هاوي عبث
01/07/2011, 02:20 PM
بسم الله الرحمن الرحيم
حيا الله الكل والجميع عندي لكم سوالف خفيفه بحكم سفري ذكرتها
قلت لاتبخل بها يا ولد عليهم ارجوا ان تستمتعوا بها
(ا )
يقص لي ها السالفه احد احفاد الرجل يقول : مرتن من المرات كان جدي طالع من ظلم قاصد المجمعه يبي منها غريضات وكانت هاك الايام المجمعه صغيره كم بيت وكم دكان
المهم راح الرجال للديره واشترى اللي يبي وهو معود الا الحيا مركب وكانت ايام شتاء
يوم اقبل على وشي او قبلها الا يوم استهلت وامطرت وبروقها ما تفصل وهو اللي يزبن له غار حول شعبة المقبره ويزبن فيه . ويقول في نفسه بقعد الين تنجلي ها السحابه
لكن اللي حصل ان ذاك اليوم كله استمر ماطرها قال : مالي الا انام في ها الغار والصباح رباح .
وماكان عليه الا مقيطع خفيف وبشت له . وهو اللي يتلحف البشت ويحط له جمشتن وساده ويسمي بالله وينام ... يقول يوم انتصف الليل .. الا اللي يناديه يافلان ... يا فلان ..
يقول يوم توعيت ماحولي احد وانا اللي اعرف العلم قلت ... بسم الله الرحمن الرحيم
خير وش تبون مني ؟؟ قالت يا ابو فلان الله يقاصرنا واياك بالاحسان .. تراك ضيقت علي وعلى العيال وها الغار لي ولعيالي .. قم دور لك على غار ثاني .. قال لها : اما الطلعه فوالله مانيب ظاهر من هناء برد ومطر وما علي الا ها المقطع وين اروح .. قالت له : اجل انفهق عن العيال شوي وازبن بآخر الغار .. قال لها : اما ذي لتس وهو اللي ينفهق ويكمل النومه يوم اصبح الصبح وهو اللي يسري لأهله .
(2 )
من السوالف المشهوره
هاك الواحد على ناقته رايح لعربهم وكان شديد وحكيم وشجاع وعربه بعيدين وفي مقطعه
يقول يوم صليت المغرب الا وهاك الرجال اللي يشر لي اشوف زوله يوم قربت منه قلت تبي اوصلك قال ايو الله .. قلت اركب اردفك وهو اللي يركب معه على الناقه وصار وراء خوينا
يقول يوم انتصفت في الطريق وهو اللي يمسكني مع بطني متجود فيني الا واشوف ايديه تحولت لحوافر وشعر يقول وانا اللي اتحسسه واقول والله شعر ظافي ... قالت لي بصوت مره الا والله عقل وافي وهي اللي تختفي ماعاد شفتها ..
يوم شافت خوينا قوي قلب خلته .. ماشاء الله عليه
اتمنى اني قدمت مانال على الرضى والاستحسان
تقبلوا تحيات اخوكم هاوي عبث من شمال المملكة
حيا الله الكل والجميع عندي لكم سوالف خفيفه بحكم سفري ذكرتها
قلت لاتبخل بها يا ولد عليهم ارجوا ان تستمتعوا بها
(ا )
يقص لي ها السالفه احد احفاد الرجل يقول : مرتن من المرات كان جدي طالع من ظلم قاصد المجمعه يبي منها غريضات وكانت هاك الايام المجمعه صغيره كم بيت وكم دكان
المهم راح الرجال للديره واشترى اللي يبي وهو معود الا الحيا مركب وكانت ايام شتاء
يوم اقبل على وشي او قبلها الا يوم استهلت وامطرت وبروقها ما تفصل وهو اللي يزبن له غار حول شعبة المقبره ويزبن فيه . ويقول في نفسه بقعد الين تنجلي ها السحابه
لكن اللي حصل ان ذاك اليوم كله استمر ماطرها قال : مالي الا انام في ها الغار والصباح رباح .
وماكان عليه الا مقيطع خفيف وبشت له . وهو اللي يتلحف البشت ويحط له جمشتن وساده ويسمي بالله وينام ... يقول يوم انتصف الليل .. الا اللي يناديه يافلان ... يا فلان ..
يقول يوم توعيت ماحولي احد وانا اللي اعرف العلم قلت ... بسم الله الرحمن الرحيم
خير وش تبون مني ؟؟ قالت يا ابو فلان الله يقاصرنا واياك بالاحسان .. تراك ضيقت علي وعلى العيال وها الغار لي ولعيالي .. قم دور لك على غار ثاني .. قال لها : اما الطلعه فوالله مانيب ظاهر من هناء برد ومطر وما علي الا ها المقطع وين اروح .. قالت له : اجل انفهق عن العيال شوي وازبن بآخر الغار .. قال لها : اما ذي لتس وهو اللي ينفهق ويكمل النومه يوم اصبح الصبح وهو اللي يسري لأهله .
(2 )
من السوالف المشهوره
هاك الواحد على ناقته رايح لعربهم وكان شديد وحكيم وشجاع وعربه بعيدين وفي مقطعه
يقول يوم صليت المغرب الا وهاك الرجال اللي يشر لي اشوف زوله يوم قربت منه قلت تبي اوصلك قال ايو الله .. قلت اركب اردفك وهو اللي يركب معه على الناقه وصار وراء خوينا
يقول يوم انتصفت في الطريق وهو اللي يمسكني مع بطني متجود فيني الا واشوف ايديه تحولت لحوافر وشعر يقول وانا اللي اتحسسه واقول والله شعر ظافي ... قالت لي بصوت مره الا والله عقل وافي وهي اللي تختفي ماعاد شفتها ..
يوم شافت خوينا قوي قلب خلته .. ماشاء الله عليه
اتمنى اني قدمت مانال على الرضى والاستحسان
تقبلوا تحيات اخوكم هاوي عبث من شمال المملكة