عدنان الوابل
28/06/2011, 01:24 AM
أخواني سوف اكتب اسم الصقار وقصته :
وسابدا بالسبيعي لانه صاحب الفكره
السبيعي
انا في ذاك اليوم صنفت معي اروح لسوق الحمام اشري حمام للطيور عشان الدعو والعلف
المهم وامشي بالسوق واتمشا واشتري الحمام الي ابيه يوم جيت اطلع الا وذاك الطير الي لا فت انتباهي واقول ميد واحد من اخوياي ود الحمام لسياره وتعال ويروح وانا اروح يم الرجال يوم عاينت لا طير مسبوق بسبق مدري كيف هو قايل خيوط متلفلفه مبهذله الطير
والدس من دسوس السباكه الكبار
قلت له للبيع الرجال قطيفي غشيم قال ايه قلت بكم قال بالالف وخمس وانا اعين الطير الا الطيرحر حمر وافي ارقط المهم قلت له بالف تبيع قال لا
واروح الا ويجي خويي قلت رح حاول في الرجال خويي خابره انا مكار شرييطي المهم عاين الطير والناس متجمعين ويمسح على الطير وبطريقه او باخرا قال الطير عماء ؟؟؟؟؟
المهم الناس راحو كلهم انحاشوا الا الرجال يوم برد وجهه يلتفت يمين يلتفت يسار غشيم مايعرف خويي راح المهم مريت انا وقلت هاه هاذا الطير العماء قال هو تاعال بسومتك قلت انا لا يبوي اشتري طير عماء ليه انت وش شايفني خبل
قال بكم تبغاه قلت بخمس ميه (500) ويترجاني ويحاول فيني ويقول والله انه شاريه بثمان ميه(800)
واروح واخر شيء قال تبغاه براس ماله قلت لا ؟؟؟
ويروح فيها اخر شيء قلت يالله براس ماله
واشتريه وروح للمستشفى الطيور وافحصه ويطلع فيه كوكسيديا 10 % واعلجه يسلم ويتعفى وادعيه وسبوق مجنون ويجي رجال ويعطيني اربع الاف وخمس ميه وابيعه و يروح بعد ايام ويصيد ابرق الريش(الحبارى)
ويبيعه بقيمه طيبه بمقسومه
ويا زينه من طير والمسكين القطيفي ضحكنا عليه الله لايعقبنا على ما سلف
( انتهت )
ابومحمد!؟
كان صقار شايب وله بالصقارة خبرة وافية وكان عنده طير حر واافي وكان الطير عنده من فتره كبيرة وكان بينهم ولفة ويوم من الأيام طلع الشايب ومعه الطير والشوزن وهو يمشي ويتأمل الربيع وذ بحبارتين يطيورن من امامه وهد طيره على الحباره الأولى وبينما الطير يلحقها يطلع الشايب الشوزن ويرمي الحبارى الثانية في جناحها وطاحت بالأرض وجلست تركض وكما هو معروف ان الحبارى من اسرع الطيور في الجري وحاول ان يلحقها الشايب وهو شايب مصاب بالروماتيزيوم ولم يصتطع الحاق بها وتعب ووقف ينضر الى طيره وهو ياكل الحبارى وكأن يقول له الفزعة وجلس الطير ينضر اليه قليلا ثم قام من الحبارى الذي يأكل منها وهد على الحبارى التي تجري وطرحها وأستمتع الشايب وراح يحكي السالفة لأصدقائه الصقاقير .
( أنتهت )
هاوي الطيور
كان معنا شيهانتين وبندعيهم الأولى جبلية والثانية بحرية الجبلية لي والبحرية له , والجبلية عندي من فتره وراكدة خفيف ويوم جيت ادعيها ما راحت على الحمامه وبرقعتها وخليتها بدون أكل ، والبحرية كانت وحش وتكافخ وعصبية مره وعلما كان توها مطروحة ماصارلها اسبوع تقريبا ويوم دعيناها على طول راحت ورا الحمامة وأنا في قمة القهر ويوم جينالها اخذت الحمامة وبعدت شوي وبعدين مسكناها وعلما أن الجبلية الي لي كانت مجوعة يوم والبحرية نفس الشي وما أدري وش السبب الي ماخلاها تروح ورا الحمامه .
( أنتهت )
المشرف العام ( صقر الإمارات )
هذي قصه حدثت لي وبوجود أخواني وربعي :
في يوم من الايام كنا راحين نهد للطيور حمام علشان اللياقه وكان الوقت علينا العصر ..
وكان الجو بارد و أكثر من الرائع .. المهم هدينا الطير الاول وصاد وهدينا الطير الثاني وصاد وهدينا الطير الثالث وراغ الحمامه لين تعب ثم هدينا عليها طير ثاني عندنا ونوعه ( تبع وحش ايراني ) واسمه ( براق ) وهو اسرع واسبق طير عندنا في ذالك الموسم ...
المهم خالينا بالطير براق وكانت الحمامه واصله الخضيرا فوووووق السحاب والطير المهدود نزل للارض والمهم الطير طلب الحمامه وتوكل على الله وهو يرقى يرقى يرقى ليييييييين أخذ درجتها وعادلها إلا والحمامه قامت تصرع وجنت ونحن نهلل ونكبر ويوم نزلت الحمامه شوي قام براق وشغل المكائن الأحتياط ههههههه وصار جناحه ما ينشاف من سرعته ولحق الحمامه لحقها لحقها وضربها وأملقت منه ويلحقها مره ثانيه وتملق منه وهي تنزل للارض ومن بعدها اختفى الطير والحمامه عن أنظارنا والسبب أن الطير والحمامه أتجهن غرب على القبله وكانت الشمس قريب ما تنزل مما أختلط علينا الشوف ولكن ما كنا خايفين لان الطير فيه ريشه الجهاز وما منه خوف ههههههههه طبعا هذا ما كنا نعتقده ولكن أكتشفنا ان براق هديناه بدون ريشه وهذا من الاستعجال ...
وأنتوا تعرفون شعور راعي الطير في هذا الوقت ( الله يكون في عونه ) هههههه المهم أتجهنا صوب ما نتوقع انه صايد ودورناه لين جاء وقت الصلاه وما لقيناه للاسف ثم تشاورنا مع الربع واتفقنا أن نصلي صلاة المغرب وبعدين نروح للبيت ونرجع ندوره الفجر ووافق الجميع على الشور العدل ...
وطبعا راح كل واحد لحاله علشان يتوضون ويتجهزون للصلاة وكان معنا اخوي (عمر ابوحمد) والصدفه والمنظر الغريب والعجيب أنه وهو جالس يتوضى سمع صوت أمامه ولكنه ما يقدر يشوفه بالضبط وش هوه .. ثم خلص الوضوء وراح يمشي باتجاه الصوت ثم كانت الصدفه وهي أن براق جالس يتعشى من الحمامه ههههههه يا سبحان الله والغريب في الموضوع ان اخوي ابوحمد هو صاحب الشور أن نتوقف للصلاة ونترك الطير لباكر ( والحمد لله ) وهذي نعمه ودرس من الله بعدم ترك الصلاه مهما تكن الظروف .
المهم تأخر علينا ابوحمد وقمنا ونهمناه علشان نصلي جماعه ونحن ننتظر وإلا وهو جاي وجايب الطير براق معاه وكانت فرحتنا كلنا لا توصف وخاصه راعي الطير ,,, ثم ربطنا الطير وحطيناه على الوكر وخليناه يتعشى وصلينا المغرب ونزلنا( المعمل) وعدلنا الشاي والقهوه وجلسنا نسولف ونضحك ونتذكر الهدد ثم رجعنا للبيت .
( هذه القصه حدثت في سنة 1999 م )
( أنتهت )
هاوي هدد
هذا واحد من الشباب اعتبره باختصار متولـــع لدرجة الجنون و بقصلكم قصته في الموسم الفايت الرجال معه طيرين واحد شاريه بـ 14 الف و صايد معاه و الثاني بـ 12 الف توه شاريه لا شفته ما ودك الا تركزه قدامك اسود من طيور الامير السامر المهم الرجال موظف على قد حاله معليه اموره ماشيه لكن مو انت اللي تبي ... راح الرجال و هد طيوره على حمام قدام ناس ما صلوا على النبي ( عليه الصلاة و السلام ) الوكاد الرجال يقول من بكره يوم جيت انقل الاول قبل الدعو الا و هو ما علف علفه يقول يوم تأكدت انه يبي يموت يقول حاولت اطلعه ما قدرت يقول وديته للرياض يقول و يطردوني المستشفى يقولون مرضه معدي المهم يقول بكره مات يقول بعدها بيومين الطير الثاني طلع معي و اهده يقول المهم صار طالع على شبوط معه علق يقول و ابي اجذبه يقول و احذف الشلو على الارض يوم الطير جاني مسفح يقول الا و هو العـود اللي دخل بعينه يقول و يسيح ماء عينه و اوديه للمستشفى و يقولولي ماله علاج لكن تبينا نسوي عملية عشان ما تغور عينه قلت سووها المهم سووها له و صارت كانها طبيعية المهم صار لمدة شهر يهد الطير معنا و يدعيه اذا جت الحمامة على جهت العين المعمية ضيعها و كان يقول خلاص نبي نترك الطيور 26 الف في ثلاث ايام و كنت اشوف بعيونه الحزن لما كان يشوف طيره يهد بهذي الحالة المهم كنا متوقعين انه بيتركها لكن ما مر شهر الا و هو شاريله طيرين الله يباركله فيهن و سامحوني على الاطاله و انتظروا القصتين القادمتين و شكرا
27 / 7 / 2006 باقي على سهيل أربع اسابيع
( أنتهت )
بن بسام
هذه سالفه حدثت لي سنت 98 م
حنه في شهر واحد وذهبت انا وخوياي اثنين الى شارع الخليج في الكويت . وحنه نمشي بالشارع الا سيارةzx وفيها شباب اثنين
وبنصهم طير مفرع وانضر الى الشباب واذا هم اليتعدا اعمارهم 18 سته . وانا انزل الجام وانشدهم للبيع؟ ويرد علي المووووتر؟
قلت لا الطير قال سوم وحنه انحول عليه اذا هو حمر ارقط وعمره بكر . واسومه ب50 دينار قال لا 100 قلت تشرط انه يطير قال
نعم. قلت يرتفع قال نعم . قلت اجل اذا يطير ويرتفع ابيه150 قال تم قلت وذا مايطير ؟ قال لك ب50 . ونتواعد ونروح البر ونطير
حمامه ونفرع عنه ويهد بس معه التراب يبي يرتفع بس : الموس والنايفه والثالث من الجناحين مكسورات من النص هههههه.
وانا طبعن ادري وكسبت الطير ب50 دينار . والله يباركلي فيه ويطرح معي 13 حباره بموسمين وعليه جناح يهول الخرب الصامل
وطلوعه نتعاند عليه. ونهايته مات من الشناذره ..............
وسلامتكم .....
( أنتهت )
ابوسرحان
هذي سالفه صارت معنا العام الماضي في منطقه غرب الرياض وكان معنا طيرين مثلوث اشقر وفرخ شياهين وحصلنا كراوين وهدينا
وانبسطنا و حصلنا بطه ( نحم) وصراحه اول مره اشوف بطه بهذي السرعه المهم ونهد قراش الملوث وكان فيه ريشه ويطردها
مسافة كيلوين ونص اوثلاثه ونضيعه وكانت الارض مشجار ولاتقدر تميز الطير بسهوله ونشغل الجهاز ويعطينا نغمه بعيده وكانت الشمس على
وشك تغيب وحزة وصلنا الطير الا الطير طارحها وينسر منها ويتلفت كن وده يطير وينزل عليه واحد من الشباب ويطير الحين كان فيك خير ادعه
الشمس غايبه والطير شبعان المهم شار عينا واحد انخليه عشان مايبعد ومن اصبح افلح والليل برد والطير بيصرف والصباح نفك له حمامه
وندعيه او نهد الشيهانه ونعلفها واذا شافها راح يجي _ راعي الطير ذيك الليله مانام ساعه يهوجس وساعه يقصد واذكر من الابيات
ياحسبي الله على النحم وساعتها * * * * قفت بقراش تالي عصير واخفيته
يروع قلبي يابوسرحان سرعتها* * * * روح وراها صاد وشبع ماجيته
رحنا ندور الى جينا لحروتها * * * * طار وتنكر ياليت الفرخ هديته
وكان يقصد فرخ الشياهين
وفي الصباح شغلنا الجهاز ودعيناه وكان ممرح على شبك وطرحناه وكانت فرحت خوينا لاتوصف وكان واعدنا اذا رجع طيره يغدينا ذبيحه
5/7/1427
( أنتهت )
بن حيي
كما تدرون اني توني من حوالي سنتين وانا انقل الطير وتولعت بالطير تولع كثير.... ويوم من الايام دقيت على صقار من صقاقير الديره وقتله يابوفلان ودي ابطير قال ابشر... الشيخ هداه ولد عمي قرناس شاهين و ولد عمي محتاج و وده ابيعه قتله عساه زين قال ما عليه كلام... واخلص وياه عن 2000 ريال وكنت توني مالي خبره قويه واخذ الطير وادق على خويي واروحله وراويه الطير .... اول ماشافه قالي امحق طير , تلراه هب زين وكذا وكذا.... دقيت على الصقار و قتله كيف تكذب علي قالي لا و ماكن له وجه ارد علي .... بعد كم يوم تلاق خويي مع الشيخ وقام الشيخ وسأل خويي عن القرناس وقاله خويي ان الطير يالشيخ زين لان مايقدر يقول شيء للشيخ بس الي قاله ان الريشه قديمه... وله الشيخ يقول الطير صارله سنتين مابدل ريش!!!! الا خفيف!!!! و لين اليوم اشوف ولد عم الصقار يسلم ويمشي لانه يدري انه كذب عليّّ!!! واكثر من صقار من صقاقير الديره قالولي انه هل شخصان نيتهم هب طيبه اكثر الاوقات!!! ولكن الصقار انا شفت منه الزين كم مره ولكن مره وحده الي كذب علي و لكن ولد عمه كذاب على الي شفته منه
اخوكم بن حيي
( أنتهت )
وسابدا بالسبيعي لانه صاحب الفكره
السبيعي
انا في ذاك اليوم صنفت معي اروح لسوق الحمام اشري حمام للطيور عشان الدعو والعلف
المهم وامشي بالسوق واتمشا واشتري الحمام الي ابيه يوم جيت اطلع الا وذاك الطير الي لا فت انتباهي واقول ميد واحد من اخوياي ود الحمام لسياره وتعال ويروح وانا اروح يم الرجال يوم عاينت لا طير مسبوق بسبق مدري كيف هو قايل خيوط متلفلفه مبهذله الطير
والدس من دسوس السباكه الكبار
قلت له للبيع الرجال قطيفي غشيم قال ايه قلت بكم قال بالالف وخمس وانا اعين الطير الا الطيرحر حمر وافي ارقط المهم قلت له بالف تبيع قال لا
واروح الا ويجي خويي قلت رح حاول في الرجال خويي خابره انا مكار شرييطي المهم عاين الطير والناس متجمعين ويمسح على الطير وبطريقه او باخرا قال الطير عماء ؟؟؟؟؟
المهم الناس راحو كلهم انحاشوا الا الرجال يوم برد وجهه يلتفت يمين يلتفت يسار غشيم مايعرف خويي راح المهم مريت انا وقلت هاه هاذا الطير العماء قال هو تاعال بسومتك قلت انا لا يبوي اشتري طير عماء ليه انت وش شايفني خبل
قال بكم تبغاه قلت بخمس ميه (500) ويترجاني ويحاول فيني ويقول والله انه شاريه بثمان ميه(800)
واروح واخر شيء قال تبغاه براس ماله قلت لا ؟؟؟
ويروح فيها اخر شيء قلت يالله براس ماله
واشتريه وروح للمستشفى الطيور وافحصه ويطلع فيه كوكسيديا 10 % واعلجه يسلم ويتعفى وادعيه وسبوق مجنون ويجي رجال ويعطيني اربع الاف وخمس ميه وابيعه و يروح بعد ايام ويصيد ابرق الريش(الحبارى)
ويبيعه بقيمه طيبه بمقسومه
ويا زينه من طير والمسكين القطيفي ضحكنا عليه الله لايعقبنا على ما سلف
( انتهت )
ابومحمد!؟
كان صقار شايب وله بالصقارة خبرة وافية وكان عنده طير حر واافي وكان الطير عنده من فتره كبيرة وكان بينهم ولفة ويوم من الأيام طلع الشايب ومعه الطير والشوزن وهو يمشي ويتأمل الربيع وذ بحبارتين يطيورن من امامه وهد طيره على الحباره الأولى وبينما الطير يلحقها يطلع الشايب الشوزن ويرمي الحبارى الثانية في جناحها وطاحت بالأرض وجلست تركض وكما هو معروف ان الحبارى من اسرع الطيور في الجري وحاول ان يلحقها الشايب وهو شايب مصاب بالروماتيزيوم ولم يصتطع الحاق بها وتعب ووقف ينضر الى طيره وهو ياكل الحبارى وكأن يقول له الفزعة وجلس الطير ينضر اليه قليلا ثم قام من الحبارى الذي يأكل منها وهد على الحبارى التي تجري وطرحها وأستمتع الشايب وراح يحكي السالفة لأصدقائه الصقاقير .
( أنتهت )
هاوي الطيور
كان معنا شيهانتين وبندعيهم الأولى جبلية والثانية بحرية الجبلية لي والبحرية له , والجبلية عندي من فتره وراكدة خفيف ويوم جيت ادعيها ما راحت على الحمامه وبرقعتها وخليتها بدون أكل ، والبحرية كانت وحش وتكافخ وعصبية مره وعلما كان توها مطروحة ماصارلها اسبوع تقريبا ويوم دعيناها على طول راحت ورا الحمامة وأنا في قمة القهر ويوم جينالها اخذت الحمامة وبعدت شوي وبعدين مسكناها وعلما أن الجبلية الي لي كانت مجوعة يوم والبحرية نفس الشي وما أدري وش السبب الي ماخلاها تروح ورا الحمامه .
( أنتهت )
المشرف العام ( صقر الإمارات )
هذي قصه حدثت لي وبوجود أخواني وربعي :
في يوم من الايام كنا راحين نهد للطيور حمام علشان اللياقه وكان الوقت علينا العصر ..
وكان الجو بارد و أكثر من الرائع .. المهم هدينا الطير الاول وصاد وهدينا الطير الثاني وصاد وهدينا الطير الثالث وراغ الحمامه لين تعب ثم هدينا عليها طير ثاني عندنا ونوعه ( تبع وحش ايراني ) واسمه ( براق ) وهو اسرع واسبق طير عندنا في ذالك الموسم ...
المهم خالينا بالطير براق وكانت الحمامه واصله الخضيرا فوووووق السحاب والطير المهدود نزل للارض والمهم الطير طلب الحمامه وتوكل على الله وهو يرقى يرقى يرقى ليييييييين أخذ درجتها وعادلها إلا والحمامه قامت تصرع وجنت ونحن نهلل ونكبر ويوم نزلت الحمامه شوي قام براق وشغل المكائن الأحتياط ههههههه وصار جناحه ما ينشاف من سرعته ولحق الحمامه لحقها لحقها وضربها وأملقت منه ويلحقها مره ثانيه وتملق منه وهي تنزل للارض ومن بعدها اختفى الطير والحمامه عن أنظارنا والسبب أن الطير والحمامه أتجهن غرب على القبله وكانت الشمس قريب ما تنزل مما أختلط علينا الشوف ولكن ما كنا خايفين لان الطير فيه ريشه الجهاز وما منه خوف ههههههههه طبعا هذا ما كنا نعتقده ولكن أكتشفنا ان براق هديناه بدون ريشه وهذا من الاستعجال ...
وأنتوا تعرفون شعور راعي الطير في هذا الوقت ( الله يكون في عونه ) هههههه المهم أتجهنا صوب ما نتوقع انه صايد ودورناه لين جاء وقت الصلاه وما لقيناه للاسف ثم تشاورنا مع الربع واتفقنا أن نصلي صلاة المغرب وبعدين نروح للبيت ونرجع ندوره الفجر ووافق الجميع على الشور العدل ...
وطبعا راح كل واحد لحاله علشان يتوضون ويتجهزون للصلاة وكان معنا اخوي (عمر ابوحمد) والصدفه والمنظر الغريب والعجيب أنه وهو جالس يتوضى سمع صوت أمامه ولكنه ما يقدر يشوفه بالضبط وش هوه .. ثم خلص الوضوء وراح يمشي باتجاه الصوت ثم كانت الصدفه وهي أن براق جالس يتعشى من الحمامه ههههههه يا سبحان الله والغريب في الموضوع ان اخوي ابوحمد هو صاحب الشور أن نتوقف للصلاة ونترك الطير لباكر ( والحمد لله ) وهذي نعمه ودرس من الله بعدم ترك الصلاه مهما تكن الظروف .
المهم تأخر علينا ابوحمد وقمنا ونهمناه علشان نصلي جماعه ونحن ننتظر وإلا وهو جاي وجايب الطير براق معاه وكانت فرحتنا كلنا لا توصف وخاصه راعي الطير ,,, ثم ربطنا الطير وحطيناه على الوكر وخليناه يتعشى وصلينا المغرب ونزلنا( المعمل) وعدلنا الشاي والقهوه وجلسنا نسولف ونضحك ونتذكر الهدد ثم رجعنا للبيت .
( هذه القصه حدثت في سنة 1999 م )
( أنتهت )
هاوي هدد
هذا واحد من الشباب اعتبره باختصار متولـــع لدرجة الجنون و بقصلكم قصته في الموسم الفايت الرجال معه طيرين واحد شاريه بـ 14 الف و صايد معاه و الثاني بـ 12 الف توه شاريه لا شفته ما ودك الا تركزه قدامك اسود من طيور الامير السامر المهم الرجال موظف على قد حاله معليه اموره ماشيه لكن مو انت اللي تبي ... راح الرجال و هد طيوره على حمام قدام ناس ما صلوا على النبي ( عليه الصلاة و السلام ) الوكاد الرجال يقول من بكره يوم جيت انقل الاول قبل الدعو الا و هو ما علف علفه يقول يوم تأكدت انه يبي يموت يقول حاولت اطلعه ما قدرت يقول وديته للرياض يقول و يطردوني المستشفى يقولون مرضه معدي المهم يقول بكره مات يقول بعدها بيومين الطير الثاني طلع معي و اهده يقول المهم صار طالع على شبوط معه علق يقول و ابي اجذبه يقول و احذف الشلو على الارض يوم الطير جاني مسفح يقول الا و هو العـود اللي دخل بعينه يقول و يسيح ماء عينه و اوديه للمستشفى و يقولولي ماله علاج لكن تبينا نسوي عملية عشان ما تغور عينه قلت سووها المهم سووها له و صارت كانها طبيعية المهم صار لمدة شهر يهد الطير معنا و يدعيه اذا جت الحمامة على جهت العين المعمية ضيعها و كان يقول خلاص نبي نترك الطيور 26 الف في ثلاث ايام و كنت اشوف بعيونه الحزن لما كان يشوف طيره يهد بهذي الحالة المهم كنا متوقعين انه بيتركها لكن ما مر شهر الا و هو شاريله طيرين الله يباركله فيهن و سامحوني على الاطاله و انتظروا القصتين القادمتين و شكرا
27 / 7 / 2006 باقي على سهيل أربع اسابيع
( أنتهت )
بن بسام
هذه سالفه حدثت لي سنت 98 م
حنه في شهر واحد وذهبت انا وخوياي اثنين الى شارع الخليج في الكويت . وحنه نمشي بالشارع الا سيارةzx وفيها شباب اثنين
وبنصهم طير مفرع وانضر الى الشباب واذا هم اليتعدا اعمارهم 18 سته . وانا انزل الجام وانشدهم للبيع؟ ويرد علي المووووتر؟
قلت لا الطير قال سوم وحنه انحول عليه اذا هو حمر ارقط وعمره بكر . واسومه ب50 دينار قال لا 100 قلت تشرط انه يطير قال
نعم. قلت يرتفع قال نعم . قلت اجل اذا يطير ويرتفع ابيه150 قال تم قلت وذا مايطير ؟ قال لك ب50 . ونتواعد ونروح البر ونطير
حمامه ونفرع عنه ويهد بس معه التراب يبي يرتفع بس : الموس والنايفه والثالث من الجناحين مكسورات من النص هههههه.
وانا طبعن ادري وكسبت الطير ب50 دينار . والله يباركلي فيه ويطرح معي 13 حباره بموسمين وعليه جناح يهول الخرب الصامل
وطلوعه نتعاند عليه. ونهايته مات من الشناذره ..............
وسلامتكم .....
( أنتهت )
ابوسرحان
هذي سالفه صارت معنا العام الماضي في منطقه غرب الرياض وكان معنا طيرين مثلوث اشقر وفرخ شياهين وحصلنا كراوين وهدينا
وانبسطنا و حصلنا بطه ( نحم) وصراحه اول مره اشوف بطه بهذي السرعه المهم ونهد قراش الملوث وكان فيه ريشه ويطردها
مسافة كيلوين ونص اوثلاثه ونضيعه وكانت الارض مشجار ولاتقدر تميز الطير بسهوله ونشغل الجهاز ويعطينا نغمه بعيده وكانت الشمس على
وشك تغيب وحزة وصلنا الطير الا الطير طارحها وينسر منها ويتلفت كن وده يطير وينزل عليه واحد من الشباب ويطير الحين كان فيك خير ادعه
الشمس غايبه والطير شبعان المهم شار عينا واحد انخليه عشان مايبعد ومن اصبح افلح والليل برد والطير بيصرف والصباح نفك له حمامه
وندعيه او نهد الشيهانه ونعلفها واذا شافها راح يجي _ راعي الطير ذيك الليله مانام ساعه يهوجس وساعه يقصد واذكر من الابيات
ياحسبي الله على النحم وساعتها * * * * قفت بقراش تالي عصير واخفيته
يروع قلبي يابوسرحان سرعتها* * * * روح وراها صاد وشبع ماجيته
رحنا ندور الى جينا لحروتها * * * * طار وتنكر ياليت الفرخ هديته
وكان يقصد فرخ الشياهين
وفي الصباح شغلنا الجهاز ودعيناه وكان ممرح على شبك وطرحناه وكانت فرحت خوينا لاتوصف وكان واعدنا اذا رجع طيره يغدينا ذبيحه
5/7/1427
( أنتهت )
بن حيي
كما تدرون اني توني من حوالي سنتين وانا انقل الطير وتولعت بالطير تولع كثير.... ويوم من الايام دقيت على صقار من صقاقير الديره وقتله يابوفلان ودي ابطير قال ابشر... الشيخ هداه ولد عمي قرناس شاهين و ولد عمي محتاج و وده ابيعه قتله عساه زين قال ما عليه كلام... واخلص وياه عن 2000 ريال وكنت توني مالي خبره قويه واخذ الطير وادق على خويي واروحله وراويه الطير .... اول ماشافه قالي امحق طير , تلراه هب زين وكذا وكذا.... دقيت على الصقار و قتله كيف تكذب علي قالي لا و ماكن له وجه ارد علي .... بعد كم يوم تلاق خويي مع الشيخ وقام الشيخ وسأل خويي عن القرناس وقاله خويي ان الطير يالشيخ زين لان مايقدر يقول شيء للشيخ بس الي قاله ان الريشه قديمه... وله الشيخ يقول الطير صارله سنتين مابدل ريش!!!! الا خفيف!!!! و لين اليوم اشوف ولد عم الصقار يسلم ويمشي لانه يدري انه كذب عليّّ!!! واكثر من صقار من صقاقير الديره قالولي انه هل شخصان نيتهم هب طيبه اكثر الاوقات!!! ولكن الصقار انا شفت منه الزين كم مره ولكن مره وحده الي كذب علي و لكن ولد عمه كذاب على الي شفته منه
اخوكم بن حيي
( أنتهت )