الله يستر من السنوات القادمه

[دعاس]

بسم الله الرحمن الرحيم
مساء الخير جميعا’’والله يقويكم ويعين اخويانا اللي داخل الشوايه(الحر) هههه حيث ان الجو عندي معتدل وبالليل بارد
واللي حاب يصيف عندنا حياه الله.
المهم ما نبي نطول عليكم بس زي ماهو مكتوب بالعنوان(ان صار في تغير ببعض الصقور من ناحية الريشه) العام الماضي جاني شبة طيور(حرارووكارى) فيها ثلاث وكارى مشبوكات بتركيا وارسلت صورهن لبعض خويان وهن مبرقعات
كلهم قالوا شياهين تركيات وكان منهن واحد فيه رش بالظهر شكله غريب وكانت دقوقه حمر ومحذيه ريشته باقرب مالها البياض.
اقسم بالله صارت تجينا طيور غريبه من كم سنه والله يستر من السنين الجايه
هل مر عليكم باز قرناس وقت العبور ريشته كانه ريشة حديه؟
المهم ان الطيور ماعد يعرف صاحيها من مجنونها
عام 2000 انطرح بالحماد عندنا بالقرب من حزم الجلاميد فرخ نحره اشعل واظهره ارقط كامل ودقوقه كبار
وكفوفه صفر والمهم شراه التاجر/فيحان ابن منديل(اطال الله بعمره) من طراحه غازي الرويلي ويوم راح للامير قالوا عنه جير وناس قالت تفريخ والطير اول مره يطرح زيه بالحماد الشمالي واتذكر كان مقاسه ما ياصل 17
وكل سنه تجينا نمونات مختلفه وخصوصا بالحرارالوكارى الا ان سلالة الشاهين الاصيل لم نلاحظ فيها تغيير
الا في الشاهين الباكستاني .
اللي نبغاه منكم هل تجيكم مثل هذي الطيور؟
او لان ديرتنا قريبه ومشبوكه بالحدود العراقيه والسوريه والاردنيه؟
او يصير عمليات تزاوج غريبه بين الطيور؟
بانتضاركم ولاحد يطول علينا والا بنزعل عليكم:(
واسف على الاطاله وتقبلوا تحياتي

[حمضيات تفاح]

يمكن والله العالم وانا اخوك ان الدعوا بها تهجين من دون تدخل الانسان وعلى اساس كذا تتغير

وجهة نضر

[عدنان الوابل]

يشرفني اني اول واحد يرد على موضوعك
بس اكيد فيه ناس يلعبون بالطيور يعني يهجنون جير وكري مع حر اصيل وهكذا طبعا كل كلامي توقعات
ومرة انا ذبحت عقاب سبوق يحوم حول عشه حمامي واصورة واوريه واحد خبير بالطيور قال هذا مهجن مع شيهانه
مدري وش لون صارت؟؟

[راعي مرعوب]

السلام عليكم ورحمةالله وبركاته
الله اعلم ياخوان ان بعض الطيور واذا مو اغلبها تتزاوج وتنتج الوان غريبه او اشكال غريبه هذي قدرة الله سبحانه

وانا اذكر ٢٠٠٨ واحد من الربع صايد له شبوط مثل لون الشياهين البحريات وفي نحره بياض زايد ولكنه شبوط ويوم صاده ودربه والاهو يلحق الحمام ويهد على البوم الصغير×

[سلطان 1]

ابو نواااااااااااااف صبحك بالخير وياااااااااااااااخوي
ليت الجو نقدر نبدله كاااااان ما شاااورنا بنعطيكم
جونا والدفااااااء اللي حنا فيه وناااخذ جووووكم0
اما بخصووووص الطيور يابو نواااااااااف الطيور
من السنيييين التااليه ومن كثره التهاااجين والتفاااريخ
وفكها في البريه صاااااااااااااااااااااااار هناااااااااااااااااااك
تزاااااااااااااااااااوج وطلعت طيور علينا ما قد شفنا شكلها0
تذكر الطير اللي خليتك تشوفه عندي اللي طااارحينه في
في سيبيريااااااا ووش لونه الياااا عطااااااااااااااك ضهره
قلت جير والياااا عطااااااااااااااااااااك نحره قلت \حر \
فأغلب الضن انه صاااااااار تزااوج بين الطيور 0
والله اعلم 0

[راعي طلاع]

الله يصبحك بالخير يا بو نواف والله يهنيكم على الجو اللي انتو فيه والله يعينا على ماحن فيه

واخوك يهوز عمره صوبكم تقل طيرن مطلعن له خربن مصيبه ومهاود ابي من يشجعني

ولا زيارتكم شرف ومن ناحية طال عمرك الطيور وما الت اليه فيمكن في كلامك وكلام

اخونا سلطان الصواب بحيث ان هناك مزارع تعمل هك خارجي وفي نسبه لا يستهان منها

اللي يعبر ويمكن انه يطرح ويمكن انه يتزاوج مع طيور اصيله ويظهر لنا تناج جديد او بالاصح

مستغرب والدليل انه بالاونه الاخيره ويمكن انت خابره ويمكن كثير من الاخوان شافه حر طرح

الزمان اللي زل وحدث حوله كثير من اللغط في انه تفريخ ولا الدعوى تشكيك ولكن اتوقع انه

فيه تفاريخ او طيور هجينه دلت طريق العبور ويحلو هالطيور اللي تعبر مثل هالنوعيه اطلت

عليك طال عمرك تقبل مرور اخوك ابو محمد .........................

[mr-r]

والله وانا اخوك يا ان الجيره قام اتهجر
او تضيع اجيره وتتزاج في الطبيعه مع اي طير قدامه
ولا ان المزارع تبي تي اتسوي خلطات جديده من جوارح اخره ولا تضبط ويهدونها وتتزاوج في الطبيعه
و جايز ان الاحتمالت الثالث تكون كلها صارت مرتن واحده والله العالم

[@السيف@]

وعليكم السلام ورحكة الله وبركاته اخوي دعاس ابشرك الجو عندنا برد واذا جا صيف ١٠ ايم بالكثير والباقي معتدل
وبالنسبه لتغير لون الريش والدقوق اعتبره عادي بسبب الملوثات الكميائيه لانها بعض منها قد يلعب دور في تغيير الكروموسومات داخل الخليه مما يسبب تغيير اللون واذا جات علي اللون نعمه اصبر وتشوف التشوه في الطيور بسبب زيادة الملوثات والله يستر علي البشر واعطيك مثال مره صدة سمكه بالشبكه ولقيت فكها علي جنب ليس في الامام والله انصدمت ولا عاد صدة فيها بسبب قربها من مصنع وهذا تحليلي والله اعلم . اخوك ابو سيف×

[ذراع الذيب]

السلام عليكم ورحمة الله وبركاته,
صبحت بالخير يابونواف,,


هلاااا والله وغلاااا وعاش من شاف هالمعرف ياخي دياركم لاسمعت طاريها,,
يحترك الوريد عندي:) وزاد ولعها فيني يومك تسولف لي عنها وعن قيعانها رسختها في مخي:),,
وشوقتني لها عزالله لو اقدر اخذ شهرين اجازه اخذ اول الوقت شهر عندكم ومن ناحية الطيور عزالله التزاوج صار بالطبيعه,,
بين الوحش والمهجنات هالسنه طاحت طيرين غريبه بالمملكه الاول فرخ مجيرمه الحر والثاني فرخ الشياهين,,
اللي طاح في وادي الدواسر لاطالعت في ظهره تقول فرخ ولاطالعت في منحره تقول قرناسه,,
ولااي قرناسه دقوق غريبه سبحان الله وراحت كل هالطيرين في حدود السبعين,,
تحياتي لك,,

[المزروعي]

وعليك السلام ورحمة الله وبركاته ,

روسيا مشهوره بمزارع الحرار التربيه و خاصه في تركمانستان مزرعه مشهوره بإنتاج الحرار التربيه و بأعداد كبيره و على حسب ما ذكرلي واحد من الربع في الاونه الاخيره الحكومه التركمانيه أجبرت بعض المزارع لإطلاق عدد معين مالحرار لغرض التكاثر .

وفي بعض الحرار فيها خلط بنسبة 25% . وهذا معناه أن بعض الالوان تكون محيره مثل ما ذكرت أنت !! يعني طير أشعل و ظهره فيه رقاط .

أنا شتريت حر أدهم تربيه في سنة 2002 من بريطانيا من عند neck fox وبعد ما قرنس رجع لونه أقرب للقري , مع أني شريته على اساس انه حر تربيه خالص و هو مذكور في اوراق السايتس أنه حر خالص.

أخوك المزروعي

[الرقعي]

يامرحبا اخي دعاس عزالله مثل ماقلت الحر شاوينا لكن ربك يبي يعين الله يرحم الشيخ زايد توقع السبب ان الطيور التي تطلق في البريه في برنامج الشيخ زايد الله يرحمه لها دور في تغير ريشة بعض الطيور تقبل تحياتي

[الشير]

مساء الخير ابونواف
الاخوان كفو وفو وانا اعتقد بان التهجين والمزارع لها دور في ذلك
وانت تذكر كم شاهين وكم طير انطرح بالحماد فيه حجل مزرعه وهو فرخ
وانا اعرف واحد من الربع شراء طير وحش فيه شريحه وقال له المستتشفى انها شريحه مزرعه والله يستر يابو نواف

[ربع خالي]

مرحبا يابو نواف وحييت
عندك حق ياخوي في هالاستغراب من وضع الطيور اليوم ومالحق فيهن من شكوك

زمان كانت تجينا طيور مغلطانيه سواء في الريشه أو الشكل وتكون موضوع الموسم في المجالس ، وأذكر طير عند واحد من الربع كانت ريشته خضراء ماتسوى شي ولكن تقاطيعه غاية المتمني ويوم قرنس تحول من طير خضر الى طير اسود وباعه ب 25 الف درهم ، وهو مشراي ب 3000 درهم ( هذا الكلام في الثمانينات ).
وأذكر مره أخذت طير إحتاروا في الصقاقير ، منهم من قال قرموشه ومنهم من قال حر ومنهم من قال وكري حرار ، الارض أرض قرموشه وصغيره جدا أرضه ولكن قياسه 18 في 17 ونص عرض , واللي قال انه حر بسبب صايده الخلفي مافيه حفر من الداخل وهذا من صفات الحر الخالص واللي قال بأنه وكري حرار ؟ بسبب المدامع اللي كانت موجوده في الطير . وكان من أسبق الطيور اللي شافتها عيني بمعنى السبق الفارط الفارط .
عموم كل موسم كان يجينا كذا طير نحتار في ريشته وتصنيفه , وأعتقد يكون ناتج عن تزاوج فصيلتين مختلفتين،
واليوم ومع طلعة التهاجين اتجهت الشكوك للمزارع والطيور الضايعه منها.

تقبل مروري
اخوك ابو سيف

[ذراع الذيب]

وعليك السلام ورحمة الله وبركاته ,

روسيا مشهوره بمزارع الحرار التربيه و خاصه في تركمانستان مزرعه مشهوره بإنتاج الحرار التربيه و بأعداد كبيره و على حسب ما ذكرلي واحد من الربع في الاونه الاخيره الحكومه التركمانيه أجبرت بعض المزارع لإطلاق عدد معين مالحرار لغرض التكاثر .

وفي بعض الحرار فيها خلط بنسبة 25% . وهذا معناه أن بعض الالوان تكون محيره مثل ما ذكرت أنت !! يعني طير أشعل و ظهره فيه رقاط .

أنا شتريت حر أدهم تربيه في سنة 2002 من بريطانيا من عند neck fox وبعد ما قرنس رجع لونه أقرب للقري , مع أني شريته على اساس انه حر تربيه خالص و هو مذكور في اوراق السايتس أنه حر خالص.

أخوك المزروعي
حي الله الصقار الكبير..
وعاش من شاف هالمعرف..
طيب يالمزروعي الطيور اللي فيها نسبة خلط من الهجين...
ماعليها خطر على الطبيعه يعني ماتسبب العقم مستقبلاً..
الله عالم اني سمعت الهجين لاتزاوج مع الوحش تصبح فروخهم عقيمه..

[شليويح511]

فالبدايه امسي على الجميع بالخير وهذي اول مشاركه لي معكم اما بالنسبه للموضوع اللي طرحه اخونا ابو نواف فأتوقع انه من تناقص عدد الطيور في الطبيعه فالحرار لم تعد تجد الاناثي المناسبه للتزاوج معها فانحدت على الوكارى وطيور اخرى لم تكن تتزاوج معها فالسابق ولهذا حصل تغيير في الوانها واشكالها.مجرد توقع والله اعلم

[المزروعي]

حي الله الصقار الكبير..
وعاش من شاف هالمعرف..
طيب يالمزروعي الطيور اللي فيها نسبة خلط من الهجين...
ماعليها خطر على الطبيعه يعني ماتسبب العقم مستقبلاً..
الله عالم اني سمعت الهجين لاتزاوج مع الوحش تصبح فروخهم عقيمه..


الله يحييك يا الطيب وردك شرفني كثير الله يبارك فيك .

أخوي الهجين الحر بأنواعه ممكن يتزاوج في الطبيعه بسهوله جدا و هذا إللي ذكره الدكتور neck fox في مقال مشهور عن الطير الالتاي أنه وجد في حمضه النووي جينات حر .
وتعقيبا على ما ذكرت في موضوع طرح في مكشات أعتقد من أخ ليبي انه طرح حر تهجين فيه حجل بلد لا اذكره في ليبيا ووضع صورة الحر, وهذا يدل على أن بعض المزارع تطلق حرار تربيه في البريه بقصد التكاثر

الهجين الشاهين هو إللي صعب جدا أو مستحيل يتزاوج في الطبيعه لعدم وجود فيه حيوانات منويه .

أخوك المزروعي

[alrshedi]

وعليكم السلام ورحمة الله وبركاته
مرحبا والله ومسهلا يابو نواف
عزالله ماقصرو والاخوان في مشاركاتهم كفو و وفو
وانا لاحضت الصراحه في تغير نفس ماقالو الاخوان
واخر مره شفته عند الاخ هاشم الصليلي
البحريه الفرخه الي نطرحت تو
لاشفتها من ضهرها تقول فرخه او من قدام تقول قرناسه وشليلها فرخ
اتوقع والله العالم نفس ماتفضلو بعض الاخوان انه من تغير الجو والتغيرات الي فيه
سبحان الله
تقبل
مشاركتي ومروري ..

[ذراع الذيب]

الله يحييك يا الطيب وردك شرفني كثير الله يبارك فيك .

أخوي الهجين الحر بأنواعه ممكن يتزاوج في الطبيعه بسهوله جدا و هذا إللي ذكره الدكتور neck fox في مقال مشهور عن الطير الالتاي أنه وجد في حمضه النووي جينات حر .
وتعقيبا على ما ذكرت في موضوع طرح في مكشات أعتقد من أخ ليبي انه طرح حر تهجين فيه حجل بلد لا اذكره في ليبيا ووضع صورة الحر, وهذا يدل على أن بعض المزارع تطلق حرار تربيه في البريه بقصد التكاثر

الهجين الشاهين هو إللي صعب جدا أو مستحيل يتزاوج في الطبيعه لعدم وجود فيه حيوانات منويه .

أخوك المزروعي
هلابك ياخوي وتستاهل الطيب..
صراحه كنت متخوف من تزاوج الهجين مع الوحش..
لاني كنت احسب الانتاج راح يصبح فيه عقم وبعدها تجي مصيبة الانقراض..
ولاكن هناك خطر قادم على الطيور النادره انها راح تتأثر سلالتها وعسا هالجين يجيب النادر اللي مبطي ماشيف غيره:),,
شرفتنا بردودك الطيبه والمهمه للصقار وكما تعودناها منك,,
تحياتي لك,,

[دعاس]

الله يعطي الجميع العافيه كلا باسمه والله لايهينكم على التفاعل مع الموضوع

[سطام ابو سعود]

موضوع يستحق الجدال بارك لله فيك يابونواف لاازيد عن الاخوان بس اتوقع ولله اعلم كثرة مزارع التهجين والتفريخ واطلاق بعض منها سبب لتغيير هاذه الطيور الاصيله وعلى سبيل المثال اطلاق الشيخ زايد رحمه لله هو الي زاد الطين بله ولله اعلم
وسير يابونواف ولله يعطيك العافيه

[المزروعي]

موضوع يستحق الجدال بارك لله فيك يابونواف لاازيد عن الاخوان بس اتوقع ولله اعلم كثرة مزارع التهجين والتفريخ واطلاق بعض منها سبب لتغيير هاذه الطيور الاصيله وعلى سبيل المثال اطلاق الشيخ زايد رحمه لله هو الي زاد الطين بله ولله اعلم
وسير يابونواف ولله يعطيك العافيه

لا يا أخوي الله يهديك !!

الشيخ زايد أطلق أجمل الحرار و أغلى الحرار الطيبه في الطبيعه خوف عليها من الانقراض و لم يطلق الشيخ زايد حرار فيها نسبة جير مثل ما فعلت المزارع الاجنبيه .

لو كل الامراء فعلت فعل الشيخ زايد كان ما نقرضت الطيور الطيبه .

[راعي طلاع]

موضوع يستحق الجدال بارك لله فيك يابونواف لاازيد عن الاخوان بس اتوقع ولله اعلم كثرة مزارع التهجين والتفريخ واطلاق بعض منها سبب لتغيير هاذه الطيور الاصيله وعلى سبيل المثال اطلاق الشيخ زايد رحمه لله هو الي زاد الطين بله ولله اعلم
وسير يابونواف ولله يعطيك العافيه

يابوسعود التكلم بما ليس لك به علم هو اللي يزيد الطين بله اللي الكل عارفه ان الشيخ

زايد رحمه الله اطلق الطيور الاصيله وبعضها فكها في مواكرها اي بلدانها ولا اخبر انه

فك الجيره التفاريخ يمكن الجيره الاصيله وما فعله هو لصالح البيئه ومن حبه لها وشخص

مثل الشيخ زايد هل تتوقع انه سيفعل شي مضر للبيئه ولهذه النوعيه بالاخص فهو من

الداعمين لها والفاهمين بها وحوله من لديهم الخبره الكافيه اللي لن نستطيع نحن تقييمهم

تحياتي للجميع ولك يابونواف.............

[عاشق التوام]

وعليكم السلام ورحكة الله وبركاته اخوي دعاس ابشرك الجو عندنا برد واذا جا صيف ١٠ ايم بالكثير والباقي معتدل
وبالنسبه لتغير لون الريش والدقوق اعتبره عادي بسبب الملوثات الكميائيه لانها بعض منها قد يلعب دور في تغيير الكروموسومات داخل الخليه مما يسبب تغيير اللون واذا جات علي اللون نعمه اصبر وتشوف التشوه في الطيور بسبب زيادة الملوثات والله يستر علي البشر واعطيك مثال مره صدة سمكه بالشبكه ولقيت فكها علي جنب ليس في الامام والله انصدمت ولا عاد صدة فيها بسبب قربها من مصنع وهذا تحليلي والله اعلم . اخوك ابو سيف×






صبحكم – مساكم الله بالخير جميع


ما أزيد على كلام الإخوان يابو نواف


لكن ماذكره أخوي أبو سيف مشكوراً ولاهانو الإخوان (التلوث البيئي) هو أحد الأسباب الأساسية في التشوه الخِلْقي للطيور وهذا إكتشاف علمي سابق درسناه في أحد المراحل التعليميه ولا ننسى الأسباب الأخرى:


قيام بعض المزارع بإطلاق التركيبات الفاشله من التهاجين للطبيعه وذلك لعدم التكلف بأعداد خياليه وبعد إدراك بعض المؤسسات المسؤولة التي تحافظ على البيئة لهذا الأمر أصدرت تعاميم بإعدام التركيبات الفاشله عوضاً عن إطلاقها للمحافظة على الأصايل وكان هو الحل ولكن على قول العامة (بعد أيش) أعني بعد فوات الأوان، علماً بأن بعض المزارع مازالت ترتكب هذه الجرائم وهي تطليق التركيبات الفاشله في ضل غياب المتابعة من قِبل هذه المؤسسات المسؤوله وقد ترتب على هذا:


التزاوج بين الأصايل والتهاجين وإنتاج ماهو أسوء وقس على ذلك التركيبات المبتدعه منهم بين الفصائل مثل الباز مع الوكري أو البكه مع الشياهنة أو الجير مع الجليميه وغيرها من التجارب التي لايحمد عقباها


التهاجين تتغذى على الأصايل في الطبيعة وتكون سبب في إنقراض الأصايل وتكاثر التهاجين المشوهه

والمصيبة الكبرى الآن لا أحد يستطيع عزل هذه التهاجين من الطبيعة أو الحد من تكاثرها وإختلاطها بالأصايل بطريقة أو بأخرى





تقبل مروري،،،

[أبو أمين]

ابو نواف انا مالي دخل

هو يجي اشقر احمر ازرق برتقالي هههه حلوه , فرخ على شكل قرناس والعكس هههع

انا عندي فقاسه تفقس البيض وتطلع فروخ معروف ابوها وامها .

اهم شئ حب الوطن والصيد والسبق الفارط هههههه

تحياتي

[راعي طلاع]

ابو نواف انا مالي دخل

هو يجي اشقر احمر ازرق برتقالي هههه حلوه , فرخ على شكل قرناس والعكس هههع

انا عندي فقاسه تفقس البيض وتطلع فروخ معروف ابوها وامها .

اهم شئ حب الوطن والصيد والسبق الفارط هههههه

تحياتي

معك قلبا وقالب اجل بلا اصيل بلا هم تعبنا والله اليوم جناحه ماش تخبر مهده

ذيك السنه ذاك اليوم كان عالمي ولا رفيقنا بسم الله عليه بندق ماهوب طير

انا من ناحيتي اقول للاصيل خلاااااااااااااااااااااص من حبكم يا زين عزلناااااااا.........

[أبو لافي00]

ابو نواااااااااااااف صبحك بالخير وياااااااااااااااخوي
ليت الجو نقدر نبدله كاااااان ما شاااورنا بنعطيكم
جونا والدفااااااء اللي حنا فيه وناااخذ جووووكم0
اما بخصووووص الطيور يابو نواااااااااف الطيور
من السنيييين التااليه ومن كثره التهاااجين والتفاااريخ
وفكها في البريه صاااااااااااااااااااااااار هناااااااااااااااااااك
تزاااااااااااااااااااوج وطلعت طيور علينا ما قد شفنا شكلها0
تذكر الطير اللي خليتك تشوفه عندي اللي طااارحينه في
في سيبيريااااااا ووش لونه الياااا عطااااااااااااااك ضهره
قلت جير والياااا عطااااااااااااااااااااك نحره قلت \حر \
فأغلب الضن انه صاااااااار تزااوج بين الطيور 0
والله اعلم 0


كلام سلييم :good::good:
وبيض الله وجهك يا ابو نواف و وجه اخوي سلطان1

[أبو أمين]

معك قلبا وقالب اجل بلا اصيل بلا هم تعبنا والله اليوم جناحه ماش تخبر مهده

ذيك السنه ذاك اليوم كان عالمي ولا رفيقنا بسم الله عليه بندق ماهوب طير

انا من ناحيتي اقول للاصيل خلاااااااااااااااااااااص من حبكم يا زين عزلناااااااا.........

معاد لي في هواكم ........ يلا لا لا

ههههههههههههه

[عابر الموج]

الله يعطيك العافية اخوي دعاس على الموضوع لازيد على ماذكرة الاخوان الا ان هناك الطيور التي تضيع من اصحابها وخاصة التفاريخ والتهجين في منطقتنا لها دور في تغيير السلالة لانها ممكن تتزاوج مع طيور المنطقة وخاصه فصيلة الوكري مماينتج عنة تغير في اشكالها تقبل تحياتي

[خلف الفار]

السلام عليكم ورحمة الله
اخي /ابو نواف
سبب التغير الملموس بالطيور المهاجر/ههو ان كثرة جلب الطيور من الخارج
الى السعوديه ودول الخليج الاخراوعند مايقنص بها وتعرض الى الضياع وتهاجر مع الطيور
المهاجره في العوده يتم التهجين بينها في الطبيعه وينتج عن ذالك مايستغربه اهل الخبره
في الطيور التي تعبر اجوا الخليج العربي
خذ مثال /طير طرح في الحفر قبل ثلاث سنوات ارقط من مربط البرقع الى الذنيبه وهذا
لم يطرح من قبل في الحفر

[نسيم المطر]

ماقصرو الشباب كفو ووفو باللي قالو ومشكور اخوي دعاس على هالموضوع
وانا وجهت نظري ان كان فيه تغيرات تطراء على الفصيله الاصيله من كافة فصائل الحيوانات ماهو بس فقط الطيور هي ماتسمى بالطفره الوراثيه mauontionهو تغير يالتركيبه الجينيه الاصيله للكائن بعد قدرة الله بعامل اما التلوث بانواعه عن طريق الغذاء او الهواء اوالاشعه او الضوضاء وتنتج سلاله(جيل) جديده اوذو صفات جديده مثال على احد عوامل التلوث(الاشعه الفوق بنفسجيه)التي اصبحت نسبتها عاليه مع اشعة الشمس بسبب زيادة فتحة الامازون من الثاوث البيئي والسبب الاخر وهو الاقل احتمالا هو التكيف مع البيئه وتغيرات المناخ (والله اعلم)
---لاحسته قوانين مندل هههههه
هذه كانت وجهة نظر

[أبو رداد]

الله يحيك يبو نواف .....
موضوع طيب وأنا عندي تفسير واحد ... مع أحترامي لاراء الاخوان
وهذا التفسير هو (حدهن الضيم)
الطير أذا ماحصل أنثى ولا ذكر في ماكره وين يروح ؟؟؟؟؟؟
يعني أنت أذا أنقطعت بك الاسباب في الصين أو في أفريقيا ماراح تفكر تزوج صينيه ولا أفريقيه ؟؟؟
حصلت صينين دمهم غريب تقول عرب ؟؟
ماجاني صبر ... سالتهم أنتم أشكالكم تختلف عن الشنجا وعن الصينين
وش أنتم من مله ؟؟؟
ضحكوا قالوا جدنا جا من اليمن وتزوج هنا وحنا عشنا مع (خوالنا ) الصينين وصرنا صينين
وهذي الطيور ماحدها على هالشي الا نفاذ قرائنها والله أعلم

[جلاد الحباري]

الظاهر ان السنين الجاية تصير طيورنا كلها تفريخ بالاغلبية والله يستر يابونواف

[دعاس]

الله يعطي الجميع العافيه على الردود الطيبه لاهنتوا على كل حال
خلف الفار/يالله حي ابو بندر هذا اللي محيرنا ان الرقطان تطرح بالحماد
ابو رداد/ياهلا ومسهلا بك يالغالي وجهة نظر طيبه’’بس شكلك تأقلمت بالصين وش القصه؟