زيت المكينة ينقص من غير تهريب أو دخان

[ابو جنى 1555]

السلام عليكم ورحمة الله وبركاته


ياشباب زيت المكينة ينقص بشكل غير طبيعي مجرد امشي عليه 2000كم تشتغل لمبة الزيت اللي على الطبلون شيكت على معيار الزيت مالقيت فيه ولا قطرة رحت للبنشري اساس اغير زيت فتح الصرة نزل تقريبا حق ربع علبة المهم عبيت زيت
من جديد فصار معايا نفس الشي. المشكلة انه مافي تهريب ولا دخان يطلع من الشكمان ولا اي شي.
نوع السيارة/ هونداي سوناتا 2008 القير/ عايدي
نوع الزيت/كاسترول جي تي اكس 20 50 من يوم اخذت السيارة وانا على نفس الزيت.
ياليت تفيدوني للي عنده خبره

[رسيس نجد]

المشكله من الصوفه الي بين القير والمكينه تهرب زيت او من الوجه حق الكرتير 0ودها لليكانيكي ويعلمك
المشكله 0

[قناص*07]

لابد من زيارت ميكانيكي

او غير نوع الزيت الى سوبر موبيل وجرب

[خيال البوادي]

اتوقع لابد يكون في تهريب بس خفيف يمكن ماتنتبه له شف يمكن يكون من سرة او حط تحت السيارة كرتون وشوف في تهريب ولا لا .

[ملك الفكتوريا]

مدري اذا السوناتا مثل الفورد يجي فيه حساس التبخير


غيره وبس

[الوقيدي]

السلام عليكم ؛ الاسباب كالتالي : اذا لايوجد تهريب واضح فالسبب :
1-الزيت الذي تستخدمه تجاري مغشوش
2- بعض البساتم يبخر زيت غير مشاهد دخانه بسبب قوه ضغط البساتم الاخرى
3- اختبر زيت اخر اصلي من شركه: فوكس -موبيل -قلف_شل
4- جلد البلوف منتهيه بسبب الحراره اوخلل مصنعي فيها
واذا لم ينجح احد من الحلول السابقه تغير شنابر فقط وكاله اذا لايوجد شفه بالماكينه
الى اللقاء.

[humod]

سيارتي نفس حالك

إلي درجة إني ما بديت أغير الزيت......كل 500كيلو أزيده زيت وعلى هالحال





.

[آ’بوخالد]

غير الزيت وريح راسك وذا صار نفس المشكله يبيلك تفحص المكينه

[برق الشمال A]

السلام عليكم ............
أنا صار معاي نفس الكلام ؟؟؟؟؟؟؟؟؟؟؟؟؟؟؟؟؟
والله الظاهر إن الزيت مغشوش مع العلم إني حريص على تغيير الزيت من 1500 إلى 2500 ك
والزيت اللي أغيرة أصلي ومتأكد منه
ما أقول إلا حسبي الله ونعم الوكيل على اللي يغش الناس ؟

[رفيع المقام]

أخوي قد يكون الزيت مغشوش ومكرر هذا إذا لم يكن هناك أي تهريب . أو أنك تسرع سرعات عاليه 

[ابوانس20111]

يااخي شيك عل الزيت كل 500 كيلو لا تخلي الزيت يغلق حاول تعرف كم كيلو يمش وينقص الزيت احسب النسبه

[خالد الزومان]

زيت كاسترول جي تي اكس من اسوء الزيوت ....استخدم بترومين او فوكس وجرب نصيحتي

[ابوصالح2006]

والله ماجربت زيت كاسترول
لكن بامانه سمعت بنفسي ميكانيكي متخصص توضيب يقول زيت كاسترول خفيف وينحرق وان بعض المكاين الجديده الالمنويم سبب خرابها هالزيت وعلى ذمته ذكر بعض موديلات الكامري

عن نفسي ماحط الا موبيل سوبر الذهبي او الجديد ابو علبة رصاصيه ممتاز
سنوات ولله الحمد مسافات طويله وحرارة ومكيف والوضع جدا ممتاز .
مبدئيا اقل الخساير غير نوع الزيت وشيك اول باول قبل تبدا في عملية الاصلاح

كان الله بعونك

[خالد الزومان]

السلام عليكم ... يا شباب الي يبي يتأكد ان زيت كاسترول جي تي اكس سيئ وغير متطابق مع المواصفات الدولية و المحلية يشوف العلبه حقة الزيت لا تحمل اي شعار للمواصفات و المقاييس ... ليش ؟
لانه زيت معاد تصنيعه عندنا .. اما الى بالدول الاوروبيه فهو الافضل لكنه ما يجي عندنا ... وشكراً

[فياض الربيع]

الترا 7 ممتاز والله اعلم

[فارس العيون]

انا عندي نفس المشكله اكسنت 2005 فاكه وكاله على ايدي والموتر ماتعدا 150 الف ممشاه

والزيت انا اشريه كراتين ومتأكد منه اللي هو سوبر جيتي فوكس علبه بلاستيك سوداء
والموتر ينقص وعو مابه تهاريب ولا به دخنه ولا به عله
تنصحونن اغير الزيت ؟

[ماون ماركز]

السلام عليكم ... يا شباب الي يبي يتأكد ان زيت كاسترول جي تي اكس سيئ وغير متطابق مع المواصفات الدولية و المحلية يشوف العلبه حقة الزيت لا تحمل اي شعار للمواصفات و المقاييس ... ليش ؟




لانه زيت معاد تصنيعه عندنا .. اما الى بالدول الاوروبيه فهو الافضل لكنه ما يجي عندنا ... وشكراً


أنا لا شفت شعار هيئة المواصفات والمقاييس عندنا .. أبطل أشتري البضاعة

شعارهم .. أدفع ويعطونك شعار ..

ما خلوا علبة وكرتون وعلك وكيس بالسوق ما حطوا عليها الشعار .. أشياء تافه وعليها شعار
أجل حذاء زنوبة ( الله يكرم الجميع ) عليها شعارهم ..

[معشوق الرمله]

مساك الله بالخير اخوي انا عندي G X ومشكلتي نفس المشكله ولا ادري وين يروح الزيت نوع الزيت سوبر جتي شكله مغشوش والله العالم

[mahpoop2000]

أنا معاي كامري ياغالي وكنت أغير زيت كاسترول من الوكيل ولكن للأسف كان يتبخر لأنه مغشوش وغيرت زيت شل سوبر بلس وماشي معاي تمام التمام وربي ولاأحلى منه
جربه نصيحتي لك