رجة بالشاص

[حطام]

السلام عليكم ورحمة الله وبركاته

وش اخباركم ان شاء الله بأتم الصحه والعافيه يارب

ياخوان طلعت عندي مشكله بالموتر :)...سلمكم الله اذا تعديت سرعه 190 او 180 الموتر يرج رجات متقطعه مثل كذا >>>وخروا بقلده :D

اججججججج ثم ياخذ ثواني... ثم يرجع اجججججججج ثم ياخذ ثواني وهكذا.... لين انزل السرعه عن 170 يرسا...معلومه:.. قبل يرج فكيت الفصله ويوم جربت ممشاه بسفر طلع عندي نفس الرجات قلت يمكن طبيعي وفاغر مادري وش السالفه:) ويوم وصلنا بالسلامه طالعت من تحت الدفرنس حصلت ...لي الهواء حق الدفرنس مطرطش زيت وعادم التانكي والسست بالزيت :eek:..كشفت على اللي والبلف لقيته مسدود ومتقطع وينطف زيت ...المهم غيرته وركبت بلوف ولي جديد وراح التهريب يالله لك الحمد...واللي جنني عايرت زيت الدفرنس لقيته سليم وكامل مع ان الزيت المطرطش موب هين واجد من تحت كله زيت...كل الورش والبناشر يقولون سليم غريبه !! ...قلت مالي الا المكشاتيه يسدون عين الشمس الله لايضركم ويجزاكم خير

ابي اعرف كيف ينعرف الزيت بالدفرنس كامل او ناقص .!!..ووش سبب الرجات المتقطعه هل من الدفرنس او ترصيص او حتمال وش يكون :)

وهل يضر معاينة الزيوت... مثل زيت الدبلات وزيت القير وزيت الدفرنسات اذا فتحنا الصاموله وهرب زيت بسيط منه والسياره حاره ؟ هل ازيده زيت مثل اللي طلع منه ولامايضره..!!

سامحونا طولنا عليكم لاكن والله ان مالنا غنا عنكم بعد الله عز وجل ..جعلكم انتم ومن تعزون بالجنه يارب

[راعي هدد 2007]

الحمدالله على السلامه
وانتبه من السرعه
سلمك الله انا صار معى نفس الشى شف شيك على مساعد الدركسون الى معترض
تحت الماكينه اسمه مساعد دركسون قيمته 650ويمكن يكون جلب المساعد والزيوت عادى شيك من عند الصواميل دق الريوس ويشوف بس لاتغير زيت الدبل وشكرااا

[zulfi]

اولا شيك على عامود الكبير وعامود الدبل.وغالبا يكون من عامود الدبل يعني ركب فرارات..و
زيوت الدفرنس هذي تبخير التروس..

[حطام]

الحمدالله على السلامه
وانتبه من السرعه
سلمك الله انا صار معى نفس الشى شف شيك على مساعد الدركسون الى معترض
تحت الماكينه اسمه مساعد دركسون قيمته 650ويمكن يكون جلب المساعد والزيوت عادى شيك من عند الصواميل دق الريوس ويشوف بس لاتغير زيت الدبل وشكرااا

بيض الله وجهك اخوي راعي الهدد...صادق لقيت العمود يلعب يفتر فوق وتحت موب ثابت:D

طيب الزيوت اللي خرت وانا اشيك على زيت الدفرنسات والجربوكس وهي حاره ؟!! ازيده بمثل ماطلع منه ولا وش السواه ..اخاف النقص البسيط يضره :D قسم اني خايف بطلع لمقطعه وحداني ومطول واخاف يورطني .............اوووح:D

[حطام]

اولا شيك على عامود الكبير وعامود الدبل.وغالبا يكون من عامود الدبل يعني ركب فرارات..و
زيوت الدفرنس هذي تبخير التروس..

هلابك اخوي zulfi يعطيك العافيه وجزاك الله خير ...

[وبل نجد]

بالنسبة لزيت الدفرنس سواء الأمامي او الخلفي لاتفحصه الا اذا كان الموتر متساوي بمعنى لايكون مايل من الجهه الأمامية او الخلفية ولازم يكون الموتر بارد اقل شيء اتركه ثلاث ساعات عشان ينزل الزيت

وبالنسبة لزيت القير او الدبل ايضا لابد يكون الموتر متساوي وبارد كذلك

والليات الي شفتها انت خربانه وحايسه ابو الدنيا هذي ليات البخار الخارج من الزيت اللي في الدفرنس بسبب الحراره

في الختام (( اقرأ الكتلوج حق السيارة )) عشان تعرف كم مقدار الزيت المانسب في القير والدبل والدفرنسات

اي استفسار انا حاضر

تقبل مروري

[وبل نجد]

اخوي نسيت

الرجه هل هي صادره من الأمام او من الخلف

وهل الرجه كانت موجوده قبل خروج الزيت من الدفرس ولا لا ؟؟

ولا طلعت بعد مافكيت الفصله وجلدت الموتر ؟؟

[حطام]

بالنسبة لزيت الدفرنس سواء الأمامي او الخلفي لاتفحصه الا اذا كان الموتر متساوي بمعنى لايكون مايل من الجهه الأمامية او الخلفية ولازم يكون الموتر بارد اقل شيء اتركه ثلاث ساعات عشان ينزل الزيت

وبالنسبة لزيت القير او الدبل ايضا لابد يكون الموتر متساوي وبارد كذلك

والليات الي شفتها انت خربانه وحايسه ابو الدنيا هذي ليات البخار الخارج من الزيت اللي في الدفرنس بسبب الحراره

في الختام (( اقرأ الكتلوج حق السيارة )) عشان تعرف كم مقدار الزيت المانسب في القير والدبل والدفرنسات

اي استفسار انا حاضر

تقبل مروري

اشكرك جزيل الشكر اخوي وبل نجد على افادتك كلامك على متمه طال عمرك:)

[حطام]

اخوي نسيت

الرجه هل هي صادره من الأمام او من الخلف

وهل الرجه كانت موجوده قبل خروج الزيت من الدفرس ولا لا ؟؟

ولا طلعت بعد مافكيت الفصله وجلدت الموتر ؟؟

طال عمرك اخوي وبل نجد الرجه من الخلف ...ماطلعت الا بعد مافكيت الفصله ثمن شفت الزيت مطرطش تحته:)

[طيرشلوى 2]

انا اعرف واحد معه شاص موديل عشره وفيه الرجه ركب فرارات وفك عمود الدبل وجرب

[وبل نجد]

احتمال يكون فيه مشكله بالعمود

شحمه وافحص الصلبان

واحتمال اخير يكون فيه ميلان العمود