الفتك ما يدق سلف

[التاكسي]

السلام عليكم ورحمه الله

مثل ماهو موضح بالعنوان

معي جيب سفاري 2002 فتك تماتيك

جيت ابشغله امس في اليل صار يادوب يدق سلف ثم وقف

انا قلت اكيد من البطاريه سويت له اشتراك بس ما صار شي
البوري يدق قوي والانوار قويه بس السياره صارت ما تدق
اليوم الصباح فكيت البطاريه ورحت فحصتها عند محل
طلعت ضعيفه شوي بس
المهم شحنتها ورجعت للبيت وركبتها علي السياره بس مثل ما هي
ما يدق البطاريه البوري قوي

ما دري وش اسوي اشحنها في صطحه واوديها كهربائي
بي تعرفون ما تحصلون الي يعرف صح للسياره
اخاف اوديها ويجلس يتعلم عليها

وش الراي يالنشاما
اغير البطاريه بس اخاف ما يطلع من البطاريه

[باترول 4500]

وعليكم السلام

إذا كان مايدق أبد المشكلة تكون من السلف
حاول تضرب السلف بحديده أو شي ثاني ثم شغل الموتر
إذا إشتغل وده على طول للورشة ولا إشحنه بسطحه

[بن لوتيه]

السلام عليكم
هو ما يدق كانه قاطع بنزين؟؟(يعني ما يشتغل) اذا كان كذا تاكد من كتاوت الطرمبه في علبه الكتاوت جمب مفتاح الكبوت
اول كتاوت من فوق على اليمين هو كتاوت الطرمبه حركه او افصله واشبكه وبيشتغل باذن الله
واذا كان ضعف كهرب ولا نفع تغيير البطاريه
فيه كهربائي فاهم وامين في الصناعية القديمه بالرياض
في ورشه الجابرين
موقع الورشه وانت جاي من طريق الامير سلمان باتجاه الغرب نزلت مع نفق علي بن ابي طالب
رح قدام باتجاه الغرب اول اشاره خلها ثاني اشاره خذ يسار رح سيدا الين يجيك بن ماضي على اليسار فيه ورشه قدامه اسمها الجابرين فيه واحد اسمه عبود يماني شغله كويس
وهذا رقم راعي الورشه
0509230680
احتمال يكون دينمو او سلف
بس باذن الله الموضوع بسيط
وسامحنا على القصور

[برق الشمال A]

شيك على كتاوت الطرمبه
يجي فوق الفيوزات لونه أزرق
وإذا طلع العطل منه خذلك واحد جديد إحتياط خله معك في السيارة
وعلشان ماتتعطل إذا كنت مسافر أو غيره
تقبل مروري

[ابرق نثيل]

هذا الكتاوت داخل به غبار
تحصله تحت الدركسون فوق الفيوز
فك الديكور و
اضربه بالمفك ويشتغل

[التاكسي]

مشكور كل من رد كل باسمه

انا اليوم ابحاول اضرب السلف بخشبه يمكن يشتغل

علي فكره هو ما يدق بس يعطي صوت تكه عند التشغيل

[«نجم الخير»]

لاتضرب السلف شغل الفتك من عند السلف اذ اشتغل شف فيه كتاوت جنب البطاريه غيره

[خالد الزومان]

غير فحمات السلف ... اكيد

[gmc 1991]

قدم عصا القير الى الاخر
لانه لو مايكون في نمره ال p على الاخر بتسمع دقه ولاراح يشتغل

[ذيب الظلمه]

الأخوة الأعزاء. الموضوع قديم ولكن عندي نفس المشكله ونفس الموديل

[S A F A R I]

حصلت معي بالضبط زي ماقلت وصارت من فحمات السلف

[111333]

حصلت مع نفس المشكلة من السلف حاول تطقه بحديدة انت وخل واحد يبتل داق وانت تضربه واذا مانفع سطحه وزبط السلفف