فزعه بخصوص ثلاجه [الأرشيف]

محمد بن عايض

30/06/2011, 08:27 PM

يااخواني محتاج مساعدتكم وبتلقون اجرها عند الله ماهوب مني والى لي عشان العمال اللي عندي :(

يالربع والله محزني جلستهم في هالبر والمسافه اللي بيني وبينهم مع هالحر

يالربع ابي ثلاجه تركب على بطارية سياره او اي حل يضمن لهم ماء بارد في هالحر يااخوان ابي ارائكم المجربه ماهوب اختراعات على حسابي

جبت لهم فريزر وركبناها على الماطور قالو ماتبرد الماطور ماهو مضبوط من محمود الهندي الله لا يوفقه كل مااجي اصلح الماطور عنده يخرب شي ثاني

والحين كاسرين خاطري في هالجو لا ماء بارد ولاشي

المشكله المسافه بيني وبينهم حوالي 120 كيلو

العوووام

30/06/2011, 10:46 PM

جب لهم الثلاجه اللي على اسطوانة الغاز

gomr-15

30/06/2011, 11:06 PM

اخوي محمد الله يجزاك الف خير على رحمتك للعمال

واذا كنت تبي ثلاجه علشان ماء بار فهي سهله جب لهم زير ماء وشف البروده كيف

بس اهم شي تحطه بمكان ضلال ومكان مفتوح

وبتوفيق

alabewy

30/06/2011, 11:19 PM

الله يكتب لك الاجر يارب

انا اسمع عن ثلاجات الغاز يمدحونها شباب مكشات

وان شاء الله يفيدونك الشباب اكثر

الدافوار

30/06/2011, 11:27 PM

ثلاجات الغاز تحصلها عند المحميد ببريده شارع الصناعه

wafi4sa

01/07/2011, 01:23 AM

إذا تبي رائ ثلاجة الغاز افضل شي
وبعض الناس إذا قلت ثلاجة غاز يفكر على طول بصرف الغاز
يحسب انه كل يوم يغير انبوبه غاز
ارجوا من جرب ثلاجة الغاز يعطي اخي الكريم عن صرفيه الغاز كيف ...؟؟
عني ماجربت لكن سمعت من زميل لي يقول يغير انبوبه الغاز كل اسبوعين
لثلاجة نوع برازيلي
انتمى لك التوفيق والسداد

دل البحار

01/07/2011, 01:42 AM

ثلاجة الغاز
تبرد لهم
ولا صرفية بنزين ولا ديزل
خذ لهم اسطوانتين كبار
تجلس لهم شهر
وبعدها تعبيها
في ذا الشهر يمديك تروح وتجي وتغدي وتبدي وتصول وتجول

مهنا-715

01/07/2011, 02:19 AM

منقول

السلام عليكم و رحمة الله و بركاتة
حياكم الله جميعآ ..
ثلاجة الفخار .. Pot-in-Pot cooler
http://twitemail.com/users/138852233/331/related/image001.jpg
اتوقع انها معروفة للكثير من الأخوان ..

لكن لمن لا يعرفها سوف احاول

اعطاء فكرة مختصرة عنها ..
و في الحقيقة هي ليست ثلاجة بمعنى ثلاجة ..

و التفاصبل سوف توضح اكثر طريقة عملها
جميعنا يعرف زير الماء و كيف يقوم

زير الماء بالتبريد عن طريق التبخير
و هذة الثلاجة التي تعمل بنفس المبدئ

و هو التبخير و لكن الفرق هو اننا نضع وعاء فخاري
داخل وعاء اكبر منة و يتم وضع طين

بينهم و يتم ترطيب هذا الطين بالماء
حتى تتم عملية التبخير و بالتالي يبرد محتوى الوعاء الداخلي
http://twitemail.com/users/138852233/331/related/image002.jpg
http://twitemail.com/users/138852233/331/related/image003.jpg
و هذة الطريقة اخترعها استاذ جامعي مسلم

في نيجيريا لحل مشكلة فساد

الأطعمة عند المزارعين الفقراء
و الملايين من سكان الدول الأفريقية

لا يعرفون الكهرباء و غير متوفرة لهم
و هذة الطريقة نجحت نجاح كبير لدرجة

ان منظمات دولية دعمتها و نشرت فكرتها في الدول
الفقيرة و ايضآ تم تكريم الأستاذ

" محمد باة ابا " مخترع هذة الطريقة

http://twitemail.com/users/138852233/331/related/image004.jpg
و المنظمات الخيرية العالمية اهتمت كثيرآ

بنشر هذة الطريقة في الدول الفقيرة
و يوجد عدة مواقع تتحدث عن هذة الطريقة

للتبريد .. و هذا احد هذة المواقع :
http://practicalaction.org/food-production/zeerpots (http://practicalaction.org/food-production/zeerpots)
و هذة نتائج تجارب تضهر مدة فساد بعض الأطعمة :
النوع ........ صلاحية الطعام بدون تبريد ........ صلاحية الطعام داخل الفخار
الطماط................ 2 يوم ................................ 20 يوم
الجوافة ................ 2 يوم ................................ 20 يوم
بامية ................ 4 يوم ................................ 14 يوم
الجزر ................ 4 يوم ................................ 20 يوم
و هذة الثلاجة الفخارية لا تعمل الا في

الأجواء الجافة و كلما كان الجو جاف و حار كلما زادت
كفائة عملها و حاليآ تستخدم في الكثير من

الدول الأفريقية و ايضآ في الهند و تكلفة تصنيعها
بسيطة .. و هذا مخطط بسيط لطريقة تنفيذها :
http://twitemail.com/users/138852233/331/related/image007.jpg
http://practicalaction.org/food-prod...frigerator.pdf (http://practicalaction.org/food-production/docs/region_sudan/zeer_ceramic_refrigerator.pdf)
و السلام عليكم ورحمة الله وبركاتة

(مواصل)

01/07/2011, 05:25 PM

اخوي الكريم انصحك بعدم جلب الماء البارد لهم نهائيا
لان البارد مايروي ضماهم وكل ماشرب تلتهب كبده اكثر
شف نفسك لاطلعت وقت القيض كل ماتشرب بارد تلتهب كبدك ويمتلي بطنك ماء ولحاظك ناشف
ترانا بالمدن نشرب البارد لاننا عند مكيفات وماينشف اللحاظ من السموم وحرارة الجو
انصحك نصيحة اخو لاخوه جب لهم اما زير او قربه او مطارات

وكانك ملزم على الثلاجه خذ لك ثلاجة غاز بس تراها تبي مكان ذاري لانك تشغل فيها ولعه وتقصر عليها واخاف مع اي مهب تطفي وماينتبهون لها
ثلاجة الغاز تجلس مايزيد عن 15 يوم

بطلعاتنا للبر صدقني اننا نشرب من الزير وحنا طالعين بمزعه يعني فيها ثلاجات بس بالغرف داخل

محمد بن عايض

01/07/2011, 08:57 PM

جعل من جابكم في الجنه يااخواني

انا سمعت عن ثلاجات الغاز بس غاليه يالربع من فوق 2500 يالله تحصل وسالت عنها لقيت ب 4000 و4500 ريال

يالربع والله انها قويه بها الاسعار

وانا عارف انها ماتصرف غاز وانها تاخذ لها اسبوعين

والاخوان اللي يقولون الزير
اناا في الشرقيه

ورطوبه والله اني كنت اجلس عند الحلال العام وانام معهم والله يالربع حر مووووت مايعلم به الى الله وانا اجيب لهم الماء البارد والثلج والله اني اترحم حالهم كيف يصومون والله ان الراعي اليماني يقول ياعمي والله اني ارفع يدي لله واطلبه بس اني ماافطر من قوة الحر

والشرقيه يالربع ماينفع الزير معها انا مجربه لاجات الرطوبه

ماينفع ولا بريال

والى عنده اقترااحات والى وين نجد افضل حل يقول لي

لاني اشوف ثلاجات على البطاريه حقت السياره

واسمع عن الغاز

وابي افضل حل مستعمل والى جديد ولو فيه احد يفيدني بالاسعار ياليت يالربع

ahmed112

05/07/2011, 03:18 PM

السنيدي للرحلات عنده ثلاجات فريزر وتبريد على بطارية السيارة وعلى كهرب 220
اذا عندك ماطور كهرب شغلهل عليه 220
واذا عندك ألواح شمسية وبطارية سيارة تشتغل عليها
السعر حسب الحجم

محمد بن عايض

05/07/2011, 05:02 PM

مشكور يااخوي احمد

الماطور لعبو فيه هالمهندسين والله كل مااصلحه يطلع فيه بلى جنب التصليح

لاكن ابي اجيب بطاريه سياره تنفع ؟؟؟؟؟

ومشكور الله يحفظك

جيبي جايزلي

05/07/2011, 07:37 PM

طيب جب ماطور ثاني جديد اصلي وخل عنك الماطور اللي كل يوم طالع لك خراب وجب ثلاجه وشغلها على الماطور وانتهت المشكله

ملاحظه الثلاجه تحتاج تشغيل فتره النهار كله وعند النوم طف الماطور وتبي تحتفظ الثلاجه بالبروده طول الليل مع عدم فتح باب الثلاجه بكثره