قصيدة خاصه جداً في وصف الطير

[عـــرادي]

السلام عليكم ورحمة الله وبركاته
أضع بين أيديكم هذه القصيدة وهي في وصف الطير
واتنمى ان تحوز على رضاكم وإستحسانكم

ياحمود دامك صاملٍ تشتري طير
وتبي إستشاره دوك هاذي إستشاره
قصيدةٍ بظهر بها جمة البير
على حسب عرفي ولاهي شطاره
أبوي علّمني و قنصني إكثيّير
مع الرجال أهل الوفاء والجداره
وأخذت آنا جمله دروس وتفاسير
وجمعت علمٍ زادني من وقاره
وقضيّت وقتي مع صقور و صقاقير
و اليوم ربع القرن روح إصقاره
الطير مثل الرجل في كل تصوير
ما ينعرف طيبه ولآ به إشاره
إلا تراء في شي واحد ولا غير
ما يعرف الطيب سوى بإختباره
وبعد لك عدة مواري تباشيّر
جعله يصيد ومرهيٍ في طياره
أحرص على عين تواقد كما الكير
افجح هجر ناقله تتعب يساره
والريش عاري وأقطمٍ بوزه قصير
وعاتقه عاتق حية وقت غاره
و الزور بارز و الثنادي مزابيّير
فخذه جليلٍ و العظم به جباره
ومناكبه رمز الشهاده و تحرير
إمسرولٍ و البوز زايد سماره
وسيع شدقٍ وادرع السانه صغيّر
ومنخر وسيع و كامل الإستداره
والكف وافي والمخالب سواطير
إدقاق ريش وكالذهب في صفاره
اشعل ظهر صافي بليا دواوير
والرأس مغتر يجهرك في غتاره
و ذنيبته دقه يشادي النواوير
إلا العمد مسحٍ تزيده نظاره
وفيه الثريا كالبرد حزة إعصير
بلحظات شرقه طال وقت إنتظاره
مغتر وانا في صفكٍن يالمغاتير
فيكن نزاره وحيها من نزاره
هذا ترا وصفي وشوري عن الطير
على حسب عرفي عطيت استشاره

وتقبلوا خالص تحياتي ؛؛؛

اخوكم / بدر العرادي

[العد القراح]

مشكور ولاهنت وصح السانك وموفق خير

[معسف العاصي]

صح السانك يابوفهد
قصيده وافيه من وافي

[فارس 74]

متعدد المواهب الله يالعرادي مشالله صقاره وشعر وعلوم طيبه

مشالله عليك

صح لسانك يالقرم

[@السيف@]

بيض الله وجهك لاعدمناك وصح لسان الشاعر اخوك ابوسيف

[سلطان 1]

متعدد المواهب الله يالعرادي
مشالله صقاره وشعر وعلوم طيبه
الله يبااارك فيك

[الرقعي]

ماشاء الله قصيدة جزله من رجال سنافي

[خلف الفار]

اوفيت وصفك يالعرادى على الطير

وعطيك فكره وافيه فاختصاره
وصفك منهو يشبه السالم الزير

يوم اعتلا جرد السبايا نهاره

[ذراع الذيب]

السلام عليكم ورحمة الله وبركاته,,
صبحت بالخير ياعرادي,,

انشهد انك شاعر وابيات قمة القمه وتشبيه رائع بين الطير والرجل,,
وان العلوم الغانمه ماتظهر الابالتجريب والفعل والنادر انشهد انك شبيهله ونبي مجارتك للحويفي,,
لقصيدته الجديده بموضوعي الاخير انت كفو وقصيدك كفو وصح لسانك ملايين,,
تحياتي لك,,

[راعي طلاع]

صح لسانك وعز الله وصفت وجبتها بس يابو فهد الطير ذا وين نعينه

وان عيناه والله ان تشيب عيون ناسن واجد ما انقلوه لكن عسى الله

يحولني عليه بيومن من الايام وامهده بيدي واتصل بك ابشرك والله يرزقك باللي اطيب منه..........

[الينااااوي]

صح السانك عزالله وصف ماعليه كلااااام

[ابوبدرالعريمه]

ســــــلام يانســــل الـرجــال المـشاهـيـر=الـــي الـشــوفــتهـم نـســـوق البشاره
وشاعر وشعرك يعطي الشخص تصوير=ترســــــم له الوحـــه بفـــن وجـــداره
و منـــي تحيـــه يـالـعــرادي وتــقــديـــر=ونبــي الـــوعـــد متـــى تجـــينا زيـاره
تحياتي/ابوبدرالعريمه

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / عرادي
صح السانك وسلم بوحك
هذي المواصفات يبغى لها جوهرجي طيور
شرواك يدركها
ماكل طير بتجتمع فيه لكن الله يوفقه
بيطيح في يديه هالطير
معلومات قيمه استفدت كثير
اشكرك
*
والسلام
AL Khapt Brother of Naif
الحجاز
27-7-1432هـ

[راشد حسين]

صح لسانك ولسان الشاعر

الله يعطيك العافيه ما قصرت

[جزاء الشمري]

صح لسانك يابو فهد قصيدة جزلة من شاعر جزل .

[البراء آل عثمان]

ماشاء الله إبداع في الوصوف وإستخدام المفردات

عاد هالله هالله بأعضاء مكشات يبغالها شيله ولحن
ولا القصيد حلوه ولا أروع

صح لسانك وجزاك الله خير

اعجبني هذا البيت يالغالي

الطير مثل الرجل في كل تصوير
ما ينعرف طيبه ولآ به إشاره

[ركن برزان]

صح لسانك يا بوفهد وتسلم يمينك على التحفه

بيض الله وجهك ولا هنت عزالله انك وصفت

بس يا حبيبي يا حمود شكلك وهكته اذ هو يبي يمسك وصيتك ههههههه والله ان يبطي وهو يدور

ابو فهد في انتظار جديدك لا هنت


تحياتووووو

[عدنان الوابل]

صح لسانك
بس اظنه من مشعل الحبيني

[wwmfs]

صح السانك

الله يعطيك العافية

لا هنت

[falcon 1]

السلام عليكم ورحمة الله وبركاته
ما شاء الله تبارك الرحم
قصيدتن جزله ما شاء الله تبارك الرحمن
صح لسانك

[القرناس المهاجر]

أحرص على عين تواقد كما الكير
....................................... افجح هجــر ناقله تتعب يساره

الله الله يالعرادي على الكلام الزين
لاهنت وشكراً على المشاركة الطيبة :)

وهذي مني لك هديه ههههه

صافي نحر والراس ماغير عينه
http://www.mekshat.com/vb/clear.gif .................................http://www.mekshat.com/vb/clear.gifوالظهر قمريه ليا جيت أحليه
افجح على وسره وساقه متينهhttp://www.mekshat.com/vb/clear.gif
.................................http://www.mekshat.com/vb/clear.gifوالعنق وافي والحلا في ثناديه
القرناس المهاجر :good2:

[راعي عدوان]

صح لسانك يابوفهد وبيض الله وجهك
تقبل مروري راعي عدوان

[عسااااف]

صح لسانك يابو فهد والله يعطيك العافيه

[مذخور]

صح الله لسانك وبيض الله وجهك
قصيدة رائعة كما روعة قائلها ,,,

[نمر الصحراء]

عليكم السلام ورحمة الله وبركاته
صح لسانك اخوي بدرلاهنت على القصيدة

[فهد الحنيني]

صح لسانكـ يا أبو فهد والقصايد ماشاء الله ماتجي الا بالصيف والشتاء محد يدري عنك ـ:mad:
أبيات جزله وعز الله انكـ وصفت

[جيتك يابعد حيي]

ماشاء الله لله درك يابو فهد
صح لسانك قصيده جزله اللي يبي يتعلم الصقاره يحفض القصيده
تقبل تحياتي

[أبو أمين]

صح لسانك وفاللك البيرق

الطير هذا ليس له وجووود والسبب ازدواجيه فاللون


إدقاق ريش وكالذهب في صفاره
اشعل ظهر صافي بليا دواوير

طماع يالعرادي تبغاه اشقر واشعل في نفس الوقت

ارسى على بر

امتعتنا ونرجوا المزيد

تحياتي

[القبطان مفرح]

صح لساااااااااااااااانك

[ابو الدحول]

صح لسانك وبيض الله وجهك شاااااااااااااااااااااااااعر وصقار والله كفو

[حمود العرادي]

صح لسانك يا بو فهد

[جـرح الشمـال]

مرحباء اخوي ابو فهد
صح لسانك وفالك الى وصفته في القصيده
اسمحلي اقول عنك مستشار وشاعر وصقار وخوي نشاما
سلم لي على نفسك وعلى الوالد ووصل سلامي الى غانم واخوه دهيم اباالشيوخ في الوهيبه
تقبل مروري
اخوك جرح الشمال

[alrshedi]

صح لسانك يابوفهد عزالله انه قصيده جزله ووصف طيب
والله يرزقك ان شاء الله بطير الي وصفته او اطيب منه ان شاء الله او من يقرا
لاهنت وبنتظار جديدك

[عـــرادي]

العد القراح
معسف العاصي
فارس 74
@السيف@
سلطان 1
الرقعي
خلف الفار
ذراع الذيب
راعي طلاع
الينااااوي
ابوبدرالعريمه
الفيتو
راشد حسين
جزاء الشمري
البراء آل عثمان
ركن برزان
عدنان الوابل
wwmfs
falcon 1
القرناس المهاجر
راعي عدوان
عسااااف
مذخور
نمر الصحراء
فهد الحنيني
جيتك يابعد حيي
أبو أمين
القبطان مفرح
ابو الدحول
حمود العرادي
جـرح الشمـال
alrshedi



بيض الله وجيهكم ، وصحة أبداااانكم ، وكثر الله خيركم
وأسف على التأخر في الرد ، وتقبلوا خالص تحياااااتي

[منيف الصلف]

يامراحب اخوي بدر وصح لسانك ابدعت بالوصف وماخليت شي وصف صقار متمكن 0

ماشاء الله عليك

[عبدالرحمن بن ذياب]

صح لسانك يالقرم
عز الله لوفيت

[نداوي حائل]

بسم الله الرحمن الرحيم

السلام عليكم ورحمة الله وبركاته ..... قلت يابدر وابدعت مشالله عليك ولا يهون اخوي
حمود ومن قرى الموضوع .
وعزالله انك شرت بشور راهي وخصوصا ان حمود صقار ومن طبيعته ما يحب الا الراهي
عسى الله يرزقكم العافيه وتنالون كل اللي في خواطركم انشالله ويعلم الله بما في القلب من معزتكم . وتقبلوا مني هالبيتين :

ياحمود ياذوق الرجـــال المناعــير
ياللي تدور الطير حرص وشطاره
ماينقصك عرفه ولا فـيك تقصــــير
يا ما نقلت ولا حسبت الخــــساره
انت وولد عمك هل العرف والخير
أهل المعارف والقنص والجـداره
ســـــلام يـــابيت العـــرادي وتقـدير
مــــني تـــحــية وافــــيه بالوقـاره


واعتذر عن التقصير لاني ماني شاعر ولكن الخواطر تبوح احيان بصوت عالي

اخوكم ابو عبدالعزيز
بدر الشغدلي - حائل