ابوفهدة
29/06/2011, 10:57 PM
السلام عليكم ورحمة اللة وبركاتة
اللة يمسي الجميع بالخير كبير وصغير ورجل ومرة معنا
اول شي حبيت اشكر كل من رد علي بمدح اوذم للسالفة وحبيت اشكر اللي عطاني النجوم وبيض اللة وجهك يالغالي
وثاني شي الاخ اللي طلب سالفة شايع مع ابن عريعر ابشر من عيوني
طال عمرك شايع الامسح فارس معروف بالكرم والشجاعة وراعي مغازي يروح ويجي وابن عريعر شيخ الخوالد اشتهر بالكرم والشجاعة وكان عندة فرس مافية مثلة بين الخيول في وقتهم وشايع يسمع بعلم الفرس لما فيها من الاصالة والسبق اي محد يلحقة
وقرر شايع انة يحوف عرب ابن عريعر وياخذة (ورواية يقولون يبي نياق ابن عريعر)
المهم وصلهم شايع وطرحوة الخوالد قوم ابن عريعر وجابوة للشيخ ويوم شافة الشيخ عرفة على طول وشايع غير علمة بالشجاعة كان يعرف بعينة لان مالة الا عين والثانية مسحى قال ابن عريعر تجراء يالامسح تحوفن والحالك واللة لااخليك عبرة لغيرك
منعة الشيخ عندة وحط برجلية سلاسل وعلى كلام الرواة ان السلاسل من اكبر الاحجام وبهن قفل يعني مافية امل يفكهن والمفتاح مع الشيخ ولا يعطية الحرس الا يابقى يقضي شايع حاجتة اكرمكم اللة
نرجع لجماعة شايع دريو اي جاهم العلم لاكن مامن رغبة لشايع عندهم اي ماهم مشتهينة ويرجع السبب وقتهم كان محل والحلال قليل جدا وكان شايع مشهور جدا بالكرم وماجاة من ضيف ذبحلة لين قضى على اللي عندة واحترف لربعة ومامسك ذبحة من ابياتة اللي يقول
حلفت ماخلي مال لوارث ؟من قصيدة طويلة اذكرة لكم بعدين ان شاللة المهم مااهتموا لامرة قالو يفك نفسة
شايع لة ولد صغير اسمة عميرة وام عميرة من خوفة على ولدة اذا سال عميرة عن ابوة قالت مات الولد طبعا مصدق بعد ثمان سنين كان عميرة هو واخواياة يتمازحون (يتطارحون)وشل ياعميرة الولد اللي يطارحة فوق راسة واضربة القاع زعل الولد المطروح وقال جودك علي اذا كان بك خير فك ابوك انصدم عميرة ورجع لامة وهو يبكي
سالتة امة وش بلاك قال بلاي ابوي وينة قالت اجلس ياوليدي واعلمك يوم انك صغير خفت عليك لااعلمك لان مابيدك شين وبس تنقهر وهالحين ابوك اسير عند ابن عريعر رح فكة
تجهز عميرة وخذا زوادتة (طعامة وماه وركب ناقة ابوة الوضحى)وتوجة للخوالد وبعد فترة وصل لديرة ابن عريعر
ويوم ادمس الدماس (اي غابت الشمس) دخل العرب بخلسة ويتصنت اي يتسمع لعلة يدل وين مكان ابوة الوكاد جاء ابوة ويوم شاف ابوة دنق علية وحبة ودموعة يكبن على وجهة
حاول بالحديد لاكن مافية امل قال الامسح ياولدي لو تجي شمر كلة مايحركون حديدة وحدة
من الثقل اللي عليهن لاكن اسمعن ياولدي ابن عريعر لة ولد ويغلية مثل روحة وابي اقهرة
مثل ماقهرن وسو ياشايع خطة لولدة (طبعا شايع وهو بالاسر خذا ثمان اسنين عندهم عارف كل شي عنهم )قال ابن عريعر بها الوقت الفلاني يطلب ولدة يلاعبة والعبدة تجي وتاخذة من امة وتودية لابوة قدم شوي قبل موعد اخذت العبدة لة امة تكون بهالوقت غافية
المهم سواء الخطة بالتمام وشل الولد ومر ابوة وحبة ثاني مرة ومشى لين وصل الناقة واهرب
جت العبدة على وقتة تبي تودي الولد لابوة لاكن مالقتة تنكت عندة ام العبيد وقالت اكيد هالمرة جاية ابوة واخذة راحت وكملة شغلة طبعا ابن عريعر استغرب من تاخيرهم عن الموعد وزعل وصوت للعبدة ويوم جت سالة لية ماجبتي ولدي لايكون بة شي استغربت العبدة وقالت يعني ماجيب لك قال من يجيبة غيرك قالت واللة ياعمي جيت على موعدي لاكن مالقيتة عند امة قلت يمكن جيتة انت وخذيتة لان مابة احد ويتجراء ياخذة زعل وقال روحي تاكدي من امة رجعت واقعدت الام وانجن جنونة الوكاد الناشد بالناشد لاكن مافية اثر لة وصيحوا بالعرب الولد ضاع او سرق خذو حوالي ثلاث ايام وهم يدورون بالعرب لاكن مافية فايدة رجع ابن عريعر لبيتة وهو يلتفت لشايع يالرجال يتبسم ولاهي عادة لة قال
ياشايع وش اللي يتبسم بك اكيد وراك علم قال اية قال ولدك عند ولدي معزز مكرم لاكن ارسل لولدي مرسال وشف وش يبي وانتبة اي حركة تسوية يابن عريعر ولدك يموت
اطاعة ابن عريعر وارسل مرسال لعميرة ويوم وصل المرسال لعميرة قال لة يقول الشيخ اطلب اللي تبي ويجيك قال عميرة اية اطلب اول طلب ابي عدد كذا من النياق الوضح
وبشرط يكنن رابيات بديار زوبع ويكنن من النياق الخيار(زوبع لقب يجمع عدة فخوذمن قبيلة شمر )
الطلب الثاني ابي جوادين من خيار سلالت الخيل الاصيلة قال المرسال غيرهن قال ابيكم تجيبون ابوي ويكون راكب على حدا الفرسين والفرس يفرش بطريقة زل لين ياصل لبيتة معزز مكرم هاذي شروطي علم شيخك كانهو يبي ولدة رجع المرسال وعلم الشيخ بالشروط قال ظهورهن يالنشاما ودكة على زوبع يبي نياقهم لاكن ماقدر عليهم ورجع وطلب شايع انة يسمح عن الشرط الاول او انة يبدل نياق زوبع بنياقة المهم سمح شايع الطلب الثاني موجود وهن الجوادين الاصيلين لان الخوالد يملكون مرابط خيل اصيلة لاكن وشلون يلقون زل من الشرقية الى الشمال مستحيل ورجع ابن عريعر لشايع وطلبة يساعدة على الطريقة وتردد اكثر من مرة لشايع وبالاخير وافق شايع وقال بسيطة حذ رجول وايدين الخيل من اجود انواع الزل وبكذا تكون حليت اللغز رجع شايع لاهلة ورجعوا ولد ابن عريعر لابوة وقبل لااختم اعطيكم شاهد هالسالفة وهي قصيدة القارس شايع ابن مرداس ابن مصبح ابن خنشر ابن عميرة ابن رمال الغفيلي السنجاري الشمري
اخذت ثمان سنين في حبس خير=والتاسعة جاني صدوق الفعايل
جاني غلام مابعد خط شاربة =ولاقط في قلبة من الخوف زايل
ودنق علي مظنون عيني واحبني=ودموع عينة فوق وجهي شلايل
وانا الحديد بساق رجلي مغلق =والرجل كلت من حمول الثقايل
تعيش ياشبل سطى ليلة الدجى =على ولد شيخ عملبي هوايل
سطى وجاب الورع من ربعة امة=من حضن زين اللون شقرا جدايل
هديتة على درب صعيب ولاهفى=وجاب الذي ضجت علية القبايل
سطى وزم الورع ومرن واحبني=وجلا عني مرعلى الكبد جايل
وشالة على قطاعة الريد وجنا=ما يلحقنة ناتلات الحبايل
وطلب ثقيل الروز وضحا فطاير=وضحن ربن بديار زوبع جلايل
وطلب جوادين من الخيل غيرهن=يعرف انهن من مكرمات الاصايل
وعيو بهن زوبع على وضح النقى=وصكو قفاهن مقحمين الدبايل
من عقب ماني حافي الرجل عندهم=جوني بعد ذالك يبون الجمايل
يعيش ابن شايع تقصى لمطلبة=من الخيل وايضا من خيار السلايل
من عقب مثباري ضهيد عندهم=اليوم يصلا كبودها بالملايل
اخذ ثار ابوة وثار عمة وعزوتة=تقاضى وطمن راس من كان طايل
عسى غلام مافعل فعل والدة=تسفي علية مسهسهات الرمايل
ويعيش ابن مرداس من مرقب العلا=رفاع المباني من كبار الحمايل
قرم نفل بالفوز من زايد السطر=وابوة وجدة مخضبين السلايلاعذروني ياجماعة عن الاخطاء سوا بالسالفة او الكتابة او السرد
اللة يمسي الجميع بالخير كبير وصغير ورجل ومرة معنا
اول شي حبيت اشكر كل من رد علي بمدح اوذم للسالفة وحبيت اشكر اللي عطاني النجوم وبيض اللة وجهك يالغالي
وثاني شي الاخ اللي طلب سالفة شايع مع ابن عريعر ابشر من عيوني
طال عمرك شايع الامسح فارس معروف بالكرم والشجاعة وراعي مغازي يروح ويجي وابن عريعر شيخ الخوالد اشتهر بالكرم والشجاعة وكان عندة فرس مافية مثلة بين الخيول في وقتهم وشايع يسمع بعلم الفرس لما فيها من الاصالة والسبق اي محد يلحقة
وقرر شايع انة يحوف عرب ابن عريعر وياخذة (ورواية يقولون يبي نياق ابن عريعر)
المهم وصلهم شايع وطرحوة الخوالد قوم ابن عريعر وجابوة للشيخ ويوم شافة الشيخ عرفة على طول وشايع غير علمة بالشجاعة كان يعرف بعينة لان مالة الا عين والثانية مسحى قال ابن عريعر تجراء يالامسح تحوفن والحالك واللة لااخليك عبرة لغيرك
منعة الشيخ عندة وحط برجلية سلاسل وعلى كلام الرواة ان السلاسل من اكبر الاحجام وبهن قفل يعني مافية امل يفكهن والمفتاح مع الشيخ ولا يعطية الحرس الا يابقى يقضي شايع حاجتة اكرمكم اللة
نرجع لجماعة شايع دريو اي جاهم العلم لاكن مامن رغبة لشايع عندهم اي ماهم مشتهينة ويرجع السبب وقتهم كان محل والحلال قليل جدا وكان شايع مشهور جدا بالكرم وماجاة من ضيف ذبحلة لين قضى على اللي عندة واحترف لربعة ومامسك ذبحة من ابياتة اللي يقول
حلفت ماخلي مال لوارث ؟من قصيدة طويلة اذكرة لكم بعدين ان شاللة المهم مااهتموا لامرة قالو يفك نفسة
شايع لة ولد صغير اسمة عميرة وام عميرة من خوفة على ولدة اذا سال عميرة عن ابوة قالت مات الولد طبعا مصدق بعد ثمان سنين كان عميرة هو واخواياة يتمازحون (يتطارحون)وشل ياعميرة الولد اللي يطارحة فوق راسة واضربة القاع زعل الولد المطروح وقال جودك علي اذا كان بك خير فك ابوك انصدم عميرة ورجع لامة وهو يبكي
سالتة امة وش بلاك قال بلاي ابوي وينة قالت اجلس ياوليدي واعلمك يوم انك صغير خفت عليك لااعلمك لان مابيدك شين وبس تنقهر وهالحين ابوك اسير عند ابن عريعر رح فكة
تجهز عميرة وخذا زوادتة (طعامة وماه وركب ناقة ابوة الوضحى)وتوجة للخوالد وبعد فترة وصل لديرة ابن عريعر
ويوم ادمس الدماس (اي غابت الشمس) دخل العرب بخلسة ويتصنت اي يتسمع لعلة يدل وين مكان ابوة الوكاد جاء ابوة ويوم شاف ابوة دنق علية وحبة ودموعة يكبن على وجهة
حاول بالحديد لاكن مافية امل قال الامسح ياولدي لو تجي شمر كلة مايحركون حديدة وحدة
من الثقل اللي عليهن لاكن اسمعن ياولدي ابن عريعر لة ولد ويغلية مثل روحة وابي اقهرة
مثل ماقهرن وسو ياشايع خطة لولدة (طبعا شايع وهو بالاسر خذا ثمان اسنين عندهم عارف كل شي عنهم )قال ابن عريعر بها الوقت الفلاني يطلب ولدة يلاعبة والعبدة تجي وتاخذة من امة وتودية لابوة قدم شوي قبل موعد اخذت العبدة لة امة تكون بهالوقت غافية
المهم سواء الخطة بالتمام وشل الولد ومر ابوة وحبة ثاني مرة ومشى لين وصل الناقة واهرب
جت العبدة على وقتة تبي تودي الولد لابوة لاكن مالقتة تنكت عندة ام العبيد وقالت اكيد هالمرة جاية ابوة واخذة راحت وكملة شغلة طبعا ابن عريعر استغرب من تاخيرهم عن الموعد وزعل وصوت للعبدة ويوم جت سالة لية ماجبتي ولدي لايكون بة شي استغربت العبدة وقالت يعني ماجيب لك قال من يجيبة غيرك قالت واللة ياعمي جيت على موعدي لاكن مالقيتة عند امة قلت يمكن جيتة انت وخذيتة لان مابة احد ويتجراء ياخذة زعل وقال روحي تاكدي من امة رجعت واقعدت الام وانجن جنونة الوكاد الناشد بالناشد لاكن مافية اثر لة وصيحوا بالعرب الولد ضاع او سرق خذو حوالي ثلاث ايام وهم يدورون بالعرب لاكن مافية فايدة رجع ابن عريعر لبيتة وهو يلتفت لشايع يالرجال يتبسم ولاهي عادة لة قال
ياشايع وش اللي يتبسم بك اكيد وراك علم قال اية قال ولدك عند ولدي معزز مكرم لاكن ارسل لولدي مرسال وشف وش يبي وانتبة اي حركة تسوية يابن عريعر ولدك يموت
اطاعة ابن عريعر وارسل مرسال لعميرة ويوم وصل المرسال لعميرة قال لة يقول الشيخ اطلب اللي تبي ويجيك قال عميرة اية اطلب اول طلب ابي عدد كذا من النياق الوضح
وبشرط يكنن رابيات بديار زوبع ويكنن من النياق الخيار(زوبع لقب يجمع عدة فخوذمن قبيلة شمر )
الطلب الثاني ابي جوادين من خيار سلالت الخيل الاصيلة قال المرسال غيرهن قال ابيكم تجيبون ابوي ويكون راكب على حدا الفرسين والفرس يفرش بطريقة زل لين ياصل لبيتة معزز مكرم هاذي شروطي علم شيخك كانهو يبي ولدة رجع المرسال وعلم الشيخ بالشروط قال ظهورهن يالنشاما ودكة على زوبع يبي نياقهم لاكن ماقدر عليهم ورجع وطلب شايع انة يسمح عن الشرط الاول او انة يبدل نياق زوبع بنياقة المهم سمح شايع الطلب الثاني موجود وهن الجوادين الاصيلين لان الخوالد يملكون مرابط خيل اصيلة لاكن وشلون يلقون زل من الشرقية الى الشمال مستحيل ورجع ابن عريعر لشايع وطلبة يساعدة على الطريقة وتردد اكثر من مرة لشايع وبالاخير وافق شايع وقال بسيطة حذ رجول وايدين الخيل من اجود انواع الزل وبكذا تكون حليت اللغز رجع شايع لاهلة ورجعوا ولد ابن عريعر لابوة وقبل لااختم اعطيكم شاهد هالسالفة وهي قصيدة القارس شايع ابن مرداس ابن مصبح ابن خنشر ابن عميرة ابن رمال الغفيلي السنجاري الشمري
اخذت ثمان سنين في حبس خير=والتاسعة جاني صدوق الفعايل
جاني غلام مابعد خط شاربة =ولاقط في قلبة من الخوف زايل
ودنق علي مظنون عيني واحبني=ودموع عينة فوق وجهي شلايل
وانا الحديد بساق رجلي مغلق =والرجل كلت من حمول الثقايل
تعيش ياشبل سطى ليلة الدجى =على ولد شيخ عملبي هوايل
سطى وجاب الورع من ربعة امة=من حضن زين اللون شقرا جدايل
هديتة على درب صعيب ولاهفى=وجاب الذي ضجت علية القبايل
سطى وزم الورع ومرن واحبني=وجلا عني مرعلى الكبد جايل
وشالة على قطاعة الريد وجنا=ما يلحقنة ناتلات الحبايل
وطلب ثقيل الروز وضحا فطاير=وضحن ربن بديار زوبع جلايل
وطلب جوادين من الخيل غيرهن=يعرف انهن من مكرمات الاصايل
وعيو بهن زوبع على وضح النقى=وصكو قفاهن مقحمين الدبايل
من عقب ماني حافي الرجل عندهم=جوني بعد ذالك يبون الجمايل
يعيش ابن شايع تقصى لمطلبة=من الخيل وايضا من خيار السلايل
من عقب مثباري ضهيد عندهم=اليوم يصلا كبودها بالملايل
اخذ ثار ابوة وثار عمة وعزوتة=تقاضى وطمن راس من كان طايل
عسى غلام مافعل فعل والدة=تسفي علية مسهسهات الرمايل
ويعيش ابن مرداس من مرقب العلا=رفاع المباني من كبار الحمايل
قرم نفل بالفوز من زايد السطر=وابوة وجدة مخضبين السلايلاعذروني ياجماعة عن الاخطاء سوا بالسالفة او الكتابة او السرد