طلب لاختكم اذا ممكن

[رمسه]

السلام عليكم

كيفكم جميع
حبيت اطلب منكم طلب وما عندي احد راح يفيدني غيركم

أنا عندي شخص عزيز اشترى سيارة وحابة اشتري له جهاز قارمن
بس في مشكلتين الاولى أني ما افهم بهالاجهزة وابغى شي حلو ويبيض الوجه
والثانية أنا من من منطقة ما لقيته متوفر عندنا بالأسواق

يعني راح اشتري من هنا
اذا لقيت طلبي

أبغى اعرف جهاز حلو وعملي واصلي وسهل وواضح فيه الخرائط

قريت في المنتدى ومحتارة بين 205w
وبين 765t

سمعت ان شاشة اللمس بعد فترة تخرب واذا في شي غير هالنوعين ×
وسعره معقول ياليت تعلموني ومين يبيعه جديد
اسفه عالاطاله وشكرا

[سفاري959]

والله ياختي انا مجرب 1310 شاشه لمس حلو مع اني ما استخدمته الا مرتين لأني ما شريته الا نهايه الشتاء وانصحك تدورين بالمنتدى راح تحصلين مستخدم شبه جديد ونازل من سعره شوي اما اذا تبين جديد تحصلينه عند الوكيل حقه اللي هو دار موجه وفيه محل اسمه العامه هذا طبعاً في الرياض وانصحك تاخذينه منهم عشان سعرهم ارخص من دار موجه اتمنى اني افدتك تحياتي

[شادي نجد]

عن تجربة وكد قوي عليك بنوفي 1300 فيه جميع الخرائط وسهل الأستعمال وكذلك لغة عربية مبسطة ورخيص .
بالتوفيق لك ِ .

[السومر]

اجهزة النوفي حلوه ورخيصه ومرتبه استخدمت نوفي 215 وأعجبني

وحاليآ قيمته تقريبآ من 500 الى 600 ريال

وفيه شي ارخص

[رسيس نجد]

انا استخدم 1410 وممتاز

[رمسه]

الف شكر للي ردوا

احترت زيادة الحين

الشخص اللي له كثير سفر داخل وخارج المملكة أبغى شي فيه خريطة الخليج واقدر أضيف اوروبا اي وقت
الميزانية ١٠٠٠ لحد ١٢٠٠ ممكن
اقدر اطلب من امازون بس صعب احمل أنا خرائط ما اعرف وراح ياخذ وقت الشحن ابيه بأقرب فرصه
أنا مو من جده او الرياض من اول قلت أنا راح اطلب من النت×

[ابوياسر1971]

انا استخدم 1410 وممتاز

وانا جربته ممتاز .

[ggarmin]

من تجربه في بيع الاجهزه
فئة ال 200 من اكفأ الاجهزه وارخصها بغض النظر عن الشكل


ولو عجبك احد عروضي عليها ممكن الاتصال باي وقت على جوال
0556223217

[asd6244]

السلام عليكم

وسعره معقول ياليت تعلموني ومين يبيعه جديد
اسفه عالاطاله وشكرا


الف شكر للي ردوا

أنا مو من جده او الرياض من اول قلت أنا راح اطلب من النت×
مرة تسألين من يبيع الجهاز ، ومرة تقولين سوف اطلبه من النت !
أتمنى وضع سؤال واضح حتى تتم الإجابة عليه من الأخوة

[سفاري959]

اطلبيه من دار موجه يجي محمل عليه خرائط الصحراء بالإضافه الى خرائط المدن وخرائط اوروبا حولي المبلغ لهم وخليهم يرسلونه او يرسله اي شخص قريب عن طريق فدكس او اي وسيله توصيل أخرى بالتوفيق

[رمسه]

مرة تسألين من يبيع الجهاز ، ومرة تقولين سوف اطلبه من النت !
أتمنى وضع سؤال واضح حتى تتم الإجابة عليه من الأخوة

سؤالي واضح من يبيعه هنا جديد
بالنت راح اطلب من اي احد يبيع
واللي يقول دار موجه قلت لك أنا مو من جده ولا الرياض أنا لو عندي احد يجيبه ما سالت هنا من يبيع

[سفاري959]

سؤالي واضح من يبيعه هنا جديد
بالنت راح اطلب من اي احد يبيع
واللي يقول دار موجه قلت لك أنا مو من جده ولا الرياض أنا لو عندي احد يجيبه ما سالت هنا من يبيع

تبقى المشكله نفسها اذا ما عندك وسيله توصيل في المدينه الي انتي فيها مين يبي يوصله لك يعني حتى لو اشتريتيها من الموقع تبين الي يبيعك يوصله لحد باب بيتك والا وش تبين بالضبط بصراحه حيرتينا لكن اتمنى تحصلين من يخدمك ويوصله لباب بيتك إن شاء الله بالتوفيق

[رمسه]

سفاري في شي اسمه شحن
وناس يبيعون اجهزه ويشحنون لأي مكان

[سفاري959]

ياختي العزيزه انا قلت لك اذا فيه وسيله شحن في المدينه الي انتي فيها فما فيه مشكله وراح تحصلين طلبك هنا إن شاء الله سواء جديد او مستخدم تحياتي وموفقه خير

[abuyabuy]

إن شاء الله أفادوك الاخوان
-----------------------
يوجد لدي أجهزة نوفي جديدة تماما محمله بخرائط الشرق الاوسط ودار موجه كالتالي :
255w بـ 450 ريال
205w بـ450 ريال
265w بـ 520 ريال
765t بـ 700 ريال (لمدة محدودة)
ويمكن وضع أي خريطة على حسب الطلب في ذاكرة خارجية
------------
كما يوجد أجهزة مستعملة ونظيفة وهي كالتالي:
200w بـ 250 ريال (نظامه قديم)
260w ب300 ريال (مثل 255w )
265w بـ 350 ريال

للطلب 0507999609

وشكرا

[ولدعنيزه]

ياجماعه سؤله بسيط ليش كل هالتعقيد تبي جهاز لتحديد المواقع وشو احسن نوع وبس .. و طريقة التوصيل ابسط من شرب الما اذا حصل الشخص جهازه يوصل له.... فيه الف طريقه وطريقه

[محطم عنيد]

الله يرزقك