لاندكروزر2003تكفووووون شفو حل لي

[awad1399]

السلام عليكم
أنا معاي gxr 2003 و أغير زيت كل 3000 كم مع السيفون
بس اللي أنا ملاحظه قبل لا أغير الزيت أحصله ناقص ربع العيار
علمآ أن المسافه كلها داخل المدينه ولا عمري تعديت120 , و نوع الزيت ((فوكس سوبر جي تي 30/50))
( مكان التشييك على العيار دائمآ بالكراج حق البيت عشان محد يقول يمكن المكان بطلعه .......
ولا فيه تهريب من المكينه سوا من الصوف او وجه البلوف الخ ....
وغيرت بلف التبخير وغيرت غطى المكينه وغيرت وجه البلوف ولا فيه فايده
والنقص يحصل بعد ماتقطع السياره تقريبا 2000كيلو يحصل النقص بشكل ربع العيار او اقل منه
و المكينه ماعليه قطرة زيت تهريب ولا فيه دخان ابيض او ازرق بالمره ما يطلع منه دخان
هذي صورة العيار
http://store2.up-00.com/Jun11/VYe01657.jpg (http://www.up-00.com/)
فما هو سبب النقص
بإنتظار ملاحظاتكم

[sameer_1798]

أخي الكريم لو تقرأ في كتالوج السيارة في جزء حقائق عن استهلاك زيت المحرك ..... تعرف ان هذا النقص طبيعي في السيارة

[ميكا مكشات]

تأكد من الزيت إنه أصلي ترى فيه تقليد للسوبر جتي معاد تصنيعة ولا تفرقه عن الأصلي

وتبي شوري لا تغير عند البشر اللي كنت تغير عنده ( ابعد عن الداب وشجرته )

[وبل نجد]

كم علبه تعبيه اخوي ؟؟

وهل المكان اللي تعاير فيه الزيت متساوي مررررررررررررررره ولا لا ؟؟

السياره كم مشت الآن ؟؟

نصيحه لك اخوي لاتشتري من عندهم السيفون والزيت تراهم غششاشين السيفون التجاري يكون بداخله قطع حديد صغيره وهذي تأثر على المكينه وتتآكل من الداخل

تقبل مروري

[awad1399]

الله يسلمك احط فيه 8الاربع ويكون العيار 100%
اما من ناحية السيفون انا بخذه من البنشري ومتكوب عليه صنع باليابان
والزيت الي بستخدمه اصلي ((فوكس سوبر جي تي 30/50)) والسياره ماشيه 209الف كيلو

[alfaiz]

طيب غير الزيت بدال ماهو سوبر جتي حطه الترا سفن
وانصحك تشتري من الموزعين كمن كرتون ازين لك

[السومر]

أخي الكريم لو تقرأ في كتالوج السيارة في جزء حقائق عن استهلاك زيت المحرك ..... تعرف ان هذا النقص طبيعي في السيارة


وانا اشوف انه شي طبيعي

حرارة المحرك وحرارة الجو لابد من ان ينقص الزيت

[سوبر VTC]

النقص طبيعي جدا
خصوصا للجيب و الباترول

http://www.mekshat.com/vb/archive/index.php/t-411881.html

+...........

http://www.mekshat.com/vb/archive/index.php/t-285036.html

............

http://www.mekshat.com/vb/showthread.php?t=411881

[التفق]

السلام عليكم

حبيب قلبي حط اديك ورجليك بماء بارد الموتر طبيعي جدا انا معاي 2006 نفس الكلام ينقص طبيعي:D

[السومر]

طيب يا شباب هل ازيد النقص هذا ولا اخليه حتى يكمل المسافه اللي انا معوده عليها 3000 كيلو الى 4000 كيلو

[القارا]

النقص البسيط طبيعي
لكن بالنسبه للفلتر (السيفون) أنت تقول انه مكتوب عليه صنع في اليابان وترى هذا ماهو أصلي الاصلي يصنع في تيلند لان الوكيل عندنا مايجيب إلا المصنوع في تيلند اغلب البناشر تلقى عندهم فلتر تجاري مكتوب عليه صنع في اليابان

[zulfi]

طبيعي ....

[شبل داورد 1]

موترك طبيعي ريح بالك

ونصيح لاتزود الزيت عن عادته يفقع عليك الصوف
أنا معي 2006
أخليه ناقص شوي عشان تعيش الصوف مده أطول
وهو مايظر أبد

[منادي الخبر]

طبيعي ريح بالك

[قمة افرست]

اول شي سلمك الله

عاير الزيت الصبح بعد ماتوقفها بالليل الصبح قبل تشغل عاير الزيت
لاتعتمد على اول ماتوقف السيارة تعاير الزيت بالجيب يبين ناقص على طول لازم يقف فترة حتى ينزل الزيت
اذا ناقص بعد ماتطفي السيارة بمدة كبيرة الامر غير طبيعي
وغالبا ضعف جلد بلوف
اذا بتتاكد خل السيارة شغاله وهي واقفه مع المكيف 20 دقيقه ودوس بنزين اذا فيه دخان يكون جلد البلوف تعبانة
وحسب كثافة الدخان يكون ضعف الجلد

[VXR.2007]

النقص البسيط طبيعي
لكن بالنسبه للفلتر (السيفون) أنت تقول انه مكتوب عليه صنع في اليابان وترى هذا ماهو أصلي الاصلي يصنع في تيلند لان الوكيل عندنا مايجيب إلا المصنوع في تيلند اغلب البناشر تلقى عندهم فلتر تجاري مكتوب عليه صنع في اليابان


نعم كلامك صحيح
وعبداللطيف جميل يجيب نوعين
سيفون الاصلي الياباني في وكالة عبداللطيف جميل وسعره 40 ريال تقريباً

وتايلندي سعره 15 تقريباَ

انا اتكلم عن سيفون vxr يمكن في اختلاف بين gxr

[awad1399]

...الله يعطيكم العافية وما قصرتو...
والله ما ادري ياشباب والله احترت ناس تقول طبيعي وناس تقول لا
وسويت كل شي خليته يوم كامل وعيارته وحصلته ناقص الربع
حتى اني مفكر ابيع السياره
والمشكله لو يطلع دخان منه نقول جلد او شنبر لكن مافيه امل يطلع منه لو تدعس له ليل نهار
ما يطلع شي ابد ولا فيه تهريب شي حيرني ....واعرف ناس معهم نفس الموديل ما ينقص ...
يليت الي معه كتالوج لاندكروز 2003يفدني عن استهلاك الزيت بصوره واضحه

[دل البحار]

طبيعي جداَ ولو فيه بنشري فاهم كان ريحك من الاول انا سيارتي كذ تنقص وقال لي البنشري ماعليك خوف طبيعي والحمد لله له سنتين زي اللوز

[آ’بوخالد]

النقص الي بموترك طـبيعي جدا نصيحه لاتفك ولاتسوي شي

[العنابي 616]

هذا الشي طبيعي
بس ليش تغير الزيت كل 3000
إفتح الكتالوج و تلقى مكتوب كل 10000 مع السيفون أو تحت ظروف معينة مكتوبة بالكتالوج كل 5000 و السيفون كل 10000

[خالد الزومان]

نصيحتي لك ان تعبي زيت اكسترا بترومين 8 علب كامله وشوف وش يصير معاك . رد علي

[ذيب النجيل]

بالكتلوج مكتوب

مقدار زيت المكينة عند تغيير الزيت

//// مع السيفون 7.4 لتر
//// بدون سيفون 6.9 لتر



وانصحك غير الزيت واليوم الثاني الصباح عاير الزيت

وبعد مايمشي 2000 كم عايره مره ثانية وشوف هو نفس عيارة يوم غيرته ولا لا

لان احيانا البنشري مايعبي الزيت على العيار صح والعيار اذا سحبه اول مره يعطيك قياس خطأ



والطريقةالصحيحه

انك تسحب العيار وتنتظر من دقيقتين الى 5 دقايق وثم ترجعة وتسحبه على طول وتشوف العيار

وبالتوفيق

[عبدالله المطيري]

النقص اللي عندك طبيعي جداً انا كان مع جي اكس ار اذا مشى 3000 وعايرته

القااااه حول الخط السفلي واخليه الى ان يمشي 5000 واغيره ووصل معي الى 540000 كم ما اشتكيت من مكينته


وللحين مع راعيه الجديد ما شاء الله عليه

[أبوعابد 22]

شي طبيعي ينقص مع ذا الحر وبعدين على كلامك 2000 وربع مايظر

[سوبر VTC]

النقص اللي عندك طبيعي جداً انا كان مع جي اكس ار اذا مشى 3000 وعايرته

القااااه حول الخط السفلي واخليه الى ان يمشي 5000 واغيره ووصل معي الى 540000 كم ما اشتكيت من مكينته


وللحين مع راعيه الجديد ما شاء الله عليه


ما شاء الله تبارك الله
كم موديل الموتر ؟ لاهنت
الوالد بحكم انه ميكانيكي يقول اذا كانت المكينة تنقص فانه انظف للمكينة :good:
لانه كل مرة تغلق الزيت الناقص فان الزيت يتجدد + السلندر يكون نظيف

[lahoop]

كل له وجهة نظر ولكن انا اراى ان الزيت اللي تستخدمه غير فعال
استخدم تايوتا اما النقص فهو طبيعي كل السيارات اللي فوق 2000عندهن هذه الوضعية