يوسف الخليفة1
30/06/2011, 05:34 PM
بسم الله الرحمن الرحيم
السلام عليكم ورحمة الله وبركاته
شدوا هل العيرات فوق البعارين=وتلايموا قبلة محجه وعرنان
تقاودوا حمر النضا تسبق الضين=وتواعدوا بين المذاري مسيان
وابصرتهم دون الحصا شوفة العين=يطوون برخوص الوطا خلف حبران
وانا مضيت بدربي الفارق يمين=لين النفود اللي قنب فيه سرحان
مطيتي موتر حسين الصوالين=اليوكن اللي صانعينه امريكان
لقيت مذرا عنه الاجواد غادين=جيلانه اللي كنها سور برزان
فيه الحطب يابس مواريه حولين=والجو هادي ما لهج فيه الانسان
شبيت ناري واجتذبت المواعين=والملقمه عبيتها والخلا زان
فاحت وحطيت الهراري بحفنين=والدلة الصفرا بها الهيل رسلان
سويتها والكيف طب المريدين=يبعد غثاة البال كالغيث هتان
دليت اطورق واردف القاف قافين=وانظم من بيوت المكاشيت قيفان
يلوح بالخاطر من الوارد الزين=وانا على بالي مفاويح ريحان
بديت اوصف نايفات الضلاعين=والقحويان المرتوي بين حوذان
واطريت سيقان العنب بالبساتين=والعذق الاصفر راكبن فوق عسبان
ذكرت مكه والحرم والنبيين=والسيل والمروه وزمزم وعسفان
لين الفجر دلا مع المشرق يبين=حين استدار الليل بانجوم الاكوان
طوحت بالاذان والكون يوحين=يشهد لي بيوم الحشر عقب الاكفان
يالله نرجي من عطاك النعيمين=رضاك والجنه على طول الازمان
والزود وجهك في عيون السعيدين=هذا منانا مبتغا كل شفقان
يوسف الخليفة ( أبو عبد الله )
السلام عليكم ورحمة الله وبركاته
شدوا هل العيرات فوق البعارين=وتلايموا قبلة محجه وعرنان
تقاودوا حمر النضا تسبق الضين=وتواعدوا بين المذاري مسيان
وابصرتهم دون الحصا شوفة العين=يطوون برخوص الوطا خلف حبران
وانا مضيت بدربي الفارق يمين=لين النفود اللي قنب فيه سرحان
مطيتي موتر حسين الصوالين=اليوكن اللي صانعينه امريكان
لقيت مذرا عنه الاجواد غادين=جيلانه اللي كنها سور برزان
فيه الحطب يابس مواريه حولين=والجو هادي ما لهج فيه الانسان
شبيت ناري واجتذبت المواعين=والملقمه عبيتها والخلا زان
فاحت وحطيت الهراري بحفنين=والدلة الصفرا بها الهيل رسلان
سويتها والكيف طب المريدين=يبعد غثاة البال كالغيث هتان
دليت اطورق واردف القاف قافين=وانظم من بيوت المكاشيت قيفان
يلوح بالخاطر من الوارد الزين=وانا على بالي مفاويح ريحان
بديت اوصف نايفات الضلاعين=والقحويان المرتوي بين حوذان
واطريت سيقان العنب بالبساتين=والعذق الاصفر راكبن فوق عسبان
ذكرت مكه والحرم والنبيين=والسيل والمروه وزمزم وعسفان
لين الفجر دلا مع المشرق يبين=حين استدار الليل بانجوم الاكوان
طوحت بالاذان والكون يوحين=يشهد لي بيوم الحشر عقب الاكفان
يالله نرجي من عطاك النعيمين=رضاك والجنه على طول الازمان
والزود وجهك في عيون السعيدين=هذا منانا مبتغا كل شفقان
يوسف الخليفة ( أبو عبد الله )