المساعد الشخصي الرقمي

مشاهدة النسخة كاملة : وين ازين كهربائي يركب بطاريه ثانيه لvxr


مزاجي
31/12/2005, 06:24 PM
ياخوان بغيت اركب بطاريه ثانيه لموتري ولمبه في الكبوت علما ان موديل السياره 2005

ابي شي قريب مني يعني بالدمام ولا الخبر اهم شي يكون شغله نظيف
عطارد
02/01/2006, 08:55 AM
السلام عليكم ورحمة الله وبركاته

عندك الدفع الرباعي بالدمام مخطط91 شارع الخوارزمي هاتف 8182171 / 0507552644 / 0506832094 فيه سوداني اسمه نبيل ممتاز والثاني اسمه ابوداود لك عليه
يركبون بطاريه اضافية بـ1200 ريال
بصراحة انا قيمت التكاليف وهي
بطاريه اسي دلكو 65 امبير 210 ريال
قاعدة بطارية 50 ريال
قاعدة فيوزات كامله 150 ريال
كتاوت 100 ريال
لمبات كبوت عدد 2 100 ريال
اسلاك ولوازم اخرى 50
شغل يد 200 ريال
المجموع 860ريال وهذا السعر المعقول لكن ما باليد حيله ما ودك تعبث بالسياره ثم تنعدم
مزاجي
02/01/2006, 01:28 PM
الله يجزاك خير يا عطارد

انا كلمتهم اليوم الصبح وقال نعطيك ضمان على التمديدات بس سنتين

شلون شغلهم معك يبيض الوجهك ولا يبين انه ترهيم واضح
نمر بن حثلين
02/01/2006, 08:47 PM
ياخوي موترك جديد حرام تخليهم يتعبثون في كهربه

شف عندك هذا الشاحن
http://altura.speedera.net/ccimg.catalogcity.com/200000/204500/204512/Products/8782685.jpg

لو فضت بطاريتك ولا اشتغل الموتر اشبك الشاحن عليها وعلى طول تشتغل

تلقاه عند ساسكو بحدود 250 ريال
nsa10000
02/01/2006, 09:55 PM
ياشباب نفس الطلب بس فى الرياض وابى اعرف افضل كنود
النجم الهاوي
03/01/2006, 12:55 AM
اخوي مزاجي

صبحك الله بالخير

فيه كهربائي مشهور بالدمام نسيت اسمه يماني معي جيب 2005 مركب بطاريه اضافيه عنده وترى عنده زحمة

تحصله في شارع المزارع بجنب الدفاع المدني الجدار بالجدار في محل بنشر وهو له محل كهربائي

وشارع المزارع هو الشارع الشرقي للمستشفى المركزي

طبعا انا شريت الاغراض وجبته له بس توهقت مالقيت قاعده للبطاريه بس بكره بمر السوداني اللي ذكروه الاخوان في محل الدفع الرباعي بشوف اذا هو يركب قاعده والا لا

على فكره انا مركب البطاريه لي سنه وكل شئ تمااااام وحتى لمبة الكبوت مركبه عندهم
مزاجي
03/01/2006, 12:37 PM
نمر بن حثلين

مشكور وماقصرت بس هاذي شغلتها شغله شيل وحط بس ممكن افكر فيها اذا ماعجبني شغل السودانيه

النجم الهاوي

حياك الله اثر قريب عندنا ... بس بشر عسى التمديدات تمام واهم شي السعر كم هوبه بعدين وصلك اسلاك داخل السياره للايكوم ؟؟؟
النجم الهاوي
03/01/2006, 03:22 PM
نمر بن حثلين

مشكور وماقصرت بس هاذي شغلتها شغله شيل وحط بس ممكن افكر فيها اذا ماعجبني شغل السودانيه

النجم الهاوي

حياك الله اثر قريب عندنا ... بس بشر عسى التمديدات تمام واهم شي السعر كم هوبه بعدين وصلك اسلاك داخل السياره للايكوم ؟؟؟

هلا بك

التمديدات تماام ولاعليها ملاحظااااااااات

والسعر والله اني ناسي بس مهوب غااااااااالي وبالنسبه للايكوم جبت السلك ووصله لي

وترى شغلهم جدا ممتاز هذا بالنسبه للي في شارع المزارع
nsa10000
03/01/2006, 11:56 PM
وين اهل الرياض

الله يجزاكم خير توني شارى جيب لاندكروزر Gxr 2006

وودى اصير راعي بران واركب هالحركات وودي تدلوني على واحد شغله ممتاز وسعره معقول
العا ذر
04/01/2006, 01:36 AM
اللى وده يخرب بطريته الاصليه- والسلف والديلكو يركب بطاريه ثانيه