العريض وقبل كلمة /معالي وزير التجارة.
:fحتى يبان المستخبي من المتخفي من اللصوص ومن يقف ورائهم.:f
واعلم أنهم عندما يعلمون بهذا الأمر سوف يأتيك بدل الماطور ((مكينه)):D
وفقني الله وإياك وأعانك على كل ظالم :good2:
:sيشرفني قبول التحية منك وممن شارك وسوف يشارك أو شاهد وسوف يشاهد:s

[أبوعابد 22]

الله يعينك

[مخترع ولكن]

اخوي لا تروح لوزاره التجارة ولا للغرفة التجارية

بالعربي ما عندك احد ...

تبي الحل الصحيح مع الاشكال ذي :

خذ اوراق المنشار معك ورح لساكو كالعاده .. المهم اذا وصلت لهم لا تتفاهم مع احد منهم

واتصل على طول 999 وقل فيه مشكله عندي وانا بمحل ساكو وابي دوريه حالا ...

المهم خرب ابوها معهم و اذا جت الدوريه عن طريق بلاغ 999 ما احد يقدر يتوسط لا بد ينكتب محضر في القسم

وراح تسوي لهم قروشه عمر ابوهم ما ينسونها ... وصدقني قبل تطلع من القسم والمنشار معك ...

هذه اللي عندي وهو اخر حل بالنسبة لك ( اخر الطب الكي )

سلام

,,

[فل اوبشن]

الله يرجع لك حقك متابعين معك

[سفير الجزيرة]

اخوي ( مخترع ولكن )

ههههههه تذكرتي با احد الشباب تهاوش مع الحداد للإتصالات واتصل على الدوريات وصار يحشي راس العسكري بالكلام وإنهم نصابين وكذا وكذا ونزل العسكري وقال يا تخلصونه يا اسكر المحل الآن ونتفاهم في المركز ،،، وهالنصابين الأشوام علطووووووووووووول عطوه جهاز جديد في وقتها .

[المهند تمير]

كان الله في عونك ..

الشباب يسولفون .. واحد منهم يقول أن عندي تلفزيون ما خذه من المحلات الهايبر الكبيرة .. المهم خرب التلفزيون وراح يراجعهم ... وصرفوه .. وعجز يقنعهم .. لأن الظاهر ما معه فاتورة ..
المراد قال له واحد دق على حقين مكافحة الفساد وأرفع مطالبة ..

يقول شوي وإلا هم جايين وتتصل الشركة على الرجال .. ويقولون له ماتوصل هالمواصيل .. المهم ما تنازل إلا يوم جابو تلفزيون جديد عند بيته ..

تراهم قوين لكن ما أحد جرب وشكى ...

وعندك حقين البلدية ( 940 ) جرب وش عندك .. أرفع السماعة ودق ..

وأهم شيء علمنا وش صار ..!!

[محرين باالخير]

اسعد الله صباحكم بكل خير ابشركم اتصلت بوزارة التجاره قسم الغش التجاري علي رقم 8001241616 حسب توصية اخونا (راعي الباث ) الله يوفقه وابدو تجاوبهم معي واخذو بياناتي ورقم جوالي وافادو بأن اللجنه سوف تمر عليهم ويتصلون فيني ونقول عسا الله ينفع فيهم ويكونون رادع لمثل ها المتلاعبين

[شنطة عده]

الضمان في السعودية غير ساري المفعول ابــداً

وعلى طاري ساكو الاسعار عندهم خيالية

مثال على ذلك
سعر دبة الغاز كوفيا 450 جرام 22 ريال
وهي تباع في المحلات بــــــ 9 ريال او 10 ريال بالكثير

المشكله ان بعض الاغراض ما تلقاها الا عندهم وتدفع وانت مغبون

[رسيس نجد]

الله يعينك عليهم 0000 حسبنا الله عليهم 0

[سدير1400]

اخوي يمكن هذي عقوبة لأنك طالع للبر وتقطع الشجر وهذا مخالف لتعاليم الاسلام والنظام

[سرهيد]

السلام عليكم

الله يعينك بس

للآسف في السعودية لا تحرص تاخذ اي قطعة فيها مبلغ زيادة علشان الضمان ، لأن الضمان عندنا خرطييييييييييييييي ..

ولا ادري متى سنصل الى خدمة ما بعد البيع والاهتمام بها .

مع ان ساكو من المحلات الراقية في التعامل مع الزبون واستغرب هذا التصرف منهم .

اعانك الله

تقبل مودتي

[zulfi]

كثر الطق يلين الحديد..لالالالالالالالالالالا تيأس