المساعد الشخصي الرقمي

مشاهدة النسخة كاملة : اذا لقيت طير صقر وحجل ورقم جوال مالك الطير هل تتصل به


هبوب
29/12/2005, 08:56 PM
اما بالنسبه لي فا الاتصال وعلى طول على الاقل ليفرح بعد ما ضاع طيره ونرجو منكم جميعا الرد على هذا السوال
سرهيد1
29/12/2005, 09:00 PM
السلام عليكم

أي والله اللي باتصل عليه وابشره

يا رجل والله لو تدري غلى طيور الناس عندهم مايعادله شي

واللي يبشر مضيع بشره الله بالخير
الشـ صقرـــام
29/12/2005, 11:11 PM
باقل من ثوان اتصل براعييه واكسب الحسنه لانه الحسنه بعشر امثالها

الله لا يبعدنا عن طريق الصواب

شكرا هبوب
الفيتو
30/12/2005, 01:58 AM
بسم الله الرحمن الرحيم
السلام عليكم ورحمة الله وبركاته

مساء الخير يا خوي هبوب (( يعرف السلم من كان عنده ذوق لوعته الطيور إبمغاديها ))
للصـقــاقــيــر سـلم وعهد ما ثوق
...............من سنين قديــمــات مـاأحـصـيـها
من لقى شــي ضـايع وفيه إسبوق
..............شــودوا لـيــن يــلـقــون راعــيها
شودوا فالصحاري ووسط السوق
.............ولوعــــرفــهــا بـعـــد عام يديــها
يعرف السلم من كان عــنــده ذوق
............لوعــتــه الــطــيــور إبـمـغـاديـهـا
كم قــطــع من مفازه ومن شاهوق
.........و يرمـــي اللوح لاجـــــاء حــراويها
يدفـعــون البشاير من أغلى النوق
...........علم الجــاهـــل اللي جهــــــل فيها
والسلام
الفيتو
الحجاز
27/11/1426هـ
تواق
30/12/2005, 02:42 AM
يا خوك هذي مايبيلها نشده شيخ

اجر وجميله كلها كاسبها الواحد الله يعينا على فعل الجميله وياكم
هاوي مقناص
30/12/2005, 03:27 AM
باقل من ثوان اتصل براعييه واكسب الحسنه لانه الحسنه بعشر امثالها

الله لا يبعدنا عن طريق الصواب

شكرا هبوب



وتقبل تحيتي
al-nashmi
30/12/2005, 04:29 AM
السلام عليكم ورحمة الله وبركاته

بالنسبه لي انا ابمسك الطير مع امتونه وابا افر رويسه لين تنكسر رقيبته وادق على راعيه واعلمه بالسالفه......... :mad:


-
-
-
-
-
-
-
-
-
-
-

لا لا لا تصدقون لاوالله ابدق على راعيه و اتوصف منه مكانه وبيته واذا كان قريب مني ابا اروحله...... ولا يدري لا انا عند الباب واقول تفضل ابشر بالطير..... عشان يفرح به ويدعيلي......

وسلامتكم

اخوكم النشمي
abo fahad
30/12/2005, 05:52 AM
السلام عليكم ورحمة الله وبركاته هذي مايبيلها نشدة مطوع اكيييييد بكلمه باسرع وقت ممكن لاني صقار وأعرف غلا الطير عند راعيه وأحط نفسي محله.....
عمود الحماد
30/12/2005, 07:06 AM
الحمد لله هذي صارت عندنا بالشمال كثير واسردلك هالقصه ضاع طير واحد من الشباب بالحماد قبل غياب الشمس بشوي ورى حمامه وراح وراه لاكن ضاع وثاني يوم فزع اخوياه وكلن صار يدور ومرت ثلاث ايام على السالفه المهم الرجال ضل يدعو ربه لاكن اتصدقون انه لقاه واحد حازمي ورى طريف والمكان الي لقاه الرجال به يبعد عم المكان الى ضاع به حول 160كلم وبعد مامسكه لقابه السبوق قال ياولد هالطير ضايع من احد المهم راح طريف وسألأ اهل الطيور من مضيع طيره وتخبرون اهل الطيور بسرع خبر الطير لاضاع ينتشر بينهم قالو والله سمعنا ان فلان ضاع طيره اتصلو الشباب بالرجال وسألوه طار الرجال من الفرح قال اكيد لقيتوه قال يافلان اعطنا اوصاف الطير وعطاهم وقالو ابشر به وحلف الرجل صاحب الطير انهم غير يتعشون عنده وتعشو عنده وهذي القصه صارت لواحد من اهل القريات والحمد لله اهل الخير كثيرين والسلام عليكم
ابو عايد
30/12/2005, 11:16 AM
السلام عليكم ورحمة الله وبركاته



مساء الخير يا خوي هبوب (( يعرف السلم من كان عنده ذوق لوعته الطيور إبمغاديها ))
للصـقــاقــيــر سـلم وعهد ما ثوق
...............من سنين قديــمــات مـاأحـصـيـها
من لقى شــي ضـايع وفيه إسبوق
..............شــودوا لـيــن يــلـقــون راعــيها
شودوا فالصحاري ووسط السوق
.............ولوعــــرفــهــا بـعـــد عام يديــها
يعرف السلم من كان عــنــده ذوق
............لوعــتــه الــطــيــور إبـمـغـاديـهـا
كم قــطــع من مفازه ومن شاهوق
.........و يرمـــي اللوح لاجـــــاء حــراويها
يدفـعــون البشاير من أغلى النوق
...........علم الجــاهـــل اللي جهــــــل فيها
الدندون
31/12/2005, 12:53 AM
وش رأيك أنت ... :)


وأنت متوقع لو هو صحيح أحد بيسوي هالسواة الشينه .. في أنه ما راح يتصل .. :)


أنه بيعـّلم على عمرة .. ويشبهر على نفسه .. :) في هالمنتدى أو غيرة .. :)


أصلحني وأصلحك الله وناخوك .. :)
المري
31/12/2005, 08:11 AM
مايبغى كلام لان الحجل في الطير مثل الوسم في الناقة.


وسلامتك..

اخوك / المري
abu saud
31/12/2005, 08:55 AM
السلام عليكم ورحمة الله وبركاته
والله ما أتردد دقيقه في اني أتصل عليه وأبشره بس قبلها بلعب شوي بأعصابه وبقوله لقيت طيرك ميت :d
حر الجنوب
31/12/2005, 12:36 PM
بسم الله الرحمن الرحيم
السلام عليكم ورحمة الله وبركاته
مشكور اخوي هبوب
علي الموضوع
والشباب بصراحه ما قصروا لانهم يعرفون غلات الصقار لطيره وحتي لو ان الطير مافيه حجل ادور علي راعيه واترك خبر هنا وهناك ولو الله اكرمني براعيه واعطاني وصوفه اقوله لاتجيني تاخذ طيرك الا والحجل معاك
وتحياتي
ابو حسان
01/01/2006, 12:28 AM
السلام عليكم ورحمة الله وبركاته
اكيد باتصل عليه واسحب فيه شوي واوصله له بنفسي حتى لو في مدينه ثانية



ابو حسان