اتمنى من الشقردية المشرفين والفاهمين بالميكانيكا والكهرباء المشاركة بأسرع وقت ..

[محامي وراط]

السلام عليكم ورحمة الله وبركاته ،،


((( اتمنى من الشقردية المشرفين والفاهمين بالميكانيكا والكهرباء المشاركة بأسرع وقت


ولا مانع من مشاركة الاعضاء الشقردية والنشامى في ايجاد حل لمشكلتي )))




لا اريد الاطالة والاخذ من وقتكم الثمين ولكن باختصار :




امتلك باثفندر 2005 ستاندر قير اوتوماتيك (خليجي) ،،


حدث لي مشكلة من فترة لا تتجاوز الشهرين وهي باختصار انه في بعض الاحيان اريد ان


ادق سلف او اشغل السيارة لمشوار ما فأجدها لا تدق سلف او بمعنى آخر المفتاح يوصل


لآخر السويتش وبدون حنة او نقرة بشكل مفاجئ مع العلم ان انوار الطبلون تضيء (انوار الطبلون ليزر) مع


فر المفتاح او فر السويتش الى الاخر ولكن بدون جدوى فالسويتش لا يحدث صوتا


والسيارة لا تعمل الا بمحاولات اكثر من 3او 5او 10 مرات بعدها تشتغل السيارة وهذه المشكلة ( كأن القير بوضع R او D ) علما ان القير يكون بوضع P او N في حالة التشغيل ،،


احيانا تحدث مرة في الاسبوع واحيانا مرة في الشهر واحيانا مرة في ال3 شهور


يعني مالها وقت محدد ( واحيانا اشغل الموتر في مشوار ما وامشي عليه اكثر من نصف


ساعة او ساعة كاملة ، واوقف اقل من 2 دقيتين للبقالة مثلا واجي اشغل ما تشتغل الا بعد


3او 5 او 10محاولات !!! ولا اعلم ماالسبب في ذلك ؟؟)


1- مع العلم ان البطارية شغالة 100% ( مركبة لها اقل من شهرواحد ).


2- المفتاح مبرمج واصلي ويعمل 100% .


3- ديلمو السيارة يعمل 100 % .


4- اصابع البطارية شغالة 100 % ( ولا توجد بها املاح )


اتمنى افادتي في القريب العاجل في سبب المشكلة اذا كان لديك


المعرفة في حلها او ايجاد سبب المشكلة


(( لأنها طفشتني وجننتني بالحيل ،، ولم أجد حتى الآن كهربائي فاهم !!!!!!!!!!!))


(( المشكلة انها اذا حدثت وقتها اصير مستعجل او عندي شغل سريع فلذلك توهقني بأنها ماتشتغل الا بعد محاولات عديدة ))


وللمعلومية تم زيارة احد الورش واستفسار كهربائي قال عنها يمكن تكون واحد من ثلاث :


1- حساس القير .
2- السلف .
3- السويتش او الدقمة نفسها .



(((وأخييرا اريد منكم فضلا وليس امر اذا تعرفون كهربائي فاهم وفنان في مثل هالشغلات تدلوني عليه واكون لكم من الشاكرين دائما وابدا )))


(( علما اني متواجد دوما في مدينة الرياض ))


الف الف الف شكرا لكم مرة أخرى ،، ومعذرة على الاطالة ..

[محامي وراط]

فضلا وليس أمرا ،،

اتمنى من المشرفين او الاعضاء المشاركة بإيجاد حل لمشكلتي او ابلاغي

بسبب المشكلة لمن واجه نفس المشكلة ؟؟؟!!!

او تدلوني على كهربائي فاهم وفنان في مثل هالشغلات يكون في احد

ورش مدينة الرياض وشكرا ..

[سديراوي 13]

هذا يالبناخي اتوقع 99% من الدقمه

بس تاكد ونا خوك من الاصابع حقت البطاريه انها ما تكون مرتخيه والي على البدي بعد

تحياتي

[محامي وراط]

هذا يالبناخي اتوقع 99% من الدقمه

بس تاكد ونا خوك من الاصابع حقت البطاريه انها ما تكون مرتخيه والي على البدي بعد

تحياتي



الف شكر لك يبناخي ولاهنت على الرد وعسى الله يطول بعمرك ،،

اما بالنسبة للدقمة بحاول اشوف كهربائي وبسأله عنها ويشيك عليها ،،

وبالنسبة للاصابع مشيك عليها وتعمل 100% ولا يوجد بها خلل ولكن سأتأكد منها ايضا ،،

وبكرة بإذن الله بفحص الموتر بالكمبيوتر للتاكد من سلامة الحساسات ،،

ولا زلت انتظر آراء وردود المشرفين الفاهمين بالكهرباء والشغلات الي مثل كذا

الله لا يحرمنا منهم دائما وابدا ...

[يالبى الهلا]

هذا يالبناخي اتوقع 99% من الدقمه

بس تاكد ونا خوك من الاصابع حقت البطاريه انها ما تكون مرتخيه والي على البدي بعد

تحياتي
نفس التوقع من دقمه التشغيل بدلها

[التفق]

السلام عليكم اخوي قبل كل شيء شيك على الكمبيوتر من اجل الحساسات واذا تبين ان كل شيء سليم تأكد من دقمه السلف والله اعلم:good2:

[Bader-M]

وعليكم السلام ورحمة الله
اقرب احتمال هو دقمة السلف
وهي شغلة بسيطة جدا
واعتقد ان سلف و دقمة المكسيما يركب علية اذا ما خاب ضني

تحياتي اليك

[بدوي جنوبي]

حساسات القير لا تجيها نهائيا اتوقع ما لها دخل

الخلل من الدقمه او من السوتش ممكن يحتاج تنظيف .

قد حاولت تحرك عصا القير وقت التشغيل ؟

[محامي وراط]

إخواني ( يالبى الهلا ، والتفق ، وبدر ) اشكركم جميعا على مشاركتكم

ومساعدتكم لي في اعطائي سبب

المشكلة او حلها ،،

وبإذن الله سوف افحص كمبيوتر على الحساسات للتاكد من سلامتها ثم التشيد على الدقمة والسلف

اما بالنسبة لك يا بدوي جنوبي اشكرك على المشاركة والرد

واما بالنسبة لعصا القير حاولت تحركيها في نفس الوقت التي واجهتني المشكلة ولكن بدون جدوى لم يتغير شيء

وياليت اللي يعرف كهربائي فاهم وفنان وشغله نظيف يكون بالرياض يدلني

والف شكر ودعوة لكم جميعا ..

[محامي وراط]

ولا زلت انتظر رد مشرفنا المبدع

دوما ،،

>>> الاصيل الحجازي <<<

[محامي وراط]

..........................................

[وبل نجد]

فيه كهربائي ممتاز في جنوب غرب الرياض

راسلني على الخاص

تقبل مروري ياراعي سدير

[sgl2002]

صايره معي نفس حالتك في ددسن وتراها ماتطلع الإ بعد مشوار طويل زي ماقلت
وطلعت فحمات السلف

[K.S.A.A]

جرب أذا رفض يشتغل تحط القير في وضع N
إذا ضبط فالمشكله في حساس القير
إن كانه ماأشتغل فممكن المشكله في الدقمه .
أما السلف فبسيط معرفته وهي ( لما تفتح السويك وتحاول تشغل وتشوف أنوار الطبلون تضعف والموتر مايدق فإعرف إن السلف خربان )

[سعد النفيعي]

السلام عليكم ورحمه الله وبركاته
اشكر اخواني وزملائي اعضاء منتدى مكشات على روح المحبة والتعاون
حسب خبرتي في مجال المكانيكا وشويه كهرباء
انه العطل يا من الدقمه او جلب النحاسات وانا افضل انك تغسل السلف وتشحمه
وتقبل مروري

[محامي وراط]

فيه كهربائي ممتاز في جنوب غرب الرياض

راسلني على الخاص

تقبل مروري ياراعي سدير



الف شكر لك ،، وتم الرد على الخاص ..

[محامي وراط]

صايره معي نفس حالتك في ددسن وتراها ماتطلع الإ بعد مشوار طويل زي ماقلت
وطلعت فحمات السلف


الف شكر لك على الرد والمشاركة ،، فحمات السلف سألت كذا واحد يفهم فالكهرباء قال نادرا مايكون الخلل منها لأنها غالبا ما تخرب الا بعد فترة طويلة ،،وبرضه بسوي تشييك عليها ..

[محامي وراط]

جرب أذا رفض يشتغل تحط القير في وضع N
إذا ضبط فالمشكله في حساس القير
إن كانه ماأشتغل فممكن المشكله في الدقمه .
جربت حطيت بــ N وما نفع ورجعت P ورجعت نمر أخرى ثم P ولا تغير شيء ابدا ،،
أما السلف فبسيط معرفته وهي ( لما تفتح السويك وتحاول تشغل وتشوف أنوار الطبلون تضعف والموتر مايدق فإعرف إن السلف خربان )

بالنسبة للسلف لما افتح السويتش لمبات الليزر لا تضعف ولاهم يحزنون نفس وضعها وما تغيرت وقت التشغيل او قبله

((( على فكرة تم فك السلف وتنظيفه وتشحيمه في فترة لا تتجاوز 8 شهور )))

والف شكر لك على الرد والمشاركة ..

[محامي وراط]

السلام عليكم ورحمه الله وبركاته

اشكر اخواني وزملائي اعضاء منتدى مكشات على روح المحبة والتعاون
حسب خبرتي في مجال المكانيكا وشويه كهرباء
انه العطل يا من الدقمه او جلب النحاسات وانا افضل انك تغسل السلف وتشحمه

وتقبل مروري



الف شكر لك على الرد والمشاركة ،،

بالنسبة للسلف ((( تم فكه وتنظيفه وتشحيمه في فترة لا تتجاوز 8 شهور )))

وبالنسبة للدقمة وجلب النحاسات لحد الآن

جاري البحث عن كهربائي فاهم وشغله نظيف

((( باختصار ماني تاركه عند كهربائي غشيم يفك ويركب

وهو مايدري وش الشغلة ويغيير لي قطع وهي لا تشكو من

أي عطل )))

وعذرا على الاطالة ..

[محامي وراط]

وابشركم يا شباب تم ليلية البارحة

فحص السيارة بجهاز كمبيوتر تم وضعه تحت الدركسون بجانب فتحة الكبوت

ووهذا شبيه له بالضبط او هو نفسه

http://up11.up-images.com/up/viewimages/c66127020c.jpg (http://fashion.azyya.com[/url)

وعلى فكرة تكلفة فحص الكميوتر هذا = 100 ريال

ولله الحمد الحساسات سليمة بأكملها ولم يظهر اي عطل يتعلق بالحساسات

بناء على كلام (ابو شكيب )في ورش الصناعية القديمة

[محامي وراط]

ولا زلت انتظر رد أخونا ومشرفنا المبدع دوما ،،

>>> اصيل حجازي ( ابو عبدالرحمن ) <<<

الله لا يحرمنا الطيبين والكرماء امثاله ،،

ولايهون باقي العضاء المكشاتين المبدعين دوما ..

[المظل]

اخي الكريم المشكله عندك بدقمة السوتش

[فايز الهواس]

اخوي توكل على الله وغير فحمات الدينمو لانها نفص القصة صارت لي ونا الي غيرتها بنفسي بعيدن نصب الحرامية

[محامي وراط]

اخي الكريم المشكله عندك بدقمة السوتش



الف شكر لك أخوي على الرد والمشاركة ،،

طيب أخوي ممكن تدلني على كهربائي فاهم يكون بالرياض

وشكرا ..

[محامي وراط]

اخوي توكل على الله وغير فحمات الدينمو لانها نفص القصة صارت لي ونا الي غيرتها بنفسي بعيدن نصب الحرامية


الف شكر لك أخوي على الرد والمشاركة ،،

ممكن يكون العطل من شيء ثاني مو شرط يكون من فحمات الدينمو !!!!


وتقدر لاهنت تدلني على كهربائي فاهم يكون بالرياض وشكرا ..

(( لأني لا افهم شيء في الفك والتركيب أخاف اتحمس واخرب اشياء ثانية ))

[كاشت وحداني]

فيه طال عمرك اللي يسمونه التامين
اللي يخلي السيارة ما تشتغل الا وهي في p او في n
وهو غالبا عبارة عن زي السلك يربط بعصا القير
اتوقع انه مرتخي او فيه خلل وحركتة مع عصا القير مش مضبوطه
لا حظ شغلته مع عصاء القير فقط
لاتنزل للقير نفسه وحساساته

وموفق خير

[سوبر VTC]

رابطين



http://www.mekshat.com/vb/showthread.php?t=258455


.....................

http://www.mekshat.com/vb/showthread.php?t=295564

[محامي وراط]

الف شكر للعضو ( وبل نجد ) الله يعطيه العافية ومن يسمع ،،

تم الذهاب الى كهربائي باكستاني وكهربائي هندي - جنوب غرب الرياض ( بناء على طلب العضو وبل نجد )

الكهربائي الباكستاني : قال خلها الى ان تخرب او تواجهك نفس المشكلة وجبها بسطحه عشان اعرف سبب المشكلة واصلحها ؟؟

الكهربائي الهندي : قال اترك السيارة عندي اكثر من ساعتين حتى تبرد السيارة تماما وافك حساس القير وانظفه وأرجعه قال يمكن هو السبب يصير عليه غبار او املاح او غيرها تخليه ما يوصل بشكل ممتاز ( التكلفة = 150 ريال فقط )

ودمتم في حفظ الله ورعايته ^_^

[محامي وراط]

واحيطك علما اني الى الان ما فكيت حساس القير عشان انظفه ( بناء على كلام الكهربائي الهندي )

لأني أنتظر آراء أخرى من الاعضاء ،، وياليت اذا احد شارك بالرد يدلني على كهربائي فاهم يكون بالرياض

والف شكر لكم جميعا ^_^

[محامي وراط]

.................

[فورتشنر2008]

اسمع حبيبي اخوي كان عنده نفس مشكلتك وحلها سهل لكن ابيك تجرب هذي الطريقه وتردبي بسرعه وعطيك الحل بسرعه لما تجي تشغل وترفض نزل الدركسون لأخر شي وخلك ضاغط على عصا التنزيل والدركسون لإسفل وشغل إذا اشتغلت عطني خبر واعطيك الحل

[أبوعابد 22]

شف يالذيب اتوقع أنه يايكون برمجة كمبيوتر ولا الدينموا يفوت كهرب

[محامي وراط]

اسمع حبيبي اخوي كان عنده نفس مشكلتك وحلها سهل لكن ابيك تجرب هذي الطريقه وتردبي بسرعه وعطيك الحل بسرعه لما تجي تشغل وترفض نزل الدركسون لأخر شي وخلك ضاغط على عصا التنزيل والدركسون لإسفل وشغل إذا اشتغلت عطني خبر واعطيك الحل



الف شكر لك أخوي على الرد ،،

اذا صارت او حدثت المشكلة مرة أخرى معي ( لأنها تروح وتجي ) سأطبق ما ذكرت لي بالحرف الواحد وسوف ارى ما ذا يحدث بعد ذلك ،، والرد بإذن الله سيكون قريبا ..

الى اللقاء ^_^

[محامي وراط]

شف يالذيب اتوقع أنه يايكون برمجة كمبيوتر ولا الدينموا يفوت كهرب


الف شكر لك أخوي على الرد ،،

ممكن يكون كلامك او توقعك صحيح ولكن اغلب الكهربائيين اللي مريت عليهم قالوا لي احتمال كبير يكون من حساس القير اسفل السيارة يبغاله فك وتنظيف على كلامهم والله اعلم

والى الآن ما فكيت حساس القير ولا سويت شيء بالسيارة اللهم سويت لها فحص كمبيوتر (جهاز تحت الدركسون) بتكلفة = 100 ريال
ولم يظهر اي عطل في حساسات السيارة ولله الحمد ..

الى اللقاء ^_^

[رسلان الوايلي]

اتوقع الدقمه
وشف هل هي مغيره قبل هالمره
اذكانت مغيره يمكن مو اصليه

[محامي وراط]

على فكرة يا الشقردية احب اذكر بمعلومة :

المرة الاولى // قبل 10 ايام صارت لي المشكلة نفسها عند بقالة ادق سلف ما تدق تولع (القير في وضع P لمبات الطبلون تضيء وبدون اي صوت )
ثم ضغطت على زر الامان ولونه احمر على يمين القير ثمن نزلت القير من P الى D ورفعته الى P بحركة سريعة
ثمن دقيت سلف واشتغل الموتر من اول مرة ما شاء الله ..

المرة الثانية / كان عند البيت (جاي من مشوارنصف ساعة او اقل وطفيته لمدة تزيد عن ربع ساعة ) المهم جيت ادق سلف ونفس المشكلة تولع لمبات الطبلون بدون اي صوت طبعا القير في وضع P
طبعا في فراغ بسيط فوق نمرة P دفيت القير مرتين على فوق ثمن دقيت سلف واشتغل الموتر من اول مرة ما شاء الله

وأظن كلام الكهربائيين صحيح اتوقع المشكلة من حساس القير اسفل السيارة يحتاج الى فك وتنظيف ؟؟

وش رايـــــكـــــم يـــــالـــــنـــــشـــــامـــــى ؟؟

[المظل]

مشاء الله عليك عرفت مشكله موترك بنفسك

وقد يكون يبغا وزن لعصاء القير