سؤال يااخوه هل لعدة البر زمن افتراضي وبعد كذا ترمى

[ابومدين]

السلام عليكم ورحمة الله وبركاته

هل ادوات البر من اباريق وقدور لها زمن ثم ترمى ويتخلص منها
ام انها كل مااستخدمت كانت للافضل لان بصراحه عندي كاتم قديم اشوي
قالى صاحب خلاص هذا انتهى عمره وانا اشوف انه سليم مافيه اي عيب << الرجال كايد اشوي)

[wewe150]

وكأن حال القدر يقول

افا تهون عليك العشره اه

:p

[ابومدين]

والله شكله قالها ومن شان كذا رجعته للعدة بعد مارميته

بس اخوي ماقلت رايك الله يحفظك

[عبار درب]

اولا عليكم السلام ورحمة الله و بركاته
ثانيا بالعكس يا اخوي اغراض البر كل ما قدمت كل ما غلت بعين راعيها خذ مثلا سكين او ملقاط او قدر او تركابه او بريق اي شيء قديم تصير بينك و بينه ولفه سبحان الله و يغلى عندك و هو ما يسوى بيزة على قولتهم عند غيرك

[wewe150]

والله ما ادري يا استاذي ابو مدين

ما يعيب القدور شي انا كانه يحتاج قطع غيار مثل مساكات وخلافه غيرها وانتهينا بس الاستيل ولا الحديد اطول من عمرك اطال الله عمرك

ما سمعت شعار السيف ما (يتوارثه الاجيال) يقصد هالمواعين يا كافي

[SNIPER07]

و عليكم السلام و رحمة الله و بركاته

لا يا غالي لا ترميها ابدا ،،، علقها عندك او ارجع استعملها

تظن الادوات الجديده راح تعيش و الله بالكثير 3 - 4 طلعات

تنسى الموقد شغال تلقى المويه او الطبخه تحت القدر

في هذا الوقت ما عاد فيه جوده بالتصنيع

قديمك نديمك لو الجديد اغناك

تحياتي

[ابومدين]

اولا عليكم السلام ورحمة الله و بركاته
ثانيا بالعكس يا اخوي اغراض البر كل ما قدمت كل ما غلت بعين راعيها خذ مثلا سكين او ملقاط او قدر او تركابه او بريق اي شيء قديم تصير بينك و بينه ولفه سبحان الله و يغلى عندك و هو ما يسوى بيزة على قولتهم عند غيرك

اخوي عبار على كذا انسوي متحف
كلامك جميل لكن الى اقصد صحيآ ماله ضرر

والشكر لك اخوي

[ابومدين]

والله ما ادري يا استاذي ابو مدين

ما يعيب القدور شي انا كانه يحتاج قطع غيار مثل مساكات وخلافه غيرها وانتهينا بس الاستيل ولا الحديد اطول من عمرك اطال الله عمرك

ما سمعت شعار السيف ما (يتوارثه الاجيال) يقصد هالمواعين يا كافي

الى يقول ايتوارثه الاجيال رحمة الله عليه
ياخوي ترا فيه نوعيات يحذرون منها لانها تتفاعل الحديد

[ابومدين]

و عليكم السلام و رحمة الله و بركاته



لا يا غالي لا ترميها ابدا ،،، علقها عندك او ارجع استعملها


تظن الادوات الجديده راح تعيش و الله بالكثير 3 - 4 طلعات


تنسى الموقد شغال تلقى المويه او الطبخه تحت القدر


في هذا الوقت ما عاد فيه جوده بالتصنيع


قديمك نديمك لو الجديد اغناك



تحياتي


احسنت الاول افضل من التالى بكل المقاييس
حتى الاوادم ياخوي تغيرت سبحان الله

[كوكب منير]

:s
السلام عليكم ورحمة الله وبركاته
:lأخي وحبيبي في الله ابومدين:l
حافظ على جميع أغراضك وكلما طال الزمان كلما زاد قدرها عندك وفي السوق في حال عرضها:) أناس تمتلك قدور لها أكثر من 30سنة ومازالت كأنها جديده:good2:
حفظك الله ورعاك
:sيشرفني قبول التحية منك وممن شارك وسوف يشارك وشاهدأو سوف يشاهد:s

[سيف الظفير]

من شخص لاخر يالغالي

انا يا اخوي اجدد العزبة كل سنتين او اقل


والله اعلم اما القدور الاصلية فإذا كاتن من النووع الممتاز فلا يضرها الاستخدام ابداص

[محلات الكشاتة]

قديمك نديمك

[أميرالمحبين]

السلام عليكم ورحمة الله

مثل ماقالوا الاخوان قديمك نديمك
وليه ترميها بالعكس الصناعه القديمه لاتقارن بالصناعه الحاليه
انا عندي كاتم ما ابالغ لكن عمره فوق 20 سنه وكثر
ولما سويت بحث عنه لقيت صناعته الاتحاد السوفيتي ونحن نعلم ان الاتحاد السوفيتي انحل قبل 20 سنه او اكثر
وعندي دافور بريموس قديم على مايقولون كد ومد
وفي النهايه المقصد من العزبه انها تقوم بحاجتك وليست كتحفه
لانك بتستخدمها في البر او السفر

والله الموفق

[الصيهد.......]

لالالاتفررررررررررررررررررط في اي شي قديم
لاانك لن تجد منه الجديد في السوق
نصيحه وانا اخوك بعدين القدر والبريق
اذكان استخدامك له بأهتمام وعنايه يطول عمره
عندنا كاتم في الأستراحه والله له 9 سنوات مافيه الا العافيه


بالتوفيق....

[mjd]

القديم يستهلك وخصوصا القدور العادية والأباريق ( المعدن عمرها قليل وخطرها كبير ) التجديد يالستيل

[تلاقيط]

القاعده العامه
( عليك بالإصلي ولا ترمي شيء طال الزمن وإلا قصر لين النار تاكل القاعده )

[ابومدين]

:s

السلام عليكم ورحمة الله وبركاته
:lأخي وحبيبي في الله ابومدين:l
حافظ على جميع أغراضك وكلما طال الزمان كلما زاد قدرها عندك وفي السوق في حال عرضها:) أناس تمتلك قدور لها أكثر من 30سنة ومازالت كأنها جديده:good2:
حفظك الله ورعاك

:sيشرفني قبول التحية منك وممن شارك وسوف يشارك وشاهدأو سوف يشاهد:s


هلا بك اخوي كوكب منير مشكور على رايك
والى تبين لي ان اغلب اهل البر يغلونها كلما ابطت

[ابومدين]

من شخص لاخر يالغالي

انا يا اخوي اجدد العزبة كل سنتين او اقل


والله اعلم اما القدور الاصلية فإذا كاتن من النووع الممتاز فلا يضرها الاستخدام ابداص

اخوي سيف الظفير شكلك كاش كل سنتين
طيب وين القديم وهل تغييرها القصد منه صحيآ او سبب اخر

[ابومدين]

قديمك نديمك


صدقت بس اذا كان فيه ضرر صحي وش رايك
ماقصرت وحنا من الى يوالف ومايقدر ايفارق لو هي عدة بر

[ابومدين]

السلام عليكم ورحمة الله

مثل ماقالوا الاخوان قديمك نديمك
وليه ترميها بالعكس الصناعه القديمه لاتقارن بالصناعه الحاليه
انا عندي كاتم ما ابالغ لكن عمره فوق 20 سنه وكثر
ولما سويت بحث عنه لقيت صناعته الاتحاد السوفيتي ونحن نعلم ان الاتحاد السوفيتي انحل قبل 20 سنه او اكثر
وعندي دافور بريموس قديم على مايقولون كد ومد
وفي النهايه المقصد من العزبه انها تقوم بحاجتك وليست كتحفه
لانك بتستخدمها في البر او السفر

والله الموفق

فعلآ امير المحبين كلامك صح اذا كان زي ماذكرت بالنوعيه
20 سنه ماشاء الله تبين لنا شي ثاني طال عمرك:D

[ابومدين]

لالالاتفررررررررررررررررررط في اي شي قديم



لاانك لن تجد منه الجديد في السوق
نصيحه وانا اخوك بعدين القدر والبريق
اذكان استخدامك له بأهتمام وعنايه يطول عمره
عندنا كاتم في الأستراحه والله له 9 سنوات مافيه الا العافيه



بالتوفيق....



انا معك اخوي الصيهد الله يحفظك حتى الى عندي البريق الى ناوي اشوته جيد
والكاتم هم زين ومضبوط لكن اخاف من اضراره الصحيه زي مابيقولو

[ابومدين]

القديم يستهلك وخصوصا القدور العادية والأباريق ( المعدن عمرها قليل وخطرها كبير ) التجديد يالستيل

ايوله الستيل افضل وهي الى ينصحون فيها
بس ياخوي ترا الطعم بالمعدن يرن بالدمغ

ماقصرت

[ابومدين]

القاعده العامه
( عليك بالإصلي ولا ترمي شيء طال الزمن وإلا قصر لين النار تاكل القاعده )

اخوي تلاقيط حياك الله لكن ترا القاعده ماتكلها النار
الى عقب 200ال قصدي 200 سنه الله يحفظك

[انوور2]

ماقصرو الاخوان
وفعلا عدة البر تكون غالية على صاحبها

[دل البحار]

كل شيء يفنى على وجه الارض لايبقى الا وجه الله الحي القيوم

[ذئب اليل]

كل مقدمت كان افضل وخاصة ابريق الشاي ودلة القهواء ,,, وجهة نضر

[أبوأثير1]

والله انا عن نفسي عندي اغراض قديمه من 12 سنه ما افرط فيها ابد ابد

[اصيل نجد]

ياخي العده حقت البر مالها تاريخ كل مافي الامر البريق او الدله او المفواح حق القهوه او القدر اذا جاهم مده طويله ماسعملته فوح فيهن ماء ويرجعا جدد والسلام عليكم

[talak511]

حياك الله اخي ابو مدين



احرص دئما ان تحتوي عزبتك الخاصة بالاكل او القهوه والشاي
كالتالي
الابريق وملقمة القهوة ان تكون من الاستيل النوعية الجيده مثل الكوري او اي نوعية جيده وابعد عن الصيني مهما كان نوعه


والدلة مثل وانصحك بالدلة العسافية الكورية


وقدور الطبخ احرص على السب الاستيل


وبقية الاغراض مثل الصحون عليك ايضا بالاستيل


واضمن لك وبإذن الله انها تجلس معك الى ما شاء الله ان تجلس


يمكن تقول ان اللى ذكرته اسعارها غاليه
واقول الغالي قيمته فيه وعلى قولة المثل تبين السلع من اثمانها


والله يكتب اللي فيه خير لك


تقبل تحياتي