حبي الشمال
30/06/2011, 10:51 AM
صبحكم الله بالخير اخواني
حكى لي والدي رحمه الله قصةً حدثت له شخصياً مع العطش , لكن رحمة الله ادركته بعدما
رأى الموت بين عينيه .
ضاعت ابلي بالنفود ولا عندي ركوبه ادورهن عليه وحنا في عز القيض,,, يقول
يوم اصبحنا وأنا آخذ قربه صغيره معي وامشي على الإتجاه اللي اتجهت له الإبل
يقول رحمه الله من شدة حرارة النفود والمشي صرت كل شوي اشرب من القربه ويوم
جت الساعه 11يالقربه مافيها ولا نقطه ما
استمريت بالمشي ماشفت احد,,,,,, وحوالي الساعه 2 الظهر حسيت
بالموت يتسلل الى روحي يقول لاشعورياً فصخت ملابسي وأنا امشي وصرت اهذي
بكلام ماادري وشو هالحين.
بعد ذلك صار ينتفظ جسمي وأقوم ثم اطيح فيه شجرة أرطى كبيره اشوفها ماهي بعيده عني
حاولت بنفسي حتى وصلته حفرت تحتها من جهة الظل حفره بسيطه لأني مااقدر على اي
مجهود
يقول صرت في هالمكان وقد عرفت انها ارضي اللي سأموت فيها, وقد وصلت ساعتي
ثم كأنه أغمي علي أو كأني غفيت وقت قصير
وأحلم بهكالماء واشرب لياما ارتويت يقول واقوم من هالحلم حوالي العصر وروحي راده
لي شوي ماني مثل الظهر وأجلس بالأرطاة حتى قرب الليل وبرد الجو شوي ثم طلعت من
الأرطاه , مشيت شوي ثم ساق الله لي راعي ابل اسعفني بالماء اعطاني جرعات بسيطه
بالبدايه وكتب الله له عمر جديد
رحمك الله ياوالدي فبعدك احسست بمرارة الوحده
وسلامتكم ياأخوان واخوات
حكى لي والدي رحمه الله قصةً حدثت له شخصياً مع العطش , لكن رحمة الله ادركته بعدما
رأى الموت بين عينيه .
ضاعت ابلي بالنفود ولا عندي ركوبه ادورهن عليه وحنا في عز القيض,,, يقول
يوم اصبحنا وأنا آخذ قربه صغيره معي وامشي على الإتجاه اللي اتجهت له الإبل
يقول رحمه الله من شدة حرارة النفود والمشي صرت كل شوي اشرب من القربه ويوم
جت الساعه 11يالقربه مافيها ولا نقطه ما
استمريت بالمشي ماشفت احد,,,,,, وحوالي الساعه 2 الظهر حسيت
بالموت يتسلل الى روحي يقول لاشعورياً فصخت ملابسي وأنا امشي وصرت اهذي
بكلام ماادري وشو هالحين.
بعد ذلك صار ينتفظ جسمي وأقوم ثم اطيح فيه شجرة أرطى كبيره اشوفها ماهي بعيده عني
حاولت بنفسي حتى وصلته حفرت تحتها من جهة الظل حفره بسيطه لأني مااقدر على اي
مجهود
يقول صرت في هالمكان وقد عرفت انها ارضي اللي سأموت فيها, وقد وصلت ساعتي
ثم كأنه أغمي علي أو كأني غفيت وقت قصير
وأحلم بهكالماء واشرب لياما ارتويت يقول واقوم من هالحلم حوالي العصر وروحي راده
لي شوي ماني مثل الظهر وأجلس بالأرطاة حتى قرب الليل وبرد الجو شوي ثم طلعت من
الأرطاه , مشيت شوي ثم ساق الله لي راعي ابل اسعفني بالماء اعطاني جرعات بسيطه
بالبدايه وكتب الله له عمر جديد
رحمك الله ياوالدي فبعدك احسست بمرارة الوحده
وسلامتكم ياأخوان واخوات