عندي جير وحش (( سيبيري )) فيه مشكلة !!!!!

[المري]

السلام عليكم

أخواني الأعزاء ..

يوم الخميس اللي فات (( قبل أمس )) كنت في السوق الرياض.. ويوم جاءت الساعة 9 ونص واذا

ذاك الجير الوحش (( ماهوب تفريخ )) وحش , ويوم دخل السوق وتضيع اعلومي, وانطح الطير وراعيه

الطير سيم قال: ماسيم... المهم حرج عليه ابو سلطان وياصل علينا 4500 ريال !!!!!! سعر لايصدق .. لأن هل السوق

قالوا : الطير فيه عله .. اكيد ان فيه عذروب .. المهم قلبنا الطير .. ماشفنا شي بــيّــن المهم شرينا ومشينا يم اهلنا مناكيف

نبغى ناصلهم قبل لايجينا الليل علشان ندعى المبروووك.. يوم جاء الساعة 4 العصر ونصل يم ديرتنا جنوب الحساء .. خذيت

الطير ورحت اهده على رفيقي , ويوم هديته عليها وطار من يدي وإذا بالمفاجاءة !!!!!!!!

قامت اربع ريشات من يمين ومن يسار تلف لوحدها .. يعنى تشطح بمعنى اخر (( تفرد )) من باقي الريش..

جاء الطير وقلبنا ريشه ماشفنا شي .. امسانا الليل كلمنا بعض من اخويانا قالوا : هذي مشكلة اكثر السيبيري (( الجير الوحش))

تأتي دايم فيها ريش عطبان والسبب ماأحد يعرفه .. حتى لو تقيض الطير السنه الجاي يجي نفس المشكلة..

فإذا أحد مرة عليه هذه المشكله ياليت يعطينى عنه خبر..

وسلامتكم..


اخوكم / المري

[ابوحافظ]

والله ياخووي المري اول مره اسمع بمشكلة طيرك لأني وسبق صقرت بالسيبيري ثلاااث سنين ولا واجهت هالمشكله اللي واجهتها انت؟




ولكن الحق بالطير للمستشفى وشوف وش مشكلت هالريش... وعسى ربي يفكه من كل شر ويطعمك صيده وفل حجاااجك انشاءالله


اخوووووووووووووك ابو حاااافظ

[صقر ليبيا]

سلام عليك خوى المرى والله حق مشكلة الكن انا اول مرة اشوف هذ المشكلة وعسى ربى يفكة من كل شر خوك صقر ليبيا

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا خوي المري
انا اشوف ان مسامير الطير مقصوصه وبطريقه فنيه .. طالع في جنب الطير وهو مبرقع
وضاف عمره تحت راس المنكب بقليل يبين فيه ان المسامير مقصوصه ومكانها حفره
صغير ه ........ اتوقع الرد ايجابي والله اعلم
والسلام
الفيتو
الحجاز
29/11/1426هـ

[المري]

مرحبا اخوي ابو حافظ وصقر ليبيا ماقصرتوا..

اخوي الفيتو ..بخصوص مسامير الطير موجود وهي اول شي تفحصته موجود كلها .....

وماقصرت ..

ملاحظة: اهل السيبيريات هم اللي يعرفون السبب!!!!!


اخوكم / المري

[راعي مسكت]

المري ياخوك اول امره اسمع وخاصه اني سئلت واحد من الربع يقنص بها ويشتريها وقال اول مره اسمع بها .ووينك يالشمري ؟؟

[الفيتو]

بسم الله الرحمن الرحيم
السلام عليكم ورحمة الله وبركاته
:confused: :confused:

1/12/1426هـ

[حر العراق]

السلام عليكم اتوقع المشكلة نقص فيتامين معين مما يؤدي الى ضعف الريش بسب تغير الغذاء والجوعن منطقة سيبيريا يمكنك اخوي ان تراجع الطبيب افضل

[ابو عايد]

السلام عليكم ورحمة الله وبركاته

:confused: :confused: :confused: يالمري

[ابومريم]

اخوي المري اتوقع ان الريش ضعيف ضعف فيتامين وكان الريش متكسر وموسر
اتوقع والله واعلم
اخوك ابومريم

[السارب]

السلام عليكم جميع

يا أخونا المري الشافي هو الله سبحانة وتعالى لاكن أفعل بالسبب وخذة يم خالد العويدي كانك تعرفه شوري عليك .