الله يخليكم أفيدوني بمعلوماتكم

[مكشاتي وهاوي]

بسم الله الرحمن الرحيم
كيف الحال عساكم طيبين
يا أخوان أنا مبتدى في تربية السلق وعندي طلبات ممكن تفيدوني فيها :
1- فيه في السلقه خراج
2- الذيخ ما يلقح
3-كيف أدربهم على الطاعه
4-الذيخ مايركب بحوض الونيت
5-كيف أخليهم أي واحد تشوفه تنبح
6- كيف أسمنهم
والرجاء إفادتي
أخوكم ::fمكشاتي وهاوي:f

[الــحـاكــمــ]

بسم الله الرحمن الرحيم
كيف الحال عساكم طيبين

الحمد لله , بخير و عافيه

يا أخوان أنا مبتدى في تربية السلق وعندي طلبات ممكن تفيدوني فيها :

حـاضرين للطيبين

1- فيه في السلقه خراج

ودها للبيطري , يفتح الخراج و ينظفه و يعطيها مضادات حيويه
و إن شاء الله تطيب

2- الذيخ ما يلقح

ما فهمت قصدك بالضبط ؟؟
بس لو تقصد إنه ما يشبي يمكن تكون السلقه مش مجعله ( أعزكم الله )
و إذا إنه يشبي و السلقه ما تلقح منه فيمكن يكون عقيم
و تصير كـثير و الأمر طبيعي جداً

3-كيف أدربهم على الطاعه

عودهم على كلمات معينه , مثلاً عيب أو ليه إذا سوا خطا , و تعال إذا بغيته يجي
على حسب تعاملك مع السلق و الكلام اللي تستخدمه معهن و ترى للعمر دور في التدريب
يعني لو هن جرا بيتعلمن سـريع


4-الذيخ مايركب بحوض الونيت

حط الأكل بالحوض و كرر عليه كلمة أركب , أو حط له أرنب و بيركب
و لو تعلمه مع سلق مدربه أفضل وأريح لك

5-كيف أخليهم أي واحد تشوفه تنبح

هذي سلق مش جعر ؟؟
أنت بالعكس !!
الناس ما يبون السلق تنبح
و لا تزعج و أنت تبيهن ينبحن ؟؟
السلق بطبعهن أليفات مع كل الناس إلا ما ندر


6- كيف أسمنهم

أول شي حاول تعطي السلق إبر التحصينات
تحصلها عند البيطري
و أهتم بنظافة المكان و الأكل , و نوع الأكل و زوده لهن لو حالهن ضعيف
و لا تزيده كثيرعلشان ما يسمنن بالحيل

والرجاء إفادتي
أخوكم ::fمكشاتي وهاوي:f
إن شاء الله إني قدمت معلومات صحيحه و مفيده
موفق خـير

[الهاوي5]

افادك اخونا الحآآآكم وإنشاءلله انك استفد منه

[مكشاتي وهاوي]

مشكور يا أخوي: الحاكمـ
ونشاء الله أجربيها

[محمد الضيوفي]

ماقصر الحاكم الله يجزاه خير

[هاوي بندق]

اخوي الحاكم مالك لوا في رقم خمسه لايااخوي انا واحد من العيال
مدرب سلقه لاضربته تنبح السلقتين كلهن الي عنده ولاقالهن كلمه مدربهن عليه ينبحن على الي قدامهن وماعرف الطريق للاسف
اخوي

[اسامه كليك]

افادك الحاكم الله يجزاه خير

[مكشاتي وهاوي]

مشكورين كلكم وماقصرتو

[بدوي.]

مابقى لنا شي الحاكم الله لا يهينك افادك ...!

[الــحـاكــمــ]

اخوي الحاكم مالك لوا في رقم خمسه لايااخوي انا واحد من العيال
مدرب سلقه لاضربته تنبح السلقتين كلهن الي عنده ولاقالهن كلمه مدربهن عليه ينبحن على الي قدامهن وماعرف الطريق للاسف
اخوي


حـياك الله اخوي هاوي بندق

لو رجعت لجابتي على سؤال اخونا الكريم بتلاحظ إني

قلت جملة ( إلا ما ندر )

و سلق خويك من الحالات النادره

و نباح السلق شي غـير مرغوب فيه من اغلبية الهواه

[سنا البررق]

ماقصرو الاخوان