استفسار عن الطاقه الشمسة للأهل الخبرة

[راعي الخريب]

السلام عليكم عليكم ورحمة الله وبركاته

اخواني ابي اشغل مكيف بالطاقه الشمسية
كم واط احتاج من الالواح وكم بطارية
او ويش احتاج بالظبط عشان اشغل المكيفات بالطاقه الشمسية

[am2006m]

إذا كان مكيف منزلي سبلت او دريشه فانصحك لاتفكر في المشروع لانه بيكلفك قيمة 100 ماطور كهرباء يباني 3000 شمعه

احسلك اشتر ماطور وريح نفسك

وعشان اوضحلك اكثر

الكهرباء المنزلية :استهلاك اقل مكيف تقريبا 15 امبير والحسبه كتالي 220 في 15 = 3300 واط

فكم لوح شمسي تحتاج لتوليد كهرباء 220 فول او 12 فولط بانتاج 3300 واط

وبقية الخبراء في الكهرباء يفيدونك

[راعي الخريب]

اخوي ماتهمني التكاليف بكلفها مرة وحدة بعدها برتاح
وبخصوص المكيف قوته 1700 واط طن واحد
والاالواح الحالية 200 واط ابي حسبتها عدل عشان ارتب

[sh3ab]

اذا تبي مكيف صحراوي تقدر المكيف يستهلك ٣٩٠ واط
أخي راعي الخريب مولد كهرباء ديزل كاتيربلير كد ومد

[راعي الخريب]

يعطيك العافيه ياشعاب
بس اما مهتم فالالواح واجد
ابي اعرف حسبتها اللوح كم ينتجلي من واط ماعرف مثلا عندي 230 واط كم تنتجلي من الكهرب
هذي الي ابي اعرفها وكم ساعه

[لاتكب البيالة]

السلام عليكم
اخوي راعي الخريب الالواح الشمسية الى الان لم يعتمد عليه عندنا لرخص الوقود وغلا تكلفته وايضا قلت الكفائة

لكن شف ابشرح لك كمثال وانت طبق على اللي عندك من الالواح والمكيف
المكيف 1700 واط بالساعة لنفرض انت بتشغله 10 ساعات هذي 17000 واط يوميا
اذا تحتاج الا الواح تنتج 17000 واط يوميا يعني لو نفرض الشمس ساطعه على 8 الواح 230 واط لمدة 10 ساعات يوميا اذا عندك تساوي 18400 واط باليوم يعني انت انتجت 18.4 كيلو واحتجت فقط 17 كيلو واط هالزيادة اعتبره احتياط وخذ بالاعتبار سطوع الشمس ودرجة ميلان الالواح ونظافته ودرجة الاحرارة هذي كله مؤثرة على كمية الانتاج
طيب نجي لعدد البطاريات اذا كان تشغيل المكيف بالنهار بتحتاج بطاريات اقل من تشغيله بالليل لكن نفرض تشغيله كله ليل لنحدد الحد الاقصى للبطاريات يعني انت لازم تخزن هالـ 18.4 كيلو واط خل نقول 18 كيلو اذا فرضنا عندك بطارية 150 امبير و12 فولت هذي تعطي 1.8 كيلو واط بالساعة اقسم 18 على 10 ساعات مدة التشغيل يعني 1.8 كيلو بالساعة اذا تحتاج 10 بطاريات من هالنوع
طبعا هناك الكثير من الاعتبارات والمفاقيد بمراحل الشحن والتفريغ وايضا مؤثرات على التوليد تحتاج النظر الى كفائة الاجهزة او اخذ احتياط في الطاقة

[راعي الخريب]

السلام عليكم
اخوي راعي الخريب الالواح الشمسية الى الان لم يعتمد عليه عندنا لرخص الوقود وغلا تكلفته وايضا قلت الكفائة

لكن شف ابشرح لك كمثال وانت طبق على اللي عندك من الالواح والمكيف
المكيف 1700 واط بالساعة لنفرض انت بتشغله 10 ساعات هذي 17000 واط يوميا
اذا تحتاج الا الواح تنتج 17000 واط يوميا يعني لو نفرض الشمس ساطعه على 8 الواح 230 واط لمدة 10 ساعات يوميا اذا عندك تساوي 18400 واط باليوم يعني انت انتجت 18.4 كيلو واحتجت فقط 17 كيلو واط هالزيادة اعتبره احتياط وخذ بالاعتبار سطوع الشمس ودرجة ميلان الالواح ونظافته ودرجة الاحرارة هذي كله مؤثرة على كمية الانتاج
طيب نجي لعدد البطاريات اذا كان تشغيل المكيف بالنهار بتحتاج بطاريات اقل من تشغيله بالليل لكن نفرض تشغيله كله ليل لنحدد الحد الاقصى للبطاريات يعني انت لازم تخزن هالـ 18.4 كيلو واط خل نقول 18 كيلو اذا فرضنا عندك بطارية 150 امبير و12 فولت هذي تعطي 1.8 كيلو واط بالساعة اقسم 18 على 10 ساعات مدة التشغيل يعني 1.8 كيلو بالساعة اذا تحتاج 10 بطاريات من هالنوع
طبعا هناك الكثير من الاعتبارات والمفاقيد بمراحل الشحن والتفريغ وايضا مؤثرات على التوليد تحتاج النظر الى كفائة الاجهزة او اخذ احتياط في الطاقة
لاهنت يالسنافي على الرد الواضح ويعطيك العافيه وعزالله ماقصرت شرح وافي فديت خشمك

[رحال الرياض.]

اخوي يوجد فى الرياض فى الغرابي بتحديد محل متخصص
يبيع الطاقات الشمسيه وبطارياتها وهذا يفيدك افادة كليه
ولاشي مستحيل بسبيل اراحة

[تكفون البر]

بالنسبة يا أخوان للطاقة الشمسية انا ذهبت لصاحب المحل اللي قال اخونا (رحال الرياض) وسألته عن الأسعار ووجدت أنها غالية ومرتفعة والأفضل ما طور كهربائي وصاحب المحل نفسه نصحني الماطور افضل اذا ما فيه كهرباء
أما اذا كان فيه إمكانية استيرادها من خارج المملكة وبأقل من السعر المعروض فهى أفضل بكثير لأن الدعوة كلها ألواح وهى الغالية وبطارية عادية