المساعد الشخصي الرقمي

مشاهدة النسخة كاملة : طرح الطيور ف الامارات


خطاف_دبي
25/06/2011, 05:08 PM
السلام عليكم و رحمة الله و بركاته

يا شباب انا من يوم ما دخلت هالمنتدى الطيب والا اشوف اغلب الطيور المطروحة تكون ف الكويت او السعودية !!! و ما شفت حد منزل موضوع ان مطروح طير ف الامارات

ف بغيت اسال عن السبب و اذا بغيت اجرب من وين اقدر احصل الشبك ف الامارات ؟؟ ياريت حد من صقارين الامارات يفيدني ....

و اسمحولي يالربع ع الازعاج
العزه لله
25/06/2011, 05:10 PM
هلا ومرحبا ملييييييون بأأأهل الآماااااارااااااات هلا وغلا ملييييييييون
ذراع الذيب
25/06/2011, 06:27 PM
السلام عليكم ورحمة الله وبركاته,,
مسيت بالخير ياخوي,,

يطرون لي طرح الطيور بالامارات براس الخيمه والله يكرمك بالزين ان شالله,,
تحياتي لك,,
أنا داري
25/06/2011, 08:15 PM
غن يالييييييييل مطولك اي طرح في الامارات !!!
لا تحاول مافي طروح ..
انتظر بس بداية النقله وشترلك طير بالفين درهم وفك راسك من العوار
ولا بغيت بذاوير وشراييس عليك بلفري والشبكه بتلقاها في ند الشبا ولا محلات المقانيص
والسموحه ياخويه
خطاف_دبي
25/06/2011, 10:51 PM
مشكورين اخواني ... اخوي أنا داري انا عندي طيرين الحمدلله بس قلت ابا اجرب لان راس الخيمه كلها جبال قلت اذا في حد جرب او عنده خبره يساعدني
ذراع الذيب
26/06/2011, 09:58 AM
مشكورين اخواني ... اخوي أنا داري انا عندي طيرين الحمدلله بس قلت ابا اجرب لان راس الخيمه كلها جبال قلت اذا في حد جرب او عنده خبره يساعدني

هلابك ياخطاف دبي,,

اقنص ووكلها على الله كلمة مستحيل ياما ناس قالوها وفيه ناس تعدت المستحيل..
روح وخلها وناسه وتماشيه وخل اكثر مقانيصك بالصباح وركز على عمدان الكهرباء..
ان شالله تجينا بخبر طرح فرخ جبلي نادر مقاس14عرض 13 ونص طول,,
واقنص اكتوبر على السواحل ويكرمك الله بالنادر ...
حمدm
01/07/2011, 12:25 AM
التوافيق عند الله انشاله والدنيا تجارب بتلقا انشاله
خيال27
05/07/2011, 01:49 AM
اقنص والرزق عن الله والله ولي التوفيق
مرفاوي
05/07/2011, 02:45 AM
السلام عليكم ورحمة الله وبركاته


خطاف دبي .. طال عمرك فيه طرح لطيور ف الامارات .. لااكن أعداد قليل .. ولمناطق عندك راس الخيمه مثل ماقال اخوي

ذراع الذيب .. ولمناطق الاخرى .. فيه طرح ف دبي وبعض المناطق .. ومناطقنا نحن ف الغربيه ولجزر القريبه

لااكن الي يطرحون مايعرضون الطيور المطروحه لنـا نحن.. لن اسعارها مرتفعه .. ولعام ف المنطقه الغربيه .. المرفأ .. المنطقه ألي أنا فيها .. طرحو 3 تبوع فروخ ... و أولت العام طرحو قرناس شاهين هوى ... والله يكتب لربعنا الخير ان شاء الله هسنه .. لن أعدادها قلت بكثرره .. و السموحه ع الاطاله طال عمرك