الضيغم
26/06/2011, 11:17 AM
::
::
\
السلام عليكم ورحمة الله وبركاته
صبحكم الله بالخير يا وجيه الخير ..
البارح كنت مسير عند واحد من الربع وسالفه تجر سالفه , وسولف واحد يقاله أبوحمد
يقول أذكر يومني صغير أبوي يقول من زمان كنا جالسين قدام الباب فارشين فراش
الظاهر أنهم بالشملي حول حايل ..
يقول فجأه ألا الحريم يصيحن والبزران حول القليب والقليب به ماء
يقول وفزعوا الرجال والشباب ركض
ألا رجال طايح بالقليب وغرقان ما يقوى يطلع ..
وطلعوه الأجواد بفضل الله وخذوه يم فرشتهم الي قاعدين به قبل شوي
والرجال يتعوذ من الشيطان ويحمد الله على السلامه ..
والربع يقولون له وش بلاك يابو فلان شلون طحت
لك سنين تارد من هالقليب وتعرف له زين وش السالفه
أثناء هذه اللحظه : ( قدم له واحد من الموجودين رغيف خبز توه مخبوز جاهم قبل يطيح الرجال بشوي )
يقول وذاق الخبز لقمه وحده فقط
وقام يسولف وقال والله يا أخوان لا تسألوني مار أمشوا معي يم القليب أعلمكم وش صار
يقول ومشوا على رغبته سبحان الله
يوم جاء عند القليب قال أعوذ بالله من الشيطان الرجيم والله مدري شلون طحت
أخبر أني حطيت رجلي هنا ( طبعا يشرح لهم شلون طاح ويمثل فعليا )
ودنقت شوي أبي أصل للماء
أثناء هذه اللحظه زلق وطاح داخل القليب مره ثانيه
ومات غريق الله يغفر له ويرحمه ويرحم أموات المسلمين
وصاحوا الربع طلع الرجال ما تطلع طلع الرجال يا ولد
ويوم طلعوه ألا وهو متوفي الله يغفر له غريق ..
الله المستعان الله قاسم له ياكل لقمة خبزه قبل يموت
وطاح بالبير و أنقذوه وكلا هكاللقمه ومات ..
الله المستعان ..
من لم يمت بالسيف مات بغيره .. تعددت الأسباب والموت واحد ..
وجزاكم الله خير انا لي يومين عندكم بهالخيمه وحبيت أسولف معكم بهالسالفه وتكفون أعذروني على طريقة سرد القصه ماني خبير بالقصص مثل راع الباروكه الي تمغط بالمطار الله يحفظه والبقيه
لأني والله اللذي نفسي بيده أحبكم في الله وأعزكم يالأجواد
أخوكم :
الضيغم
في امان الله
/
::
::
::
\
السلام عليكم ورحمة الله وبركاته
صبحكم الله بالخير يا وجيه الخير ..
البارح كنت مسير عند واحد من الربع وسالفه تجر سالفه , وسولف واحد يقاله أبوحمد
يقول أذكر يومني صغير أبوي يقول من زمان كنا جالسين قدام الباب فارشين فراش
الظاهر أنهم بالشملي حول حايل ..
يقول فجأه ألا الحريم يصيحن والبزران حول القليب والقليب به ماء
يقول وفزعوا الرجال والشباب ركض
ألا رجال طايح بالقليب وغرقان ما يقوى يطلع ..
وطلعوه الأجواد بفضل الله وخذوه يم فرشتهم الي قاعدين به قبل شوي
والرجال يتعوذ من الشيطان ويحمد الله على السلامه ..
والربع يقولون له وش بلاك يابو فلان شلون طحت
لك سنين تارد من هالقليب وتعرف له زين وش السالفه
أثناء هذه اللحظه : ( قدم له واحد من الموجودين رغيف خبز توه مخبوز جاهم قبل يطيح الرجال بشوي )
يقول وذاق الخبز لقمه وحده فقط
وقام يسولف وقال والله يا أخوان لا تسألوني مار أمشوا معي يم القليب أعلمكم وش صار
يقول ومشوا على رغبته سبحان الله
يوم جاء عند القليب قال أعوذ بالله من الشيطان الرجيم والله مدري شلون طحت
أخبر أني حطيت رجلي هنا ( طبعا يشرح لهم شلون طاح ويمثل فعليا )
ودنقت شوي أبي أصل للماء
أثناء هذه اللحظه زلق وطاح داخل القليب مره ثانيه
ومات غريق الله يغفر له ويرحمه ويرحم أموات المسلمين
وصاحوا الربع طلع الرجال ما تطلع طلع الرجال يا ولد
ويوم طلعوه ألا وهو متوفي الله يغفر له غريق ..
الله المستعان الله قاسم له ياكل لقمة خبزه قبل يموت
وطاح بالبير و أنقذوه وكلا هكاللقمه ومات ..
الله المستعان ..
من لم يمت بالسيف مات بغيره .. تعددت الأسباب والموت واحد ..
وجزاكم الله خير انا لي يومين عندكم بهالخيمه وحبيت أسولف معكم بهالسالفه وتكفون أعذروني على طريقة سرد القصه ماني خبير بالقصص مثل راع الباروكه الي تمغط بالمطار الله يحفظه والبقيه
لأني والله اللذي نفسي بيده أحبكم في الله وأعزكم يالأجواد
أخوكم :
الضيغم
في امان الله
/
::
::