هل صحيح أن السيارة الجديدة تحتاج تمرين ..؟؟

[عادل الروضة]

اخواني الاعزاء الكرام هناك مقوله نسمعها من زمان ولانعلم هل هي صحيحيه او خطا تمرين المكينه وهي اصفـــار لابد تمشي 80 او ماتعد 100 ولاتشغل المكيف لين تمشي الف كيلو رغم السياره قبل ماتوصل مكتوب عليها ok يعني تم تمرينها او تم تجربتها وهي جاهزه اتمنا الجميع يعطينا تجربته مع الكلام هذا:good2: وشاكر لكم

[فوق الشمس]

واللة ونا اخوك

اناا عن نفسي

طلعت كامري 2010

ثالث يوم مسكت فيهااا خط وهي ماكملت 220 كيلو

140 امشى والمكيف شغال وهي فى الحوش عندهم


والامور طيبة ابشركـ

[عبدالرحمن السالم]

حياك اخوي عادل ، انا يوم شريت الباثفندر 2005 كنت امشي عليه 120 و140 والمكيف شغال والحمد الله ماعليه اى خلاف
وزي ماتفضل اساساً المكينه تجي من هناك مرنه وجاهزه ، مستحيل يطبقونها على الموتر بدون مايكون عليها تجربه
لكن ما ادري وش سر الوكاله يوم قالو هالمعلومـه ؟!

[حروف الهجاء]

اكيد السياره ما تطلع الا وهي جاهزه للاستخدام

[صقر نجران]

مشاء الله تبارك الله

[ولد قبة]

:redcar:السلام عليكم ...
اخوي هاذا زمان ايام التسعينات والثمنينات كانت السيارة الجديدة لازم تمرين ايام ماكانت السيارات صح ماهي مثل الحين درادع ..
لا كن السيارات الجديدة ايامنا هاذي ماأتوقع انها تتمرن والدليل شف سيارات الأجار ... حتى الوكاله اول ماتطلعها يقلولك ok مافي تمرين شغل وادعس .

[مجنون الجوني]

اخواني الاعزاء الكرام هناك مقوله نسمعها من زمان ولانعلم هل هي صحيحيه او خطا تمرين المكينه وهي اصفـــار لابد تمشي 80 او ماتعد 100 ولاتشغل المكيف لين تمشي الف كيلو رغم السياره قبل ماتوصل مكتوب عليها ok يعني تم تمرينها او تم تجربتها وهي جاهزه اتمنا الجميع يعطينا تجربته مع الكلام هذا:good2: وشاكر لكم


االسيارات لاتمرن الا بعد التوظيب الكامل

[الرميح الحربي]

شغل المكيف بس لاتسرع

[ناصح]

الغريب أن السيارة ياتي معها كتيب تعليمات


وقد سرد فيه كل التعليمات المهمة وترجم لنا باللغة العربية ولا تحتاج لقاموس

مثل نوع البنزين 91 أو 95 وكمية الزيت ونوعه

وفترة وكيفية قيادة السيارة وهي جديدة ( تليين ) أو تمرين المحرك

ثم يقوم صاحب السيارة الجديدة ويسأل هنا في المنتدى



وياتي بعض الشباب يعطيك توجيهات وكأنه هو من صنع السيارة ..!!!



أخي الفاضل


هذه الفترة المهمة
ليست مقولة كما تذكر بل تسمى فترة تليين المحرك


وهي مهمة على المدى الطويل


وغالبا كل السيارات لا بد من الاعتناء بها


عدا بعض أنواع السيارات الفارهة والتي تصنع باعداد قليلة


واتباع تعليمات التليين تأتي بالنتائح على المدى البعيد في إطاله عمر المحرك وتقليل استهلاك الوقود



وعلى العموم كل السيارات التي اشتريتها كانت تنص على أهمية هذه الفترة وأخرها باترول 2009


وحتى قريب لي اشترى سيارة 2011 فيها التعليمات نفسها


فياليت تجرب بنفسك وتطلع على كتيب تعليمات السيارة


لترى تنبيهات صانع السيارة حيال ذلك


شكرا لك

[يكفيني نظرة]

لاتمشي اكثر من 100 ولاتشغل المكيف هذي عشان ما تخرب السياره خراب جامد ويبلشون بها الوكاله..

[الفتك2008]

هذاك كان اول يالغالي

انا مطلع لي فتك 2008 مطلعه من المعرض العصر العشاءمسكت فيها خط وامشي 140 والمكيف شغال والامور تمام :)

[مسفر الاكلبي]

فترة التليين ضروريه لا طالة عمر المحرك والي يبي يسرع لا يقول بعد سنتين او ثلاث سيارتي ليش تنقص

[مطعس ركض]

التمرين ضروري جدا والسرعه اقل من 100 كلم / ساعه
واقل مسافه 500 كلم
والا ليه يسون لها تشيك بالوكال بعد ال 1000 كلم

كان قالوا تعال بعد 5000 كلم وغير الزيت وشيك
لابد من التمرين

[يالبى الهلا]

التمرين ضروري للسياره والاعطائها عمرا اطول والدليل سيارات 2010 توضب مكاينها قال من الحراره الا من الدعس اثنا ءالتمرين وعدم تغيير الزيت على وقته لان ازيت له وقت وينتهي حتى لو ماتنقص والمحافضه على الصيانه الدوريه للسياره

[عبدالله المطيري]

أنا اكلمك من واقع تجربة


في 25 /1430/11


اي قبل سنتين

شريت للوالد من وكالة سعود بهوان البريمي بعمان شاص 2010


من طلعته من باب الوكالة ماوقفت الا بالبيت بالرياض ولانزل عن 150 ويوصل الى 180 والمكيف

شغال

المهم يوم وصلت البيت الا هو ماشي بالضبط 1020 كم


وخليناه ماغيرنا زيت وكالته الا على 3000 كم والحمد لله تم له سنتين ولافيه الا العافيه



وترا وقتي كان براد مثل الايام هذي

[كويس]

بالنسبة لسيارات تويوتا ما يحتاج تمرين عن واقع تجربه

[ابو محمد السهلي]

التمرين مهم جدا .،،، السبب الزيت حق الوكاله خفيف مره زي المويه ..،، بعد ً١٠٠٠ غير الزيت وروح............. واخبر من المويلات القديمه السياره اللي تمرن علئ سرعه ١٠٠ تجي عزم وفزه علي كيفك.... من واقع تجربه ... ومن القصص الطريفه واحد من الربع طلع هايلوكس ٩٣ وكاله من الرياض مشي عليها خفيف زي المعتاد مع السريع يوم اقبل على الديره تهيض ... ويمسح طبلونها ...، بعد التمرين قامت تنقص .... وبعها وهي تنقص بعد سنه ..