ابوفهدة
29/06/2011, 02:59 AM
السلام عليكم ورحمة اللة وبركاتة
:fابي اسولف عليكم قصة واحد اعجب بشجاعة وطيب واحد وراح وخطف بنتة:f
هذا الشخص اللي خطفت بنتة هو شايع ابن مرداس الشمري من قبيلة شمر العريقة
وكان بعين واحدة فقط لذا لقب بالامسح
هذا الرجل فارس وكريم وشجاع بنفس الوقت وتزوج من ابنت عمة الملقبة بكعيب الظبي
خذاها عن عشق وهناك قصائد معروفة لهم
(حصلت مشاكل بين شايع وابناء عمة مما جعلة يرحل الى قبيلت سبيع المشهورة)
وصل شايع لقبيلة سبيع وصار بضيافة ابو ثنين شيخ سبيع وهو عندهم حاط على عينة وبرة من وبر الابل على شان مايتشائمون من عينة وغير اسمة لباد
سالوة وش بلى عينك قال طرفت عيني غصن شجرة خذا فترة وهو عندهم وفي يوم من الايام قرر الشيخ ابو ثنين الغزو ومشوا لحقهم لباد وقال انا معكم غزاي قال الشيخ انت ضيف اول شي وبعدين عينك ماتساعدك على الغزو اجلس معزز مكرم وحقك من الغزو يجيك رفض شايع واصر انة يروح وخذوة ولمى وصلو حول المكان اللي يبون يغزونة نوخوا وضحوا وتقاسموا الرجال الاعمال اللي يحطب واللي يسوي قهوة واللي يخبز
واللي يرقب يتشوف الحلال اللي يبون يكسبونة بس بقي شايع قال للشيخ سبيع تقاسمو الاشغال الا انا وش اسوي قال انت ضيفي اجلس جنبي معزز مكرم قال لا ودي الحق اللي يرقبون قال عينك تعورك ولاتساعدك على الشوف قال بة البركة وصل شايع اللي يرقبون وسالهم تشوفون شي قالو لا وكان شايع يشوف ذودين لاكن ماعلمهم رجعو للشيخ وجلسو وسال الشيخ اللي ارقبوا ماشفتو شين قالو لا وسال لباد اللي هو شايع فقال
:fياشيخ شوفي للبعايد عوايد =ولو كان من دون النظير سحال
ثلاث عيون من عين توايقن =وشافن على روس الحزوم ازوال
ان قالت العينين مازال زايل =قد قالت العين الوحيدة زال
واللة لولا خايف تشمت الملا= لاقول في رجل الرديف نعال
سكت الشيخ ويوم تقهوا راحو يم اللي ذكر لباد ولقوهم وسال ابو اثنين الرعيان انتم الضحى مترادفين ناقة قالوا اية وصفة لهم بوصف شايع قالو اية وقال وين الرديف قال انا قال انت لابس نعول يومك مردف قال اية فاستغرب الشيخ من قوة شوف لباد وسالة باللة من انت قال انا شايع الامسح اكرمة الشيخ وخذا فترة عندهم لين زانت امورة مع عيال عمة ورحل منهم لديارة بالشمال وعرفوة سبيع بالكرم والشجاعة( هنا مربط الفرس)
طمع ناصر ابن جمل بمصاهرتة ولاكن يدري ان شايع بة حميا ولايمكن انة يجوز بنتة لغير شمر جاء ناصر ابن جمل وضاف شايع وكان متنكر وكانت زمالتة جمل سريع جدا ساحلي لاكن شكلة غير مرغوب وشايع عندة ناقة وضحى طيبة جدا واصيلة وهو يتعلل مع ضيفة ياهدير الجمل اطلع ياشايع يالجمل يضرب الذلول حاول شايع يجرف عن الناقة لاكن لقحت المهم ابن جمل يراقب بنت شايع لين راحت للنياق وتبعة لمفلى النياق وشلة على الجمل وهج بة لسبيع شايع لمى تاخرت البنت راح وراة يم النياق والا لقاة وفقد الضيف تاكد ان الضيف نهب بنتة واركب الوضحى وكانت سبوق وقص الاثر لاكن مالحقهم الا وهم بديار سبيع قال شايع هالحين لو اجيهم اما يخلوني املك لهم غصب او يذبحوني فرجع شايع
لديرتة وانتظر شايع لين تجيب ناقتة وخذاست سنوات لين ا شتدت الناقة ذهب شايع
لاخذ الثار ويوم قرب حول بيوتهم عوى عوى ذيب البنت فز قلبة يوم سمعت العوى وعرفت انة ابوة وقالت
:fياذيب ياللي جر صوتا عوابة =مادري ظما والا من الجوع ياذيب
عندي طنيب عواك مابة غرابة =فاتن ثلاث سنين فوق المراقيب
والرابعة ياتي قضا ماقضى بة= والخامسة والسادسة لي غواليب
كان انت جوعان تبي لك ذوابة= خذ العشاء من مد مير المعازيب
وان كان تبغى من دبشنا جلابة =تراة من خشم العلياوتغريب
معة الجمل فيما حمل واحتمابة= واهل الرماح مجودين المضاريب
وان كان تبغى بالبديلة نهابة =عندي دوى عينك عنود الشباشيب:f
(االعجوز ام ناصر تسمع قصيدة البنت وفهمت غلط وقالت هالابيات)
:fيابنت صوت الذيب عندي تشابة = واخاف من وجهك تجية اللواهيب
الذيب حذراء لايعضك بنابة = لايعذربك جوف البنات الرعابيب
لايجعلك مثل خطات الجلابة =يسامة الشاري يلقا عذاريب:f
(ردت البنت على العجوز بالابيات)
:fلا ياعجوز الخير هرجك مثابة= وانا كما عد عسير المشاريب
الذيب ماني من معاضيض نابة= وانا عفبفة مابعد عضني ذيب
انا كما عد عسير شرابة ماياصلة= ركاب عوج المصاليب:f
راحت بنت شايع وقابلت ابوة وقالت لة الرجال ملك علي وانتظرتك ثلاث سنوات والرابعة حملت هالحين صار لي اولاد منة قال انا اللي جابن ابي بنتة ابي اتقاضى (على فكرة ابن جمل كان متزوج قبل بنت شايع ولة بنت)قالت بنت شايع خلك هنا وانا اجيبة لك ورجعت بنت شايع للبيت وقالت ابوك صايد لة غزالين ومنزلهن بالشعيب يقول مستحي لايعشن القوم ولاني ناقلهن لاكن روحي انتي وبنتي وجيبنهن صدقت بنت ناصر ابن جمل وراحت معة ويوم جن الشعيب ليى شايع على الوضحى مجهز الشداد وانهبة وادر يبن جمل واتبع شايع لاكن شايع هددة ان جاء الا يذبحة ولالة حق علية وحدة بوحدة وانا طلاب ثار
فتمثل الامسح شايع بهذة الابيات
:fقال الغفيلي والذي مس حبلة على كور قودا من خيار الزمايل
رجيت انا الوضحى رجا راجي الرجا والحمد للباري كريم الفضايل
تركتها عامين وهي ترضع امة وعامين اعسفها وعامين حايل
ليما غدى مثل الرديفين فوقها مايلحق المشعاب روس الشمايل
على كورها خذيت من البيض غيدا بنت الشيوخ مرويين السلايل
من اعتدا نجزاة بالعد والعدا ومن يطلب الحسنى جزاة الجمايل
ثار بحقي ماعلي فية لايمة وبالمثل نجزا بالبديل البدايل:f
(وسلامة الجميع والعذر والسموحة على الاخطاء والاطالة):f
:fابي اسولف عليكم قصة واحد اعجب بشجاعة وطيب واحد وراح وخطف بنتة:f
هذا الشخص اللي خطفت بنتة هو شايع ابن مرداس الشمري من قبيلة شمر العريقة
وكان بعين واحدة فقط لذا لقب بالامسح
هذا الرجل فارس وكريم وشجاع بنفس الوقت وتزوج من ابنت عمة الملقبة بكعيب الظبي
خذاها عن عشق وهناك قصائد معروفة لهم
(حصلت مشاكل بين شايع وابناء عمة مما جعلة يرحل الى قبيلت سبيع المشهورة)
وصل شايع لقبيلة سبيع وصار بضيافة ابو ثنين شيخ سبيع وهو عندهم حاط على عينة وبرة من وبر الابل على شان مايتشائمون من عينة وغير اسمة لباد
سالوة وش بلى عينك قال طرفت عيني غصن شجرة خذا فترة وهو عندهم وفي يوم من الايام قرر الشيخ ابو ثنين الغزو ومشوا لحقهم لباد وقال انا معكم غزاي قال الشيخ انت ضيف اول شي وبعدين عينك ماتساعدك على الغزو اجلس معزز مكرم وحقك من الغزو يجيك رفض شايع واصر انة يروح وخذوة ولمى وصلو حول المكان اللي يبون يغزونة نوخوا وضحوا وتقاسموا الرجال الاعمال اللي يحطب واللي يسوي قهوة واللي يخبز
واللي يرقب يتشوف الحلال اللي يبون يكسبونة بس بقي شايع قال للشيخ سبيع تقاسمو الاشغال الا انا وش اسوي قال انت ضيفي اجلس جنبي معزز مكرم قال لا ودي الحق اللي يرقبون قال عينك تعورك ولاتساعدك على الشوف قال بة البركة وصل شايع اللي يرقبون وسالهم تشوفون شي قالو لا وكان شايع يشوف ذودين لاكن ماعلمهم رجعو للشيخ وجلسو وسال الشيخ اللي ارقبوا ماشفتو شين قالو لا وسال لباد اللي هو شايع فقال
:fياشيخ شوفي للبعايد عوايد =ولو كان من دون النظير سحال
ثلاث عيون من عين توايقن =وشافن على روس الحزوم ازوال
ان قالت العينين مازال زايل =قد قالت العين الوحيدة زال
واللة لولا خايف تشمت الملا= لاقول في رجل الرديف نعال
سكت الشيخ ويوم تقهوا راحو يم اللي ذكر لباد ولقوهم وسال ابو اثنين الرعيان انتم الضحى مترادفين ناقة قالوا اية وصفة لهم بوصف شايع قالو اية وقال وين الرديف قال انا قال انت لابس نعول يومك مردف قال اية فاستغرب الشيخ من قوة شوف لباد وسالة باللة من انت قال انا شايع الامسح اكرمة الشيخ وخذا فترة عندهم لين زانت امورة مع عيال عمة ورحل منهم لديارة بالشمال وعرفوة سبيع بالكرم والشجاعة( هنا مربط الفرس)
طمع ناصر ابن جمل بمصاهرتة ولاكن يدري ان شايع بة حميا ولايمكن انة يجوز بنتة لغير شمر جاء ناصر ابن جمل وضاف شايع وكان متنكر وكانت زمالتة جمل سريع جدا ساحلي لاكن شكلة غير مرغوب وشايع عندة ناقة وضحى طيبة جدا واصيلة وهو يتعلل مع ضيفة ياهدير الجمل اطلع ياشايع يالجمل يضرب الذلول حاول شايع يجرف عن الناقة لاكن لقحت المهم ابن جمل يراقب بنت شايع لين راحت للنياق وتبعة لمفلى النياق وشلة على الجمل وهج بة لسبيع شايع لمى تاخرت البنت راح وراة يم النياق والا لقاة وفقد الضيف تاكد ان الضيف نهب بنتة واركب الوضحى وكانت سبوق وقص الاثر لاكن مالحقهم الا وهم بديار سبيع قال شايع هالحين لو اجيهم اما يخلوني املك لهم غصب او يذبحوني فرجع شايع
لديرتة وانتظر شايع لين تجيب ناقتة وخذاست سنوات لين ا شتدت الناقة ذهب شايع
لاخذ الثار ويوم قرب حول بيوتهم عوى عوى ذيب البنت فز قلبة يوم سمعت العوى وعرفت انة ابوة وقالت
:fياذيب ياللي جر صوتا عوابة =مادري ظما والا من الجوع ياذيب
عندي طنيب عواك مابة غرابة =فاتن ثلاث سنين فوق المراقيب
والرابعة ياتي قضا ماقضى بة= والخامسة والسادسة لي غواليب
كان انت جوعان تبي لك ذوابة= خذ العشاء من مد مير المعازيب
وان كان تبغى من دبشنا جلابة =تراة من خشم العلياوتغريب
معة الجمل فيما حمل واحتمابة= واهل الرماح مجودين المضاريب
وان كان تبغى بالبديلة نهابة =عندي دوى عينك عنود الشباشيب:f
(االعجوز ام ناصر تسمع قصيدة البنت وفهمت غلط وقالت هالابيات)
:fيابنت صوت الذيب عندي تشابة = واخاف من وجهك تجية اللواهيب
الذيب حذراء لايعضك بنابة = لايعذربك جوف البنات الرعابيب
لايجعلك مثل خطات الجلابة =يسامة الشاري يلقا عذاريب:f
(ردت البنت على العجوز بالابيات)
:fلا ياعجوز الخير هرجك مثابة= وانا كما عد عسير المشاريب
الذيب ماني من معاضيض نابة= وانا عفبفة مابعد عضني ذيب
انا كما عد عسير شرابة ماياصلة= ركاب عوج المصاليب:f
راحت بنت شايع وقابلت ابوة وقالت لة الرجال ملك علي وانتظرتك ثلاث سنوات والرابعة حملت هالحين صار لي اولاد منة قال انا اللي جابن ابي بنتة ابي اتقاضى (على فكرة ابن جمل كان متزوج قبل بنت شايع ولة بنت)قالت بنت شايع خلك هنا وانا اجيبة لك ورجعت بنت شايع للبيت وقالت ابوك صايد لة غزالين ومنزلهن بالشعيب يقول مستحي لايعشن القوم ولاني ناقلهن لاكن روحي انتي وبنتي وجيبنهن صدقت بنت ناصر ابن جمل وراحت معة ويوم جن الشعيب ليى شايع على الوضحى مجهز الشداد وانهبة وادر يبن جمل واتبع شايع لاكن شايع هددة ان جاء الا يذبحة ولالة حق علية وحدة بوحدة وانا طلاب ثار
فتمثل الامسح شايع بهذة الابيات
:fقال الغفيلي والذي مس حبلة على كور قودا من خيار الزمايل
رجيت انا الوضحى رجا راجي الرجا والحمد للباري كريم الفضايل
تركتها عامين وهي ترضع امة وعامين اعسفها وعامين حايل
ليما غدى مثل الرديفين فوقها مايلحق المشعاب روس الشمايل
على كورها خذيت من البيض غيدا بنت الشيوخ مرويين السلايل
من اعتدا نجزاة بالعد والعدا ومن يطلب الحسنى جزاة الجمايل
ثار بحقي ماعلي فية لايمة وبالمثل نجزا بالبديل البدايل:f
(وسلامة الجميع والعذر والسموحة على الاخطاء والاطالة):f