يوسف الخليفة1
28/06/2011, 01:56 PM
بسم الله الرحمن الرحيم
السلام عليكم ورحمة الله وبركاته
من عود الذيخ يتعشا بماعون=يلحس قدوره ما يحسب حسابه
واللي رمى صيده ومن دونه غصون=مثل الذي يلحق بقاعن سرابه
واللي تعشا بايت الزاد وادهون=تصيب كبده غثتن والتهابه
ومن لا يميز بين صاحي ومجنون=تجيه من بعض الفعول المعابه
واللي شبك شبوط بالقيظ مفتون=خسارتن يغذيه ويجني خيابه
ومن لا يقدر صاحبه ما له عيون=واعمى بصيره مثل طامس كتابه
غلطان من ساق البعارين مشطون=يمنع جمل سراح حزة ضرابه
من بدل زهور القحويان بافنون=يشبه لمن بدل قصور بخرابه
ومن طاوع الورقا الا جرت لحون=يبيح وناته ولا احدن درابه
واللي جهل بالسوق لا بد مغبون=يمكن يوافق بالجلايب زلابه
واللي حشر حاله مع حسين وحسون=مثل الذي يفتح على العج بابه
ومن يارد السبخا معه زير واشنون=مثل الذي يرجي بصيفن سحابه
ومن لا شكر فعل المضيف فهو دون=تزرا عليه القاصيه والقرابة
ومن طاوع المقرود لا بد مهيون=ومن طاوع الشهم السعيد ارتقابه
من يوصل الحبل المتين بشطرطون=امسى كما دلون ردين قضابه
ومن باح سرن للخوي كان مكنون=يمسي قليل العرف ضيع صوابه
ومن لا يميز بين زكمه وطاعون=يربط على مقدم جبينه عصابه
ومن حط جلده بين الانياب واسنون=يمكن يوافق عضت انياب دابه
ومن يترك سلاحه بالابطاح مدفون=يصدى ويتلف واتعسره الصلابه
ناسن كما الامواس دايم يقدون=وناسن كما ريش النعامه حبابه
ناسن كما ورد الحدايق يفوحون=وناسن كما الضربان عفنن زهابه
ناسن كما الغربان دايم يحومون=وناسن كما الاحرار بعالي هضابه
ناسن كما عدن قراحن يفيدون=وناسن كما المهجور مرن شرابه
ناسن كما بيتن قديمن يكونون=البوم والخفاش طار ولجابه
ناسن كما الريحان واغصان زيتون=وناسن كما العضرس عساه لذهابه
ناسن كما المزموم دايم يبينون=وناسن كما الهويات كلن يهابه
هذي هي الدنيا تجي درب مسنون=والفايز اللي ناجين من هبابه
يوسف الخليفة ( أبو عبد الله )
القصيدة بصوت الأخ أبو ناصر على الرابط التالي
http://www.mekshat.com/vb/showthread.php?p=1465070#post1465070 (http://www.mekshat.com/vb/showthread.php?p=1465070#post1465070)
السلام عليكم ورحمة الله وبركاته
من عود الذيخ يتعشا بماعون=يلحس قدوره ما يحسب حسابه
واللي رمى صيده ومن دونه غصون=مثل الذي يلحق بقاعن سرابه
واللي تعشا بايت الزاد وادهون=تصيب كبده غثتن والتهابه
ومن لا يميز بين صاحي ومجنون=تجيه من بعض الفعول المعابه
واللي شبك شبوط بالقيظ مفتون=خسارتن يغذيه ويجني خيابه
ومن لا يقدر صاحبه ما له عيون=واعمى بصيره مثل طامس كتابه
غلطان من ساق البعارين مشطون=يمنع جمل سراح حزة ضرابه
من بدل زهور القحويان بافنون=يشبه لمن بدل قصور بخرابه
ومن طاوع الورقا الا جرت لحون=يبيح وناته ولا احدن درابه
واللي جهل بالسوق لا بد مغبون=يمكن يوافق بالجلايب زلابه
واللي حشر حاله مع حسين وحسون=مثل الذي يفتح على العج بابه
ومن يارد السبخا معه زير واشنون=مثل الذي يرجي بصيفن سحابه
ومن لا شكر فعل المضيف فهو دون=تزرا عليه القاصيه والقرابة
ومن طاوع المقرود لا بد مهيون=ومن طاوع الشهم السعيد ارتقابه
من يوصل الحبل المتين بشطرطون=امسى كما دلون ردين قضابه
ومن باح سرن للخوي كان مكنون=يمسي قليل العرف ضيع صوابه
ومن لا يميز بين زكمه وطاعون=يربط على مقدم جبينه عصابه
ومن حط جلده بين الانياب واسنون=يمكن يوافق عضت انياب دابه
ومن يترك سلاحه بالابطاح مدفون=يصدى ويتلف واتعسره الصلابه
ناسن كما الامواس دايم يقدون=وناسن كما ريش النعامه حبابه
ناسن كما ورد الحدايق يفوحون=وناسن كما الضربان عفنن زهابه
ناسن كما الغربان دايم يحومون=وناسن كما الاحرار بعالي هضابه
ناسن كما عدن قراحن يفيدون=وناسن كما المهجور مرن شرابه
ناسن كما بيتن قديمن يكونون=البوم والخفاش طار ولجابه
ناسن كما الريحان واغصان زيتون=وناسن كما العضرس عساه لذهابه
ناسن كما المزموم دايم يبينون=وناسن كما الهويات كلن يهابه
هذي هي الدنيا تجي درب مسنون=والفايز اللي ناجين من هبابه
يوسف الخليفة ( أبو عبد الله )
القصيدة بصوت الأخ أبو ناصر على الرابط التالي
http://www.mekshat.com/vb/showthread.php?p=1465070#post1465070 (http://www.mekshat.com/vb/showthread.php?p=1465070#post1465070)