بخصوص توشكات البيكال (تجربتي الشخصية) + معلومات مفيده

[عااشق الدهناء]

السلام عليكم ورحمة الله وبركاته


أخواني الكرام ... تحيه طيبه لكم جميعا



صراحة قريت كثير وكثير من المواضيع اللي تتكلم عن تشوكات البيكال سواء الشد بلد أو غيرها


وحبيت اوضح لكم وجهة نظري في هذا الخصوص



أولا : تشوكات ( شد بلد )
بصراحه ما جربت منها الا الـ ( F ) اللي فيها خط واحد بس وكان الرمي فيها جيد بنسبة 40%
بحيث كنت احس ان فيه حلبي مفقود ما ادري وين يروح وبعد ما جربت الرمي على صحيفة ورقية اتضح ان الاغلب يكون بالنص بطريقة غير منظمه واللي من المفترض ان يكون توزيع الحلبي بشكل دائري او شبه دائري على الصحيفة لكن التوزيع كان بشكل عشوائي بالنص وفيه حبات قليله جدا تصير على الاطراف بطريقة اعتبرها ( غبيه ) لانه ما يفرش بشكل سليم ميه بالميه ولا يسوق بشكل منظم .. وهذا يدل على ان نظمها غير دقيق
وهذا اللي خلاني ما اجرب الباقيات لأن اذا كانت الــ (F) نظمها غير دقيق وهي اضيق من خواتها .. فــ الباقيات قل عليهن السلام لانهن يفرشن اكثر
معنى ها الشيء ان الحلبي راح يضيع اكثر واكثر كل ما قلت سماكة التشوك بشكل شبه عشوائي



ثانيا : التشوكات المتوفره بالسوق ( 660 , 680 , 690 )


بالنسبه للـــ ( 680 ) ما جربته بصراحه لكن فيه ناس يقولون انه زين ولا ادري بالضبط


أما الــ ( 660 ) سمعت وقريت انه خطر ويسبب انفجار في السبطانه وغيره من ها الكلام .. بصراحه انا اشوف ان ها الكلام غير صحيح انا جربته ودبلت اكثر من مره ولا صار شي ولله الحمد
التوشك هذا ميزته انه ضيق بالحيل ( خابور ) وهو يصلح للطيور الكبيره وخصوصاً الكرك ويصلح للضبان والأرانب وأي حيوان أو طير يكون حجمه كبير
وعيبه انه ما يفرش الا بعد مسافة طويله يكون الحلبي فيها برد وما يجيب نتيجه ايجابيه
يعني ما يصلح للجول ( الفروق ) القميري او الجرجس أو أي طيور تتجمع بشكل مجموعة وما يصلح بعد للطيار اذا كان الرامي ما يتمتع بخبره كبيره بحيث يقدر يوقت الرميه قبل الطير بتوقيت دقيق جدا


بالنسبه للـ ( 690 ) اعتبره جيد جداً لانه ما يسوق السوق اللي يطرب واعتبر فرشه ازين من سوقه واعطيه نسبة فرش توصل 80% ونسبة سوق 60% وتعتبر النسب جيده جداً مقارنة بباقي التشوكات


هذي هي الانواع اللي جربتها من التشوكات واكيد راح يتسائل بعضكم اذا هذا كلامي وش الحل ..!! :(


بصراحه بما أننا محرومين من الوكالات والأشياء الزينه ما لنا إلا الترهيم :good2:


بعد صولات وجولات وأسئله وإجابات كنت ناوي أني اوسع تشوك الـ (660) شويات بناء على كلام قريته من احد الاعضاء هنا اسمه ( ابوصالح ) ان ما خاب ضني لكن تذكرت ان التشوك يسوق بالحيل وممتاز للكرك والضبان وتحسفت صراحه وسمعت ان أحد الشباب الموجودين بسوق السلاح يرهم .. رحت عنده وقالي انه يرهم تشوك للبيكال وطلبت منه يرهم لي تشوك بمقاس 17,3 وأغلب اللي يرهمون عنده يرهمون 17,2 وهذا الرقم يعادل مواصير البلجيك القديم يعني يسوق اكثر
عشان كذا انا طلبت 17,3 عشان يكون فرشها اكثر وسوقها معقول لان عندي تشوك (660) وهو يسوق وراح اخليه للكرك والضبان والطيور الكبار وهذا راح يكون مخصص للقميري والجرجس وغيره من الطيور الصغار


وبعد تجربة التشوك
بصراحه التشوك ممتاز جداً اعجبني سوقه وفرشه واعتبره ( يطق اصبع ) لباقي التشوكات الموجوده عندنا
وكنت اتمنى اني اعرف انزل صور في الموضوع كان نزلت الصوره لكم وراح احاول ان شاء الله اعرف الطريقة وانزل لكم الصورة للتشوك



والحين نجي لموضوع الخطر وانفجار السبطانه ( الماصوره )
احب اوضح شي .. بصراحه انا اشوف ان سبب انتفاخ الماصوره انفجار التشوك هو بسبب ان التشوك ما يشد زين
ومن وجهة نظري ما اشوف اي علاقة بين انتفاخ الماصوره وضيق التشوك
صحيح فيه تشوكات مرهمه تنفجر لانها رديه وشغلها لك عليه لكن مو معنى هذا انها تأثر على الماصوره ابدا .. ويا جماعه الانفجار المقصود فيه ان الشتوك ينشطب مو ينفجر مثل القنبله يعني ترى المسأله ما تخوف مثل ما قريت ببعض المواقع والمواضيع وكأن المسأله حياة وموت :eek:


اذا كنت تبي تعرف التشوك المرهم هو مزبوط ولا لا .. اذا ركبت التشوك وشديته مزبوط فك الماصوره وحطها على نور وحط عينك بالماصوره وشف اذا فيه زياده بارزه داخل الماصوره في اااخر سنن الربط .. أو دخل اي شي ما يكون غشن بداخل الماصوره من فوق وخله يلامس جدار الماصوره واسحب على برا وراح تلاحظ اذا كان فيه زياده طالعه برا السنه الداخليه
أما بالنسبه لجودة المواد المستخدمه في صنع التشوك لازم اللي يرهمه يكون خبير وتثق أنت أن شغله عدل بناء على ناس اشتغلوا عنده او من سمعته بالسوق




في النهاية اتمنى يكون الموضوع مفيد






ــ

[صاحب مبدا]

مشكووور وماقصرت موضوع اجمل من رائع

[اقوى الرجال]

مشكور وماقصرة
وترا مقاس 17,3 يسوي 681 وهو نفس التشوك الامريكي 680

[عااشق الدهناء]

مشكووور وماقصرت موضوع اجمل من رائع


العفو يا بعدي .. وانت الاجمل

[عااشق الدهناء]

مشكور وماقصرة


وترا مقاس 17,3 يسوي 681 وهو نفس التشوك الامريكي 680



العفو يا بعدي .. واشكرك على التوضيح

وذكرت انا بالموضوع اني ما سبق اني جربت الــ (680) لكن اتمنى منك توضيح بسيط وهو ( طول التشوك الـ 680 ) لو تكرمت

[اقوى الرجال]

العفو يا بعدي .. واشكرك على التوضيح





وذكرت انا بالموضوع اني ما سبق اني جربت الــ (680) لكن اتمنى منك توضيح بسيط وهو ( طول التشوك الـ 680 ) لو تكرمت







انا مجرب التشوك 680 الحقيقه من ناحية السوق والفرش على كيف كيفك


لكن في الطيار ماينفع يبيله حريف


ومن ناحية الطول طبعآ الي طالع من السبطانه 1 انش

وهذي الصوره



http://im4.gulfup.com/2011-06-30/1309385970931.jpg

[عااشق الدهناء]

انا مجرب التشوك 680 الحقيقه من ناحية السوق والفرش على كيف كيفك


لكن في الطيار ماينفع يبيله حريف

ومن ناحية الطول طبعآ الي طالع من السبطانه 1 انش

وهذي الصوره



http://im4.gulfup.com/2011-06-30/1309385970931.jpg




اشكرك اخوي على التفاعل والرد ومن خلال الصورة اللي ارفقت توقع مبدئي ان الطول العام للتشوك 3,40 او اكثر

بالنسبه للي انا مرهم 5 انش اجمالي يعني ما يقارب الــ 2,6 انش راح تكون خارجي
يعني اطول من اللي بالصورة بــ 1,6 قد يقل او يكثر بشي بسيط

تمنيت ان التشوك عندي عشان اقيس بالضبط كم

وان شاء الله اول ما ارجع راح احاول اعرف طريقة وضع الصور واحط صوره للتشوك مع مقاساته


اشكرك على تفاعلك ..

[MSA-KSA]

السلام عليكم ..
الاخ العزيز رميك وتدبيلك على 660 بدون مشاكل كما ذكرت لا يلغي خطورة التشوك
مثل السرعه بالسيارة ... قد لا تسبب بالحادث ... وقد تسبب
السبب الرئيسي لإنفجار الماصورة هو وجود جسم داخل الماصورة (حلبيه - كاس - كربون) يجعل الحلبي ينحرف و يصدم ببعضه
والتدبيل بتشوك ضيق جدا ببندق نظامها غاز "بثقوب في السبطانه" يجعل من احتمال وجود هذا الجسم كبير جدا
وهذا قد يسبب الانفجار أي مكان بالسبطانه

http://www9.0zz0.com/2011/06/30/00/158814128.jpg

[عااشق الدهناء]

السلام عليكم ..




الاخ العزيز رميك وتدبيلك على 660 بدون مشاكل كما ذكرت لا يلغي خطورة التشوك

مثل السرعه بالسيارة ... قد لا تسبب بالحادث ... وقد تسبب
السبب الرئيسي لإنفجار الماصورة هو وجود جسم داخل الماصورة (حلبيه - كاس - كربون) يجعل الحلبي ينحرف و يصدم ببعضه
والتدبيل بتشوك ضيق جدا ببندق نظامها غاز "بثقوب في السبطانه" يجعل من احتمال وجود هذا الجسم كبير جدا
وهذا قد يسبب الانفجار أي مكان بالسبطانه


http://www9.0zz0.com/2011/06/30/00/158814128.jpg





وعليكم السلام ورحمة الله وبركاته .. يا هلا وغلا


اخوي يشرفني مشاركتك بالموضوع واسمح لي بالتعليق على كلامك اولا
بالنسبه لكلامك ان السرعه والحادث .. خلني اقولك على نقطه مهمه
كل شي قضاء وقدر وهذا شي ما يختلف عليه اثنين
ونجي للأسباب اللي تسبب الخطر وانت ذكرت السرعة انها تسبب حادث لا قدر الله
السرعة بحد ذاتها تعتبر ( سبب ) انفجار الكفر ( سبب ) واحد قاطع الاشاره ( سبب ) ... الخ .


اللي بوصله لك اني اعتقد ان التشوك ما له اي علاقه بإنفجار السبطانه وراح امثلك بناء على تمثيلك
تخيل واحد يقولك ان فيه شخص سوى حادث بسبب مرتبة السواق فيها شق بالقماش او الدرج خربان القفل حقه او الدريشه اللي ورا ما تنفتح أو أو أو .. الخ من الاسباب اللي ما لها اي علاقه بالحادث
وش بيكون ردك ..!!
بديهي راح تقول وش دخل ها الاشياء


وانا بالنسبه للتشوك اشوف ومن وجهة نظري ان ما له اي علاقة بإنفجار السبطانه وأكثر ما يسبب انفجار السبطانه هو سوء تصنيعها .. واذا تذكر التركيات القديمات والمواصير اللي يجن معه كان تعرف سوء المصنعيه انه هو السبب الرئيسي
وفي بعض الاحيان واكثر اللي يتعرضون لانتفاخ في السبطانه هم راعين صيد طيور الماء تكون السبطانه متعرضه للرطوبه او عليها ماء وتجيها حراره عاليه من التدبيل وهذا اللي يسبب الانتفاخ


ولا تنسى ان تحميل البارود ضغط اكثر من الضغط اللي تتحمله يسبب شعر في الفلنجه اما السبطانه نادرا ما تتأثر



بالنسبه للصورة اللي انت مرفق واضح ان الانفجار فوق منظم الغاز مباشره يعني والله اعلم ان سبب الانفجار الغاز نفسه يمكن ملعوب في وزنيته
لأن ببساطه لو التشوك له علاقة كان المفروض يكون الانفجار اااخر السبطانه (عند سنة التشوك) ما يكون في النص مثل ما هو واضح


وانت ذكرت :



السبب الرئيسي لإنفجار الماصورة هو وجود جسم داخل الماصورة (حلبيه - كاس - كربون) يجعل الحلبي ينحرف و يصدم ببعضه



يعني التشوك ما له اي علاقه بالموضوع
لان لو حصل انحراف بأسباب التشوك كان انفجر التشوك نفسه مو معقول التشوك يسبب انحرافات والانفجار يكون بوسط السبطانه


انا شفت تشوكات فيها شعر لكن غير اصليه وتصنيعها لك عليه
اما التشوكات الاصليه او الشغل المزبوط ما عليها خطر ان شاء الله
وسبق اني ذكرت ان عدم شد التشوك بمفتاح الربط الخاص او حتى باليد شد مزبوط او يكون التشوك المرهم فيه زياده عن السبطانه من الداخل بحيث يصطدم فيه الحلبي ممكن يسبب شعر بالتشوك نفسه او انتفاخ بالسبطانه او حتى انفجار لا سمح الله



احترم وجهة نظرك واقدر لك مشاركتك .. واذا تقدر تثبت ان الانفجار اللي بالسبطانه في الصورة بسبب التشوك يا ليت تفيدنا اكثر
قد تكون وجهة نظري خاطئه وقد تكون صائبه .. وما كتبت الموضوع الا لإبداء وجهات النظر



اشكرك اخي الكريم وتقبل تحياتي , ,,





ـــ

[الهاون]

الله يعطيك العافيه ياعاشق الدهناء
وأضم صوتي لصوتك بأن ال660 ماهوب ذاك الخطر اللي الناس تتوقع
و سبق لي ان نظمت فيه عشر طلقات مابين ضغط 38 و 36 ولله الحمد ماعينت منه الا العافيه
والأن استخدم 670 ولله الحمد من احسن مايكون
الـــ660 فيه زمه مع حذفه يسار
اما الـ670خذ سوق وتوزيع يبرد الكبد وانا انصح ملاك البيكال فيه
ال690 بصراحه ماقتنعت فيه ابدا رميه ماهو مباعد شد البلد وللواقع مايصلح
واتوقع ياعاشق الدهناء لو جربت الــــ 670 كان عطيته نسبه 98 بالميه
ملاحضه التشوكات اللي جربت كلها ترولوك
موفقين خير

[فارس الحربي1]

مشكور وماتقصر على الممعلومات

[بريتا2]

والله انا واعوذبالله من كلمة انا اقول جودة الصناعه ليست رئيسيه من ناحية السبب صحيح لها دور ولكن اقول الماصوره اللي تنفجريكون مرمي فيها ضغط عالي وناطح الهواء او يكون فيه شي داخل الماصوره وسبب الانفجار اما المنظم ماقد سمعت احد يقول ان الماصوره انفجرت من المنظم انا اذكرواحدرمافي بلجيك وانفجرت ماصورتها مع النص بالضبط والبلجيك معروفه ليست غازيه

[MSA-KSA]

العزيز عاشق الدهناء
الصورة اخذتها من منتدى talks.gun.ru (بالروسيه) وكان فيه نقاش حول سبب الانفجار وصاحب السلاح ذكر انه كان يرمي بتشوك ضيق (حبش)
وبعدين اسمح لي اقول ان تشبيهك التشوك بشي هامشي ماله علاقه بأي عطب قد يصيب السبطانه .. مثل شق المرتبه بالسيارة ,,, غير منطقي
التشوك فعليا على اسمه يخنق الفوهة وبالتالي يزيد الضغط داخل السبطانه والتمادي بزيادة الخنق لا بد ان يصاحبه بعض الحذر أولها عدم التدبيل


عدم وزن الغاز بالشكل الصحيح يخل بعملية التلقيم فقط لكن ما اعتقد انه بيتسبب بإنفجار

ما قصدته يا أخي العزيز ان الانفجار قد يحدث بسبب جسم متبقي في السبطانه من الرميه السابقه
وبقاء الجسم في السبطانه سببه هو الخنق العالي للسبطانه بواسطه تشوك ضيق والرمي المتتابع

بمعنى ان التشوك والتدبيل قد لا تكون السبب المباشر للانفجار لا سمح الله
ولكن قد تسبب ببقاء جسم تسبب في الانفجار في الرميه التاليه

انا ما اجزم وما استطيع اثبت .. ولكنها نصيحه لمن يرمي ب 660 انه ما يدبل ويكثر التنظيف
اولاً .. لوجود هالاحتمال وخطورته على الرامي لو صدق هالاحتمال
ثانيا .. لأن التشوك اصلا ما يصلح ترمي به تدبيل سواء مطيار او ثابت

[عااشق الدهناء]

الله يعطيك العافيه ياعاشق الدهناء
وأضم صوتي لصوتك بأن ال660 ماهوب ذاك الخطر اللي الناس تتوقع
و سبق لي ان نظمت فيه عشر طلقات مابين ضغط 38 و 36 ولله الحمد ماعينت منه الا العافيه
والأن استخدم 670 ولله الحمد من احسن مايكون
الـــ660 فيه زمه مع حذفه يسار
اما الـ670خذ سوق وتوزيع يبرد الكبد وانا انصح ملاك البيكال فيه
ال690 بصراحه ماقتنعت فيه ابدا رميه ماهو مباعد شد البلد وللواقع مايصلح
واتوقع ياعاشق الدهناء لو جربت الــــ 670 كان عطيته نسبه 98 بالميه
ملاحضه التشوكات اللي جربت كلها ترولوك
موفقين خير


حبــــــــــــــــــــــيب أأأأألبــــــــــــــــي انــــــــــــــــــــــــــــــــــــــت

اولا اشكرك على المشاركة والتعليق وابداء وجهة نظرك

اما بخصوص التشوك الــ 660 صحيح فيه حذفه يسار وطبيعي انه يـــزم لانه خابور

اما التشوك الـ 690 مثل ما تفضلت هو قريب جدا للتشوك ( F ) لكن نظمه للحلبي افضل بكثير من تشوك ( F ) وهو يعتبر ضيق نسبياً

اما التشوك الـ 670 ما جربته وبصراحه ما فكرت فيه لانه قريب من التشوك الـ 660 يعني الفرق بسيط وانا عندي 660 عشان كذا فكرت اخذ تشوك اوسع شوي عشان لو فيه جول ولا اكثر من طير ينفع ما يكون يسوق حيل واضطر اني ابعد مسافه اكثر
ومو معنى كلامي انه ما ينفع لا والله بالعكس قد يكون ممتاز جداً ومناسب لو انا جربته لكن بناء على كلامك ان شاء الله يكون هو المزبوط وترى لكل شخص وجهة نظر والله يهنيك به وتصيب فيه كل ما تحب

انا مثل ما وضحت بالموضوع صراحه حبيت اني اجرب الترهيم ورهمت تشوك يعادل التشوك الــ 680 لكن ميزته اطول منه باكثر من 1.6 انش ان ما كنت غلطان
وجربته واعجبني بصراحه لانه يسوق ويفرش وافضل من تشوكات الشد بلد بالف مره

ولا ننسى يا جماعة الخير ان ماصورة البيكال فيها عيب وهو انها بارده وما تحتمي مزبوط وتبداء تسوق زين الا بعد الفشقه الثانيه :good2:

تحياتي لك واشكرك مرة ثانيه على المشاركة ..


وحبيت اشكر الاخ ابوصالح في هذا الموضوع لانه فادني كثير بالقياسات اللي حطها بالموضوع وخلاني اعرف مقياس خرط التشوك اللي انا محتاجه وهذا رابط موضوعه

http://www.mekshat.com/vb/showthread.php?t=190883
ــ

[عااشق الدهناء]

مشكور وماتقصر على الممعلومات

اشكرك على مرورك وتحياتي لك ..

[عااشق الدهناء]

والله انا واعوذبالله من كلمة انا اقول جودة الصناعه ليست رئيسيه من ناحية السبب صحيح لها دور ولكن اقول الماصوره اللي تنفجريكون مرمي فيها ضغط عالي وناطح الهواء او يكون فيه شي داخل الماصوره وسبب الانفجار اما المنظم ماقد سمعت احد يقول ان الماصوره انفجرت من المنظم انا اذكرواحدرمافي بلجيك وانفجرت ماصورتها مع النص بالضبط والبلجيك معروفه ليست غازيه

يا بعدي انت ..
اشكرك اولا على المشاركة والتعليق على الموضوع

بالنسبه لجودة الصناعة اختلف معك اخوي وما ادري كان عندك خلفيه عن التركيات القديمة اللي تجيك بأأخر الماصوره كأنها كوع ربط سباك :D
تذركها ولا لا .. عموما اللي يعرفها راح يعرف كلامي لانها عادي تنفجر من فشق 32 ومن اول رميه بعد لان مصنعيتها رديه بالحيل بالحيل بالحيل

اما موضوع المنظم بصراحة اعترف لك اني ما ادري بالضبط هل هو يسبب انفجار ولا لا وقلت انا في ردي على الاخ العزيز MSA-KSA انه قد يكون المنظم والله اعلم يعني ما كنت متأكد ميه بالميه واشكرك على التوضيح بخصوص منظم الغاز ولو ان المسأله ما وضحت بالحيل بخصوصه لان ما فيه اثبات حتى الآن انه ممكن يسبب او لا

بخصوص البلجيك اللي انفجرت على كلامك هذا ممكن نعتبره دليل على ان المنظم ما له علاقه لكن ما ينفي ها الشيء لان ممكن يكون المنظم احد الاسباب مثل اي سبب ثاني ولا زلت اقول والله اعلم :)
وياليت اخوي توضح لي نقطه بس هل البلجيك كانت مصورتها شد بلد ولا مغيره ..!!
والضغط اللي رمى فيه ...!!

تحياتي لك واشكرك على المشاركة والرد وسماحة ردك ..


ـــ

[عااشق الدهناء]

العزيز عاشق الدهناء
الصورة اخذتها من منتدى talks.gun.ru (بالروسيه) وكان فيه نقاش حول سبب الانفجار وصاحب السلاح ذكر انه كان يرمي بتشوك ضيق (حبش)
وبعدين اسمح لي اقول ان تشبيهك التشوك بشي هامشي ماله علاقه بأي عطب قد يصيب السبطانه .. مثل شق المرتبه بالسيارة ,,, غير منطقي
التشوك فعليا على اسمه يخنق الفوهة وبالتالي يزيد الضغط داخل السبطانه والتمادي بزيادة الخنق لا بد ان يصاحبه بعض الحذر أولها عدم التدبيل


عدم وزن الغاز بالشكل الصحيح يخل بعملية التلقيم فقط لكن ما اعتقد انه بيتسبب بإنفجار

ما قصدته يا أخي العزيز ان الانفجار قد يحدث بسبب جسم متبقي في السبطانه من الرميه السابقه
وبقاء الجسم في السبطانه سببه هو الخنق العالي للسبطانه بواسطه تشوك ضيق والرمي المتتابع

بمعنى ان التشوك والتدبيل قد لا تكون السبب المباشر للانفجار لا سمح الله
ولكن قد تسبب ببقاء جسم تسبب في الانفجار في الرميه التاليه

انا ما اجزم وما استطيع اثبت .. ولكنها نصيحه لمن يرمي ب 660 انه ما يدبل ويكثر التنظيف
اولاً .. لوجود هالاحتمال وخطورته على الرامي لو صدق هالاحتمال
ثانيا .. لأن التشوك اصلا ما يصلح ترمي به تدبيل سواء مطيار او ثابت


يا بعدي انت .. يا جعل عيني ما تبتسيك ;)
بصراحه انت اتحفت الموضوع بمعلوماتك خصوصاً في هذا الرد
كان كلامك مباشر وواضح اكثر

الآن بس فهمت قصدك من ان التشوك الضيق يسبب انفجار لانه يبقي اجزاء من بعد الانفجار في السبطانه بسبب انه ضيق .. اوكيه
اسمح لي هل انت متأكد ميه بالميه ان اي جسم يبقى في السبطانه ( الماصوره ) هو بسبب ان التشوك ضيق ..!!
اذا انت متأكد هذي معلومه جديده اضيفها لمعلوماتي واشكرك عليها
اما اذا المسأله هي تخمين وتوقع هذا شي ثاني

الشي الاهم انك قلت ما اجزم ولا استطيع ان اثبت هذا الكلام
اجل بناء على اي اساس قلت ان سبب وجود اجزاء بعد انفجار الفشقه ( الخرطوش ) هو بسبب ضيق التشوك ..!

اضاف اخوي بريتا2 معلومه وهي انه سبق وشاهد سبطانه منفجره من نوع بلجيك وحتى الآن ما وضح لنا هل الماصورة شد بلد ولا مررهمه ولها تشوكات اذا هي شد بلد معناها ان التشوك ما له اي علاقة .. ولا انا غلطان ..!!

اخي سواء انت أو غيرك من المشاركين بالموضوع .. اقسم بالله الغرض من طرح التساؤلات ليس لغرض اثبات ان ما ذكرتم خطاء أو أنني احاول اثبات وجهة نظري على حساب وجهات نظركم .. لا والله
القصد ان نستفيد جميعاً .. والدليل انني معجب حقيقة بردودك وما ذكرت
واخذني كثيراً التفكير بوجهة نظرك

في النهاية قد اكون مخطئ وانتم صائبون وما ابحث عنه في هذا الموضوع ما هو الا فائدة للجميع وأنا على رأس المجموعه

لم اكتب الموضوع إلا لتبادل وجهات النظر مما يفيد الاخرين

اشكر كل ما شارك وتحياتي للجميع . ,,,

ــ

[شفت]

يعطيكم الف عافية على الموضوع والردور وبصراحة حيرتوني اناعندي660و كنت ناوي 690 والحين تشوش تفكيري ومحتار 690 او680 او670

[عااشق الدهناء]

يعطيكم الف عافية على الموضوع والردور وبصراحة حيرتوني اناعندي660و كنت ناوي 690 والحين تشوش تفكيري ومحتار 690 او680 او670



يا هلا وسهلا .. حياك الله يا بعدي

اخوي بالنسبه للـ 660 تعتبر ضيقه جداً ( خابور )
وبالنسبه لباقي التشوكات اللي انت ذكرت الشباب عطوهن حقهن من المدح ولا تنسى انه كل ما كبر الرقم صار التشوك اوسع

وبالنسبه لي انا بصراحه افضل 680 لاني سويت تشوك ترهيم نفس المقاس تقريبا ولكن اطول شوياات واعجبني رميه بالنسبه للسوق والفرش

واذا تبي رأيي لا تاخذ ضيق مره ولا وسيع مره خلك على الوسط :good2:

ولي عودة ان شاء الله راح اوضح بعض المخاطر حقت التشوك الضيق لاني اكتشفتها خلال اليومين اللي مضن بناء على تجارب ناس آخرين

تحياتي لك , ,,

[الهاون]

حياك الله يا شفت ولا قصر اخوي عاشق الدهنا عطاك رايه. وانا بعطيك رائيي. انا سبق لي ان جربت ترهيم القصيم ولا نفع حيث انه يزم زم ماهو طبيعي وقمت وخرطته خليته 675 ونجح بعض الشئ الا انه للبعيد بارد يعني من 40 الى 50 متر وفوق بارد. ورجعت على 660 فتره وتالي شريت670 مخرق ولله الحمد من احسن مايكون من يوم شديته بخشم البندق مافكيته سوق طيب وتوزيع اطيب فأنا والله انصحك به. اما ال680 انا والله ماجربته لكن يمكن يكون ناجح وهو يعادل ماصورة المنتريال. والضيق دايم وانا اخوك مرغوب×

[عااشق الدهناء]

حياك الله يا شفت ولا قصر اخوي عاشق الدهنا عطاك رايه. وانا بعطيك رائيي. انا سبق لي ان جربت ترهيم القصيم ولا نفع حيث انه يزم زم ماهو طبيعي وقمت وخرطته خليته 675 ونجح بعض الشئ الا انه للبعيد بارد يعني من 40 الى 50 متر وفوق بارد. ورجعت على 660 فتره وتالي شريت670 مخرق ولله الحمد من احسن مايكون من يوم شديته بخشم البندق مافكيته سوق طيب وتوزيع اطيب فأنا والله انصحك به. اما ال680 انا والله ماجربته لكن يمكن يكون ناجح وهو يعادل ماصورة المنتريال. والضيق دايم وانا اخوك مرغوب×

اخوي الهاون .. ادري اني دخلت عرض وانت موجه الكلام لأخونا شفت

لكن اسمح لي عندي سؤال لك
التشوك المرهم اللي انت جربته هو من تهريم القصيم ولا اللي يجي من برا ( ان ما خاب ضني من سوريا ) ...!!
ويا ليت تعطيني كم كان طول التشوك بالأنش ولا عليك امر


تحياتي لك

[الهاون]

مايامر عليك عدو ياعاشق الدهناء
والموضوع موضوعك واتشرف بردي عليك ومداخلتك لي

والتشك اللي اقول على كلام اللي اخذته منه يقول تصنيع القصيم
وطوله 4 انش
وهذي صورته منقوله من منتدى مجاور واعتذر لصاحب الصوره


http://up.arab-x.com/May11/51K76885.jpg

[عااشق الدهناء]

مايامر عليك عدو ياعاشق الدهناء
والموضوع موضوعك واتشرف بردي عليك ومداخلتك لي

والتشك اللي اقول على كلام اللي اخذته منه يقول تصنيع القصيم
وطوله 4 انش
وهذي صورته منقوله من منتدى مجاور واعتذر لصاحب الصوره


http://up.arab-x.com/May11/51K76885.jpg



الشرف لي يا بعدي .. والموضوع للجميع يا الغالي

واشكرك على التجاوب ووضع الصوره

بالنسبه للتشوك اتوقع انه من شغل خارجي شفت مثله وسألت وقالوا انه مصنع برا السعودية والله واعلم

اللي عندي يختلف عن هذا بالشكل حى اللون اللي عندي ما يرش اسود

وان شاء الله اليوم راح اسوي تجربه على التشوك وراح ارفق صور عن مستوى الرمي وتوزيع الحلبي بكره ولا بعده بالكثير ان شاء الله

تحياتي لك ,, وللجميع

[منفلت]

ياعيال ابي كلام عن تجربة شخصيه ومعاينة 100 %

ايهن افضل تشوكات والله احترت زي الكثيرين

690 او 660 للبيكال

لان دايم المقارنة بينهم

وعندي سؤال ايهم اضوق تشوك ال690 او 660 وايهم افضل بالسوق والفرش

والله لايحرمنا منكم

[عااشق الدهناء]

ياعيال ابي كلام عن تجربة شخصيه ومعاينة 100 %

ايهن افضل تشوكات والله احترت زي الكثيرين

690 او 660 للبيكال

لان دايم المقارنة بينهم

وعندي سؤال ايهم اضوق تشوك ال690 او 660 وايهم افضل بالسوق والفرش

والله لايحرمنا منكم

حياك الله يا الغالي .. ان شاء الله خلال الساعات الجايه راح انزل تجربه شخصيه

وانت اخوي سألت وما ادري قريت الموضوع زين ولا لا

بالنسبه للــ 660 ضيق ( خابور ) وهو اضوق من الـ 690

الــ 660 يسوق اكثر
الـ 690 يفرش اكثر

لكن الكثير والكثير قالوا ان الـ 660 خطر لانه ضيق بالحيل وممكن يسبب انفجار للسبطانه

وبصراحه بحثت كثير وكثير وما خليت احد الا وسألته كلن يقول كلام

وبالنسبه لأهل الخبره بالسلاح ( حقين الصيانة ) سألت واحد متخصص بالتشوكات وقال نعم ممكن الـ 660 يسبب انفجار للسبطانه وطلبت منه رأي جازم واكيد وقال ما اقدر أأكد لك لكن بناء على معطيات ان التشوك ضيق جداً ممكن يسبب انفجار لا قدر الله

بالنسبه لي التشوك موجود عندي وانا استخدمه ولله الحمد ما صار شي لكن ما اعجبني لانه يسوق بالحيل وما يصلح للقميري وممكن يكون افضل اذا استخدمته للطيور الكبار او الارانب او الضبان

تحياتي لك ,, وجاري انزال التجربة , ,,

[عااشق الدهناء]

أخواني المكشاتيه .. تحيه طيبه


اليوم جايب لكم تجربه على التشوك المرهم اللي سويته عند احد المحلات الخاصة بصيانة الاسلحه وبناء على طلبي بالمقاسات واللي سبق ووضحته في هذا الموضوع إضافة إلى تجربة بتشوك الــ 660


طبعاً ما اخفيكم بناء على طلب أحد الاخوان في الاستراحه انه يقوم هو بالرمي على الهدف وما كان عندي اي مانع لأني اعرفه بواردي ( امحق بواردي ) وهو طبعاً اللي جايب الفشق لان ما عندي الا 28 و 36 وكنت ابي اسوي التجربة على فشق 32
( كأنه يقول الفشق فشقي انا اللي برمي ) :D ( يموون ابوعزيز )


نجي الحين للأدوات المستخدمة في التجربة


السلاح المستخدم بيكال (روسي)


أولاً : التشوكات
التشوك المرهم :
طول التشوك بالـ الأنش = 5
طول التشوك بالـ ملم = 127
ضوق التشوك بالأنش = 681 يعتبر 680 تقريباً
ضوق التشوك بالـ ملم = 17,3


وهذي هي صورة التشوك المرهم


http://www.mekshat.com/pix/upload05/images220/mk185619_681.jpg



تشوك الـ 660 :
طول التشوك بالـ الأنش = 2,87
طول التشوك بالـ ملم = 73
ضوق التشوك بالأنش = 660
ضوق التشوك بالـ ملم = 16,77


وهذي صورة التشوك


http://www.mekshat.com/pix/upload05/images220/mk185619_0.jpg



وهذي صورة توضح الفرق بالطول بين التوشكين


http://www.mekshat.com/pix/upload05/images220/mk185619_680&660.jpg



ثانياً : الفشق
ضغط = 32
رقم = 7,5
نوعه = فيوشي أو فيوتشي ( ناس كذا وناس كذا ) اللي لونه فوشي ( موف ) ما ادري هذا فشق ولا روج نسائي :p



ثالثاً : الهدف
صحائف ورقيه وضعت على جدار



نجي للتجربه ...
أول شي احب اوضحه .. طلبت من الرامي انه يرمي في نقطة الهدف مباشرة عشان يوضح اذا السلاح يرجف ( يزم ) ولا لا .. وأكثر مكان يتواجد فيه الحلبي
وتم إختيار مسافة 40م كــ تجربه بين التشوك الــ 660 و 680 ( المرهم )
ومسافة 20م للتشوك 680 فقط لأن التشوك الـ 660 ما يصلح ابدا للمسافات القريبة
( واختيار هذي المسافات لان اغلب الصياده يرمي ما بين هذي المسافتين تقريبا )



أول تجربة كانت بإستخدام تشوك الــ 660 على بعد مسافة 40 متر


http://www.mekshat.com/pix/upload05/images220/mk185619_40&660.jpg



التجربة الثانية كانت بإستخدام تشوك الـ 680 ( المرهم ) على بعد مسافة 40


http://www.mekshat.com/pix/upload05/images220/mk185619_40&680.jpg



التجربة الثالثة كانت بإستخدام تشوك الـ 680 ( المرهم ) على بعد مسافة 20


http://www.mekshat.com/pix/upload05/images220/mk185619_20&680.jpg




أول شيء نلاحظ ان الحلبي فوق وهذا دليل ان البيكال ( تزم )
أو ( الرامي مب نشيط ):p
ثاني شيء واضح قوة التأثير بالتجربة الأولى عن التجربة الثانية وهذا يدل على ان الــ 660 تسوق اكثر
مع العلم ان في كل التجربتين الأولى والثانية الجدار اللي خلف الصحائف تأثر ولكن تأثر من التجربة الأولى بشكل اكبر
ولو لاحظنا الفرق في التجربة الأولى والثانية والفرق بين توزيع الحلبي على الهدف راح نتأكد ان التجربة الثانية افضل بكثير من التجربة الأولى من ناحية الفرش والنظم بدقة اكبر


بالنسبة للتجربة الثالثة توضح انه بالإمكان الرمي بهذا التشوك على مسافات قريبة وما يحتاج الواحد يبعد عشان يفرش الحلبي ويعتبر فرشها جيد من هذي المسافه مع ان الحلبي كان ماخذ بيسار شوي :(


ومن خلال هذي التجارب اتضح لي ان تشوك 680 ( المرهم ) أفضل من تشوك الـ 660 ( وجهة نظري ) لأنه يسوق ويفرش ونظمه ممتاز


طبعاً سبق لي وجربت تشوك الـ 690 اللي استعرته من احد الزملاء عشان اجربه قبل ما اشتري واتضح لي انه يفرش بشكل ممتاز لكن السوق مو بالحيل وإن ما كانت واهم فرشه نفس فرش ( التشوك المرهم ) بنسبه عاليه ويظل التشوك المرهم افضل منه بالسوق


قبل ما اشتري البيكال سألت وأكثر ملاكها واللي جربها قالي انها تاخذ بيسار شوي
وأول ما شريتها جربتها مره على قواطي واكتشفت ها الشي لكن بشكل بسيط وكنت اعتقد انه من التشوك ولكن مع تغيير التشوكات لاحظت نفس المشكله
عموما كل شخص يعرف مرمى سلاحه راح يتعود عليه ويعرف وزنيته


اتمنى اكون افدت بالتجربه هذي .. والعذر والسموحه على القصور ترى هذي اول تجربة اسويها وانزلها بها الطريقة واكيد فيه قصور


التعليق لكم احبتي .. وتقبلوا تحياتي ,,,,





ــ

[أبوعابد 22]

الله يعكيك العافيه تقرير رائع ومعلومات مفيده عن التوشكات

[1711]

يعني أحسن تشك للطيار وشو تراي دخت أنا عندي 660 و 690 . ولا أحلتهن كلهن وأبيع البندق وأتعوذ من الشيطان وتصفي على فراخة حمام 0

[عشقي دحروج]

اخوي عاشق يعطيك العافيه على مجهودك

بالنسبه للسبطانه هل هي 28 انش او 30

[talak511]

الله يعطيك العافيه معلومات قيمه

[اقوى الرجال]

اخوي عاشق يعطيك العافيه على مجهودك

وبيض الله وجهك شغل متعوب عليه

[عااشق الدهناء]

الله يعكيك العافيه تقرير رائع ومعلومات مفيده عن التوشكات


الله يعافيك يا الغالي .. ويسرني إستفادة الجميع





يعني أحسن تشك للطيار وشو تراي دخت أنا عندي 660 و 690 . ولا أحلتهن كلهن وأبيع البندق وأتعوذ من الشيطان وتصفي على فراخة حمام 0


والله فراخة الحمام ما مثلهن :good2:


يا بعدي انت .. تشوك الــ 660 ضيق واذا انت قريت الموضوع زين راح تعرف
أما تشوك الــ 690 ممتاز بالفرش


اما وش يصلح للطيار .. يا الغالي حسب تعودك على االسلاح والتشوك اللي تستخدمه ولا تنسى الفشق يلعب دور ويمكن الــ 660 يصلح للطيار بس يبي بواردي لانه يسوق اكثر بس ممكن يكون فيه خطر على حسب ما سمعنا


ويا ليت تقرا الموضوع بمتعن اكثر وراح تسفيد ان شاء الله




اخوي عاشق يعطيك العافيه على مجهودك





بالنسبه للسبطانه هل هي 28 انش او 30




حياك الله يا الغالي .. اشكرك على الاطراء وان شاء الله اكون وفقت في الطرح

بالنسبه للسبطانه = 28 انش







الله يعطيك العافيه معلومات قيمه





الله يعافيك .. وان شاء الله اكون افدت واستفدت منكم



ــ

[عااشق الدهناء]

اخوي عاشق يعطيك العافيه على مجهودك





وبيض الله وجهك شغل متعوب عليه





الله يعافيك يا بعدي .. ووجهك ابيض


اشكرك على الطراء وان شاء الله اكون وفقت في الطرح

[راعي هدد 2007]

اخوى عاشق انا عندى 30 انش بيكال جربت كثير من انواع الفشق ماناسب الا الفوب الفرنسى 36على 6
وانقطع هل 32 مناسب لطيار
والتشوك690
وانا جربته على الواقع 690والله وحده بوحده طيرة مايطير بس فى الفوب والباقى
ارسى كاكا تطير صويب معقوله الفشق له دور كبير فى الموضوع وشكرا

[عااشق الدهناء]

اخوى عاشق انا عندى 30 انش بيكال جربت كثير من انواع الفشق ماناسب الا الفوب الفرنسى 36على 6




وانقطع هل 32 مناسب لطيار

والتشوك690
وانا جربته على الواقع 690والله وحده بوحده طيرة مايطير بس فى الفوب والباقى
ارسى كاكا تطير صويب معقوله الفشق له دور كبير فى الموضوع وشكرا






يا هلا وغلا .. حياك الله يا بعدي منور الموضوع


أول شي يا الغالي انا ضد فكرة ان السلاح ما يصلح له الا نوع معين من الفشق أو شركة معينه .. وانا اهنا أأكد ان مصنعية الفشق هي اللي تلعب دور .. تقولي كيف ..!
اقولك .. الفشق يجي اصلي وفيه انواع معاد تعبئتها حسب ما ذكر بعض الاخوان ) وفيه انواع مقلده نفس الاصلي بس فيه اختلافات في الكتابة على الفشق
وهذا موضوع للأخ ابوفهيدان يوضح كيف تعرف الفشق الأصلي من المقلد على هذا الرابط


http://www.mekshat.com/vb/showthread.php?t=255334 (http://www.mekshat.com/vb/showthread.php?t=255334)


وبالنسبه لي انا دايم ارج الفشقه اذا كان الصوت قوي(تسمع الحلبي يخترش مع بعضه ) معنى ها الشي ان فيه فراغ داخل الفشقه هذا الفشق لك عليه .. لان الكبس سيء وبعد ما قريت موضوع الأخ ابوفهيدان افادني كثير وأكد وجهة نظري


الشي الثاني .. بالنسبه هل الـ 32 مناسب للطيار ولا لا
يا الغالي حسب نوع الطير وحسب المسافة وحسب الهواء هل هو معك ولا ضدك في الرمي
ترى احنا فينا عيب نبي سلاح يصيد طيارات .. ولا يخطي ابدا ويصيد جميع الأنواع


الطيار وانا اخوك اول شي واهم شي يلزمه انك تكون بواردي
( ما اقصد التقليل من شأنك ولكن للتوضيح فقط )
بمعنى انك تعرف تقدر المسافة وتوقيت الرمي عشان الحلبي يوافق الطير عند مروره الشي الثاني وسبق اني وضحته هنا لازم تجرب سلاحك على صحيفة أو اي شي يوضح لك هل السلاح فيه حذفه ولا لا
وعشان تعرف وزنيته بدقه أكبر
وإن كنت اشوف ان ضغط 36 رقم 6 مناسب للطيار ما عدا الطيور الكبيره مثل الكرك


التشوك الـ 69 ممتاز جدا في الفرش وأتوقع والله العالم انك انت ترمي من مسافة بعيده وهذا معناه ان عدد الحلبي اللي يصيب الطير قليل جداً ولا يأتثر بالإصابة الا بعد فتره لان عيب التشوك هذا يفرش اكثر من انه يسوق وكل ما ابعدت فرش اكثر وقل عدد الحلبي اللي يصيب جسم الطير واعتقد وهذي ( وجهة نظري ) ان افضل مسافة للرمي بالتشوك هي المسافة من 20 إلى 25 م


اتمنى اكون افدتك ولو بشي بسيط .. وهذي وجهة نظري


تحياتي لك , ,,,



ــ

[راعي هدد 2007]

[QUOTE=عااشق الدهناء;6959414]





يا هلا وغلا .. حياك الله يا بعدي منور الموضوع



أول شي يا الغالي انا ضد فكرة ان السلاح ما يصلح له الا نوع معين من الفشق أو شركة معينه .. وانا اهنا أأكد ان مصنعية الفشق هي اللي تلعب دور .. تقولي كيف ..!

اقولك .. الفشق يجي اصلي وفيه انواع معاد تعبئتها حسب ما ذكر بعض الاخوان ) وفيه انواع مقلده نفس الاصلي بس فيه اختلافات في الكتابة على الفشق

وهذا موضوع للأخ ابوفهيدان يوضح كيف تعرف الفشق الأصلي من المقلد على هذا الرابط







http://www.mekshat.com/vb/showthread.php?t=255334 (http://www.mekshat.com/vb/showthread.php?t=255334)




وبالنسبه لي انا دايم ارج الفشقه اذا كان الصوت قوي(تسمع الحلبي يخترش مع بعضه ) معنى ها الشي ان فيه فراغ داخل الفشقه هذا الفشق لك عليه .. لان الكبس سيء وبعد ما قريت موضوع الأخ ابوفهيدان افادني كثير وأكد وجهة نظري




الشي الثاني .. بالنسبه هل الـ 32 مناسب للطيار ولا لا

يا الغالي حسب نوع الطير وحسب المسافة وحسب الهواء هل هو معك ولا ضدك في الرمي

ترى احنا فينا عيب نبي سلاح يصيد طيارات .. ولا يخطي ابدا ويصيد جميع الأنواع







الطيار وانا اخوك اول شي واهم شي يلزمه انك تكون بواردي

( ما اقصد التقليل من شأنك ولكن للتوضيح فقط )

بمعنى انك تعرف تقدر المسافة وتوقيت الرمي عشان الحلبي يوافق الطير عند مروره الشي الثاني وسبق اني وضحته هنا لازم تجرب سلاحك على صحيفة أو اي شي يوضح لك هل السلاح فيه حذفه ولا لا
وعشان تعرف وزنيته بدقه أكبر
وإن كنت اشوف ان ضغط 36 رقم 6 مناسب للطيار ما عدا الطيور الكبيره مثل الكرك







التشوك الـ 69 ممتاز جدا في الفرش وأتوقع والله العالم انك انت ترمي من مسافة بعيده وهذا معناه ان عدد الحلبي اللي يصيب الطير قليل جداً ولا يأتثر بالإصابة الا بعد فتره لان عيب التشوك هذا يفرش اكثر من انه يسوق وكل ما ابعدت فرش اكثر وقل عدد الحلبي اللي يصيب جسم الطير واعتقد وهذي ( وجهة نظري ) ان افضل مسافة للرمي بالتشوك هي المسافة من 20 إلى 25 م




اتمنى اكون افدتك ولو بشي بسيط .. وهذي وجهة نظري




تحياتي لك , ,,,











مشاء الله


تبارك الله كفيت ووفيت وبيض الله وجهك صحيح انا ارمى من بعيد ومتفق معك فى بعض الكلام واختلف معك فى بعض الكلام
اختلف فى ان بعض الفشق يختلف فى الرمى والمسافات وبعضه بارد ونضمه شين شين
والف شكر لك الف شكر]

[عااشق الدهناء]

[QUOTE=راعي هدد 2007;6960688]


مشاء الله


تبارك الله كفيت ووفيت وبيض الله وجهك صحيح انا ارمى من بعيد ومتفق معك فى بعض الكلام واختلف معك فى بعض الكلام
اختلف فى ان بعض الفشق يختلف فى الرمى والمسافات وبعضه بارد ونضمه شين شين
والف شكر لك الف شكر]


يا بعدي انت .. ووجهك ابيض واشكرك على الطراء

اولا انا ما قلت ما يختلف .. قلت يختلف لكن السبب المصنعية السيئة


يعني ما اتوقع ان الـ ار سي مو جيد على كلامك انك جربته وما نفع معك وان الفرنسي افضل منه
سبق ووضحت ان التقليد هو السبب الرئيسي في رداءة الفشق


اما ناحية المسافات اكيد يختلف من ضغط لضغط مثلا ضغط 28 ما يقارن بضغط 36 هذا شي اكيد لكن انا اتكلم عن الفشق الاصلي ويكون نفس الرقم والضغط ما اتوقع فيه فرق وان كان فيه فرق ما اتوقع يكون كبير بحيث ان هذا يصيب وهذاك ما يصيب


واذا عندك فشق ار سي تشوف انه ما اعجبك وتبي تبيع تراي شراي :good2:



تحياتي لك , ,,,



ـ

[البطاحي]

موضوع شيق وممتع
بارك الله فيك

[as00]

تسلم اخوي عااشق الدهناءعلي الموضوع المهم وانا لي تعليق اذا تسمحلي عن انفجار السبطانة سببه الرئيسي هو ضيق الشكات من الداخل من مايجعل الحلبي ينحسر في فوهة التشكات ويسبب ذالك اما انفجار السبطانه او ان تطير التشكه او ان تنتفخ السبطانه انحلال التشكه يسبب ردات الصواب بمعنا يكون الصواب بارد >انامركب تشكه مرهمه ولها الحين حوالي اربع سنوات رميت فيها جميع انواع الفشق والحمد لله من احسن مايكون والتشكه المرهمه الحمدلله ترمي مرامي الطوال وتغير رمي البندق ميه بالميه بعد تركيبها عن شد البلاد ويجب قبل تركيب اي تشكه التأكد من مقاس التجويف هل هو مطابق لسبطانه او لا حتي لايحدث مشاكل باذن الله تعالي> وبالتوفيق<

[محمد الشمروخ]

اخواني الاعزاء
فيه تشك امريكي ٦٨٠ و ٦٧٥ خارجي رمي خالي بلى ترهيم لان الترهيم ينجح مع واحد وعشره لا ما ينجح
الكلام من تجربه حتى البنلى يركبون ٦٨٠ و ٦٧٠ ناجحات ١٠٠٪ ×

[الوافي 2007]

سبحان الله وبحمده سبحان الله العضيم

[اقوى الرجال]

يعطيك الف عافيه

[provoked]

مطلووب تشوك امريكي 675 طويل
تكفون يالنشاما للبيكال

[hadi.9]

حقيقه موضوع مفيد والله يجزاكم خير جميع

على المعلومات القيمه

استفدت من خبراتكم لاعدمتكم

في رعاية المولى

[ابن كديميس]

بعض المواصير اذا دبلت فيها واجد تسخن وتجمر وينشب الكاس البلاستيك فيها وبعدها تنفجر ولا تنتفخ وماتسخن الا بسبب جودت حديدها او تركيب تشك ضيق
وغاز البيكال اذا قفلت عليه ياثر بالجهاز واذا فتحت عليه ماتحذف الفارغ ماله علاقه بالماصوره وانفجارها.