سالفة الستين الف ريال

[راعي العجراء]

السلام عليكم ورحمة الله وبركاته
ابعطيكم هذه السالفه اللي حصلت لواحد من اصحابي
يقولذهبت الى الامارات ابغى اشتري سياره ولم اجد السياره المناسبه فقررت العوده الى السعوديه وكان معي مبلغ ستون الف ريال واضعتها في الشنطه
السمسونايت اذا كان اسمها صحيح هكذا وكنت في سيارتي اليوكن عايد الى البلاد
وكان الوقت متاخر في الليل عند وصولي الى منفذ البطحا حوال الساعه وحده ونصف او اكثر
قدمت الى التفتيش (الجمارك) وكان المنفذ خالي من المسافرين ليس هناك زحمه
وقفت بالسياره وفتحت الابواب وانزلت الشنطه ووضعتها على الطاوله ولم يكن معي الاثياب معلقها في السياره وبعض الهدايا لاطفالي واخواني
وفي هذا الوقت جاء رجل الجمرك وقال وين ورقة الجمرك فاعطيتها له وذهبت انزل بقيه الاغراض
فقال مايحتاج معك احد قلت لا لحالي
اخذ الورقه ووقع علىيها واعطانياها وقال في امان الله توكل على الله ركبت السياره وقلت الحمدلله اللي ماتاخرت وذهبت
وبعد تقريبا ربع ساعه من ممشاي على سرعة مئه وعشرين الا وذيك السياره اللي خلفي نورها مره عالي ومره واطي ويطفي النور ويولعها قلت هذا قاصدني يبغاني اوقف قلت بنفسي ماراح اوقف الا عند مركز والا محطه او ديره الوكاد ان اللي يكبسون طمعانين بالفلوس اللي معي بالشنطه وشافوني وحيد مايحتاج
(اومثل ماقالوا اخواننا المصريين مابدهاش)
ولكن الا يا موقف فاخذت ازيد السرعه حتى وصلت سرعتي 180 والشوف مامن شوف ولكن السياره قريبه مني حتى وضعوا الصدام بالصدام وهم يكبسون قلت الله يخلف طارن قريشاتي مالي الا اعطيهم الشنطه والدريهمات وعساي اسلم من شرهم
واخيرا هديت السرعه خفت من الخطر وهم قريبين مني قلت يمكن يحدوني واقلب مالك الا توقف
وقفت اجباري ووقفوا عندي ونزلت من السياره قبل ماينزلون اللي فيها احاول ابين لهم اني ماكنت خايف واتيت لهم قبل ينزلون من السياره وكانوا عددهم شخصين وقلت نعم ويش فيه
علامكم تكبسون طول الطريق هه وش تبون الحين ولاهم اصحاب الجمارك
قالوا ابد الله يسلم عمرك انت من طلعت من المركز وحنا وراك نبيك تاقف نعطيك الشنطه اللي نسيتها عندنا
اناظر ولا هي شنطة الستين الف ريال اللي معهم وانا كنت خايف عليها
وشلون حصل الشي وكيف نسيتها بالحقيقه اول مانزلت الشنطه وكنت ابغى انزل بقيه الاغراض وقال لاتنزلها توكل على الله ففرحت وتركت الشنطه
تشكرت منهم فجزاهم الله خير هذي شهاده بأن هناك اوناس حريصون على حقوق الاخرين
الله يستر عليهم فالدنيا مازالت بخير
ارجا ان اكون ماثقلت عليكم بهذه السالفه
اخوكم
راعي العجراء

[قوافي ( أم نهار )]

حيا ك الله اخوي
والنعم بهم وبأمانتهم ..وصدق المال الحلال مايضيع
كذلك ضربو اروع مثل بالامانه حماهم الله جميعا
مشكور اخوي على ماطرحت لنا لنقرء ونستفيد
من اخلاقيات صحيحه وامينه
بارك الله بك
تحياتي.اختك
..قوافي..

[راعي العجراء]

حيا ك الله اخوي

والنعم بهم وبأمانتهم ..وصدق المال الحلال مايضيع
كذلك ضربو اروع مثل بالامانه حماهم الله جميعا
مشكور اخوي على ماطرحت لنا لنقرء ونستفيد
من اخلاقيات صحيحه وامينه
بارك الله بك
تحياتي.اختك

..قوافي..


هلابك ياقوافي العطاء والسخاء
انتي من اثريتي هذه الخيمه بجميل قلمك
وحسن ردك على الاخرين
والامانه مازلنا معها بخير ولله الحمد
تحياتي

[ابو سمر]

ألف شكر لك على إيراد هذه القصة وما قصرت، وما زالت الدنيا بخير ..

لعل صاحبك يستفيد من هذه الغلطة ويجعل المبلغ في البنك ويحولها لأي بنك في نفس البلد التي يريد السفر إليها فهو لن يسافر إلى قرية أو صحراء، لأنه بذلك يعرض نفسه للخطر والقلق وهناك ولله الحمد بدائل آمنة..

ألف شكر وما قصرت والحلال ما يضيع أبداً.

[ساحووق]

ههههههههههه
صراحه مبغيت ادخل الموضوع من يوم قريت راعي العجرا خخخخخخخ امزح

لاهنت على ىالسرد والقصه االراائعه
والحمد لله جاب الشنطه بيدين اجوااد

لاهنت يالغالي

[خوي مخباته]

راعى العجراء ........ سالفـــــه عجيبـــــــــه انا ودى ادرى وشلون نسيتها والله عجيب وهى اغلى مامعك
اجل تقول والله راحن قريشاتى ابشرك الدنيــــا مازالت بخيـــر وفيه ناس طيبين يخافون الله شروك وشروى
القراء والحمد الله على الســــــــــــلامــــــــــــه ;)

[راعي العجراء]

ألف شكر لك على إيراد هذه القصة وما قصرت، وما زالت الدنيا بخير ..

لعل صاحبك يستفيد من هذه الغلطة ويجعل المبلغ في البنك ويحولها لأي بنك في نفس البلد التي يريد السفر إليها فهو لن يسافر إلى قرية أو صحراء، لأنه بذلك يعرض نفسه للخطر والقلق وهناك ولله الحمد بدائل آمنة..

ألف شكر وما قصرت والحلال ما يضيع أبداً.

افتخر بحضورك يااخي الغالي ابو سمر
في اولى طرح لي في خيمة السوالف
وان شاءالله تكون اعجبتك
وكلامك صحيح لو وضعها في بنك وارتاح منها
كان افضل
ودي لك يالغالي

[راعي العجراء]

ههههههههههه
صراحه مبغيت ادخل الموضوع من يوم قريت راعي العجرا خخخخخخخ امزح

لاهنت على ىالسرد والقصه االراائعه
والحمد لله جاب الشنطه بيدين اجوااد

لاهنت يالغالي

هلابك ياساحوق
وراعي العجراء يعجبك بالرخى والشده
تبا فزعه ابشر بالفزعه
تبا وقفت رجال ابشر بوقفات ماهي وقفه واحده
انا ماعند غير العجراء
وعمتي منيفه ماتنام الا وتحت مخدتها مسدس تسعه ملي
واليا صحت ماتمشي الا والرشاش معمر بثلاثين طلقه
بس انت
عساك استانست مع السالفه يامل الشحم
بارك الله فيك

[راعي العجراء]

راعى العجراء ........ سالفـــــه عجيبـــــــــه انا ودى ادرى وشلون نسيتها والله عجيب وهى اغلى مامعك



اجل تقول والله راحن قريشاتى ابشرك الدنيــــا مازالت بخيـــر وفيه ناس طيبين يخافون الله شروك وشروى


القراء والحمد الله على الســــــــــــلامــــــــــــه ;)

خوي مخباته عسى السعاده تخاويك في حلك وترحالك
وعساك تتزوج عمتي منيفه ام اليتمان السبعه
تاخذ اجرهم وتصرف عليهم من مخباتك
اشكرك على حضورك وردك الطيب ياطيب
سالفتي الاولى في الخيمه عساها زينه واعجبتك
وبعدين يالغالي لا تفضح فيني انا اقول لصاحبي ابا امشيها وانت كشفت الغابي

[هاوي عبث]

حيا الله ابو نسب ,,, اخبارك ,, واخبار عمتك منيفه عساها بخير

بشر عن شعرها ,, عسى ماحت بس ,, من السهر والهوجاس

ياخوك شسوي ,, محبوب انا محبوب من اول سمعه لطاريي ,, لا لو تشوفني عمتك او تلمحني

كان ؟؟؟؟؟ ضاعت في خرايطها


يقولون مال الحلال مايضيع .. والقرصه اللي ماتوجعك تروعك

شر على خويك لاعاد يسافر بدراهم في سمسونايت ,, الحمد لله البنوك موجوده

امتعتنا بقصتك يا ابو نسب عطنا من ها القصص وكثر يا راعي العجراء

تحياتي لشخصك الكريم

اخوك هاوي عبث

[راعي العجراء]

حيا الله ابو نسب ,,, اخبارك ,, واخبار عمتك منيفه عساها بخير



بشر عن شعرها ,, عسى ماحت بس ,, من السهر والهوجاس


ياخوك شسوي ,, محبوب انا محبوب من اول سمعه لطاريي ,, لا لو تشوفني عمتك او تلمحني


كان ؟؟؟؟؟ ضاعت في خرايطها



يقولون مال الحلال مايضيع .. والقرصه اللي ماتوجعك تروعك


شر على خويك لاعاد يسافر بدراهم في سمسونايت ,, الحمد لله البنوك موجوده


امتعتنا بقصتك يا ابو نسب عطنا من ها القصص وكثر يا راعي العجراء


تحياتي لشخصك الكريم



اخوك هاوي عبث


الله يخس شيطانك ياهوي عبث
انت اشغلت عمتي واشغلتنا ياخوك ماغير نطاردها من ضلع الى ضلع ومن مرقاب الى مرقاب تون شوي وتحن شوي ومرات تطلق ثلاثين طلقه بالرشاش
ومراات تمسك الردميه ماتفكها ابد ركضة وحده به الليول ياالله نعاينها على طرف النور
تطلع عن البطانيج شوي وترد
عمت ياهاوي تحبك حب جنون وانت وهقت عمتي ووهقتنا يالله الحق هات خروف جذع
ونعقدلك علاها
اشكر على مداخلتك بسولافتي

وخذ من هالقصيد اللي يكسر الضلوع

[لذاع]

مشكوور اخوي على
الايراد
وحلال المسلم
مايضيع

تحياتي

اخوك

لذاع

[حطب سمر]

الله يجزاهم خير على الأمانة
والله يجزاك خير على القصة

[Al3rands]

ههههههههههههههههههه عساك ماسك طريق حرض اوووووووووووه ياهو موحش ومقطعه بس الحمد لله على السلامه

[ابو الشبرميات]

سبحان الله الشي اللي هو خايف منه صار

لكن الحمد لله الحلال ما يضيع ابد

تشكر على السالفة

,,,

[راعي العجراء]

مشكوور اخوي على

الايراد
وحلال المسلم
مايضيع


تحياتي


اخوك



لذاع


اغليك يالذاع والشكر لله الي جمعني بكم في هذه الخيمه
نسولف على بعض
دمت بخير

[انسانه؟]

الحمدالله اللي وقف وردوها له.,
والله يجزاهم خير ويبارك فيهم ..
موقف يستحق ان يذكرفسلمت يمناك,.
بارك الله فيك وربي يعطيك العافيه,,

[النجم السراي]

والله ياهووو موقف

[سليمان الربيعان]

ههههههههههههههه اجل اخاف ياخذون قريشاتي
على قول المثل/ من خاف سلم
والله يجزاهم بالخير وبارك الله فيهم على الامانه يوم قل من يعينك على الخير...
ولا تنسانا من ابداعك وتميزك,,,

[راعي العجراء]

الحمدالله اللي وقف وردوها له.,

والله يجزاهم خير ويبارك فيهم ..
موقف يستحق ان يذكرفسلمت يمناك,.
بارك الله فيك وربي يعطيك العافيه,,


هلابك ياانسانه هلابحضورك وتشريفك
وتسلم علاك عمتي منيفه
وتقول يادافع البلا وراها ماسيرت علانا
ماكننا جيران
وانتي سالمه وغانمه

[راعي العجراء]

والله ياهووو موقف

والله ياهو حضورك يوسع الصدر
لاتقاطع

[راعي العجراء]

ههههههههههههههه اجل اخاف ياخذون قريشاتي

على قول المثل/ من خاف سلم
والله يجزاهم بالخير وبارك الله فيهم على الامانه يوم قل من يعينك على الخير...

ولا تنسانا من ابداعك وتميزك,,,


والله يالغالي الامانه وهلها موجودين بأذن الله حتى قيام الساعه
وراع الحلال مايضيع
والاجواد واجد
اشكرك على ردك الجميل يالنسيب الجديد

[abuhana]

الحمد لله على العقلان وبيض الله وجوه موضفى الجمرك

[راعي العجراء]

الحمد لله على العقلان وبيض الله وجوه موضفى الجمرك

الله يسلمك والله يبيض وجهك وجه رجال الجمارك الاوفيا
وكلامك طيب جازلي ماتبا تتزوج عمتي منيفه ام اليتمان السبعه

[النبهاني]

وعليكم السلام ورحمة الله وبركاته
مشكور يارعي العجراء على هالسالفه الممتعه
مثل ما يقولون المال الحلال مايضيع محفوظ والا يهج ويلحقونه
الله يردك لنا بالسلامه ياراعي العجراء

[محمد الدوسري ٢٠٥]

لازالت الناس فيهم خير

[يكفيني نظرة]

ههههههههه والله ويهج والشباب داعسين وراه تسلم على هالقصه ياراعي العجراء امتعتنا الله يمتعك بالصحه والعافيه..

[راعي العجراء]

لازالت الناس فيهم خير

هلابك يامتحدي الطعوس
والحمدلله مازالوا الناس بخير
الله يكتب لنا ولهم الاجر والثواب

[الليث الرهيص5]

حياك راعي العجراء
قصة حلوه
هههههههههههههههههههههه
بارك الله في امانتهم
والله غيرهم يقسمونها بينهم
ولا من شاف ولا من دري
تحياتي لك

[راعي العجراء]

ههههههههه والله ويهج والشباب داعسين وراه تسلم على هالقصه ياراعي العجراء امتعتنا الله يمتعك بالصحه والعافيه..

هلابك يكفيني نظره
اشكرك على حضورك
دمت بخير